#ဖေဖေ ( အပိုင်း -၅)

#ဖေဖေ

( အပိုင်း -၅)

#ခင်နှင်းယု

''ကဲ... ကဲ... ဘာဖြစ်မှန်းမသိတာကို ဒီလိုလုပ်နေလို့မဖြစ်ဘူး...''ဟုဆိုကာ သူ့ကားနှင့်ပင် တိုက်ရိုက် ရန်ကုန်သို့ ခေါ်ယူလာ၍ ဒေါက်တာဒေါ်မြမြအေး၏မြရတနာဆေးတိုက်တွင် ပြရတော့သည်၊ ဒေါ်မြမြ အေးက ဆေးထိုးပေးခါ လူးရန်ဆေးနှင့် မီးကင်ဖို့ (အင်ဖရာမီးခွက်)ပါ တခါထည်းပေးလိုက်ပါသည်။

ထိုအခါမှစ၍ ကျမသည် မှော်ဘီအိမ်တွင် အကိုကြီးကို ထမင်းချက်ကျွေးဖို့ ထမင်းချက်တယောက်နှင့် သာ ထားရတော့သည်၊ ကျမကတော့ လိုက်မသွားနိုင်တော့ပေ။

သို့သော်... ကျမ၌ ၀ိပါက၀ဋ်သည် ကြီး၏။ ခြေထောက်ကောင်းလာသည့်တပြိုင်နက် နှစ်ပေါင်း ၁၅နှစ် လုံးလုံး သမီးကြီးမိ ငယ်ကတည်းကနေလာသော မအေးသင် သည် အိမ်မှထွက်သွား၏။ ဖေဖေ့ကိုပြုစု သော မလှိုင်သည် ခွင့်နှင့် ကျုံကဒိုးသို့ပြန်သွားသည်။ ထို့ကြောင့် ကျမသည် ခြေထောက်ကောင်းကတည်းက ဖေဖေ့ကို ချက်ပြုတ် ကျွေးနေရတော့သည်။ သမီးကိုမူ ဆေးသိပ္ပံ အမှတ်(၂)တွင် ကျောင်းအိပ် ကျောင်းစား ပို့ ထားလိုက်၏။

သားအဖကား စကားမပြောပါ။

''ငါ့ကိုလေ သူက အခုစကားမပြောတော့ဘူး'' ဆွေမျိုးလာသမျှကိုတိုင်၏။

ကျမကတော့ မနက်ခြောက်နာရီ ထုံးစံအတိုင်း ထမင်းကြမ်းကျော်နှင့် ကော်ဖီကို သူ့အိပ်ခန်းသို့သွားပို့ ၏။ ဘုရားဆောင် ဖေဖေဆွမ်းကပ်ရန် ဆွမ်းပြင်ပေး၏။ ဈေးသွားထမင်းချက် အချိန်မှန်မှန်တော့ သူ့ အိပ်ခန်းသို့ ထမင်းနှင့်အစားအစာပို့ပေးပါသည်၊ ကျန်တာတော့ ဘာလုပ်နေနေ မပြောပါ။ သူလိုလားအပ် သောအချိန်တွင် သူလိုချင်သော အစားအစာကို လုပ်ပေးလိုက်၏။ ဖေဖေကြိုက်သော အမဲသားနှပ်ပေးရ တိုင်း ''ယခုလို ကြည်ကြည် ဖြူဖြူနှင့် ချက်ကျွေးရသော ကုသိုလ်ကြောင့် နောင်ဘ၀၌၀ဋ်မလိုက်ပါစေ နှင့်''ဟူ၍ ဆုကလည်း အမြဲတောင်းမိ။

စာအုပ်ကိစ္စနှင့် ထုတ်ဝေသူများက လာရောက်စကားပြောသောအခါ ယခင်လိုဧည့်ခန်းတွင် ဧည့်မခံနိုင် တော့ပေ။ သူတို့သည် ကျမရှိရာ မီးဖိုချောင်သို့ဝင်လာ၍ စားပွဲနားက ကုလားထိုင်တွင်ထိုင်ကာ ပြောစ ရာရှိသည်များကို ပြော၏။ ကျမကလည်း အင်းလိုက်ရင် ဦးအချိန်မှန်ဖခင်ကြီး၏ (၁၁-နာရီ) နံနက်စာမီဖို့အတွက် ချက်ရပြုတ်ရ၏။

ကလောင်ကိုင်သော ဒေါ်ခင်နှင်းယု၏လက်သည် ဓားကိုကိုင်၍ ရန်သူကိုတိုက်သည်ဟု ထင်ပါသလား၊ မဟုတ်ပါ၊ ငါးများကိုခုတ်၏။ ဖေဖေက အသားကို တရက်ခြားလောက်စား၍ ဆိတ်၊ အမဲ၊ ၀က်များကို ခုတ်ထစ် ပိုင်းဖြတ်၍ တရက်ခြားလောက် အမြဲချက်၏။ အထူးသဖြင့် ခေတ်ညွှန့်စာပေမှ ဦးထွန်းမြင့် သည် ကျမ ထမင်းချက်ချိန် နှင့် သူစာအုပ်အကြောင်းလာပြောချိန်တွင် အမြဲတိုက်ဆိုင်နေသောကြောင့် ကုလားထိုင်ကြီး တလုံးနှင့် ကျမ ခုတ်သမျှ ထစ်သမျှ ဟင်းအိုးပြင်သမျှကြည့်ရင်း စာအုပ်အကြောင်း စကား ပြောရ၏။

တခါတရံ အကိုကြီးက မှော်ဘီမှ ရုတ်တရက်ရောက်လာ၏။

''မိချိုရေ... အိမ်ထမင်း အိမ်ဟင်းစားချင်လို့ပါကွယ်၊ အကိုကြီးရယ်၊ ရဲဘော်ငါးယောက်ရယ် ထမင်းစားဖို့  နာရီဝက် အတွင်း စီစဉ်ပေးနိုင်မလား'' သူကပြောလာ၏။

''စိတ်ချ ကိုကြီးရေ ရနိုင်တယ်''

''ဖိုးကံညွန့်ရေ ကဲ... ဈေးပြေးပါအုံး'' ဖိုးကံညွန့်ကို အကူအညီခေါ်ရ၏။ ဖိုးကံညွန့်မှာ မာလီကြီး၏ မြေး ဖြစ်၏။ သူသည် ကျမမှာသမျှ ဈေးမှဝယ်လာကာ ကျမနှင့်အတူကူချက်၏။ မီးသွေးတဖို၊ ရေနံဆီတဖို၊ လေမီးဖိုတခု မီးဖိုသုံးခု နှင့် ချက်လိုက်သည်မှာ ရဲဘော်များနှင့် ဖေဖေ့အတွက် အမဲသားနှပ် အကိုကြီးအတွက် ဆူးပုတ်ဟင်းချို၊ ပဲကြီးဆီပြန်နှင့် ငါးတခွက် (အကိုကြီးက အမဲသားမစားပေ) နာရီဝက်အတွင် ချက်ပြုတ်ပြီး၍ ပြင်ဆင် ကျွေးလိုက်၏။ ဆယ့်တနာရီတွင်မူ ဖေဖေ၏အိပ်ခန်းသို့ ထမင်းပို့ပြီးပေပြီ၊ ကူ၍ ချက်ပြုတ်ပေးသော မောင်ကံညွန့် သည်လည်း သူ့ကျောင်းသို့ သူထွက်သွားတော့၏။

ထိုအချိန်ကျမှပင် ကျမအိပ်ခန်းသို့ပြန်ဝင်လာကာ ဂလူးကို့စ်ချိုချိုတခွက်ဖျော်သောက်၍ အိပ်ယာပေါ်ပြစ် လှဲ နေရပါသည်။ ထမင်းကို စားချင်စိတ်လည်းမရှိ၊ လုံးဝမစားလိုပါ၊ ညနေသုံးနာရီအထိ ကောင်းမွန်စွာ နားလိုက်ပြီး မှ သုံးနာရီထိုးလျှင် စက်ရုပ်ကြီးလိုထ၍ မီးဖိုချောင်ဝင် ငရုတ်၊ ကြက်သွန် ထမင်းအိုး ဟင်း အိုး တွေနှင့် ဇာတ်ထုတ်ကခင်းရပြန်သည်။

ကြာတော့လည်း ''လူ့ပြည်ကြီးဆိုတာ ဒါလား''ဟူ၍ အတွေးတမျိုးက ခေါင်းထဲဝင်၍ လာတတ်ပါ၏။

တခါတရံ ကျမဖာသာ ကျမတွေးကြည့်၏။ ကျမရောဂါမှာ စိတ္တဇလည်းပါသည်ဟုထင်ပါသည်။ မပြော ကောင်းပြောကောင်း ကျေးဇူးရှင်ကို ပြစ်မှားသည်ဟူဆိုရလေမည်လား၊ ကျမကျေးဇူးရှင်ကား ထမင်းပါ ပင်တည်း။ သို့သော်... ထမင်းကို လုံးဝမစားချင် ရောဂါရသည့်အချိန်ထိဆိုလျှင် ထမင်းမစားချင်သည် မှာ သုံးနှစ် လောက်ရှိ၍လာခဲ့သည်။ တခါတရံ ကိုယ့်ခေါင်းထဲက အတွေးကြီးကို ကိုယ်ထုတ်ပြစ်ရ၏။

''ဒီထမင်း ကြောင့် ငါခံခဲ့ရတဲ့ဒုက္ခတွေ၊ ဒီထမင်းလေးတလုတ် မနက်တခါ ညတခါစားရဖို့အတွက် ငါအလျော့ မပေးချင်ဘဲ အလျော့ပေးခဲ့ရတာတွေ၊ ဒီထမင်း သာ မစားရဘဲနေလို့ရတယ် ဆိုပါစို့၊ လောက ကြီးမှာ ချည်နှောင် ထား တဲ့ ကြိုးတကွင်းက ငါလွတ်ခြင်းဘဲ''

အမှန်အတိုင်း ၀န်ခံရလျှင် ကျမယခုလိုပင် တခါတလေတွေးမိ၏။ နောက်မှ ''ငါ့အတွေးကြီးက ကြောက် စရာကြီးပါလား ဒါကိုကြာကြာ ခေါင်းထဲမှာမထားသင့်ဘူးလေ၊ ထမင်းအတွက်ကြောင့် တခုထဲသက် သက်လူဖြစ်လာရတာမဟုတ်သလိုဘဲ၊ ထမင်းဆိုတဲ့ အဟာရမရှိပြန်တော့လဲ ဒီခန္ဓာကိုယ်ကြီးက ဘယ် လိုလုပ် လှုပ်ရှားနိုင်မှာလဲ...''

