#ဆရာဦးအောင်သင်း
( အပိုင်း - ၆)
#အောင်မြိုင်သင်း
ဒီတစ်ပတ်တော့ အဖေနဲ့ ပတ်သက်ခဲ့ဘူးတဲ့စာရေးဆရာတစ်ချို့အကြောင်းလေးတွေပြောချင်ပါတယ်ခင်ဗျ
သူနဲ့ပတ်သက် ခဲ့ဘူးတဲ့ စာရေးဆရာတွေကများလွန်းလှပါတယ် . ကျွန်တော်ကိုယ်တိုင်သိတဲ့သူတွေ ရှိသလို အမည်မသိဘဲ မျက်မှန်းတန်းမိနေတဲ့စာရေးဆရာမျိုးတွေလဲ အများကြီး ရှိပါတယ် . အိမ်ကိုလာလည်ကြရင်လဲ အဖေနဲ့ဘဲအဓိက စကားပြောဖို့လာကြတာမို့ . .သိပ်ရင်းနှီးတဲ့အထိ မဆက်ဆံခဲ့ဘူးပါ. .
နောက်တစ်ခုက တစ်ချို့ စာရေးဆရာတွေနဲ့ အဖေ့ရဲ့ ဆက်ဆံမှူ့က ပုံမှန်ဖြစ်နေပြီးထူးခြားလောက်တဲ့ ဖြစ်ရပ်မျိုးမရှိရင်အဖေကလဲ ပြန်မပြောပြပါ. ... . ကျွန်တော်ကလဲအဖေပြန်ပြောသလောက်သာသိခဲ့ရတာမို့ အဖေ့ ရဲ့နောက်ကစီးမျောလိုက်ပြီး တစ်ဦးခြင်းစီအတွက် အဖေ့ ခံစားချက် ဝေဖန်ချက်တို့ကို မသိနိူင်တော့ပါ . .
အဖေအနေနဲ့ မှတ်မှတ်ရရ ပြောပြခဲ့တာမျှလောက်သာ ပြန်လည် ဖောက်သည်ချရုံ တတ်နိူင်ပါတယ် ခင်ဗျား
အခုပြောမယ့်ဖြစ်ရပ်ကလေးကတော့ အဖေ့ရဲ့ ဟောပြောမှူ့စွမ်းရည် ကြောင့် ဖြစ်လာတဲ့ အမှတ်တရအကြောင်းလေးပါ
အဖေ့ဟောပြောပွဲဂွင်တွေထဲမှာ လူငယ်နှင့် ဓမ္မစာပေဆိုတဲ့စကားပြောဂွင်လေးတစ်ခုရှိပါတယ် . . နေရာတစ်နေရာထဲ က ဆက်တိုက်ဟောပြောပွဲ ဖိတ်ရင် ၃ နှစ်မြောက်လောက်မှ ပြောတဲ့ဂွင်မျိုးပါ. .
၈၈ ခုနှစ်နောက်ပိုင်းမှာ. . တစ်ပိုင်းတစ်စထုတ်နူတ် ပြီးပြောတာမျိုးရှိခဲ့ပေမယ့် . ဂွင်ပြည့်ပြောတာမျိုးမတွေ့ဘူးတော့ပါ
. ကျွန်တော်မှတ်မိသလောက် ဓမ္မ စာပေ အကြောင်း ကိုပြောရင် ကာလာမသုတ် . Light of asia .ရှင်သာရိပုတ္တာရာ ရှင်အာနန္ဒာ.နဲ့ မဟာဒုတ်အကြောင်းတွေကို ပြောလေ့ ရှိပါတယ်. . အဖေပြောတာကို သေချာနားထောင်ကြည့် ရင် တကယ့် တရားဟောဆရာတစ်ယောက်ကပြောနေတာကို နားထောင်နေရသလိုမျိုးခံစားရပါတယ်. . .သူ့ရဲ့ သံနေသံထားနဲ့ ရွတ်ဆိုပြောဟောမွူ့အောက်မှာ နားထောင်နေတဲ့သူအားလုံးကြည်နူးချမ်းမြေ့သွားပြီး ဘုရားရှင် နဲ့ ရဟန်းတွေရဲ့ မြင်ကွင်းတွေကို မျက်စေ့ထဲ မြင်လာလောက်သည်အထိပြော ဟောနိူင်သူပါ နားထောင်နေသူအားလုံးလဲ တိတ်ဆိတ်စွာ စည်းမျောသွားတာမျိုး အကြိမ်ကြိမ်တွေ့ဘူးပါတယ် .
အခုဖြစ်ရပ်ကလေးကတော့သားအဖခြင်း သူပြန်ကြွားခဲ့တဲ့ သူ့ရဲ့ မှတ်ကျောက်တင်ခံတဲ့ စကားပြောစွမ်းရည်လေး တစ်ခုအကြောင်းပါ ခင်ဗျား
အဖေ့ထက်အသက်ရော စာဝါ ပါ ကြီးတဲ့ မုံရွာဦးလေးခန့်ဆိုတာရှိပါတယ်. . အင်မတန် ပညာမာန်ကြီးပြီးခက်ထန်ဟန်ရှိပါတယ်. . ဓမ္မကထိက ဦးလှသိန်းရဲ့ညီအရင်းပါ. စာပေလောကမှာ နာမည်ကြီးလွန်းသူမဟုတ်သော်လဲ ဓမ္မ စာပေသမားချင်း အသိအမှတ်ပြုရတဲ့ သူမျိုးပါ. .ကျွန်တော်တို့ဘေးကပ်ရက်လမ်း . ဝေဠုဝန်လမ်းကျယ်မှာနေပါတယ်. .. .
သူ့သားသမီးတွေနဲ့ကျွန်တော်တို့ မောင်နှမတွေကလဲရင်းနှီးတဲ့ သူငယ်ချင်းတွေပါ. . သို့သော် အဖေနဲ့ သူ့ကြား ဆက်ဆံမှူ့ကတော့ မရှိသလောက်ပါဘဲ ခင်ဗျား.
ဖြစ်ချင်တော့ . . ပျဉ်းမနားဘက်က ပွဲ တစ်ပွဲ ကို အတူ သွားဖို့ ဖိတ်ခံရတယ်.လို့ဆိုပါတယ်. . ရထားပေါ်ရောက် ကတည်းက ဦးလေးခန့်က တစ်ဖက်ကိုဘဲ လှည့် ပြီး နေပါသတဲ့. . သူ့အမျိုးသမီးလဲပါ ပါတယ်. . အဖေပြောတာက
ငါလဲ စဉ်းစားလိုက်တယ်ကွာ. . ဒီလိုပုံနဲ့ ခရီးအတူ သွားဖို့ မဖြစ်သင့်ဘူး.. သူနဲ့ငါကျင်လည်တဲ့ စာပေနယ်လဲတူတာမဟုတ်ဘူး . ငါက အငယ်ဘဲ စနူတ်ဆက်ပြီး . . စကားပြောဖို့ ဆုံးဖြတ်လိုက်တယ်လို့ဆိုပါတယ်သူက ပညာမာန် သိပ်ကြီးပြီးအင်မတန်အကဲဆတ်တယ်လို့ ငါ ကြားဘူးတယ် .
သူက ငါ့ရဲ့ နာမည်ကြီးခြင်းအပေါ်မှာ . သိဟန်မတူသလို သိပ်တန်ဖိုးထားဟန် အသိအမှတ်ပြုဟန်မတူဘူး လို့ ငါအကဲခတ်မိတယ်. . ဒါနဲ့. ရထားပေါ်မှာ ငါနဲ့ အီကြာကွေးဘဲ စကားအတူ ပြောနေကြ ရင်း (နောက်စာရေးဆရာ တစ်ယောက်ပါပါတယ် အမည် မမှတ်မိလို့ပါ) . . .အလည်လမ်းခြားပြီး ဘေးတိုက်ထိုင်နေကြတယ်လို့ဆိုပါတယ်. . နောက်လမ်းတစ်ဝက်လောက်မှာ ငါလဲနေရာရွှေ့ပြီး သူရှေ့ ကမျက်နှာချင်းဆိုင်ထိုင်တဲ့ခုံမှာ သွားထိုင်ပြီးနူတ်ဆက်လိုက်တယ်လို့ဆိုပါတယ်. . သူကဘာလဲ ဆိုတဲ့ပုံနဲ့ငါ့ကိုလှည့်ကြည့်တော့မှ. . ဆရာ ခန့် ကျွန်တော်ကအောင်သင်းပါ. . ဆရာခန့်ရဲ့ အကို တရားခွေတွေကိုကြိုက်လွန်းလို့ အကြိမ်ကြိမ်ကို နားထောင်ရင်းနဲ့ ကြီးပျင်းလာရတာပါ အဟောအပြောနဲ့ပတ်သက်ရင် ကျွန်တော့ရဲ့ တန်ဖိုးအထားရဆုံး အထင်အကြီးရဆုံးသူပါ ဆိုပြီး ငါအေးအေးဆေးဆေး ဘဲ ပြောပြ လိုက်ပါတယ်. .
သူက လှည့်ကြည့်ပြီး အင်း ဟုတ်မှာပေါ့ ဆိုတာမျိုးပေါ့ကွာ. . ငါ့ကို သိပ်စကားမပြောသေးဘူးဟေ့. . ဒါနဲ့ ငါလဲ. .သူ့ကို. . ဦးလှသိန်းအကြောင်းတွေ ကို စပြီးဝေဖန်ချက်ပေး စကားပြောတဲ့ ပညာ တရားဟောတဲ့ပညာ မှာဦးလှသိန်းကို မှီတဲ့ သူမရှိဘူး ဘာညာ . ဆက်ပြောတော့ သူလဲ ငါ့ဘက်လှည့်လာပြီး ဟိုစကားထောက်ဒီစကားထောက်ဖြစ်လာတာပေါ့ကွာ. . ငါလဲ လက်ထဲက rum ပုလင်လေး ထုတ်ပြီး သောက်ပါဆိုပြီး ပြောတော့ သိပ်မသောက်သေးဘူးကွ. နည်းနည်း အင်တင်တင်ရယ်. . နောက်မှ ငါထည့်ပေးတဲ့ ခွက်ကလေးကိုယူသောက်တာ . .
အဲ့ဒါနဲ့ ငါလဲ စကားပြောရင်း. . တစ်ချက်ကျတော့ . . ဦးလှသိန်းထဲ ကငါသိပ် စွဲခဲ့တဲ့ မဟာဒုတ်တရားကို ဦးလှသိန်းရဲ့ သံနေသံထားနဲ့. . ဆွမ်းကပ်ဖို့ ရဟန်းတစ်ပါးမှ မရလို့ နောက်ဆုံး ဘုရားရှင်ရဲ့ ကျောင်းတိုက်ရှေ့မှာ . .မဟာဒုတ် ငိုချင်းချတဲ့ အခန်းကို ရွတ် ပြမိတော့တာကိုးကွ. .
ကိုလေးခန့်က ငြိမ်နေတော့ ငါလဲ လွမ်းအူပေါက်ပြီး အရသာရှိ ရှိ ဆက်ပြောတော့တာကိုး . . ခဏနေတော့. . သူက နောက်ကိုမှီထားရင်းက ငိုမဲ့မဲ့ ကြီးဖြစ်လာပါလေရောဟေ့ . ငါလဲ ဘာဖြစ်မှန်းမသိတော့ ပြောနေတာကို ရပ်လိုက်တော့မှ. . သူက. . တရွူံ့ရွူံ့ ငိုပြီး. .
လေးခန့် . . လေးခန့် . . မင်း အစ်ကိုရဲ့ အမွေ ကို မင်းဘာမှ မရလိုက်ပါ့ လား. . ဘာမှ မဆိုင်တဲ့ အောင်သင်းဆိုတဲ့ ကောင်က အတိအကျ ရလို့ ဆိုပြနေပြီကွ ဆိုပြီး ချုံးပွဲချ ငိုရင်း. . . တော်ပါပေ့ ကိုအောင်သင်းရယ် တော်ပါပေ့ဗျာ. . ခင်ဗျားရဲ့ ပညာကိုရှစ်ခိုးပါရစေဆိုပြီး . . ငါ့ကို လက်အုပ်ချီပါလေရော(နည်းနည်းလဲထွေနေတာကိုး). .