ဘယ်သူနှင့်မှ ဘာမှမဖြစ်ဘဲ ကိုယ့်အဘိဓမ္မာနှင့်ကိုယ် တခါတရံ ပဋိပက္ခဖြစ်နေမိသည်၊ တခါတရံ ထ မင်းမစားဘဲနေ၍ နေ၍သွားရသည်ကို စိတ်ချမ်းမြေ့သလိုဖြစ်လာမိတတ်ပေသည်။

(ယခု အစိုးရပြောင်းလဲသွားပြီးမှ ခေတ်ကို မဆိုလိုပါ)

မပြောင်းလဲခင်ကတည်းကပင် တခါတရံ ထမင်းအိုးတယ်ရင်း ငရုပ်သီးထောင်းရင်းက ဒေါသဖြစ်လာ တတ်၏။ ကြက်သွန်များကိုနွှာရင်း လွှတ်ပစ်ချင်လာတတ်၏။

''ငါ့မှာလေ အခုရင်ထဲမှာ လှိုက်လှိုက်လှိုက်လှိုက်နဲ့ စာရေးချင်လိုက်တာ ငါ့အတွက်သာဆို ထမင်းမစား ဘဲကို စာရေးတယ် အဲဒါလောက် ငါမက်မောတဲ့အချိန်တွေကို မင်းတို့ငရုပ်သီး ကြက်သွန် ထမင်းဆိုတာ တွေနဲ့ လုံးခြာ ပါတ်ခြာလည်ပြီး လဲပစ်လိုက်ရတာ စွန့်လွှတ်လိုက်တာ နှမြောလိုက်လေခြင်း...''

ကျမရင်ထဲက တကယ်ပင်ရေရွတ်မိပါသည်။ ငရုပ်သီး ကြက်သွန်များ မလွတ်လပ်သောအခါ ပို၍ဆိုးပါသည်။

''သေးဖွဲ့လိုက် သိမ်ငယ်လိုက်တာကွယ်... တို့မိန်းမတွေမှာလဲ အဘိုးတန်အချိန်တွေ အလုပ်တွေရှိပါ သေးတယ်ကွယ်... မင်းတို့ကြက်သွန်အဖြူ အနီလေးငါးဥ ရဖို့အရေး၊ ဒီငရုပ်တဆယ်သားလောက်၊ ငံ ပြာရည် ငါးကျပ်သားလောက် ရဖို့အရေးအတွက် တို့များအချိန်တွေကို ဖြုံးပစ်လိုက်ရတာ ငါနမြောလို့မ ဆုံးဘူး...''

ကျမသည် အရူးမကြီးလိုပင် သံဇကာ ကြောင်အိမ်ကိုကြည့်၍ စိတ်ထဲမှစကားဆိုမိ၏။ သံဇကာကြောင် အိမ်လေးထဲမှ ကြက်သွန်နီလေးငါးဥနှင့် ကြက်သွန်ဖြူသုံးလေးဥကလည်း ကျမကို သနားဘွယ်ကြည့် နေဟန် တူကြပါသည်။ တဥကိုတဥမှီတွဲနေရင်း အမောဖြေနေကြဟန်တူပါသည်၊ သူတို့ကလည်း ကျမကိုပြန်၍ စကားဆိုဟန်ရှိ၏။

''ကျုပ်တို့မလဲ မောလိုက်တာ မမရေ... ဂိုဒေါင်ထဲမလဲ အသက်ရူရကြပ်လိုက်တာ ရုပ်တွေသာကြည့် တော့ ခွန်ကွာရေလံဖြစ်လို့ စောစောစီးစီးထုတ် စောစောစီးစီးရောင်းလိုက်လဲ ပြီးတဲ့ကိစ္စ ဂိုဒေါင်ထဲ အဓိပ္ပါယ်မရှိဘဲ ပိတ်လှောင်ခံနေရတာ ဒုက္ခရောက်လိုက်တဲ့ဖြစ်ခြင်း ၀ဋ်ကျွတ်အောင် မြန်မြန်သာ ထု တောင်း ချက်လိုက်ပါတော့ မမရယ်''ဟုပင် သူတို့က သနားဖွယ်စကားဆိုနေကြသည်ဟု ကျမထင်ပါ သည်။

သို့သော် အိမ်ရှင်မဖြစ်ရခြင်းအတွက် ရရှိသောမွန်မြတ်သည့်ကုသိုလ်မှာတော့ ဘယ်လိုအခက်အခဲနှင့် ဟင်းချက်စရာကို ရှာဖွေချက်ပြုတ်ရသည်ဖြစ်စေ ထမင်းဝိုင်းတွင် အိမ်သားများပြုံးရွှင်ကြေနပ်စွာ မြိန်မြိန် ရှက်ရှက်စားနေခြင်းကို မြင်ရပါလျှင် ထိုပီတိမှာ အတော်နှစ်သိမ့်ဘွယ်သောပီတိတမျိုးပါပင်တည်း၊ ထို ကုသိုလ်ကြောင့်ပင်ထင်ပါသည် လင်ကိုကောင်းစွာလုပ်ကျွေးသော အိမ်ရှင်မများအား သိကြားမင်းသည် ရှိခိုး၏ဟူ၍ ကျမကြားဘူးပါ၏။

အထက်လွှာဖြစ်စေ အောက်ဆုံးလွှာဖြစ်စေ ထမင်းစားခါနီးမှ အလုပ်ခွင်ကပြန်လာကာ ငရုပ်ကြက်သွန် လေးကို ပြေးဝယ်၍ ထုထောင်းချက်ပြုတ်စားရသော ဈေးတောင်းခေါင်းရွက်အိမ်ရှင်မမျိုးပင်ဖြစ်ဖြစ် ကိုယ့် ထမင်းဝိုင်း လေးတွင် လင်သည်နှင့် သားသမီးတို့ ကြေနပ်ပြုံးရွှင်စွာ စားသောက်သည်ကို မြင်ရ သောအခါ၌ ဖြစ်လာသော ၀မ်းမြောက်ခြင်းသဒ္ဓါစိတ်ပီတိအဟုန်သည် အိမ်ရှင်မ တို့အတွက်ကုသိုလ်တပါး ပါပင်တည်း။

သို့သော် တခါတရံ ယခုလိုတန်းစီဖို့ တိုးဖို့ အဖော်မရှိသော အိမ်ရှင်မများ မီးခွက်လင်းချိန်ရောက်ပါမှ ဈေးတောင်းရွက် အိမ်ပြန်ရောက်ပြီး ''ငခွေး ကြက်သွန်ဆယ်ပြားဘိုး ဆီငါးကျပ်သား ပြေးဝယ်လိုက် စမ်း...''ဆို၍ ဈေးမှပါလာသောအသားနှင့် ရောနှောချက်ပြုတ် ထမင်းတလုပ်စားရသော အိမ်ရှင်မများ အတွက် ယခုလိုဝယ်ချင်သည့်အချိန် ၀ယ်မရ၊ ရပြန်တော့လည်း ခွန်ခွာရေလံကို ဦးတိုက်ရှိခိုးဝယ်ရ သော အဖြစ်မျိုးနှင့် တွေ့ရချိန်တွင်တော့ ကျမလိုပင် ငရုပ်ဆုံကိုရော ယောင်းမရော ကြက်သွန်ပါ လွင့် ပစ် ချင်ကောင်း ပစ်ချင်ကြပေလိမ့်မည်။

ထို့ကြောင့်ပင် ဤသတ္တလောက၌ မည်သည့်ဝါဒ၊ မည်သည့်စနစ်သစ် အရပ်ရပ်တို့ကို ထွင်ချင်ကြသော.. ပုဂ္ဂိုလ်တိုင်းမဆို ''ထမင်းဝိုင်း''လေးဆိုသည်ကိုတော့ အမြဲထည့်သွင်းစဉ်းစားသင့်သည်ဟုထင်ပါသည်။

''ထမင်းဝိုင်းလေး''တွေးကြည့်တော့လည်း သေးဖွဲလွန်းလှပါ၏။ သို့သော် ဤထမင်းဝိုင်းလေးကို ဖန် ဆင်းရသော အိမ်ရှင်မများ တည်ငြိမ်မှုမရသောအခါ၌ မိသားစုတစုလည်း မတည်ငြိမ်ပါ။ မိသားစုများ စု ပေါင်း ထားသော ရပ်ကွက်၊ ရပ်ကွက်မှသည် မြို့၊ မြို့မှသည် တိုင်းပြည်တပြည်အထိသို့ပင် ဂယက်ရိုက် တတ်ပါသည်။

အိမ်ရှင်မများ ''ဟင်း''ချ၍ တည်ငြိမ်အေးဆေးရသောခေတ်သည် ငြိမ်းချမ်းသောခေတ်ပါပင်တည်း။ သို့ သော်လည်း ပုဂ္ဂိုလ်ကြီးများ၊ ခေါင်းဆောင်ကြီးများသည် သူတို့လည်း ငြိမ်းချမ်းလို၊ ဧချမ်းလိုလှပါသည် ဟူသောဆန္ဒဖြင့် လမ်းစများရှာကြရင်းမှ သတ္တလောကလည်း အမျိုးမျိုးဗြောင်းဆန်ကြရသည်ထင်ပါ သည်။