သောက်ကျိုးကို နည်းရောဟေ့. . ငါလဲ အဲ့ဒီ့တော့မှ လန့်ဖြန့် ပြီး . . အောင်မယ်လေးဗျာ. . ဆရာခန့်ရယ် မလုပ်ပါနဲ့ဆိုပြီး ချက်ခြင်း ခုံအောက် ကိုဆင်းပြီး သူ့ လက် ကို အမြန်ဆုပ်ပေးထားရတယ်ဟေ့. . . . သူကတော့ တကယ် ဝမ်းပမ်းတနည်းငိုနေတာကိုး သူ့မိန်မက လဲ အတင်းသူ့ကို ထိန်းပြီး ထားရတယ်. . . အဲ့ဒါနဲ့ .. ငါလဲ အိပ်ထဲက ပုလင်းပြားလေးကို ထုတ်ပေး လိုက်ရော. .သူက . ဒီအတိုင်းကို မော့ချတော့တာဟေ့. . . ဆက်တိုက်မော့ နေတော့ မှ ငါလဲ သတိပြန်ဝင်လာပြီး. . ဆရာခန့် တော်တော့ တော်တော့ ဆို ပြီး အတင်းတားရတော့တာကိုး. . အဲ့ဒါနဲ့ သူလဲ ကြောင်ပြီးသောက်နေတာ ချက်ခြင်းရပ်ပြီး ဘာဖြစ်လို့လဲ တဲ့. . အဲ့တော့မှ ငါက. . . . ထပ်ဝယ်စရာနေရာမရှိ တော့ဘူးဗျ. . .. ဒါလေးဘဲရှိတာဆိုပြီး ပုလင်းကို အမြန်ပြန် သိမ်းလိုက်ရတယ်လူလေးရေ. .
အဲ့ဒီ့တော့မှ သူလဲ ရယ်ပြီး ဆောရီးကိုအောင်သင်းရေ လို့ ပြန်ပြောတော့တယ်ကွ လို့ အဖေရယ်မောရင်းကျွန်တော့ကို ပြန်ပြောပြပါတယ်ခင်ဗျား..
အဲ့ဒီ့နောက်ပိုင်းမှာတော့ အရင်းနှီးဆုံးမဟုတ်သော်လဲ. မုံရွာဦးလေးခန့်နဲ့အဖေဟာ. တစ်ဦးနဲ့တစ်ဦးတန်ဖိုးထား ဆက်ဆံသွားတဲ့ မိတ်ဆွေ မျိုးဖြစ်သွားတာတွေ့ရပါတယ်ခင်ဗျား. .
နောက်ထပ် အဖေနဲ့ ထူးဆန်းတဲ့ ရေစက် ပါလာသူကတော့ ဆရာ မင်းသိင်္ခ ပါဘဲ. .စာပေလောကထဲမှာ သိလာကြပေမယ့် သာမန်ခင်တာမျိုးမဟုတ်ဘဲ တစ်ဦးကိုတစ်ဦးအတော် တန်ဖိုးထားကြတာတွေ့ရပါတယ်. . အမြဲတွဲနေသူနှစ်ဦးမဟုတ်သော်လည်း တွေ့ကြတဲ့ အချိန်တိုင်း ငယ်ပေါင်းတွေလိုစကားပြောဆက်ဆံနေကြတာမျိုးပါ.
အဖေ့ကြည့်ရတာ ဆရာ မင်းသိင်္ခ လုပ်တဲ့ လုပ်ရပ်တွေကို တစ်ခါ တစ်ရံမှာ . သိပ်သဘောကျပြီး တဟားဟား ရယ်နေတာမျိုးမြင်ဘူးလို့ပါ. . စာပေထက် လူကို ပိုခင်ဟန်တူပါတယ်. .ကိုအောင်ထွန်းလို့ဘဲခေါ်လေ့ရှိပြီး သိပ်ခင်တဲ့မိတ်ဆွေ သိပ်ရင်းနှီးတဲ့ သူငယ်ချင်းတစ်ယောက် ကိုဆက်ဆံသလိုမျိုး ဆက်ဆံတာပါ.
အမေကတော့ ဗေဒင်တွေဘာတွေယုံတော့ ဆရာခ ကို အရမ်းခင် ပါတယ် ဒါပေမယ့် အိမ်ကိုလာရင်တော့ အရမ်းကြောက်ပါတယ်ခင်ဗျား . .
ဆရာခ လာရင် ဘယ်တော့မှ လက်ချည်းဘဲ မလာပါ.. .အဖ့အတွက် အမြဲတမ်းလက်ဆောင်ပါလာလေ့ရှိပါတယ် .
တခါတရံ ဆရာခ ရဲ့ အိမ်ကို လာတဲ့ မြင်ကွင်းကိုပြန်မြင်ယောင်ရင် အရမ်းသဘောကျ ရယ်ချင်မိပါတယ်. . ချစ်စရာကောင်းလွန်းလို့ပါ
ပါဂျာရိုးကား သို့မဟုတ် တန်ဖိုးကြီးကားတစ်စင်း. . နဲ့ နောက်ထပ် ကားတစ်စင်း ပါလာလေ့ရှိပါတယ်. . ကားရပ်ပြီးတာနဲ့ . တပည့် တွေအကုန်ဆင်းလာပြီ့းတစ်ယောက်က ဆရာခ ရဲ့ တံခါးကို ဖွင့်ပေးတော့ မှ ဆရာခ က ဆင်းလာ ပါတယ် .
ဝတ်စုံဆင်တူ အဖြူ အညိုတွေနဲ့ပါ. . အားလုံးဆရာခရဲ့နောက်မှာ ဝိုင်းပြီး ရံ လိုက်ချိန်မှာ သိုင်းကားထဲက ပုံစံမျိုး နဲ့ ဆရာခ က လက် တစ်ဖက် မြောက်လိုက်ပြီး ရှေ့ကို တိုက် ဆိုတာမျိုး ပြလိုက်ပါတယ် . . အဲ့ဒီ့တော့ မှ တပည့် တစ်ယောက် နှစ်ယောက်က အဖေ ကြိုက်တတ် တဲ့ ပယင်းရောင် အရည်လေးတွေကို . . တစ်ပုလင်း နှစ်ပုလင်းမဟုတ်ဘဲ . ပါကင်လိုက် (၂၄ ပုလင်း လောက် )အိမ်ထဲ ထမ်းပြီးဦးဆောင်ဝင် သွားတော့မှ သူကနောက်က ပြုံးပြုံးကြီး လိုက်လာတာပါခင်ဗျား. .
အမေ က အဲ့ဒီ့ အချိန်ဆို လန့်ဖြန့် ပြီး. ..ကိုအောင်ထွန်း ရှင့် ဟာတွေ ပြန်ယူ သွား . ဒုက္ခပါဘဲတော် . ဒီလောက်အများကြီး သေကုန်တော့မှာဘဲ ဆိုပြီး လှမ်း ရန်တွေ့ ရင် . . ဆရာခ ရော အဖေ ပါ တဟားဟား ရယ်နေတတ် ကြတာမျိုးပါ. . အဖေက တော့ ဆရာခ လာရင် အရမ်းပျော်နေပုံပါဘဲ (ပျော်မှာပေါ့ ခင်ဗျာ လက်ဆောင် က သူ့အတွက် သီးသန့်ကိုး). .
ဆရာခ ရဲ့ ထူးဆန်းတဲ့စိတ်ထားပါ သူကိုယ်တိုင်ဘုရားတရား ကျင့်ကြံနေသော်လဲ လက်ဆောင်ပေးရင် သူရဲ့ မိတ်ဆွေ ကြိုက်တတ်တဲ့ အရာကို ပေးဖို့ ဘဲ ခေါင်းထဲစဉ်းစာ့းထားပုံရပါတယ်. .
အဖေ့ ကိုလဲ မကြာခဏသူ့ရဲ့ မရမ်းတလင်းခြံကိုဖိတ် တတ်ပါတယ်. . အဖေအားလို့ သွားရင်လဲ လိုလေသေးမရှိ ပြုစုတယ် လို့ဆိုပါတယ်ခင်ဗျား. .
အမေအပါအဝင်တခြား သားချင်းတွေ ဗေဒင်သွားမေးကြရင်လဲဆရာအောင်သင်းရဲ့ အမျိုးပါဆိုတာနဲ့ ချက်ခြင်း VIP ဖြစ်သွား ပြီး အလှည့်ကျော်ပေးခြင်း လိုလေသေးမရှိအောင် ဧည့်ခံခြင်းမျိုးတွေ နဲ့ ကြုံ တွေ့ကြရ ပါတယ်.
. ဒီအကြောင်းတွေ ကို အဖေ့ကိုပြန်ပြောပြ ရင် အဖေ က ပြုံးပြုံး ကြီး လုပ်ပြီး. . ငါ့နာမည် က အစိုးရ ရုံး မှာ သုံးမရပေမယ့် . ကိုအောင်ထွန်းဆီမှာ တော့ VIP တောင်ဖြစ်နေပါပေါ့လား လို့ ရယ်ရင်း သူ့မိတ်ဆွေ အတွက်အင်မတန်ကျေနပ်တဲ့ မျက်နှာမျိုးဖြစ်သွား တာ တွေ့ရပါတယ်ခင်ဗျား. . အဖေမရမ်းတလင်းခြံကို သွားလည်ရင်တော့ သူ့ရဲ့ ဟောပြောမူ့တွေကို ရပ်ပစ်လိုက်ပြီး တပည့်တွေကိုဘဲ ဆက်ဟောစေတယ်လို့ဆိုပါတယ်. . သူကတော့ အဖေနဲ့ ဘဲ တောက်လျှောက်ဆက် စကားပြောနေတော့တယ်လို့ဆိုပါတယ်ခင်ဗျား
တစ်ရက်မှာသူက အဖေ့ရဲ့ လက်ဖဝါးကို လှမ်းဆွဲပြီး ကိုအောင်သင်းခင်ဗျားလက်ပြစမ်းပါဗျာ ဆိုပြီး ယူကြည့်ပါသတဲ့. .(အဖေက ဗေဒင်လက္ခဏာ ကြည့်လေ့မရှိပါ ပညာရပ်တစ်ခုအဖြစ်လေးစားသော်လည်း ယုံကြည်မှူ့အစွန်းမရောက်ပါ) အဖေ က ဘာဖြစ်လို့တုန်းဆိုတော့ ကျုပ်သိချင်လိုဗျ လို့ပြောတယ်လို့ ဆိုပါတယ်. .အဖေ့လက်ကို ကြည့်ပြီးလက်ဖဝါးပေါ်က အမှတ်ကလေးတစ်ခုကိုပြ ပါသတဲ့. .
တွေ့လား ကျုပ် ထင်တဲ့ အတိုင်းဘဲ ကိုအောင်သင်းရဲ့ ဆိုပြီး ပြောပါသတဲ့
အဖေ က ဘာတုန်းဗျ ဆိုတော့ နေအုံး ကျုပ်မပြောဘူး ကိုယ့်ဖာသာ ဖတ်ကြည့်တော့ ဆိုပြီး အင်ဂလိပ်လိုရေးထားတဲ့ လက္ခဏာ ကျမ်း တစ်ခုရဲ့စာမျက်နှာကို လှန်လိုက်ပါတယ်တဲ့ ပြီးမှ အဖေရဲ့ လက်မှာ ပါတဲ့ သင်္ကေတ လေးတစ်ခုနဲ့ဆင်တူတာကိုပြပြီး ဖတ်ကြည့်စေပါတယ် တဲ့ စာမှာရေးထားတာက အကြီးအကဲတွေ ရဲ့ စောင့်ရှောက် မှူ့ မျိုး ခံ ရတယ်လို့ ပါ ပါသတဲ့ . . ဒါနဲ့ အဖေက ကိုအောင်ထွန်းရာ . . ကျုပ်ကို ဘယ်အကြီးအကဲမှ မစောင့်ရှောက်လို့ ကျုပ် ပြုတ်လာတာပေါ့ဗျ . .ဒုက္ခ ရောက်လိုက်တာဆိုတာဗျာ လို့ ပြောတော့. .
ဆရာခ က အဖေ့ ကို စိတ်ပျက်လက်ပျက်နဲ့ ကြည့်ပြီး. . ခင်ဗျားတော်တော်တုံးတဲ့လူဘဲ ဗျာ. . အကြီးအကဲဆို တာ. . ခင်ဗျား သိနေတဲ့ လူအကြီးအကဲပြောတာမဟုတ်ဘူးဗျ. . အထက်ပုဂ္ဂိုလ် တွေကို ပြောတာဗျ. . အထက် ပုဂ္ဂိုလ် အစောင့်အရှောက် တွေကိုပြောတာ ဆိုပြီး. . ရယ်ရင်းပြောပါသတဲ့ ဗျား . . အဲ့တော့မှ အဖေ လဲ . . ဟုတ်လား. . သိပါဘူးဗျာ ခင်ဗျားတို့ ဗေဒင်စကားလုံးတွေ လို့ပြောပြီး ရယ်နေလိုက် ရတော့တယ်လို့ ဆိုပါတယ်ခင်ဗျား. . .
ကျွန်တော်မှတ်မိသလောက် ဆရာခ နောက်ဆုံးအချိန်မတိုင်ခင်ထိ အဖေနဲ့ အဆက်အသွယ် မပြတ်ခဲ့ ဘူးလို့သိရပါတယ်. .ဆရာဇင်ယော်နီကလဲ အဖေ့ရဲ့ သားတပည့်လိုနေတာကိုး... ဆရာခဆုံးချိန်မှာ. . အဖေ့ရဲ့ ကျန်းမာရေးအခြေအနေကလဲ သိပ်မကောင်းချိန်ဖြစ်နေတော့ ကိုယ်တိုင်လိုက်ပို့နိူင်ခဲ့ဟန်မတူပါ. . သူ့စိတ်ထဲမှာ ဘယ်လိုခံစားရသလဲဆိုတာမမေးလိုက်နိူင်ပေမယ့် မိတ်ဆွေရင်းတစ်ယောက်ဆုံးရှူံး မှူ့ အတွက် သူ စိတ်ထိခိုက် ခဲ့မှာကတော့သိပ်သေချာပါတယ်ခင်ဗျား. .
ဘဝမှာချစ်စရာကောင်းလှတဲ့မိတ်ဆွေတွေ ရဲ့လမ်းခွဲမှူ့မျိုး တွေဟာသံသရာ ကြီးတစ်ခုလုံးနဲ့ ယှဉ်လိုက်ရင်တော့ ယာယီလမ်းခွဲ ခြင်းလောက်ဘဲဖြစ်မှာပါ လို့ ကျွန်တော်စိတ်ဖြေတွေး. တွေးဘူးပါတယ်. .
အခု. ဆိုရင်ကို သူတို့ အချင်းချင်း ပြန်တွေ့ ပြီးတစ်ဦးနဲ့တစ်ဦး ဝမ်းသာအားရ နုတ်ဆက်ကြ လည်ပင်းဖက်နေကြပြီလားလဲ မသိ တော့ပါဘူးဗျာ .
**********
အဖေ့အကြောင်းကိုရေးနေတာဆိုပေမယ့် . . အဖေနဲ့ သိခဲ့သမျှ နာမည်ကြီးတွေအကြောင်းချည်းဘဲ ရေးနေသလိုဖြစ်နေပါတယ်. . တကယ်တန်းကနာမည် မကြီးသော်လဲ အဖေ့ အပေါ် မှာ. . အနီးကပ်စောင့်ရှောက် ခဲ့တာမျိုး. . အဖေနဲ့ အနီးကပ်နေပေးသွားခဲ့တဲ့သူတွေအကြောင်းကိုလဲ ရေးပြသင့်တယ်လို့ထင်ပါတယ်ခင်ဗျား. .
တပည့် တပန်း အင်မတန်များတဲ့ အထဲက ထူးထူး ခြားခြားနဲ့ ကျွန်တော်မှတ်မိနေခဲ့တဲ့ အဖေ့တပည့် တချို့ အကြောင်းကိုလဲ ပြောပြ ပါရစေ. .
၁၉၈၃ နှစ်ကုန် လောက်မှာ. . အဖေ့ ကို မိုးညိုက စာပေဟောပြောပွဲ ဖိတ် ထား ပါတယ်. . . လာပြီးဖိတ် တုန်းက အဖေ နဲ့ တိုက်ရိုက်တွေ့ခဲ့တော့ အဖေ ဘယ်လို ပွဲ လက်ခံထားတယ် မသိပေမယ့် . . ဆရာမြနဲ့ ရှူမ်းပြည် ကို ၂ ပတ်လောက် ဘဲ ကြာမယ့် ခရီးက. . ၁လခွဲ လောက်ကြာ လာတဲ့ အခါမှာ တော့ လက်ခံ ထားတဲ့ ပွဲ တွေ အတွက် ကျွန်တော်တို့ မိသားစုက ဒိုင်ခံ ဖြေရှင်းရပါတော့တယ်. . . တစ်ချို့ပွဲတွေက . အခြား လူစားထိုးပြီး. . ပွဲ ကိုဖြစ်အောင် လုပ်လိုက် ကြပေမယ့် . . မိုးညိုပွဲ ကတော့ . . ဦးအောင်သင်း ပါ ကို ပါရမယ် ဆိုပြီး ပွဲ ကို ၂ ပတ်ခြား ရက်ရွှေ့ ပြီး မိုးညိုမှာကြေငြာပြီး စောင့်ပါတယ်. . (အိမ်က ပြက္ခဒိန် မှာ ပွဲတွေကိုရေးထားတော့ တအိမ်လုံး လွယ်လင့်တကူတွေ့နိူင်ပြီးအဖေမရှိလဲ စီစဉ်လို့ရပါတယ်.)
ဖြစ်ချင်တော့ နောက်နှစ်ပတ်အကြာ မိုးညို ကလူ အဖေ့ ကို ပြန်လာပင့်တဲ့ အချိန်ထိ. . အဖေတို့ပြန်မရောက်ချိန်မှာ တော့ . . အဲ့ဒီ့လူ က ဒေါသကြီးပါတော့တယ်ခင်ဗျား. . . . အမေရယ် ကျွန်တော်တို့မောင်နှမတွေရယ် စုံချိန်မှာ ဖြစ်တာပါ. . .. လူက ခပ်သွယ်သွယ် . . ညိုညို . .ကြည့်ကောင်းတဲ့ ဥပဓိ ရှိပါတယ် . အတန်အသင့် နွမ်းပါး ဟန်တူပေမယ့် . ရိုးသားတဲ့ မျက်နှာ မျိုးပါ. .
သူ ဒေါသထွက်ပြီး တောသားလေသံနဲ့ အားရပါးရပြောချ လိုက်တဲ့စကားကတော့. .
ရက် ဆိုတာ တစ်တုံး လို ဟိုရွှေ့ ဒီရွှေ . ရွှေ့ လို့ ရ သာ မူတ်ဘူးဗျ. . (သ နဲ့ တ ကလဲ လွဲနေပါသေးတယ်)
ကျွန်တော်တို့ မောင်နှမတွေ သူ့ စကားပြောသံ ကိုကြားပြီး.တာနဲ့ . တခွီးခွီးနဲ့ ကြိတ်ရယ်ပါတော့တယ်. ... သူလည်းနည်းနည်း ကြောင်သွားပြီး ဘာတုန်းဗျ . . လှောင်တာ လားဆိုတဲ့ ပုံနဲ့ ကျွန်တော် တို့ ကို ဘုကြည့် ပြန်ကြည့် တဲ့ အချိန်မှာ. . အမေ က ရယ်ပြီး မဟုတ်ပါဘူးမောင်သိန်းမြင့် ရယ်. . ဆရာတို့ကို အဆက်အသွယ်ကို မရသေးလို့ ပါ. .ဆရာမဘဲ ကြားထဲကတောင်းပန်ပါတယ်. . .မောင်သိန်းမြင့်တို့ ပွဲ ကို ဆရာပြန်ရောက်မှသာစီစဉ် ပါတော့ ဆိုပြီး ပြေရာပြေကြောင်းပြောပြီး ထမင်း ပါ စားသွားခိုင်းတော့လဲ ဘာမှ ဟန်မဆောင်ဘဲ ဝင်တွယ်ပါတော့တယ်ခင်ဗျား. .
သူကတော့ . .နောင်တစ်ချိန်မှာ အဖေ့ရဲ့ တပည့်ရင်းဖြစ်သွား ပြီး တစ်သက်လုံး. . ကျွန်တော်တို့ မိသားစုဝင်ကဲ့သို့ နေထိုင်သွားတဲ့ ကိုကို သိန်းမြင့် ပါဘဲ ခင်ဗျား. .
နာမည် ကြီးလိုက် သည် အထိ အသက်ရှည် မသွားပေမယ့် . . အရည်အချင်း သိပ်ကြီးတဲ့ သူမှန်း အဖေ နဲ့ အနီးကပ်နေသူတိုင်း သိကြပါတယ်. .
အဖေ ပြန်ရောက်လာချိန်မှာ တော့ သူနဲ့ အေးအေးဆေးဆေး စကားပြောပြီး မိုးညိုပွဲ ကို အတော်လှ အောင် လုပ်ပေးခဲ့တယ်ဆိုပါတယ်. .
မိုးညိုပွဲ ပြီးတဲ့နောက်တော့ ကျွန်တော်တို့အိမ်က သူ့ရဲ့ စားအိမ်သောက်အိမ် ဖြစ် သွားပါတော့ တယ် . . အိမ်မှာ လဲ တပတ်ဆယ်ရက်နေချင်နေပါတော့ တယ်. .
သူက ဦးသန့် အရေးအခင်းနဲ့ . . Rit ကကျောင်းထွက် လာခဲ့ရသူပါ. . . သူလည်း အဖေနဲ့ မတွေ့ခင်မှာ အရမ်း နီခဲ့ ပေမယ့် . . အဖေနဲ့တွေ့ ပြီးနောက်ပိုင်းမှာတော့ ဘုရား ပြန်ရှစ်ခိုးတဲ့ အဆင့် ထိ ရောက်သွားပါတော့တယ်. .
သူက အင်းဂလိပ်စာသိသာလောက်အောင် ကောင်းပါတယ် . . တစ်ယောက်ထဲ dictionary နဲ့ အင်ဂလိပ် စာ ကိုလေ့လာခဲ့သူလို့ဆိုပါတယ်. . ကမ္ဘာ ကျော်ဝတ္ထု အတော်များများ ကို ဖတ် ထား ပြီး အဖေ နဲ့ ရင်ဘောင်တန်းဆွေးနွေး နိူင်တဲ့ အဆင့်မျိုးပါ. . သူ့ရဲ့ အကြီးဆုံး အားနည်းချက်ကတော့ . . အင်ဂလိပ် ဘာသာစကားနဲ့ စာပေကို နှံ့စပ် ကျွမ်းကျင်သော်လည်း . . အသံထွက် အတော် ဆိုးဆိုးရွားရွား မှားနေ ခြင်းပါဘဲ. . သိသာလောက် အောင်ကို မှားတာပါခင်ဗျား. .
Ever အဲဗား ကို သူ က အီးဗား လို့ အသံထွက် ပြီး .everything အဲဗရီးသင်း ဆို သူက အီးဗရီးသင်းလို့. အသံထွက်ပစ်လိုက်တာမျိုးပါ. .