ကျမပင်လျှင် ကြောက်စရာကောင်းသော အတွေးခေါင်မှုကြီးတခု ခေါင်းထဲသို့ ခဏခဏ၀င်လာ၍ ထုတ် ပစ်ရ၏။ ''ဒါလောက်တောင် အလုပ်အလုပ်၊ အလုပ်သည်သာ ပဓာနဆိုပြီး ဖြစ်နေရယင် အင်မတန်တိုး တက်နေတဲ့ သိပ္ပံပညာရှင်တွေဟာ တခြားဟာတွေ တီထွင်မဲ့အစား ထမင်းမနက်တနပ်၊ ညတနပ်မစားရ ဘဲနဲ့ ထမင်းလို အဟာရဖြစ်တဲ့ ဆေးလုံးလေးတွေ တီထွင်ဘို့ကောင်းတယ်၊ အဲဒီဆေးလုံးကို တနေ့တ လုံးသောက်၊ အဲဒီတော့ ထမင်းဆိုတာလဲ မလို၊ မီးဖိုချောင်ဆိုတာလဲ မလိုတော့ဘူး၊ အဲဒီတော့ အဲဒီလူ သားဟာ အလုပ်ခွင်မှာဘဲ လုံးဝအချိန်ယူလုပ်နိုင်ရော... ဘာဖြစ်လို့များ သူတို့က ဒါကို မတီထွင်ရတာ လဲ''

ကိုယ့်ဟာကိုယ် ထမင်းမစားချင်တိုင်း ရှောက်တွေးမိသောအတွေးကို သတိရ-ရခြင်း ရပ်ပစ်ရ၏။ မီးဖို ချောင် ထဲမှ သနားဖွယ် ငရုပ်သီး၊ ကြက်သွန်လေးတွေကို စကားပြောရ၏။

''မင်းတို့နဲ့ငါတို့ မိန်းမသားတွေဟာ တူတူပါဘဲကွယ်၊ တို့များ မိန်းမတွေကိုလေ ယုတ်မာတယ်၊ အမြင်တို တယ်၊ သေးသေးဖွဲဖွဲကို အကျယ်ချဲ့တတ်တယ်ဆိုပြီး ပစ်တင်ကြတယ်။ တချို့မိန်းမတွေကြလဲ ဟုတ်ပါ တယ်ကွယ်...

 ဒါပေမင့် မိန်းမတွေကို သေးဖွဲတယ်၊ သိမ်ငယ်တယ်လို့ ပစ်ပယ်ထားလို့လဲမရဘူး၊ ဘာ ကြောင့်လဲဆိုတော့ အိမ်ရှင်မ တယောက်ဟာ အိမ်ထောင်တခုကို တည်ငြိမ်အောင် မထိန်းသိမ်းနိုင်ယင် အိမ်ထောင်တခုရဲ့ တိုးတွက်မှု၊ ဖွဲ့စည်းသိတ်သည်းမှုတွေဟာ သွားရော၊ ဖရိုဖရဲဖြစ်ကုန်ရော၊ ခုလဲ မင်း တို့ကို ငရုပ်သီးဘဲ၊ ကြက်သွန် ဘဲရယ်လို့ အရင်တုံးကတော့ အသေးအဖွဲလို့ထင်မိတယ်၊ ခုမှ မင်းတို့ ဂယက်ဟာ တို့များ အိမ်ရှင်မ တွေမှာ အတော့ကို ကသိကအောက်ဖြစ်စေတာပါဘဲလား၊ ခွင့်လွှတ်ပါကွယ်၊ မင်းတို့အပေါ် အထင်သေး ခဲ့မိတာ မင်းတို့မပါယင်လဲ မီးဖိုချောင်တခုမှာ မပြီးပါလားနော်...''

ကျမစိတ်ထဲက ငြီးငြူသည်ကို ကြက်သွန်ဥနီ ခွန်ခွါကြီးက သိသလိုပြန်ဖြေပါ၏။

''အချောင်ခံရတာထင်ပါရဲ့ဗျာ၊ ၀ဋ်တွေပေါ့လေ... ကျုပ်တို့ကတော့ စာမတတ်လို့မသိဘူး၊ စနစ်သစ်တွေ ကို တီထွင်ကြတဲ့၊ ခေါင်းဆောင်ကြီးတွေရေးတဲ့ စာအုပ်တွေထဲမှာတော့ လူတွေ သာတူညီမျှဖြစ်အောင် ကြက်သွန်ဥကြီးများ ဂိုဒေါင်ထဲ ပုတ်အောင် လှောင်ထားလို့ပါမယ်မထင်ပေါင်...''ဟု ဆိုပါသည်။

ကျမလည်း ကျမအတွေးကို ကိုယ့်ဟာကိုယ်သဘောကျရယ်ရင်း ''ငါရူးမယ်... ငါရူးမယ်''ဟုဆိုကာ မီးဖို ချောင် ပြဇာတ် ကို တခန်းရပ်ရ၏။ အတွေးဆိုသည်ကတော့ တွေးချင်တိုင်းတွေး၍ ရပေသကိုး၊ ကျမတို့ မှာဖြင့် ရူးချင်အောင် ဦးနှောက်ချောက်နေရသည့်အထဲ ဖေဖေကမူ ''ဘာဖြစ်လို့ တလစာ တလစာ ကြက်သွန် ခွက်တဆယ်၊ အာလူးငါးပိဿာ၊ ဆီငါးပိဿာ ၀ယ်မထားရတာလဲ'' ခဏခဏမေး၏။ သူ့အ မေးကို ဖြေသော ကျမ စာ ကို မဖတ်ကတည်းက ကျမကရှင်းမပြတော့ပါပေ။

(ကြက်သွန်၊ ငရုပ်သီးများ လွတ်လပ်ခွင့်ရသည်ဟု ကြားရသောနေ့ကများ သက်ဆိုင်ရာစီးပွားရေးပါရဂူ ကြီးများကို ကျေးဇူးတပ်လိုက်သည့်ဖြစ်ခြင်း၊ မေတ္တာပို့လိုက်ရသည်မှာ အမောပါပင်တည်း။)

သို့သော် ကျမတို့သားအဖ အရေးအခင်းကား ဆက်လက်ဖြစ်ပွားနေဆဲပင်ဖြစ်ပါ၏။ ကျမက လုံးဝစကား မပြော၊ စက်ရုပ်ကြီးတရုပ် အလုပ်လုပ်သလိုပင် လုပ်ခါ ကိုယ့်အိပ်ခန်းထဲတွင် ကိုယ်ရေးချင်တာလေး တွေကို ကြိတ် ရေး၏။ ကျမ၏အဟာရမှာ ဂလူးကို့်စ်၊ တခါတလေ ပေါင်မုံ့တချပ်၊ တခါတလေတော့ ထ မင်း ဂုံညင်း လောက် ၀င်သည်။

''ငါ့ကိုလေ... သူက စကားလဲမပြောဘူး၊ ငရုပ်သီးတွေ၊ ကြက်သွန်တွေကိုလဲ အရင်လိုဝယ်မထားဘူး သိ လား...''

တခါတရံရောက်လာသော သူ၏သမီးငယ်များကို ဖေဖေကတိုင်၏။ ကျမက တလုံးမှပြန်မဖြေ၊ ကိုယ့်အ လုပ် သာ ကိုယ်ကြုံးလုပ်တော့သည်။

''မကျွေးချင်ယင် အိမ်ပေါ်က နှင်ချလိုက်လေ...''

သူစိတ်ဆိုးလာလေပြီ၊ ကျမကမူ ဘာမှပြန်မပြောတော့။

တနေ့တွင် ညီမအငယ်ဆုံးနုနုသည် အိမ်ကိုလာလည်၏။ ထမင်းစားပြီးချိန်ဖြစ်၍ ဖေဖေသည် အိမ်လယ် ခန်းမကြီး တွင် ပက်လက်ကုလားထိုင်နှင့် စာဖတ်နေ၏။ ကျမသည် အိပ်ခန်းထဲမှထလာခါ နုနုကိုထွက်၍ စကား ပြောသည်။ ဖေဖေ့ဘေးရှိ စားပွဲရှည်ကြီးတွင် ညီအမ မျက်နှာချင်းဆိုင်ထိုင်မိကြသည်။

''နုနု လာ ဒါလေ မမယုကို ပြောစရာရှိလို့'' သူက ကျမမျက်နှာကို စေ့စေ့စပ်စပ်ကြည့်ကာ ပြော၏။ သူ့ မျက်နှာ အမူအယာ မှာ ထူးခြားနေသည်။

''ဘာပြောစရာရှိလို့လဲ ပြောလေ''

''တနေ့က ဒေါက်တာမမရီနဲ့တွေတယ် (ဒေါက်တာမမရီမှာ နုနုနှင့်ငယ်သူငယ်ချင်းဖြစ်သည်) သူကပြော တယ်၊ ခင်သန်းမြင့်တို့မင်္ဂလာဆောင်မှာ မမယုကို သူတွေ့လိုက်တယ်တဲ့၊ မမယုမျက်နှာတွေဟာ မကောင်းဘူး၊ ပြည့် တင်းတင်းကြီး တဲ့ အဲဒါအကောင်းပြည့်တာမဟုတ်ဘူးတဲ့ ဆေးမီးတိုတွေနဲ့ မကုပါနဲ့ ဆရာဝန်ကြီးတွေကို တိုင်ပင်ပြီးကုပါတဲ့ ပြကြည့်ပါအုံးတဲ့ ကြာရင်ခက်မယ်တဲ့''

''ငါသိသားဘဲ'' ကျမသည် ပြောရင်း မျက်ရည်လည်လာ၏။ ခုတလော ဘာပြောပြော စိတ်ထိခိုက်လွယ် ၏။ မျက်ရည် က အရင်ကျချင်လာသည်။

''မျက်နှာက တခါတခါ ပြိတ္တာမကြီးလိုဘဲ ပြည့်လာတယ်၊ ကိုယ်က ထမင်းလုံးဝစားမရတော့ ပိန်းချိ လေး သေတော့ လဲ အေးတာပဲ၊ မျက်နှာတွေပြည့်လာရင် အသက်ရှုလို့မရဘူး'' ကျမကဖြေလိုက်၏။

''မမယုရယ် ဆေးရုံတက်ဖို့ စီစဉ်ရအောင်''

''ဆေးရုံတက်ရအောင် နင့်အဖေကို ဘယ်လိုစီစဉ်မလဲ ထမင်းချက်က ရုတ်တရက်ဓါတ်သိရဖို့ မလွယ် ဘူး၊ နင့်အဖေ နဲ့ နှစ်ယောက်ထဲ ဒီအိမ်ကြီးထဲမှာ ထားခဲ့လို့ကော အိမ်ပေါ်ကဟာတွေ အကုန်ချသွားမှ ခက်မယ်၊ ပါးစပ် ပြောတော့လွယ်တာဘဲ၊ တော်ရုံတန်ရုံလူကရော နင့်ဖေဖေ သည်းညည်းခံနိုင်မလားလို့ တခုခု လိုချင် မိရင် မအောင့်နိုင် မအင်းနိုင်နဲ့ဟာ ထမင်းချက်လဲရှာနေတုန်းပဲ၊ ဒေါက်တာဒေါ်မြမြအေး က ကြာကြာလေး အနားယူပြီး ကုရမယ်လို့ပြောနေတာကြာလှပြီ''

ကျမတို့နှစ်ယောက် စကားပြောနေဆဲတွင်ပင် ဖေဖေသည် သူဖတ်နေသော စာအုပ်ကြီးကို ဘေးသို့ဘုံး ကနဲ ချကာ''နုနု သူနဲနဲမှမကောင်းဘူး'' ကျမကို လက်ညှိုးထိုး၍ပြော၏။

''ငါ့ကိုလေ... စကားမပြောဘူး၊ ငါမေးတာတွေကိုလဲ မဖြေဘူး'' ကျမက ဘာမှပြန်မပြောဘဲ မျက်ရည် တွေသာ တွေတွေ ကျလာ၏။

''သူမေးတာတွေကို ငါကစာရေးဖြေတယ်၊ ဒါကိုမဖတ်ဘူးတဲ့ ငါရေးတဲ့စာကို မဖတ်သမျှ ငါနင့်ဖေဖေကို စကား မပြောနိုင်ဘူး၊ နုနု ငါ့အခြေအနေကို နင်အသိဆုံးဘဲ၊ စကားပြောဖို့ ဘယ်လောက်အားယူနေရ တယ်ဆိုတာ''

နုနုသည် ကျမကိုတလှည့် ဖေဖေ့ကိုတလှည့်ကြည့်၏။ အဖေနှင့်အမကြားတွင် သူသည် သံကြီး တမန် ကြီးဟန် နှင့် အရေးအခင်းကို ပြေပြစ်အောင် ဆောင်ရွက်ရန် အလုပ်ရေ၏။ ပထမဆုံးစားပွဲပေါ်ရှိ စာရွက် ကြမ်း တခု ကိုဆွဲယူကာ စာရေးပြလိုက်၏။

''သူ မကောင်းယင် သမီးနဲ့ လိုက်နေပါလား...''

စာရွက်ကို ဖေဖေ့အားထိုးပြလိုက်၏။ နုနုရေးပြသည်ကိုတော့ ဖတ်ကြည့်သည်။

''မလိုက်ဘူး... မလိုက်ဘူး... သူနှင်ချမှ သွားမယ်...''

ခုနှစ်သံနှင့် ဖေဖေကပြန်အော်၏။

နုနုသည် စာဆက်ရေးပြန်သည်။

''သားသမီးက အဖေ့ကို နှင်ချမတဲ့လား မမယု .... တကယ်မကောင်းယင်...ဖေဖေ သမီးနဲ့ လိုက်နေ ပေါ့.. သူနှင်ချတာ ဘာလို့ စောင့်နေမလဲ..''

နုနုသည် စာရွက်ကိုပေးလိုက်ပြန်သည်။ 

''သူက ဘာမာနကြီးနေလဲမသိဘူး... ငါမေးသာဆို တလုံးမှ မဖြေဘူး...''

နုနုသည် စာရေးရပြန်၏။

''မဖြေတာက မဖြေနိုင်လို့ ဖေဖေရေ... မမယုရောဂါက ဖေဖေ့လို နားလေးတဲ့လူမပြောနဲ့ လူကောင်းကို တောင် စကားရှည်ရှည် မပြောနိုင်ဘူး၊ ထမင်းမစားနိုင်တာ နှစ်နှစ်(၂)နှစ်ရှိနေပြီ သိရဲ့လား....''

နုနု စာကို ဖတ်ပြီးသည့်တပြိုင်နက်-

'' နေမကောင်းဘူးသာဆိုတယ် မျက်နှာကြီးက အရင်ကထက်တောင် ၀လာသေးတယ်...''ဟု အော် လိုက်၏။

''အဲဒါ...၀တာမဟုတ်ဘူး၊ ဖေါတာဖေါတာ၊ အခုမမယုကို ဆရာဝန်နဲ့ပြပြီး ဆေးရုံတက်ဖို့ သမီးလာပြောရ တာ၊ ဖေဖေ့ ကို မမယုက မချစ်ယင်၊မသဒ္ဓါယင် ဖေဖေ့ကို ခုလို ထမင်းချက် ကျွေးမွေး ပြုစုနေမလား၊ သူ့လင် ကိုတောင် သူထမင်းချက်နဲ့ ပစ်ထားယင်.... ဘယ်လောက်ဝမ်းနည်းလိုက်မလဲ... ငါရှာမကျွေး နိုင်လို့နဲ့ဆိုပြီး ပြောလို့ ဆုံးမှာမဟုတ်ဘူး...''

နုနုသည် စာရွက်ကို ရေးချစ်၍ ထိုးပြရပြန်သည်။ 

''ဟေ...သူ့မျက်နှာတွေ ဖေါနေတယ်...''

ထုိုအခါကျမှ မျက်မှန်ကြီးကိုချကာ ကျမမျက်နှာကို စေ့စေ့ကြည့်၏၊ ကျမကတော့ မျက်ရည်တွေသာ တွေတွေ ကျ နေတော့သည်။ 

''ဟုတ်တယ်... စကားပြောယင်လဲ မောတယ်၊ ဒါကြောင့် ဖေဖေ့ကို ပြောစရာရှိယင် စာရေးပြောရတာ၊ ဒါကိုဘဲ ဖေဖေက သူရေးပြတဲ့စာ မဖတ်ဘူးဆိုပြီးနေတာကိုး... ဒီတော့ သူကလဲ စိတ်တိုလာတာပေါ့၊ 

ဖေဖေကိုယ်တိုင်က နားမှမကြားတဲ့ဟာ အခြေအနေ အရပ်ရပ်ကို သိချင်ယင် စာရေးပြတာကို ဖတ်မှ သိရတဲ့ ဘ၀ဟာ ခုမှ အသစ်လုပ်ပြီး မဖတ်ဘူးဆိုတော့ သူကလဲမရေးဘူး၊ ပါးစပ်နဲ့လဲ အမောခံမပြော တော့ဘူးဆိုပြီး နေတာပေါ့.... မမယုဟာ ထမင်းမစားနိုင်တာ သုံးလေးနှစ်ရှိဘီ....ခုလဲဆေးရုံတက်ချင် တာ ဖေဖေ့ကို ချက်ကျွေး မယ့် ထမင်းချက်ရှာမရသေးလို့ သူကိုယ်တိုင် ချက်နေရတာ... ဖေဖေက အလကားနေ အလကား အထင်လွဲ နေတာဘဲ၊ တခြားသားသမီးတွေအိမ် လိုက်နေပါဆိုလဲ မနေ ဘဲနဲ့...''

နုနုရေးပြသောစာကို ဖတ်ပြီးသောအခါ...

''မသိဘူးလေ ငရုပ်သီးတွေ ကြက်သွန်တွေကိုလဲ အရင်လိုမ၀ယ်ဘူး အဲဒါ ငါဝင်ချက်မှာစိုးလို့ ငါစားချင်တဲ့ အသား လဲ မရဘူး၊ ပစ္စည်းတွေဝယ်ခိုင်းရင်လဲ မရှိဘူးချည်းဘဲပြောတယ် ပြီး...အသက် ခြောက်ဆယ် ကျော် မာလီကြီး ကို အလုပ်ကထုတ်ပစ်ပါဆိုလဲ မထုတ်ပစ်ဘူး''၊ သူသည် သူမငိုနေသည် ကိုကြည့်ရင်း'' ခုရေးပြလေ...ခုရေးပြဖေဖေသ္မီးရေးတာကို ဖတ်တော့မယ်''ဟု လေသံပြော့နှင့်ဆိုပါ သတည်း။

ကျမရင်ထဲတွင်တော့ ဒေါသလည်းဖြစ်၏၊၀မ်းလဲနည်း၏၊ မျက်ရေကိုသုတ်ခါ စာရွက်ကြမ်းကိုယူ၍ စာရေး ပါသည်၊ မိဘနှင့် သားသမီးဆိုသည်က လင်သားလိုပြစ်ခွာပြေး၍ ရသည်လည်းမဟုတ်၊ ပြီးတော့ ကိုယ့်အဖေ အဖြစ်က ရောဂါ ပေါင်းစုံနှင့်မသန် မစွမ်းသူ ဖြစ်သည်၊ ကျမသေခါမှ ဇာတ်ထုပ်ကို ဘယ်လို ပင်ဆက်၍ကက ကျမ အသက်ရှင်စဉ်တော့ ဖေဖေ့ကို ချို့ချို့ငဲ့ငဲ့ မဖြစ်စေလိုပါ။