အဖေက သူ့ကို အတော်ချစ်ပြီး သူကအဖေနဲ့ အမြဲတွဲရက်ရှိတာများပါတယ်. အဖေ ဆီကို လာတဲ့ သူမှန်သမျှလဲ သူ့ကို တန်ဖိုးထား လေးစားကြတာတွေ့ရပါတယ် . နောက်ပိုင်း မှာတော့ ဆရာမြ ဆရာသော်တို့ နဲ့ ပါရင်းနှီးသွား ပြီး တစ်သက်တာလုံး အဖေ့ရဲ့ တပည့် မိတ်ဆွေအဖြစ် အမှားအယွင်းမရှိ နေထိုင် သွားခဲ့သူပါ. . .
သူနဲ့ပတ်သက်တဲ့ ဖြစ်ရပ်တွေက များပေမယ့် အထင်က ရ ဖြစ်ကျန်ခဲ့တာ လေးတွေ ပြောပြပါရစေ. .
၁၉၈၄ လောက်မှာ အန်တီ Anna မြန်မာပြည်ကို တစ်ခေါက်လာလည်ပါတယ်. . သူက အင်္ဂလန် ကပေမယ့် သူ့ကို လေးစားတဲ့ သူ့မိတ်ဆွေ ဘြစတေးလျ . သံအမတ်နဲ့ သံအမတ် ကတော်တို့ က သူ့အတွက် နေ့လည်စာ ပါတီ ပွဲတစ်ပွဲ လုပ်ပေးပါတယ်. .
အန်တီanna ဖိတ်လို့ ကျွန်တော်တို့ တစ်မိသားစုလုံး. . ဘြစတေးလျ သံအမတ် ရဲ့ ရွှေတောင်ကြားလမ်းထဲက အိမ် မှာ နေ့လည်စာ ဘူဖေးလ် သွားစားဘူး တာပါ. . ကိုသိန်းမြင့် ကိုလဲ အဖေက ခေါ် ခွင့် တောင်းတော့ အန်တီ Anna မီးစိမ်းပြလို့ . ကိုသိန်းမြင့် ပါ ကျွန်တော်တို့မိသားစုနဲ့ အတူ ပါ လာပါတယ်. .
အဝတ်အစားကောင်းကောင်းမရှိလို့ အဖေက သူ့ လက်ဆောင်ရထားတဲ့ အထဲ က ပုဆိုးအသစ် လည်ကတုံး အသစ် ထုတ်ပေး ပါတယ်. . ကိုကို သိန်းမြင့် က သိပ် ဟန်ဆောင်သူ မဟုတ်ပါ. . ကော်တွေ တောင့် နေတဲ့ ပုဆိုးက သူ လမ်းမလျောက်ရသေးခင် ဂါဝန်လို ရှေ့ ကို ရောက်နေပါ တယ် သူ့ကိုကြည့် ပြီး ကြိတ်ရယ်နေကြတာ လဲ သိပုံမရပါ. . ဘာကိုမှဂရုမစိုက် ဟန်မဆောင်တတ်တဲ့ သူမျိုးပါ. . ဆရာမြလဲပါပါတယ်. .
မှတ်မှတ်ရရ ရယ်ရတာ တစ်ခု ကတော့ . အန်တီ anna နဲ့ မိတ်ဆက်ပေး လိုက်ချိန်မှာ. . သူက အန်တီ anna ကို ဘိုလို မှူတ်ပါတော့ တယ် ..၁၀ မိနစ်လောက်ထိ အန်တီ anna က ခေါင်းတစ်ငြိမ့်ငြိမ့် နားထောင် ပေး ပြီး. . ရုတ်တရက်. . .
ခိုးသိန်းမြင့် ချွန်မ ဂို ကျေ့ ဇု ပြု့ ပီး ဗယ်မာလို ပြော့ဘာ. .ချွန်မ ခို သိန်းမြင့် ဘာ့ ပြော့လည် နားမလည်လို့ဘာ . . လို့ ပြောလိုက်တော့ မှ ဘဲ. . ကိုကို သိန်းမြင့် ဘိုလို မူတ်တာ ရပ် ပြီး မြန်မာ လို ပြန်ပြော ရပါတော့တယ်
အကုန်လုံး ဝိုင်းရယ် ကြ ပေမယ့်. ကျွန်တော့ဆရာ ကိုသိန်းမြင့် က တော့ ခပ်တည်တည် ဘဲ မြန်မာ လို ဆက်ပွားပါတော့ တယ်ခင်ဗျား. . အဲ့ဒါ ကတော့ သူနဲ့ပတ်သက်တဲ့ အမှတ်တရ ရယ်စရာ တစ်ခု ပါ. .
နောက်တစ်ခုကတော့ တောသားကျွန်တော် အဖေပြောဘူးတဲ့ ဘူဖေး ကို မျက်ဝါးထင်ထင်တွေ့ဘူးလိုက်တာပါဘဲ ခင်ဗျား. .
ထမင်းကျော် ခေါက်ဆွဲ ကျော် ကြာဇံကျော် နဲ့ . ဟင်းတွေအပြင်. . အနောက်တိုင်း အစားအစာ အသားတုံးတွေ.. သောက်စရာ ဖျော်ရည် မျိုးစုံတွေကို ချပေးထား ပါတယ်. . .အရက်. ဝိုင်. နဲ့. ဘီယာ. အတော်များများပါပြီး..ကျွန်တော့စိတ် အဝင်စားဆုံးက. အဲ့ဒီ့ ဘေး နား က ချိစ် အတုံး အကြီးကြီးတွေပါ. ၁၀လက်မလောက်ကြီးတဲ့. ပန်းသီး ကို စိပ်ထားသလိုမျိုးပါ. .. အပြင် အခွံ အနီ နဲ့. . လချမ်း ပုံ ချိစ် အတုံး ကြီးတွေပါ. . အဲ့ဒါနဲ့ . . ကျွန်တော်လဲ
အဖေ့ နား ကပ်ပြီး အဖေ အဲ့ဒါဘာလဲ ဆိုတော့ ချိစ် ဆိုတာ အဲ့တာ ကွ လို့ ပြောပါတယ် . . . ကျွန်တော်သိပ်စိတ်ဝင်စားသွားပါတယ်. .
ဝတ္ထုတွေထဲမှာ မင်းသားက ချိစ်တုန်းလေးဝါးလိုက် ဘီယာလေးသောက်လိုက် ပန်းသီးစိတ်ကလေးစားလိုက် တမြုံ့မြုံ့ အရသာ ခံတယ် ဆိုတာဖတ်ဘူးတာက်ိုး ဗျ.
အဲ့ဒါနဲ့ ကျွန်တော်လဲ ချိစ် လချမ်းလိုက် အစိတ်ကြီး တစ်စိတ်ယူ ပြီးပန်းသီးစားသလို ကိုက်ပြီးစားပါတော့တယ်ခင်ဗျား အပြင်ဘက်က အခွံတွကိုပါစား ပစ်တာပါ(အဲ့ဒီ့ည အိမ်ပြန်ရောက်တော့မှ အဖေ ပြောလို့ အခွံတွေက ဖယောင်းတွေမှန်းသိရပါတယ် ဖယောင်းနည်းနည်းစာရုံနဲ့မသေပါလို့ သုတေသနတစ်ခုတော့ ပြလို့ရ သွားတာပေါ့ခင်ဗျာ ) .
ငံကြွက်ကြွက် နဲ့ ချိစ် ဟာ အတုံးလိုက်စားတော့ ပါစပ်ထဲ မှာပြည့်ပြီး စီးကပ်နေပါတယ်. . နီးရာဖျော်ရည် တစ်ဘူးနဲ့ အတင်းမျောချ လဲ. . ဘာအရသာကြီးမှန်းမသိတဲ့ ခံစားမှူ့ ဟာ တော်တော်ဆိုးပါတယ်. . ဒါပေမယ့် ကျွန်တော့ရဲ့စားနေတဲ့ အရှိန်ကိုတော့ မလျှော့ လိုက်ပါ ခင်ဗျ. . . ချိစ်ဆိုတာ ကိုစိတ်တိုင်းကျ စားဘူးသွားတာကို ဂုဏ်ယူချင်တာကိုးဗျ. . နောက်တစ်ဆင့်တက်စားတာကတော့ပန်းသီးပါ. . မြန်မာပြည်ဈေးကွက် မှာပန်းသီးလုံးဝ မရှိသေးပါ သိပ်ချမ်းသာတဲ့မိသားစုတွေကတော့ သံဈေး နဲ့ သိမ်ကြီးဈေးမှာ တခါတရံ ဝယ်လို့ ရနိူင်ပြီး . တခြားနေရာတွေမှာ လုံးဝမရှိပါခင်ဗျား
၉၀ ခုနှစ်နောက်ပိုင်းလောက်ကျမှ မြန်မာပြည်ဈေးကွက်မှာ ပန်းသီးပေါ်လာတာတွေ့ရပါတယ် ပန်းသီးတစ်လုံး ကို အမြန်စားပြီး ဒုတိယမြောက် ချိစ် အတုံးကို ထပ်တွယ်ဖို့ကျိုးစား ပါတယ် ချိစ် အတုံး တစ်ဝက်လောက်စားပြီးချိန်မှာတော့ လုံးဝ ဆက်မစားနိူင်တော့ဘဲ. လူမမြင်အောင် အမှိုက်ပုံး ထဲ ကိုလွင့်ှ ပစ်လိုက်ရပါတော့တယ် ခင်ဗျား. .
ချိစ် စားနည်း သိလာတဲ့ အရွယ်မှာတော့ ကျွန်တော်စားခဲ့တဲ့ အမျိုးအစားဟာ တော်တော်ဈေးကြီး လို့ဝယ်မစားဖြစ်တော့ပါခင်ဗျား.. .
Super market တွေထဲရောက်တိုင်းပုံသဏ္ဍန်မျိုးစုံ နဲ့ လုပ်ထားတဲ့ ချိစ်တွေကို သွားငေးလေ့ရှိပါတယ်. . ငေးမိတိုင်းလဲ ငယ်ငယ် က ဖြစ်ခဲ့တဲ့ပုံ တွေကို ပြန်မြင်လာပြီး. . ရယ်ချင်စိတ်ပေါ်လာပါတယ်ခင်ဗျား. .. . ကျွန်တော့ရဲ့ ရယ်စရာအတွေကြုံလေးပါ. .
ကိုသိန်းမြင့် အကြောင်း ဆက်ပါရစေ...
ကိုသိန်းမြင့် နဲ့ အဖေစကားပြောရင်များသောအားဖြင့် အဖေက နားထောင်ပေးလေ့ရှိပြီး. . ကိုသိန်းမြင့်ကဘဲ အဓိက ပြောနေလေ့ရှိတာတွေ့ရပါတယ်. .သူ့စိတ်ထဲမှာ မရှင်းနိူင်တဲ့ပြသနာမျိုးတွေကို အဖေ့ကို မေးတဲ့သဘောမျိုးဖြစ်ဟန်တူပြီး အဖေက နားထောင်ပြန်ရှင်းပြတာမျိုး ဖြစ်ဟန်တူပါတယ်. .
ဒီနေရာမှာ စကားပြောကောင်းခြင်း. . စကားပြောလို့ကောင်းခြင်းတွေဟာ အနေနီးရင်ကူးစက်သွားတတ်တာကိုတွေ့ရပါတယ် . ကိုသိန်းမြင့်ဟာ အစပိုင်းက သူပြောချင်တာတွေ သူယုံကြည်တာတွေ ကို စွတ်ပြောတတ်တဲ့ အကျင့်ကနေအဖေနဲ့ တွေ့ ပြီး . . တစ်နှစ်လောက်အကြာမှာ. . စကားကို ထိန်းသိမ်းတတ်လာတာတွေ့ရပါတယ် . . တစ်ဖက်လူရဲ့စကားကိုသေချာအာရုံစိုက်ပြီး နားထောင်တတ်လာတာ မျိုးကိုဆိုလိုတာပါ. .