လမ်းမကြီးပေါ်တွင် ခြေတဘက် မသန်စွမ်းသော....ကုလားသူအိုကြီးများ ဖင်ရွှေ့ဖင်ရွှေ့ သွားနေသည် ကို မြင်လျှင်ဖြစ်စေ၊ စိတ်မနှံ့သူ လူအိုကြီးကို ကလေးတွေက ခဲနှင့်ဝိုင်းပေါက် နောက်ပြောင်နေသည်ကို မြင်လျင်ဖြစ်စေ ရင်ထဲတွင် နာကြင်လာပြီး မျက်ရေများလည်လာတတ်၏။

''ဘုရား...ဘုရား... ဖေဖေသာ အဲဒီ ဘ၀သာ ဆိုရင်တော့...''ဟူ၍ ဆက်မတွေးရဲဘဲ ကြောက်လန့် သွားတတ်ပါသည်။

ကျမကသာ ဒါလောက် စေတနာတွေ ထားရသည် ဖေဖေကတော့ မကျွေးချင် မမွေးချင်လို့ ဟူ၍ အစဉ် ထာဝရ အထင်လွဲမှုကို ခံရသောအခါ ''ဖြစ်ရလေခြင်း'' ဟူ၍ ကျမ ခဏခဏငိုမိပါသည်၊ ယခုလည်း ကျမသည် ဖြစ်ပျက်ပုံဟုသမျှ စုံလင်စွာရေးပြရ၏၊ ထိုစဉ်က ငရုပ်သီးကြက်သွန်များ ကင်းလွတ်ခွင့် မရသေး။

''ဖေဖေသိချင်တာတွေ သမီးရေးပြမယ်စိတ်ရှည်လက်ရှည်သာဖတ်...။

၁။    ။ ငရုပ်သီးကြက်သွန်ကို အရင်လို ခွက်တဆယ်ငါးပိဿာ ၀ယ်မထားတာက အစိုးရကိုက အားလုံးကို ချုပ်ကိုင်ထားတော့ ပြည်သူ့ဆိုင်က ဝေသမျှ ပေးသမျှသာရတာ တခါတလေ သမီးတို့ မိသားစုအတွက် ကြက်သွန်ငါး-ဥနဲ့ ငရုပ်သီး ငါးကျပ်သားပဲရတယ် မှောင်ခိုဈေးက ၀ယ်ရင်လဲ အဖမ်း ခံရမယ် ဆီလဲ ဒီလိုပဲ ဘယ်လိုပဲ ဖြစ်ဖြစ်ပေါ့ ဖေဖေ စားနေကြဟင်းမှာ အရသာမပျက်ဟင်းတခွက် စားရရင် ကြေနပ်ရောပေါ့ စိတ်ချ ဖေဖေအတွက် ဖူလုံအောင်လုပ်ပေးမှာပေါ့။

၂။    ။ကော်ဖီ၊ အိုဗာတင်း၊ လဖက်ရည် ဆိုတာလဲ သမီးတတ်နိုင် သလောက် ဟိုကတည်းက စုဆောင်း ထားလို့ ဖေဖေသောက်နေရတာ ခုဟောလစ်တို့ အိုဗာတင်းတို့ လိုချင်ရင် လျှောက်လွှာတင်ရ တယ်၊ သမီးရောဂါ အတွက်တောင် ဆရာဝန်တွေက ဟောလစ် သောက်ရမယ် ညွှန်ကြားပေမင့် အဲဒီ လျှောက်လွှာ တွေ ဘာတွေ အလုပ်ရှုပ်လွန်းလို့ သမီး ဘယ်တော့မှ မလျှောက်ဘူး၊ သောက်လဲ မသောက်ဘူး ဖေဖေ့ အတွက်သာ မချို့ငဲ့ပါစေနဲ့လို အိုဗာတင်း၊ လဖက်ခြောက်၊ အချိုခြောက်၊ ကော်ဖီ တို့် သမီးကြိုတင်စုထားတာ ဖေဖေ သိတဲ့အတိုင်း သမီးက လူအားမဟုတ်ဘူး၊ 

ဖေဖေတို့ တာဝန်တွေ ပြီးရင် စာလေး ဘာလေးလဲ ရေးရသေးတယ် ရတဲ့ချိန်ပိုလေးကို လျှောက်လွှာ ရေးတာတွေ ငရုပ်ကြက် သွန်တန်းစီတာတွေနဲ့  အချိန်ကုန်မခံနိုင်ဘူး၊ သမီးတို့မှာ အချိန်ဟာ... သိတ်အဘိုးတန်ကာ လက်တို လက်တောင်းခိုင်းဘို့ မောင်ကံညွန့် လဲ ကျောင်းကတဖတ် တက်ရ သေးတယ် မိုိ့လား- ခုခေတ်အိမ်ရှင်မ တယောက်ဟာ ဟင်းတအိုးကျက်ဖို့ သူတို့ခမျာ လျာ အလျားသား ထွက်မတက် အချိန်မှီ ပြေးရ၊ လွှားရ တာ ဖေဖေမသိဘူး၊ သတင်းစာတွေထဲ ရေးတာ ဖေဖေမဖတ်ရဘူးလား၊ ဒါတောင် သမီးက ကလေး ငယ်မရှိလို့ အပုံကြီးတော်သေးတာ။

၃။    ။ဖေဖေလိုချင်တဲ့ ဆဲဗင်အိုကလော့မုတ်ဆိပ်ရိပ်ဒါး ကိုးလ်ဂိတ် သွားတိုက်ဆေး၊ ဆိုတာတွေက လဲ ဖေဖေ ပြောတဲ့ ဖရေဇာတန်းမှာမရှိ၊ ဖေဖေသိထားတဲ့ ကမ္ဘာလုံးဆိုင်တို့ ဘာတို့ဆိုတာလဲမရှိ၊ ပြည်သူ ပိုင်သိမ်းလို့ ကုလားတွေ တရုပ်တွေ သူတို့ မူရင်း တိုင်းပြည်တွေကို ပြန်ကုန်ကြပြီ၊ တက္ကသိုလ်သမ၀ါယမ လဲ ဖျက်သိမ်း လိုက်ပြီ စကော့ဈေးတခုလုံးလဲဘာမှ နိုင်ငံခြားဖြစ်မရောင်းရဘူး၊ ခံတပ်ကြီးဆေးကို သ္မီးတို့ တခြားက ၀ယ်ပေးတာ ပြီးတော့ ဖေဖေလိုချင်တဲ့ ဘီ-ပီဘမ်းတို့ဘာတို့ဆိုတာလဲ တန်းစီရတယ်၊ သမီးတို့ အိမ်မှာ တန်းစီ ရဖို့ လူပိုရှိသလား ဖေဖေသိတဲ့ အတိုင်း၊ ဒါပေမင့် ဖေဖေလိုချင်တာတွေကို ဖြစ်တဲ့နေရာ က ဖြစ်သလိုရှာပေး ခဲ့လို့ ဖေဖေခုထိ သုံးနေရဆဲဘဲမို့လား၊ ကြေနပ်ရောပေါ့''

၎။    ။ မာလီကိစ္စက အသက်ခြောက်ဆယ်ကျော် ခါးကုန်းနေတဲ့ မာလီအဖိုးကြီးကို အလုပ်ဖြုတ်မပြစ် ကောင်းလားလို့ ဖေဖေက သမီးကို အမြဲဆူတယ်၊ သူအလုပ်မလုပ်နိုင်တာ သမီးသိသားဘဲ၊ ဒါပေမယ့် မြက်ရှင်းနိုင်ရင်တော်ရော့ပေါ့၊ လေးလေးပင်ပင် မြေပေါက်ဖို့ နောက်ချေးကြုံးဖို့ကိစ္စတွေမှာ သူ့မြေး မောင်ကံညွန့်က လုပ်ပေးသားဘဲဟာ သမီးတို့ဟာ စီးပွားဖြစ် ခြံလုပ်နေကြတာမှ မဟုတ်ဘဲ၊ ဆောင်းဦးပေါက် ပန်းလှလှလေးတွေ့ရရင် တော်ရောပေါ့ စဉ်းစားကြည့်ပါအုံး၊ ဘ၀ကံကောင်းလို့ ဖေဖေ့မှာ သားထောက်သမီးခံနဲ့ အသက်ရှစ်ဆယ်ထိ နေနိုင်တာကိုး ဒီမာလီ အဖိုးကြီးကျတော့ တခြား အိမ်က လခပေးပြီး ဘယ်သူခိုင်းမလဲ အိမ်ရှင်ဆိုတာ သူတို့စိတ်တိုင်းကျ လုပ်အားရမှ ငွေပေးချင်တာ ပေါ့၊ 

သမီးတို့အိမ်က အလုပ်ဖြုတ်ပြစ်ရင် သူဒုက္ခရောက်တာပေါ့၊ အိုခြင်းဆင်းရဲကို သ္မီးရေးပြဖို့ မလိုဘူး၊ ဖေဖေအသိဆုံးဘဲ၊ ဘယ်လောက်မှ ကြာကြာမအောင့်ရဘူး၊ သူ့မြေးမောင်ကံညွန့် မိတ္ထီလာလေတပ် ကျောင်းက ဆင်းလာရင် လခရရော၊ ဒီတော့ သူ့အဖိုးကို လုပ်ကျွေးနိုင်ရော အဲဒီအချိန်မှာ မာလီကြီးကို သမီးတို့ အလုပ်ဖြုတ်ပြစ်လဲမာလီကြီး ဒုက္ခမရောက်တော့ဘူး ဖေဖေ့မှာ အစစစိတ်တိုင်းမကျတိုင်း သူများကို ဒေါထပြီး အလုပ်ဖြုတ်ချင်နေတာပဲ ဖေဖေသာ အသက်ရှစ်ဆယ်တွင်းမှာ ပေါက်တူး''မ'' နိုင်ပေမဲ့ သူ့မှာတော့ ကျန်းမာရေးချို့တဲ့တော့ အသက်ခြောက်ဆယ်ဖြစ်ပေမဲ့လဲ ပေါက်တူးမကိုင်နိုင်ဘူး ပေါ့ ဒါကိုဒေါထပြီး နေ့တိုင်းဆူနေတာဘဲ၊ ကုသိုလ်ကံတို့ ဆုတောင်းတို့ဆိုတာ ဘယ်တူနိုင်ပါ့မလဲ၊ 

ဖေဖေဟာ ကျောင်းဆရာကြီးတယောက် စာအုပ်ပေါင်းသောင်းခြောက်ထောင်လည်း အမြဲဖတ်နေရက်နဲ့ သမီးရေးပြဖို့မလိုပါဘူး၊ အကျိုးပေးခြင်းဆိုတာလည်း ဘယ်တူနိုင်ပါ့မလဲ ဖေဖေသဒ္ဓါတရားတို့ စေတနာတို့်ရဲ့ အရှိန်ဇောအလျောက် သတ္တ၀ါတွေကို အကျိုးလိုက်ပေးနေတယ်ဆိုတာ ဖေဖေအသိပဲ သတ္တ၀ါတ ယောက်ရဲ့ ရင်မှာဖြစ်တဲ့ စေတနာ စိတ်ဇောဟာ တခြားသတ္တ၀ါတယောက်နဲ့ ဘယ်နည်းနဲ့ မှ မတူနိုင်ဘူး၊ ဒီတော့ အကျိုးပေးလဲ မတူဘူး၊ ဒါကို အတင်းဘဲ တူရမယ်၊  ငါလိုပ်နိုင်ရင် သူလဲလုပ်နိုင်ရ မယ်နဲ့ ဖေဖေကအမြဲဆူနေတော့ သမီးလဲ ဘာမှပြန်မပြောချင်တော့ဘူး၊ ဖြေရတဲ့ စကားလုံးကလဲ တိုတိုပြောရတာမှ မဟုတ်ဘဲ''

''ပြီးတော့... အသက်ခြောက်ဆယ်ကျော် အဘိုးကြီးထားရတဲ့ ပြဿနာမှာ အချက်တချက်က အိမ်မှာ ထမင်းချက် မိန်းကလေးတွေရှိတဲ့အခါမှာ သမီးက မီးဖိုချောင်လုံးဝမ၀င်ဘူး၊ စာရေးတဲ့အခါရေး ကိုကြီး နောက်လိုက်သွားပြီး ထမင်းချက်ကျွေးရတဲ့အခါ ကျွေးနဲ့ ဒီထမင်းချက် မိန်းကလေးတွေကို လိုက်ထိန်း မနေနိုင်ဘူး၊ ငယ်ငယ်ရွယ်ရွယ် သန်သန်မြန်မြန် မာလီသာခေါ်ထားရင် ဒီိမိန်းကလေးတွေနဲ့ ပြဿနာ မတက်ဘူးလို့ ဖေဖေအာမခံနိုင်မလား၊ ခုသမီးတို့အိမ်မှာ ဆယ်နှစ်ဆယ့် ငါးနှစ် နှစ်ရှည်လများ ကောင်မ လေးတွေနေသွားပြီး၊ သူတို့အကြောင်းနဲ့သူတို့ အလုပ်ထွက်ခြင်သာ ထွက်သွားရော ယောက်ျားပြဿ နာရှုတ်ရှုတ်ရှက်ရှက် မပေါ်ခဲ့ဘူးမို့လား''

''အဲဒီအကြောင်းကြောင့်လဲ တကြောင်း သမီးဒီအဘိုးအို မာလီကြီးကို အလုပ်က ထုတ်မပြစ်တာ''

''ပြီးတော့... အလုပ်သမား ဥပဒေဆိုတာရှိတယ်၊ ဒီဥပဒေဟာ အလုပ်သမားတွေကို အကာအကွယ်ပေးဖို့ အစိုးရက ပြဌာန်းထားခြင်းဖြစ်တယ်၊ မတရားတဲ့ အိမ်ရှင်မတရားတဲ့ အလုပ်ရှင်တွေဟာ အလုပ်ခွင် မှာလဲ မတရားသဖြင့်ခိုင်း အလုပ်ချိန်ပြင်ပမှာလဲ မဆိုင်တဲ့ အလုပ်တွေကို အချိန်ပိုခိုင်း တရားမျှတတဲ့ လစာလဲ မပေးဘူး၊ အခမဲ့ ဆေးကုသခွင့်တို့ ဘာတို့လဲမရဘူး၊ စုံနေတါပေါ့ အဲဒါတွေကို မတရားသဖြင့် မဖြစ်ပါစေနဲ့ဆိုပြီး တနေ့ရှစ်နာရီ လိုပ်ခွင့်အစရှိတဲ့ ဥပဒေတွေကို အလုပ်သမားတွေကို အကာအကွယ် ပေး ဖို့ အစိုးရကပြဌာန်းပေးတယ်၊ 

ဒါပေမင့် ဖြစ်တဲ့အဖြစ်က အစိုးရက မျှော်လင့်သလို မဖြစ်လာဘူး၊ အလုပ်သမား (တချို့ဟာ) အစိုးရကတို့် ဘက်မှာရှိတယ်ဆိုပြီး၊ ဒီဥပဒေကို မတရားသဖြင့် အခွင့် အရေးယူပြီး၊ အချိန်ပြည့် အလုပ်မလုပ်၊ လုပ်ရင်လဲ ကျိုးကျိုးစားစား ကြေကြေပြွန်ပြွန်မလုပ်။ ရှင်းရှင်း ရေးရရင် အခွင့်အရေးသာ တောင်းတတ်တော့တယ် အလုပ်ဝတ္တရားကိုတော့ ကြေပြွန်အောင် မလုပ် ချင်ကြဘူး၊ ဒီတော့ သည်းမခံနိုင်တဲ့ အိမ်ရှင်တွေ အလုပ်ရှင်တွေက ဒီအလုပ်သမားတွေကို အလုပ်က ထုတ်ပြစ်ကြတယ်၊ ထုတ်ပြစ်ပြန်တော့ အလုပ်သမားက အလုပ်သမားရုံးသွားတိုင်ပြန်ရော ဒီတော့ အလုပ်ရှင်တွေ အိမ်ရှင်တွေမှာ ရုံးတက်ရ အမှုဖြစ်ရနဲ့ အလုပ်ရှုတ်တယ်မို့လား''

သူတပါးအပေါ် မတရားသဖြင့် နိုပ်စက်ပြီး နိုင်ထက်စီးနင်း လုပ်ချင်တဲ့ အလုပ်ရှင်တွေအဖို့ သာရုံးတက်ရ အမှုဖြစ်ရတာကို ထမင်းစားရေသောက်သလို အပမ်းမကြီးပေမင့် ရိုးရိုးသားသား အေးအေး ဆေးဆေးနေချင်တဲ့ အိမ်ရှင်တွေအဖို့က ရုံးပြင်ကနားဆိုတာကို အနိဠာရုံနေရာတွေ လိုအင်မတန် ကြောက်တာ၊ ဒီတော့ ဒီပြဿနာတွေကို အဖြစ်လဲ မခံချင်တော့၊ ဒီအနားတ၀ိုက်မှာ သူဌေးတွေတောင် မာလီလဲ မငှားကြဘူး၊ ဒရိုင်ဘာလဲမငှားကြဘူး၊ ကိုယ့်ကားကိုယ်မောင်းကြတယ်၊ ဒရိုင်ဘာပြသနာလဲ မပေါ်တော့ဘူး။ 

အဲဒီလောက်ပြဿနာတွေ အပြင်မှာ ဖြစ်နေပါတယ်ဆိုပါမှ ဖေဖေ့မှာ ''ငါ့ကို ကားဝယ်မပေးဘူးဆိုတာ က တမျိုး၊ မာလီငယ်ငယ် ငှားမပေးဘူးဆိုတာက တမျိုး'' ဖေဖေဖြစ်ချင်တာတွေ အထွက်ဘဲဆူပူနေ တာဘဲ၊ ဒါလောက် ရှည်လျားတဲ့ ပြဿနာတွေကို သမီးက ပါးစပ်နဲ့ ဖေဖေ့လို နားမကြားတဲ့လူတ ယောက်ကို ဘယ်လို ဖြေရှင်း ပြောနေနိုင်မလဲ။

သမီးဒီရောဂါနဲ့ သေချက်လဲ သေမယ်၊ အသက်ရှည်ချင်လဲ ရှည်မယ်၊ ဒါပေမယ့် လောကကြီးမှာ အေးအေးဘဲ နေချင်တယ်၊ ဒါကြောင့် သမီးကိုယ်ကို အားလုံးလျော့ချလိုက်တယ်၊ ခိုင်းတဲ့ခလေးမလေး တွေနဲ့လဲ ပြဿနာမပေါ်အောင်နေတယ်၊ မာလီနဲ့ လဲအေးအောင်ကြည့်နေတယ်၊ မာလီကြီးကလဲ သမီးကို အလုပ်ရှင် လို့ မမြင်ဘူး၊ သားလို သမီးလိုဆက်ဆံကြတော့ အေးလို့၊ စိတ်တိုင်းမကျတာတွေ ကတော့ ရှိကြသပေါ့၊ စိတ်တိုင်း မကျတိုင်းသာ ''လေးခင်းပြရယင်၊ ဒေါထနေရယင်တော့ လောကတ ခုလုံး မီးတင်ရှို့ဖို့ဘဲ ရှိတယ်။

''မမယုကလဲ ဒါကတော့ ဖေဖေ့အပြစ်ကလဲရှိသေးတာကို၊ သုဝဏ္ဏသာမတို့ မိဘပြုစုတယ်ဆိုတာက ဒုကုလ နဲ့ ပါရိကာ တို့က တောတွင်းသစ်ခက်တဲ မှာ တရားထိုင်လို့ သားရှာပေးတဲ့ သစ်သီးကို အေးချမ်း စွာစားလို့ ခြေဆုတ်လက်နယ်ပြုသမျှ ခံလိုဆိုတဲ့ မိဘမျိုးလား၊ ဖေဖေ့ ခြေထောက်ကောင်းပြီး နားကြား ယင် ပိဠိယက္ခ မင်းကြီးထက်တောင် တောလိုက် ကောင်း အုံးမယ်။ ကိုယ့်အဖေက မိုးပျံနေတဲ့အဖေ၊ ကဲ လေ- ဒါတွေတွေးမနေနဲ့ ဆရာဝန်နဲ့ရော၊ ထမင်းချက်ရော စီစဉ်ပြီးရင် နုနုတခေါက်လာမယ်၊ အကို မှော်ဘီ က လာရင် လဲ နုနုတို့အစီအစဉ်ကိုပြောပြ အကိုလဲ ဒုက္ခပါပဲ….''