စကားပြောကောင်းချင်တတ်တဲ့ မိတ်ဆွေများ သတိပြုစေလိုပါတယ်. . များသောအားဖြင့် လူအများစုဟာ မိမိ ရဲ့ အတ္တပေါ်မှာ အခြေခံပြီးကိုယ်ကဘဲ စကားပြောချင်တတ်လေ့ရှိပါတယ်.ပြောနိူင်လိုက်တယ်လို့ယူဆကြပါတယ် . ကျကျနန နားထောင်ပေး ဖို့မေ့လျော့နေလေ့ ရှိကြပါတယ်. .
စကားပြောကောင်းတဲ့ သူ တော်တော်များများဟာ. . တဖက်လူက ကိုယ့်ကို တိုင်တည်. . တိုင်ပင်. . ဖြစ်ရပ်ရှင်ပြနေတဲ့ အချိန်မှာ. . ကျကျ နန နားထောင်ပေးတတ်တဲ့ အကျင့် ရှိတာကိုတွေ့ရပါတယ်.. ကျွန်တော် ကစကားပြောကောင်းခြင်းရဲ့သဘောကို ငယ်စဉ်ကတည်းကသတိပြုမိခဲ့တော့ . ကိုသိန်းမြင့်ရဲ့ စကားပြောပုံပြောင်းလဲလာခြင်းကို တန်းသတိပြုမိပါတယ်ခင်ဗျား. .
ကျွန်တော်တို့ကိုလဲ စာသင်ပေးနေတော့ ဖေဖေ့ ပုံစံမျိုး စကားပြောဟန် ပြောင်းလာလို့ ပြုံးမိကြပါသေးတယ်. . လက်နောက်ပစ်လိုက်တဲ့ ဟန် ခါးတစ်ဖက်ထောက်တဲ့ပုံစံ . စဉ်းစားဟန်ပြုတဲ့ မျက်နှာ အားလုံး အဖေနဲ့ ဆင်တူလာတာတွေ့ရပါတယ်. ပထမဆုံး စပြောင်းလာတာ က ကိုယ်ဟန်အမူအယာပါ. . နောက်ကတွဲလိုက်လာတာကတော့. . စကားလုံးအသုံးအနူံး. အသံအနိမ့်အမြင့် .နဲ့ လေ ရှူ အဖြတ်အတောက်ပါ ဒါတွေ အားလုံးဟာ ရုတ်တရက်တန်းမတွဲမိသေးသော်လဲ . . စကားပြောကောင်းတဲ့ သူနဲ့တွဲလာတာနဲ့ အမျှ ဆင်တူ လာတဲ့သဘောမျိုးဖြစ်လာတာတွေ့ရပါတယ်... . .
လူအတော်များများက စကားပြောကောင်းချင်တတ်ကြသလို. . စကားပြောကောင်းတဲ့သူတွေကို လဲ တန်ဖိုးထားတတ်ကြတာတွေ့ရပါတယ်
ကျွန်တော် နားလည်တဲ့ စကားပြောကောင်းခြင်းလေးတွေအကြောင်းကို နည်းနည်းပြောပြပါရစေ. .
စကားပြောကောင်းခြင်းဆိုတာဟာ. . မိမိပေးလိုသော . မက်ဆေ့ရှ် ကို . .နားထောင်သူတစ်ဖက်သား အား. . ရှင်းလင်းစွာ နားလည်သဘောပေါက်အောင် အသိ ပေးလိုက်နိူင်ခြင်းပါဘဲ. လို့ ကျွန်တော်ယူဆပါတယ်. .
စကားပြောကောင်းခြင်း ဟန်ပန်မျိုးစုံရှိသော်လဲ
ကျွန်တော်သတိထားမိသလောက်
လူတွေရဲ့စကားပြောဟန် အကောင်းဆုံး အချိန် . ၂ ချိန်ရှိ တာတွေ့ရ ပါတယ်
ဟာသလေးရောယှက်ပြီးပြောချိန်နဲ့
ဒေါသနည်းနည်းလေးရှိနေတဲ့ အချိန်တွေမှာ လူတော်တော်များများသာမန်ထက် ပိုပြီး စကားပြောကောင်းကြ တယ်ခင်ဗျ (ဒေါသကြီးချိန်မဟုတ်ခြင်းကိုတော့ သတိချပ်စေလိုပါတယ်/တချို့ကလဲ ဒေါသသံ နည်းနည်းလေး ပါအောင် တမင်ဖန်တီးယူပြီးပြောတတ်ကြတာတွေ့ရပါသဗျ)
လူတော်တော်များများဒေါသ အနည်းငယ်စွက်နေချိန်မှာ. . စိတ်ဝင်စားစရာကောင်းတဲ့ မျက်နှာထားနဲ့ ဟန်ပန် ကို ဖြစ်ပေါ် လာစေတယ်လို့ ယူဆမိပါတယ်. ...သာမန် အချိန်တွေထက် ပို ပြီး စိတ်ဝင်စားစရာ ကောင်းလှတာကိုလဲသတိထားမိပါတယ် .
ကရုဏာ ဒေါသော နဲ့ ပြောနေချိန်. . စိတ်မရှည်ခြင်း ကြောင့်သော်လည်ကောင်း . အမှန်တရား တစ်ခု အတွက်ကြောင်လည်းကောင်း. .့ ပြောချလိုက်တဲ့ စကားလုံးတိုင်း ဟာ. . အတန်အသင့် ပြတ်သားနေတတ်ပါတယ် . မျက်နှာပေးနဲ့ စကားလုံး တထပ်ထဲ ကျ သွားတာကြောင်လဲ့ ဖြစ်နိူင်ပါတယ် . . . . ဒီ့ထက်အသေးစိတ်ရင် အများကြီး ကျန်ပါသေးတယ် ခင်ဗျား
ပထမပြောတဲ့ . . ဟာသလေးစွက်ပြီး ရယ်ရယ်မောမော ပြောတတ် ဖို့ကတော့ နည်းနည်း ခက်တယ်ဗျ. . ပြောမယ်သူ့ခေါင်း ထဲ မှာ . .ပြောမယ့် အကြောင်းအရာကိုရှင်းလင်းပြတ်သားစွာ နားလည်ပြီးသားဖြစ်ရပါ့မယ် . စကား လုံးတွေရဲ့ အတိုင်းအဆကို နားလည်. .နေရပါတယ် . . . သူဟာ . .စကားတစ်ခွန်း ကို နှစ်ဖက် အမြဲတမ်း တွက်ပြီးသားပါ. . . . ပြောတဲ့စကားလုံးကြောင့်. . နားထောင်နေတဲ့ သူ ဘယ်လို ခံစားသွားရနိူင်တယ်ဆိုတဲ့. . ခံစားမှူ့ ကို ပါ သူကကြိုသိနေရပါတယ် . စကားလုံးတွေရဲ့ တန်ဖိုး. . အလင်္ကာ အဖွဲ့အနွဲ့တွေရဲ့ တန်ဖိုးတွေက်ို လဲ ရှင်းလင်းစွာ သိပြီးသားပါ
ကိုယ်ပြောမယ့်စကားက . . ချစ်စေချင်တာလား. . အမြင်ကပ်စေချင်တာလား. . လှောင် ချင်တာလားဆိုတဲ့ ရည်ရွယ်ချက်ပေါ်မူတည်ပြီး. . စကားလုံး အသုံး နူန်းပြောင်းလဲ ရပါတယ်. .. အဖေ ပြောနေကြစကားလေးတွေ ကိုဘဲ ဥပမာပေးပြီးပြောပါရစေ. .
အလင်္ကာ ဆိုတာဟာ. . လူတွေရဲ့ ရှိပြီး သား စိတ်နှလုံး အစွဲ အခံတွေ ပေါ်မှာ မူတည် ပြီး လူ့ရဲ့ ဟာဒယ နှလုံးကိုဆွဲ ကိုင်လှုပ် လိုက်ခြင်း ပါဘဲ တဲ့. . . .
အဖေပြောပြတဲ့ ဥပမာလေးတွေ အတိုင်းရှင်းပြ ပါ့မယ်. .
မင်းမျက်နှာလေးက ဝ်ိုင်းဝိုင်းစက်စက် ကလေး နဲ့ လှ လိုက်တာ. . . ဖိုးလမင်းကြီးကျနေတာဘဲ ဆိုတော့ နားထောင်ရတဲ့ သူက ကျေနပ်တယ်. . . မင်းမျက်နှာလေးက ဝိုင်းဝိုင်းစက်စက် ကလေးနဲ့ လှ လိုက်တာ. . . နံပြားလေးကျ နေတာ ဘဲ ဆိုတော့ နားထောင်တဲ့ သူက. . စိတ်ဆိုး မှာပေါ့တဲ့. . ဝိုင်းတာခြင်းမတူဘူးလားဆိုတော့ တူသားဘဲ. . ဒါပေမယ် ဖိုးလမင်းအပေါ် မှာ ထားတဲ့ သဘောထားနဲ့ နံပြား အပေါ်မှာ ထားတဲ့ သဘောထား အလေးချိန်က တူမှ မတူ ဘဲကိုးတဲ့ .. .
နောက်ထပ် ဥပမာလေးတစ်ခုကတော့စကားလုံးအသုံး အနုံး ပါ. သူ့ရဲ့ဥပမာလေးတွေ အတိုင်းဘဲ ပြော ပြပါ့ မယ်. .
နူတ်ဆက်တယ် ဆိုပါစို့ ကွာ. .
ဟေ့ ကလေး. . မင်းတို့ ဖေဖေ နေကောင်းလားဆိုတာ နဲ့. . ဟေ့ကလေး မင့် အမေ့ လင် ကြီးနေကောင်းလားဆိုတာဟာ . အဓိပ္ပါယ် ခြင်းအတူတူ ပေမယ့် . . ခံစားရပုံခြင်းတော်တော် ကွာပါသတဲ့ဗျား. . .
နောက်ဆုံးကတော့မိမိ သုံးလိုက်တဲ့ စကားလုံး တစ်လုံး ရဲ့ တန်ဖိုး ပြောင်းလဲ မှူ့ တွေ မှာ ချစ်ခြင်း မုန်းခြင်းတွေ ဖြစ်သွားစေနိူင်တဲ့ ဥပမာလေး ပါ. . .
ဥပမာ. . . မျက်နှာလေး က. .မျက်နှာ ကြီး က . . မျက် ခွက်က. . အခွက်ကိုက. . သောက်ခွက် က. . . ဒီအသုံးအနူံးတွေ အားလုံး ဟာ. . မျက်နှာတစ်ခုထဲကို ရည်ညွန်းထား တာ ဖြစ်သော်ငြားလဲ. .အသုံးအနူံးကြောင့် တန်ဖိုး ကွာ သွားစေနိူင်ပါသတဲ့ ခင်ဗျား. . . .
စကားပြောကောင်းတဲ့သူတွေဟာ ကျွန်တော်အခုပြောတဲ့ အချက်အလက်တွေ အပေါ်မှာ ကျွမ်းကျင်စွာ အသုံးချ ပြီးပြောဆိုကြတာကို သတိထားကြည့်ရင်မြင်နိူင်ပါတယ်ခင်ဗျား . ကျွန်တော်ပြောသလို လုံးဝတထပ်ထဲ မကျ ရင်တောင်မှ ဒီအချက်အလက်တွေကို သတိထားမိလာရင် စကားပြောကောင်းတဲ့ သူတစ်ယောက်အဖြစ်ကျင့် ကြံ လို့ ရနိူင်ကြောင်းအကြံပေးလိုပါတယ်.