သူကရယ်ရယ်မောမောနှင့် စကားကို အဆုံးသတ်ပါသည်၊ အတော်ကြာ ကျမတို့စကားမပြောဘဲ အတွေး ကိုယ်စီ နှင့်ငြိမ်ကြ၏။ စာဖတ်သူ ခမည်းတော်ဘုရား၏ဟန်ပန်ကို ညီအမနှစ်ယောက်လုံး အကဲခတ် နေကြ၏။ စာဖတ်ပြီး အဆုံးသတ်တော့မှ မျက်မှန်ကြီးဘေးချလိုက်ခါ-

''မသိလို့ဗျို့… မသိလို့'' ဟူ၍ ထုံးစံအတိုင်း ခုနှစ်သံနှင့် ဖေဖေက အော်လိုက်ပြန်ပါသည်။ ပြီးတော့မှ မျက်မှောင် ကြုတ်ကာ တစုံတရာစဉ်းစားသလိုလုပ်ရင်း မေးခွန်းတခုမေး၏။

''နေပါဦး စကော့ဈေးထဲက ပစ္စည်းတွေသိမ်းတယ်ဆိုတော့ ''မမလေး ဘာလုပ်စားနေလဲ… သူက အပျို ကြီး၊ လုပ်ကျွေး မဲ့ လူလဲမရှိ''

ကျမတို့ညီအမနှစ်ယောက်မှာ ဖေဖေ့မေးခွန်းကြောင့် ပြိုင်တူရယ်မိပါသည်။ အဘယ့်ကြောင့်ဆိုသော် ထောင်သောင်းများစွာသော လူတွေ၏အဖြစ်အပျက်များကြားထဲမှ၊ သူခွဲစိတ်ကုသခြင်းခံရစဉ်က ဂရုတစိုက် ပြုစုသော တပည့်၊ ဦးစောမောင် ၏ နှမအငယ်ဆုံး ''ဒေါ်မမလေး''အား သူရွေး၍သတိရခြင်းကို ကျမ တို့ ညီအမ နှစ်ယောက် သဘောကျကြခြင်းဖြစ်ပါသည်။

''ဒီလိုပဲပေါ့ ပလပ်စတစ် အရုပ်ကလေးတွေ ဆီးသီးထုတ်တို့ မဆလာတို့ရောင်းတာပေါ့…''

နုနုက စာရေးပြလိုက်၏။

''သူ အင်မတန် သဘောကောင်းတဲ့သူပါ မတရားတဲ့ ကုန်သည်တွေပစ္စည်းမှ သိမ်းတာမဟုတ်ဘူး လား…''

နုနု ရော ကျမရော ဖေဖေ့မေးခွန်းကို မဖြေကြပါ၊ အေးအေးဆေးဆေးစီစဉ်ပြီး ကိုကိုနှင့် နုနု ဖေဖေ့ကို လာခေါ်မည့် အကြောင်း လိုချင်သောပစ္စည်းစုဆောင်းထားသည်မို့ နုနုကစာရေးပြပါသည်။

တပတ်အတွင်း ကိုကိုက ဖေဖေ့ကိုလာခေါ်၍ ကျမအိပ်ယာပေါ် နားခွင့်ရပါသည်။ ဟင်းကို ဖေဖေ့အကို အကြီးဆုံး ဦးသာယာ မှ မွေးခဲ့သည့် ဒေါ်ခင်ညွှန့်က လာပို့ပါသည်။ နောက်လတွင်တော့ ထမင်းချက် မိန်း ကလေး တယောက် ကို ကိုကိုခေါ်ပေးထားပါသည်။ အကိုကြီးကတော့ မှော်ဘီမှ ခဏခဏလာကြည့်ခါ ဆရာဝန် စကားနားထောင်ဖို့နှင့် တရားထိုင်ဖို့သာ သူပြောပါသည်။

ကျမရောဂါမှာ လက်တွေခြေတွေယောင်လာ၍ ကျမမစိုးရိမ်မိ၊ အသက်ရှုကြပ်လာမှသာ ကျမကြောက် ပါသည်၊ ခေါင်းထဲမှ ပြင်းထန်စွာ နာလာလျင် အန်၍၊ လူကလည်း သေမလိုပြော့၍ အားနည်းသွားတတ် ပါသည်၊ ထို့ကြောင့် ခေါင်းထဲမှနာမှာကို၎င်း၊ အသံတခုမြည်လာမှာကို၎င်း ကျမကြောက်ပါသည်၊ ဤအ သံမှာ ဘယ်က မြည်လာသော အသံ ဟုမသိ၊ အဝေးမှ လေယဉ်ပျံတခု ပျံသွားသောအသံနှင့် ဆင်ဆင်တူ ၏။ ကျမ အဖို့ မှာတော့ ဤအသံမြည်လာလျှင် ဝေဒနာပြင်စွာ ခံရပါသည်။

သေခြင်းတရားသည် စင်စစ်ကြောက်စရာမကောင်းပါပေ၊ သူ့အလိုအလျောက်ဖြစ်လာသော သဘောတ ခုဖြစ်၏။ မသေခင် ဝေဒနာခံစားရင်းနှင့် တမလွန်ရှိ ငရဲ၊ ၀ဋ်ဆင်းမှုတို့ကသာ ကြောက်စရာပါပင်တည်း။

ကျမစောစောပိုင်းက ဖေဖေ့ကို အလွန်စိတ်ဆိုးသော အကြိမ်နှစ်ကြိမ်ရှိသည်ဟု ရေးသားခဲ့ပါသည်။ ပထမ အကြိမ် မှာ ၀က်သားစား၍ ဒဏ်ရာရသောအကြိမ်ဖြစ်၏။ 

လူနာတယောက် ကို ဆေးရုံတင်ရတိုင်း ငွေကုန်ရသည်၊ စိတ်မောရသည်များမှာ အကြောင်းမဟုတ် ပြုစုရသူ ကျမ ကိုယ်တိုင် က ချိနဲ့ရသည့် အထဲ ဒီချိချိနဲ့နဲ့ကိုယ်နှင့် ဆေးရုံကြီးကို နေ့တိုင်းသွားရခြင်းကို စိတ်အလွန် ဆင်းရဲ၏။ ကားရှိသည်ဆိုသော မောင်နှမသားချင်းတွေကိုလည်း နေ့စဉ်အပူမကပ်ချင် တို့အဖေကြီး တွက်ဘဲ ဟူ၍ သူတို့ဖာသာ သဘောပေါက်နားလည်၍ နေ့စဉ်လာခေါ်လျှင်တော့ ကျမ လိုက်ကောင်းလိုက်ပေမည်။ ကျမ ကိုယ်၌က လည်း မာနကြီးသည်ထင်ပါသည်။ ''ကယ်မပါ ပြုစုပါ၊ မွဲသွေ့သွေ့မျက်နှာ ကိုယ်ချမ်းသာ ရာ ရကြောင်း ငယ်ပေါင်းစုတ်ပဲ့နုံ့နဲ့သည့်စကားများကို ယောင်မှား၍ဆိုမိ လျှာတိုအောင်ရိပ်ချင်၏'' ဆိုသော ဦးပုည စကားလိုပင် ဘယ်သူ့မှသွားမပြောတော့ဘဲ ကိုယ့်ခြေသာ ကိုယ် အားကိုး၍ ခနော်ခနဲ့နှင့် ဆေးရုံ နှင့် အိမ် ကို ကူးမိသည်။ ငါပြုရင် ငါ့ကုသိုလ်ဘဲဟူ၍ စိတ်ကိုဖြတ်လိုက်ခါ နေလိုက်မိပါသည်။ ဒါကြောင့် ဖေဖေ့ ကို ဆင်ဆင် ချင်ချင် နေစေချင်ပါသည်။ ဆေးရုံတက်ရသော အဖြစ်များကို ဖြစ်ကိုမဖြစ်စေချင်ပါ။

ဖေဖေကလည်း ပြောမရ။

ကျမစိတ်ထဲကတော့ ၀တ္ထုရေးသူပီပီ စိတ်ကူးယဉ်ကြည့်၏။ ဖေဖေ စိုက်ပျိုးရေး ၀ါသနာပါသူ ဖခင်ကြီး တယောက် စိုက်ပျိုးလိုက်၊ မြေများကို ပေါက်ချင်လည်း ၀င်ပေါက်လိုက်အုံး၊ သစ်ပင်များကို ရေလောင်း ချင်လည်း မာလီနှင့်အတူလောင်း၊ ကျန်းမာရေးပင် ပြည့်စုံပေသေးသည်။ ကျန်သောအချိန်တွင် ကြက်သရေရှိရှိ နှင့် အိမ်ဦးခန်းတွင် ကြိုက်သောစာအုပ်ကိုဖတ် ''သမီးရေ ဖေဖေ ဒီနေ့ ဘာဟင်းနဲ့ စားချင်တယ်'' စားချင်သည်ကိုပြော ဖေဖေ့အကြိုက်ကို ချက်ပြုတ်ကျွေး၊ ကျမရင်ထဲမှာတော့ ဤကဲ့သို့ ဖခင်မျိုး ကို ခဏခဏစိတ်ကူးယဉ်ကြည့်မိပါသည်။ ဖေဖေကတော့ တခြားထင်တာတွေလည်းလုပ် မီးဖိုချောင် ၀င် ဟင်းကိုယ်တိုင်ဝင်ချက် တခါတရံ ရေနံဆီမီးဖိုက မီးထတောက် တခါတလေ သူကပင် ထမင်းချက် မိန်းခလေး များကို ကြိမ်းထား၏။

''မီးဖိုချောင် မှာ ငါဘာဟင်းဝင်ချက်သလဲဆိုတာ နင်တို့မမကိုဖွင့်ပြောရင် ငါနင်တို့လည်ပင်းညှစ်မယ် ဒါဘဲ''

ကျမကမသိဘဲ နေပါမည်လား ငံပြာရေဆီသတ်ကို စပါးလင်ထည့်၍ သတ်သည်ကို ဖေဖေကြိုက်၏။ ''ဒီ နေ့ ဖေဖေ့ ကို ငံပြာရေဆီသတ် စပါးလင်နဲ့ထည့်ပြီး ချက်ပေးပါ''ဟုပြောလျှင် ပြီးသည့်ကိစ္စ၊ အဲဒီလိုမပြောပါ သူကိုယ်တိုင် ၀င်လုပ်ပါသည်။ တခါက ဆူးလေဘုရားအိမ်တွင် ဆီးအိုးမီးထ၍တောက်ဖူးပေပြီ၊ ထို့ကြောင့်ပင် ယခု ရေနံဆီမီးဖိုသုံးချိန် ၌ ဘယ်ကိုဘဲသွားသွား ဖေဖေ့ကိုစိတ်မချ ဖေဖေချက်ပြုတ်နေဆဲ ခနော်ခနဲ့နှင့် မီးဖို ပေါ် လဲကျသွားမှာ ကျမအလွန်စိုးရိမ်ပါသည်။

ထို့ကြောင့်ပင် ခလေးမလေးများကို ဖေဖေချက်နေဆဲ အနားမှ ဘယ်မှမသွားရန် မီးထတောက်သော် ဂုံနီအိပ် ရေဆွတ် ၍ အုပ်ရန် မီးသတ်နည်းကအစ သင်ကြားရပါသည်။

ကျန်အချိန်များတွင်လဲ အစုတ်ပေါင်းစုံကို ဖေဖေ့အခန်းတွင်တွေ့ရ၍ အိပ်ရာခင်း ခြင်ထောင် စောင်ဟူ သမျှ ဖာ တော့သည်။ နေ့စဉ်အ၀တ်ဟောင်းများကို အ၀တ်လျှော်ကုလားမ လာတိုင်းပေးရန် သွားယူ လျှင် ခလေးမလေး များကိုယူခွင့်မပြု။

သူကိုယ်တိုင် ထင်းခွေ ရေနံဆီသံပုံးထဲ သူ့အ၀တ်များထည့်၍  ခြံထဲတွင်ပြုတ် နှစ်ရက်တိတိပြုတ်ရမယ် ဆိုလျှင် ခလေးမလေးတွေမှာ နှစ်ရက်တိတိပြုတ်ရသည်။ ပြီးတော့ သူ့ဟာသူဖွတ်သည်။

''ဖေဖေလုပ်မှာစိုးလို့ ဒီကုလားမကို ငှားထားတာ၊ ဒီတခါ ဖေဖေအ၀တ်ဖွတ်ရင်တော့ ဒီသံပုံးရော အ၀တ် ရော သမီး လွှင့်အပြစ်ဘဲ''

လူမိုက်ဂိုက် နှင့် ခပ်တည်တည်ပြောရပြန်သည်။ ဒီတော့မှ အ၀တ်ပြုတ်သောသံပုံးကို အပ်တော့သည်။

ယခု ဒုတိယအကြိမ် ဖေဖေ့ကိုစိတ်ဆိုးမိသည်မှာတော့ ကိုကို၏အစီအစဉ်အတိုင်း ကျမအိမ်မှာတွင် အနား ယူကာနေ၏။ ကိုကိုရှာပေးသော ကရင်မလေးတယောက်က ထမင်းချက်၍ကျွေးသည်။ တနေ့တွင်မူ အိပ်ခန်း ခန်းဆီး ကို မ ကာ ဖေဖေအော်လိုက်သံကို ကြားလိုက်ရ၏။ ကျမက ကုတင်ပေါ်မှနေ၍ အံအား သင့်နေသည်။

''နင့်အိမ်ကိုလေ ငါဘယ်တော့မှပြန်မလာတော့ဘူး၊ မောင်မောင့် အိမ် မှာ တနေ့ဟင်းရှစ်ခွက်နဲ့ စားရ တယ်၊ သိလား''

ကျမမှာ ကုတင်ပေါ်မှနေ၍ ဒေါသဖြစ်သည်မှာ အလွန်ပါပင်တည်း။ ''ငါ့အဖေ ငါ့စေတနာကို မသိလေ ခြင်း''ဟူ၍ မျက်ရည်ပေါက်ပေါက်ကျလာသည်။ ချက်ခြင်းပင် ကုတင်ဘေးစားပွဲပေါ်မှ စာရွက်တခုဆွဲယူ ကာ ရေးလိုက်၏။

''တနေ့ ဟင်းရှစ်ခွက်စားနိုင်သော ဖေဖေ့သားအိမ်၌ တသက်လုံးနေပါ၊ သမီးကတော့ ဟင်းသုံးခွက်ပင် ကျွေး နိုင် ပါသည်။ သမီးသေပြီဟု ကြားတောင်မှ သမီးဆီကိုမလာပါနှင့်''

ကျမသည် ယခုတခါ စိတ်အလွန်ကိုဆိုးပါသည်။ သူဘာနှင့်လာ၍ ဘာနှင့်ပြန်သည်ကိုပင် ထ၍မကြည့် တော့။

နောက်နေ့တွင် ကိုကို လာကြည့်၏။ သူက ရောဂါအကြောင်းမေးပေမင့် ရောဂါအကြောင်း ကျမမဖြေပါ ပေ။

''ကိုကို က တနေ့ကို ဟင်းရှစ်ခွက် နဲ့ ဖေဖေ့ကို ကျွေးတယ်ဆို၊ မနေ့က ဖေဖေ မယုကိုလာပြီး ရန်တွေ့ တယ်'' ကျမက မေးလိုက်၏။

''မယုရယ်… ဖေဖေ့အကြောင်း ခေါင်းထဲမထည့်နဲ့တော့ ကိုယ့်ကျန်းမာရေးသာ ကိုယ်ဂရုစိုက်၊ လူဆယ် ယောက် ဆယ့်ငါးယောက်ရှိတဲ့ ကိုကိုတို့လိုအိမ်မှာ ခုခေတ်ဈေးနဲ့ ဟင်းရှစ်ခွက်စားဖို့နေနေသာသာ တ နေ့ သုံးခွက် စား ဖို့ မနဲလုပ်ရတာ ဘယ့်နှယ် နေကောင်းလား''

ကျမက ဘာမှမဖြေတော့ပါ မျက်ရည်တွေသာ လည်လာပါသည်။ ကိုကိုပြန်သွားမှ ရှိုက်ကြီးတငင် ငိုမိ သည်။ ကိုကို့ အိမ်ကို ဖေဖေသွားနေစဉ် အတောအတွင်းမှာပင် လစဉ် ငါးချောက်၊ အိုဗာတင်း၊ နို့ဆီ၊ သ ကြား၊ ကော်ဖီမှုံ့၊ လဘက်ခြောက်အချို၊ တလစာ တလစာ အိမ်က ကရင်မလေးကိုယ်တိုင် သွားပို့ခိုင်း၏။

ကျမနောက်ပိုင်းတွင်တော့ မငိုတော့ ငယ်ငယ်က ဖိုးစိန်ကြီးဇာတ်ထဲက သီချင်းကို သွားသတိရ၏။

''ကံဆိုးတဲ့ဇိန္နမာယူရယ်၊ ရန်ငြိုးမဖွဲ့လေနဲ့ သံသရာမှာမြော။ မင်းကဆိုးရင် မင်းပဲငရဲကြီးမယ်၊ ငါကဆိုးရင် မင်းပဲငရဲကြီးမယ်…''

ထိုသီချင်းအတိုင်းပင် မိဘနှင့်သားသမီး ကျမရင်ထဲအမျက်ဖြစ်လေသမျှ ကျမသံသရာမှာသာ မြောရ တော့မည် ကြောက်လိုက်ပါဘိ၊ (ဤသံသရာ) သူ့ကိုကြောက်၍ ပြေးရသည်မှာအမော၊ စင်စစ် ဤသံသ ရာကို ဘယ်သူကမှမစ။ ကျမကစခဲ့၍ ကျမတွယ်တာ၍ ကျမမောခဲ့ရခြင်းဖြစ်ပါတည်း။ ကျမကစ၍ ဖြတ် မှဟူ၍ သဘော ပေါက်သည့်တပြိုင်နက် ကျမရင်ထဲတွင် ပထမဆုံးငြိမ်းတော့သည်။ နောက်ပိုင်းတွင် တော့ အားထုတ် ပြီးသောတရားကို ရက်ပိုင်းနှင့် ဒိဋ္ဌာန်၍ ထပ်ခါထပ်ခါအားထုတ်သည်၊ နောက်ကိုလည်း အားထုတ် ရအုံးမည်။ ဆရာမင်းသုဝဏ်၏ကဗျာလေးကို ကျမ ခဏ ခဏရေရွတ်မိ၏။

Monday, February 7, 2011

ဇာတ်သိမ်းဆက်ရန်.......

[ ရွှေဇင်ဦးဘလော့ဂ်မှကူးယူပါသည်။ဘလော့ဂ်ဂါအားကျေးဇူးတင်ပါသည်။]