သိုသော် တကယ် စကားပြောကောင်းသူအတွက်.. အရေးကြီးဆုံးအချက်ကတော့ ပုံမှန် ရှိသော ဦးဏှောက်တစ်ခု နဲ့. ဗဟုသုတ ပညာရပ်ပါဘဲခင်ဗျား. .မိမိ ကျင်လည်မယ့် အသိုင်းအဝိုင်းလူတွေရဲ့. စိတ်အခြေခံ အဆင့်အတန်းကိုတော့ မပြောခင်မှာ အဖြေမှန်သုံးသပ်တတ် ဖို့ လိုသလို. . ဦးနှောဏ်မပါဘဲ စွတ်ပြောနေပြန် ရင်လဲ စကားပြော ကောင်းခြင်းကနေ စကားများ ခြင်းဆို တဲ့ အဆင့် ကို လျော ကျ သွားတတ် ကြောင်း သတိပေး လိုက်ပါရစေခင်ဗျား...
ကျွန်တော်အခုရေးနေတာက ဦးအောင်သင်းအကြောင်းကနေ ချော်ထွက်သွားလို့ စိတ်မခုစေလိုပါ. . ရေးပြီးမှ နှမျောလာလို့ တင်လိုက်ရကြောင်းပါခင်ဗျား.စကားပြောကောင်းချင်တဲ့ မိတ်ဆွေတွေအတွက် . အတန်အသင့်အကျိုးရှိမယ်လို့ထင်ပါတယ်. .ကျမ်းပြုနေခြင်းမဟုတ်တဲ့ အတွက်ဒီ့ထက်အသေးစိတ်ပြီး ရှင်းမပြလိုတော့ပါ. . ခုယေဘူယျ လောက်ဘဲ ရှင်းပြ ပြီး ကျွန်တော့ရဲ့စကားများခြင်းကို ရပ်ပြီး ကိုကို သိန်းမြင့် အကြောင်းကိုဆက် ပါရစေ.(နောင်တစ်ချိန် ကျရင်ဒီစကားပြော ကောင်းခြင်းအကြောင်းတွေကို ဖြတ်ပစ်လိုက်ပါ့မယ်)
ကျွန်တော်တို့မောင်နှမတွေအားလုံးအတွက် ကိုကို သိန်းမြင့်ဟာ အိမ်ကိုစတင်ဝင်ထွက်ချိန်ကစပြီး တစ်သက်လုံး အစ်ကို အရင်းတစ်ယောက်လို နေသွားခဲ့ပါတယ် .
ကျွန်တော့ရဲ့ တိုးတိုးတိုင်ပင်ဖက် အကို တစ်ယောက်အနေနဲ့ရော .. အင်္ဂလိပ် ကဗျာ အတိုအစလေးတွေ. . တဂိုးရဲ့ . ကဗျာ အစိတ်အပိုင်းလေးတွေကို သင်ပေးခဲ့ဘူးတဲ့ ဆရာတစ်ယောက်အနေနဲ့ပါ ရပ်တည်သွားခဲ့တာပါ. . ဆယ်တန်း တဖုံးဖုံး ကျနေတဲ့ ကျွန်တော့ရဲ့ အင်္ဂလိပ် စာနဲ့ သင်္ချာ ဆရာလဲ ဖြစ်ခဲ့ပါသေးတယ်ခင်ဗျား
၁၉၉၄ လောက် ထိ ကိုကိုသိန်းမြင့်ဟာ. . စာအုပ်အဟောင်းလောကထဲမှာ နစ်မြုပ် ပြီး စာပေဝါသနာရှင် အဖြစ်ရပ်တည် ခဲ့ပါတယ်. .
အဲ့ဒီ့နောက်မှာတော့ အဖေ့ကိုတိုင်ပင်ပြီး သူ့ဒေသ က ကလေးတွေရဲ့ ပညာရေးကို တစ်ခုခု တိုးတတ်အောင်လုပ်မှဖြစ်မယ်. သူ့မှာတာဝန်ရှိတယ်.ဆိုပြီး အဖေ့ကိုတိုင်ပင်တယ် လို့ဆိုပါတယ် ခင်ဗျား.
၉၄ခုနှစ်လောက် မှာ မိုးညိုကိုပြန်ပြီး ၉တန်း၁၀တန်း တွေကို ဘော်ဒါ ဖွင့်ပြီးကျောင်းထောင်လိုက် ပါတယ်. . ပိုက်ဆံကို လုံးဝ ဂရုမစိုက်တဲ့သူမျိုး ၊ စေတနာသိပ်ကြီးလွန်းတဲ့သူမျိုး မို့. . နှစ်ပိုင်းအတွင်းမှာဘဲ မိုးညိုရဲ့ ဆယ်တန်း အောင်ချက် သိသာလောက်အောင် ပြောင်း သွားတယ်လို့ သူကိုယ်တိုင်ပြော ပါတယ်. . . သူဟာကြွားတတ်သူတစ်ယောက်မဟုတ်တဲ့အတွက် သူပြောတဲ့ စကားဟာ ဖြစ်နိုင်တယ်ဆိုတာ ကျွန်တော်လုံးဝ ယုံပါတယ် ခင်ဗျား.
မိုးညိုမှာ ပြန်ပြီး နေသော်လဲ ကျွန်တော် တို့မိသားစုနဲ့ လုံးဝ အဆက်အသွယ်မပြတ်ခဲ့ပါ. . ၂၀၀၇ လောက်မှာ. .သူ့ရဲ့ အစာဟောင်းစွန့်တဲ့နေရာက နေ ကင်ဆာ ဖြစ်ပြီး ဘယ်လိုမှ ပြန်မကောင်းတော့ဘဲ ဆုံးပါးခဲ့ပါတယ်ခင်ဗျား. . .နိူင်ငံခြားမှာနေရင်း ကိုကို သိန်းမြင့် ဆုံးပြီဆိုတဲ့ သီတင်းကြားချိန်မှာ ရင်ထဲ မှာ တကယ့်အကိုအရင်းတစ်ယောက်ဆုံးသလို ခံစားခဲ့ရပါတယ် .အရည်အချင်းသိပ် ကြီးတဲ့ လူတစ်ယောက် အမြင့်ဆုံး ကို မတတ် ရသေးခင် ကြွေလွင့်သွားတာ အင်မတန်နှမျောစရာကောင်းလှ ပါတယ်ခင်ဗျား. .
အဖေ့အနေနဲ့ ဘယ်လိုခံစားခဲ့ရသလဲဆိုတာကျွန်တော်သေချာ မသိခဲ့ပါ. . သူရဲ့ သားတပည့် လိုနေသွားခဲ့တဲ့ သူကိုယ်တိုင် ပျိုးထောင်ပေးခဲ့တဲ့ အပင်လေး အရွယ်မတိုင်ခင်သေဆုံးသွားရခြင်းအတွက် သူစိတ်မကောင်းဖြစ်ခဲ့မှာ သိပ်သေချာပါတယ်. .
ကိုကိုသိန်းမြင့်နဲ့ ကျွန်တော် ညပေါင်းများစွာစကားပြောခဲ့ဘူးပါတယ်. . ကျွန်တော့်ရဲ့ လူပျိုပေါက် စိတ်ဓာတ် အတက်အကျ ပြင်းထန်ချိန် အတော်များများမှာ သူ့ အားပေး စကားတွေ နဲ့ စိတ်ဖြေနိူင်ခဲ့ ဘူးပါတယ်. .
အဖေပြောနေကြစကားလေး တစ်ခုရှိပါတယ်
ယောက်ကျားကောင်းဆိုတာ . . ဆုမတောင်းရဘူး ဆု ပန်ရတယ်ကွ ဆိုပြီး ကလေးတွေကို အမြဲတမ်း သတိထားအားပေး တဲ့ စကားလေးပါ. .
အဖေ့ရဲ့ ဒီသတိပေးစကားလေးကို ဖတ်လိုက်ရတိုင်း ကျွန်တော့ နားထဲမှာ ဘယ်တော့မှ မထွက်တဲ့ ကိုကို သိန်းမြင့် ရဲ့စကားလေး ကိုပါ တွဲပြီး အမြဲပြန် ကြားယောင်လေ့ရှိပါတယ်. .
ညီလေး. . ကိုကိုကလေ. . ဘုရားရှင်ဆီမှာ ဆုတောင်းရင် ချမ်းသာပါစေ . . တိုက်ကြီးကားကြီးနဲ့နေရပါစေလို့ ဘယ်တော့ မှ ဆုမတောင်းဘူးကွ သိလား. . ကိုကို အမြဲတမ်း ဆုတောင်းရင်. .
အရှင်ဘုရား. . ဘုရားတပည့်တော် ကို ချမ်းသာခြင်းကိုဖြစ်စေ. . ဆင်းရဲခြင်းကို ဖြစ်စေ. လောကဓံကို. ကြံ့ကြံ့ ခံနိူင်တဲ့ သတ္တိ ကိုသာပေးသနားတော်မူပါလို့ ဘဲ ဆုတောင်းတယ်ကွ. သိလား. . . .သတ္တိကုန်သွား ပြီး အညံ့ခံ လိုက်ရတဲ့ ယောက်ကျား ဖြစ်ရမှာ ကိုကို သိပ်ကြောက်တာဘဲ . ညီလေးရာ. . .တဲ့
*********
ဒီတစ်ပတ်တော့အဖေ နဲ့ ဆရာမင်းလူတို့အကြောင်းလေးကိုရေးပြပါ့မယ်. . သူတို့၂ယောက်က စာပေလောကထဲမှာ တစ်ဦးကိုတစ်ဦး မိတ်ဆွေအဖြစ်ပေါင်းသင်းဆက်ဆံခြင်းမျိုး သိသာလောက်အောင်လုံးဝ မရှိခဲ့ပါ. ဆက်ဆံမှူ့ မရှိခဲ့သူနှစ်ယောက်ရဲ့အကြောင်းကိုတို့ထိဖို့လဲ ကျွန်တော်.အတော် စဉ်းစားပြီးမှရေးမယ်လို့ဆုံးဖြတ်ချက်ချ လိုက် ရတာပါ ခင်ဗျား.
၁၉၈၀ နဲ့ ၈၄ခုနှစ်တွေ ကြား လောက်မှာ ကျွန်တော်တို့မိသားစု တစ်စုလုံး ဆရာမင်းလူရဲ့ စာအုပ်တွေနဲ့ စတင်ထိတွေ့လာပါတယ်. . မောင်နှမအားလုံး က ချွင်းချက်မရှိ ဆရာမင်းလူရဲ့ ရိုးသားလွန်းစွာဖန်တီးထားတဲ့ စာတွေကို သိပ်တန်ဖိုးထားပြီး အဖေ့ကိုပြောပြတဲ့ အချိန်မှာ. .အဖေက. . အင်း . . ဟုတ်လား ဆိုပြီး .. . အင်တင်တင် လုပ်နေတော့ ဘာဖြစ်မှန်း မသိပေမယ့် . . အဖေ့ကို တိုက်တိုက် တွန်းတွန်း ဘာမှ ဆက်မပြောဖြစ်ခဲ့ကြပါ . ဝတ္ထု ရှည်တွေကို သိပ် စိတ်မဝင်စားလို့ ဘဲ ဖြစ်ဟန်တူပါရဲ့ လို့ ထင်လိုက်မိပါတယ်. .
၁၉၈၄ ခုနှစ် ဆရာဦးဖေသိန်း(ကာတွန်း) ရဲ့ မာလကာခြံ ဟောပြောပွဲ မှာ. . ဆရာမင်းလူပါတယ်ဆိုတော့. . ကျွန်တော်အရမ်းပျော်သွား ပြီး. . အဖေ ကျွန်တော် လိုက်ခဲ့ မယ် . . မိတ်ဆက်ပေးပါဆိုတော့ အဖေက . . ငါ နဲ့လဲ မသိသေးဘူးကွ လို့ ဆိုပါတယ်. . ရတယ်အဖေရာ ကျွန်တော့ဖာသာ ကျွန်တော် မိတ်ဆက်မယ် ဆို ပြီး အတင်းလိုက် သွားပါတယ်..
ကျွန်တော့ အကျင့် နဲ့. ထူးခြားမှူ့ကတော့ သိပ်ကြိုက်တဲ့ စာရေးဆရာရဲ့ စာတွေ ကို အကြိမ်ကြိမ် ဖတ် တတ် တဲ့ အကျင့် ရှိ ပြီး . . ဘယ် တော့ မှ ပြန်မမေ့ တော့ ဘဲ အလွတ် ရသွား တာမျိုးပါ. .သိပ်ကြိုက်တဲ့ စာသားတွေကို .အပိုဒ်လိုက် . သည် ၏ မလွဲ ပြန်ရွတ်ပြနိူင်တာမျိုးပါ. . . အခုချိန်ထိ လဲ ဆရာမင်းလူ ရေးခဲ့သမျှ ဝတ္ထု တော်တော်များများရဲ့ ဇာတ်ကောင် မင်းသား. မင်းသမီး နာမည်တွေ ဇာတ်လမ်းတွေကို အကုန် အလွတ်ရနေတုန်းပါ. .
အဲ့တာကြောင့် ကိုယ့်ဟာကိုယ် မိတ်ဆက်မယ်လို့ ပြောတာပါ. . .
စာရေးဆရာ တစ်ယောက်ဟာ သူ့ဝတ္ထု ထဲ က လူတွေအကြောင်းကို တခြားသူ ကတန်ဖိုးထားလို့ အလွတ်ရနေရင် ကြည်နူးတတ်ကြတာ ကို ကျွန်တော်က သိထားတော့ လွယ်လင့် တကူ ချဉ်းကပ်လို့ရမယ်ဆိုတာ ကိုယ့်ကိုယ်ကို ယုံကြည်မိတာကြောငိ့ လဲ ပါ ပါတယ် . . . .
သူ့ရဲ့ နာမည်ကြီး စာအုပ်တွေ ဖြစ်တဲ့ . . ပန်းကျောင်း . . ချစ်သောပန်းကလေး . အမုန်းအလိုမရှိ. သံယောဇဉ် အဖွဲ့ နဲ့ ထွက်ခဲ့သမျှတွေကို ကိုယ်က အလွတ်ရနေတာကိုး. . . (အောင်ကိုကိုမောင် . ဝင်းလွင်ကျော်. . လတ်သခင်. . ဆက်ဆက် . . ဟန်လင်း. . . မာလာကျော်. ခင်မောင်လတ် . အခု အလွတ်ရေးနေရင်း တောင် မှတ်မိနေတုန်းပါ. . ). .
လွယ်လင့်တကူ ဘဲ မိတ်ဆက်ပြီး အရမ်းခင်သွားလိမ့်မယ်လို့ မျှော်လင့်မိပါတယ်. . ကိုယ်သိပ်လေးစားတဲ့ သူကိုး .
ဟိုရောက်တော့.ဧည့်ခံနေတဲ့ ဆရာဦးဖေသိန်း ရဲ့ အိမ်ထဲမှာ. ကျွန်တော်က . . ဆရာမင်းလူ ဘေးနားကပ်သွားပြီး ရင်းရင်းနှီးနှီးဘဲ . .အစ်ကို ကျွန်တော်က . . ဆရာအောင်သင်းသား အောင်မြိုင်သင်းပါ အကို့ ပရိသတ် အစစ် တစ်ယောက်ပါ အစ်ကို. . ဆို ပြီး မိတ်ဆက် လိုက်ပါတယ်. . ကိုမင်းလူက ပြန်ပြုံးပြပြီး. . အော်ဟုတ်လားဆို ပြီး စကားကို မဆက်ချင်ဟန်နဲ့ အဆုံးသတ်ပစ်လိုက်ပါတယ်. . သူ့ရဲ့ ရိုးသားတဲ့ မျက်နှာ မှာ အားတုံ့ အားနာ ဖြစ်ခြင်းမျိုး စကားဆက်ဖို့ ဝန်လေးဟန်မျိုးတွေ့လိုက်တော့ ကျွန်တော်လဲ နည်းနည်းတော့ ဟန့်သွားပါတယ်. . ဒါနဲ့ ကျွန်တော်က သူ့ စာအုပ်တွေဆိုမလွတ်တန်း ဖတ်တဲ့ အကြောင်း အကုန်အလွတ်ရတဲ့ အကြောင်းကို ဆက်ပြောပြတော့ သူက. . အင်း ဟုတ်မှာပေါ့ဆိုတာမျိုးပြောပြီး ပြန်ပြုံးပြပါတယ်. .. .အဲ့ဒီ့မှာကျွန်တော် လဲတစ်ခုခု ဖြစ်နေပြီဆိုတာကိုတန်းသိလိုက်တော့. . ဆက်စကားပြောဖို့ မကျိုးစား တော့ဘဲ . ဆရာမင်းလူနဲ့ ရင်းနှီးဖို့ ကို လက်လျှော့ လိုက်ရပါတော့တယ် ခင်ဗျား. . .
နောက်၁၅ မိနစ်လောက်အကြာမှာ..ဟောပြောပွဲစတော့ ဆရာမင်းလူက ပထမဆုံး စဟောပြောပါတယ်. .
ကိုယ်သိပ်တန်ဖိုးထားတဲ့သူက . ဥပက္ခာ ပြုခံလိုက်ရသလိုဖြစ်ပြီး. ရင်ထဲမှာ ဝမ်းနည်းသလိုလို . .ခံစား စိတ်ရှိနေတော့. . ဆရာမင်းလူ ဘာပြောနေမှန်းကို သေချာ မမှတ်မိတော့ပါ. . . . ကြည့်တော့ကြည့်နေဖြစ်ပါတယ်. နားထဲမရောက်ပါ. . ရိုးသားဟန်ရှိတဲ့ သူ့ရဲ့ ဟောပြောဟန်ကိုတော့ ကောင်းကောင်းမှတ်မိ ပါတယ်. . . . .စကားပြော အရမ်းမကောင်း လှပေမယ့် . . လိပ်ပတ် လည်အောင် တော့ပြောနိူင်သူမျိုးပါ. . . အထူးသဖြင့် စာရေးဖို့ အတွက် မွေးဖွားလာသူမျိုးလို့ ကျွန်တော်ယူဆမိပါတယ်. .
ဒီဖြစ်ရပ်ကို အဖေ့ကို လဲ ရှက်လို့ပြန်မပြောပြ ဖြစ်ပါ. . အဖေက ဘယ်လိုတုန်းကွ လို့ မေးတော့ အဆင်ပြေ ပါတယ် အဖေ ဆို ပြီး ရယ်ရယ်မောမော ဘဲ ပြန်ဖြေ ခဲ့ပါတယ်. . .
အဖေနဲ့ ဒီအကြောင်းကို ထပ်မပြောဖြစ်တော့ပါ. . နောက်ပိုင်း အဖေ့ စာပေ တိုက်ပွဲ တွေ ပြင်းထန် လာချိန်မှ သတိထား မိတော့. . .. ဆရာ မင်းလူက . အဖေ နဲ့ စာပေ တိုက်ပွဲ တွေ သိပ် ပြင်းထန်နေတဲ့ (ရန်ဘက် လို့ဘဲ ဆိုပါတော့ဗျာ) စာပေအုပ်စုတွေနဲ့ ကာတွန်းဆရာတွေ ရဲ့ သူငယ်ချင်းအရင်း ဖြစ်နေခဲ့မှန်းသိရ တာကိုးဗျ . . .
ကျွန်တော်ဒီအကြောင်းကို အဖေ ဆုံးသွားသည်ထိ အဖေ့ ကို ပြန်မပြောပြ ဖြစ်ပါ. . အဖေလဲ မမေးပါ. .
၁၉၈၆ခုနှစ်သင်္ကန်ကျွန်း ဟောပြောပွဲ တစ်ခုမှာ . . အခမ်းအနားမှူး တစ်ယောက် နဲ့ အဖေ ပြသနာ ဖြစ် တော့ အခမ်းအနားမှူးကို ဆွဲ ပြီး အတင်းခေါ်ထုတ် သွားတဲ့သူဟာ ဆရာမင်းလူ ဖြစ်မှန်းနောင်တစ်ချိန်မှ သိရပါတယ်ခင်ဗျား. . . အဲ့ဒါကြောင့် ဆရာဦးဖေသိန်းရဲ့ ပွဲ မှာ အဖေနဲ့ ပြသနာဖြစ်နေဆဲ ကျွန်တော်မသိတဲ့ ကာတွန်းဆရာတွေဘေးမှာ အများကြီး ရှိနေလို့ သိပ် အားနာတတ် လွန်းတဲ့ ဆရာ မင်းလူ အားတုန့် အားနာ ဖြစ်နေဟန် တူတယ်လို့ ကျွန်တော်နောင်တစ်ချိန်မှာ ယူဆလိုက်မိပါတယ်
အဲ့ဒီ့နောက်ပိုင်း ကျွန်တော် ဆရာမင်းလူ ရဲ့ စာအုပ်တွေကို ဘဲ တန်ဖိုးထား ပြီး အရူးလို ဖတ်ပါတော့တယ်ခင်ဗျား. လူုချင်းအင်မတန် စကားပြောကြည့်ချင်သော်လဲ.လုံးဝရင်းနှီ ဖို့ထပ် မကျိုးစားဖြစ်ခဲ့တော့ ပါ. . ဆရာမင်လူရေးခဲ့သမျှ စာအုပ် တစ်အုပ်မှ မလွတ်သလို. . ကျွန်တော်နဲ့ ယှဉ် ပြီး ဆရာမင်းလူ ရဲ့ စာအုပ်တွေ အကြောင်းကို ယှဉ်ပြောနိူင်သူလဲ လဲ ယနေ့ထက်ထိ မတွေ့ခဲ့ဘူးပါ ခင်ဗျား . ကြွားခြင်းမဟုတ်ပါ စာအုပ် မကြည့်ဘဲ အပိုဒ်လိုက်ခုချိန်ထိ ရွတ်ပြနိူင်ပါတယ် . .(အပြန်အလှန် ရင်ဘောင်တန်း ပြီးဆွေးနွေးနိူင်ခဲ့သူ ပိပိ ဆိုတဲ့ ညီတစ်ယောက်က လွဲလို့ပါ). . .
၁၉၉၀ နောက်ပိုင်းတွေမှာ စာပေတိုက်ပွဲတွေ မရှိသလောက်ဖြစ်သွားပြီး အဖေ့ရဲ့ စာတွေဟာလဲ လူငယ်တွေ အတွက်ဘဲ အဓိက ရေးသားခဲ့ပြီး. . စာပေ နဲ့ပတ်သက်တာ မရေးသလောက်ဖြစ်သွား ပါတော့တယ်ခင်ဗျား
အဖေရဲ့ ထူးခြားချက်က လူချင်းမခင်သော်လဲ စာပေနဲ့ ပတ်သက် ရင် ဘက်လိုက်မှူ့ သိပ်ကင်းပါတယ်. . ဆရာမင်းလူရဲ့ အက်ဆေးလေးတွေကို သူအတော်သဘောကျတာ ကျွန်တော်သိပါတယ်. . တခါတလေ ကျွန်တော်က ဆရာမင်းလူ ရဲ့ တွေးပုံတွေ အကြောင်းကို အဖေနဲ့ စကားပြောရင်းပြန်ပြောပြ ရင် သူက ပြုံးပြီး နားထောင်နေလေ့ ရှိပါတယ်. . . ပြီးရင် . . မင်းလူ. . ဒီကောင်သိပ်တော်တဲ့ကောင်. . ဒီကောင်တွေ ညီအကို အားလုံးထဲ မှာ အဖြူစင် ဆုံး ဘဲ. . စာပေပေါ်မှာ ထားတဲ့ သဘော ထား သိပ်ရိုးသားတယ်ဆိုပြီး အမြဲ ချီးမွမ်းလေ့ ရှိပါတယ်. .
၂၀၀၀ ခုနှစ်နောက်ပိုင်းတွေမှာ ဆရာမင်းလူ နဲ့ အဖေ တစ်ချို့ပွဲတွေမှာ ဆုံတယ်လို့ဆို ပါတယ်. ဆုံတိုင်းအဖေက ဆရာ မင်းလူ ကို သူသိပ်တန်ဖိုးထားတဲ့ အက်ဆေးလေးတွေရေးဖို့ အမြဲတိုက်တွန်းခဲ့တယ်လို့ ဆို ပါ တယ်. . ဆရာမင်းလူ က ရယ်ပြီး. . . ဝတ္ထု ရေးရတာကလွယ်တယ်ဆရာရဲ့. . အက်ဆေး က တခါတလေကျ မှ ရိပ် ကနဲ့ ပေါ်လာတတ်တာမျိုးဆို တော့ မိအောင်ဖမ်းပြီး ရေးရတာ ပို ခက်တယ် ဆရာရဲ့ ဆြိုပီး အဖေနဲ့ စကားတွေ တော်တော်ကြာကြာ ပြော ဖြစ်ကြတယ်လို့ ဆိုပါတယ်. .
ကျွန်တော်ကိုယ်တိုင် မရှိလို သူတို့နှစ်ယောက်ပြောတဲ့ စာပေစကားဝိုင်းကို့ မမြင်လိုက်ဘူးသော်လဲ. . . ဆရာမင်းလူ ဟာ အဖေ့ ရဲ့စာပေ အယူအဆတွေကို သိပ်တန်ဖိုးထားမှန်း ၊ သူ့စာတွေထဲ မှာ quote ပြန်လုပ်မှဘဲသိရပါတော့တယ်.. .
စာပေအုပ်စု အစွဲ ကင်းပြီး သိပ်ရိုးသားသူ ဖြစ်ကြောင်း ကို သူ့ရဲ့ အက်ဆေးချစ်သူ မှာမှ စ မြင်ရပါတော့တယ်ခင်ဗျား .
အက်ဆေး ဆိုတာ ကို မြန်မာလို စာစီစာကုံး လို့ ပြန်တာ ဟာ အားနည်းမှူ ရှိတယ် မပြည့် စုံဘူးလို့ သူလဲ လက်ခံကြောင်း
တချို့က . . စာပန်းကုံး ၊ . အစမ်းစာ. . လို့ခေါ် ကြောင်း တစ်ချို့ က စာတမ်း လို့ ခေါ် သည် မှာ လဲ မပြည့်စုံ ကြောင်း စသဖြင့် ရှင်း ပြ ရင်း . . ဆရာအောင်သင်း ကတော့ ရသစာတမ်းငယ် လို့ သုံးစွဲ ဘာသာပြန်ကြောင်း . . တချို့ က အက်ဆေး ဆို တာ ရသ ပါစရာ မလို ဘူး လို့ မည်သို့ပင်ဆိုစေ ရသ ပါတဲ့ အက်ဆေးဟာ . ရသမပါတဲ့ အက်ဆေးထက်ပိုပြီး ဖတ် ရတာ အရသာရှိကြောင်းနဲ့ ဆရာအောင်သင်းပြောခဲ့တဲ့ စကားလုံး ကို ပို သဘောတူတဲ့ သဘော မျိုးလေးရေးထားတာ ပါ. . .. . ကျွန်တော်လဲ ဖတ်မိတော့ ဝမ်းသာသွား ပြီး . .အဖေ့ဆီကို ချက်ခြင်းဖုန်းခေါ်ပါတယ်. . .
အဖေ . . မင်းလူ က အဖေ့ရဲ့ . ရသစာတမ်းငယ်ဆိုတဲ့ စကားလုံးကို သဘောတူတယ်ဆိုတာ သူ့ရဲ့ အက်ဆေးချစ်သူထဲ မှာ ပါလာတယ်အဖေ ရဲ့ ဆိုတော့. . . အဖေ က ဟုတ်လား. . ဆိုပြီး ကြည်နူးနေတဲ့ အသံ မျိုးနဲ့. . ကျွန်တော် ပြောတာတွေ ကို ဆက်နားထောင်နေပါတယ် ခင်ဗျား. . .ဖုန်းနဲ့ပြောရတာမို့ အဖေ့ မျက်နှာ ကို မမြင်ရသော်လည်း အဖေ ကြည်နူးသွားတဲ့ အသံမျိုး ကို လှမ်းပြီး ခန့်မှန်း လို့ ရပါတယ်
နောက်တစ်ခု ကတော့ ဆရာမင်းလူ ရေး တဲ့ အချစ်နဲ့ ဘော်လုံး ဆို တဲ့အက်ဆေးလေးထဲမှာ ဆရာအောင်သင်းကဘောလုံးပွဲကြေငြာနေသူဟာ . စကားပြောဝတ္ထု တမျိုး ကိုရေးနေတာဘဲ . . ပြောတဲ့သူကောင်းရင်ကောင်းသလို မျက်လုံးထဲ မြင်လာစေ နိူင်တယ် ဆိုပြီး ဆရာအောင်သင်း ပြောခဲ့တယ် လို့ ထပ်ပြီး ပါလာပါတယ်ခင် ဗျား. .. .
ကျွန်တော်လဲ အဖေ ရေးထားတဲ့ စာတွေ ထဲမှာ အဲ့ဒီ့ စာမျိုးကို မတွေ့ ဘူးတော့ နည်းနည်း အံဘြ သွားပါတယ်. . ဒီစကားလုံး ဟာ အဖေ့ ရဲ့ ရသ စာပေဂွင်ထဲ က စကားလုံး ပါ
အဖေ့ ရဲ့ ရသ ဂွင်ဟာ . ၈၈ နောက်ပိုင်းမှာ လုံးဝ မပြောတော့တာ ကျွန်တော် ကောင်းကောင်းသိပါတယ်. . ဒါဖြင့် ရင် ဒီစကားဟာ ဆရာမင်းလူ တန်ဖိုး ထားလွန်းလို့ မှတ် ထား တာ ဘဲ ဖြစ်ရမယ်ဆိုပြီး. . . ရင်ထဲ မှာ အရမ်းကြည်နူးသွားပါတယ်ခင်ဗျား. .. . အဖေ့ ကိုလဲ ဖုန်းခေါ် ပြီး ၂၀၀၈ ခုနှစ်လောက်မှာ ပြောပြဖြစ်ပါတယ်. . အဖေ နဲ့ ကျွန်တော် စကားပြောဖြစ်တိုင်းလဲ. . ကျွန်တော်က မင်းလူ ခရေဇီ ဖြစ်နေတော့ ဒီအကြောင်းလေးတွေ ကို ရောက် . ရောက် သွားတတ် ပါတယ် ခင်ဗျား. .
နောက်ဆုံးတစ်ခုကတော့ ဆရာမင်းလူရဲ့ ဒေဝတာ မြို့တော်ထဲ မှာ လူမှားပြီးခေါ်တဲ့ အခန်းလေးမှာအဖေ့ကို နောက်ထားတာလေးပါဘဲ. .
ကျွန်တော်ဘာကြောင့် ဒီလောက်စကားတွေရှည် နေမိတာလဲဆိုတာ . ရှင်းပြ ပါ့မယ်. . ကျွန်တော့ နဲ့ အဖေရဲ့ တူတဲ့ အကျင့်တစ်ခု က . ကျွန်တော့တို့. သိပ်ခင်တဲ့ မိတ်ဆွေတွေ ကို သူတို့အချင်းချင်းပါ ထပ်ပြီး ရင်းနှီးသွားစေ ချင်တဲ့စိတ်မျိုးရှိကြတာပါ . . သူတို့ရင်းရင်းနှီးနှီးပေါင်းနေတာ တွေ့ ရင် ကြည်နူးပြီးသဘောကျနေတာမျိုးပါ . .
အဖေနဲ့ ဆရာမင်းလူဟာ. . . အကြောင်းအမျိုးမျိုးကြောင့် တစ်ဦးနဲ့ တစ်ဦးအနေ နီးခွင့် မသာခဲ့ ကြသော်လဲ. . တစ်ဦးကိုတစ်ဦး သိပ်တန်ဖိုးထားခဲ့ ကြသူတွေ ဆိုတာ . . ကျွန်တော်သိပါတယ်ခင်ဗျား. . .
ဘဝ ကို ရိုးရှင်းစွာ ဖြတ်သန်းသွားကြသူနှစ်ယောက်မို့ နှစ်ယောက်လုံးကို တန်ဖိုးထားမိပါတယ်. . .
ကျွန်တော့ တစ်သက်မှာသိပ် မြင်ချင်တဲ့ မြင်ကွင်း လေး ကတော့ အဖေနဲ့ ဆရာမင်းလူ ရင်းရင်းနှီးနှီးနဲ့ စကားပြောနေတာမျိုးလေးကို ကြည့်ရင်းဘေးကနေ နားထောင်ချင်မိတာပါ
ဒီဖြစ်ရပ်မျိုးကို ကိုယ်တိုင် မမြင်လိုက်ရ မကြားလိုက်ရလို့ ဒီစာကို ရသေ့စိတ်ဖြေ ပြီး ရေးဖြစ်သွားတယ်လို့ဘဲ မှတ်ယူကြပါတော့ ခင်ဗျား.
၂၀၁၃ ဆရာမင်းလူ မဆုံးခင်မှာ ညီမငယ်ယုယ ရဲ့ ပေ့ခ်ျမှာ ဆရာမင်းလူရဲ့ သီတင်းတွေကို အမြဲစောင့် ကြည့် မေတ္တာ ပို့နေရပါတယ်. တထိတ်ထိတ် နဲ့ စောင့်ကြည့်ရင် .. ဆုံးသွားပြီဆိုတဲ့ သီတင်းကြားချိန်မှာ ရင်ထဲမှာ နှမျော ထိခိုက်လိုက်ခြင်းဟာ ပြောမပြနိူင်အောင်ပါဘဲ. . နောင်ကို ဆရာမင်းလူရဲ့ အသက်အရွယ်လိုက်ပြောင်းလဲလာတဲ့ စာ အသစ်တွေ မမြင်ရတော့ ဘူးဆိုတဲ့ အသိဟာ အတော်ခံစားရပါတယ်ခင်ဗျား.
ကိုယ်နဲ့ သွေးမတော်သားမစပ်ခဲ့သော်လဲ. . သူ့စာနဲ့ စကားလုံးတွေ၊ အယူအဆ တွေ ကိုသွေးထဲ ထိရောက်အောင်စီးမျော နှစ်သက်ခဲ့ ရသူမို့. . အတော်စိတ်ထိခိုက်ရပါတယ်. . ကျွန်တော့ကိုမသိသော သူတွေ ကြားထဲ မှာ ဆရာမင်းလူကို လဲ ဝင်မလွမ်းဖြစ်တော့ ပါ. . မလွမ်းပြ ချင်ပါ . . တိတ်ဆိတ်စွာ ဘဲ နေလိုက်ပါတော့ တယ်. . ကျွန်တော်က တိတ်ဆိတ် စွာ နေသော် လဲ အသံထွက်လာသူကတော့ အဖေ ကိုယ်တိုင်ဖြစ်နေတာကို အံဘြစွာတွေ့လိုက်ရ ပါတယ်ခင်ဗျား. .
ဆရာမင်းလူဆုံးတဲ့နေ့မှာ
အဖေ့ ရဲ့ စတေးတပ်ကလေးတစ်ခု ရုတ်တရက် တက်လာလို့ ဖတ် ကြည့် လိုက်တော့. . (သူ့ စာလေး အတိုင်းဘဲ ရေးပြပါရစေ)
ဆရာမင်းလူအတွက် ဆရာအောင်သင်းရဲ့ မှတ်ချက်
ဒီကောင်သိပ်စာရေးကောင်းတဲ့ကောင်၊ သူရေးတဲ့စာတွေလဲ ပေါ့ပေါ့ပါးပါးရှိသလို သူကိုယ်တိုင်လဲ ဘဝကိုပေါ့ပေါ့ပါးပါး ဘဲ နေခဲ့တယ်. . လူချင်းလည်းသိပ်ပေါင်းလို့ ကောင်းတဲ့ကောင်၊ စိတ်ရင်းသဘောထားလဲ သိပ်ကောင်းတယ်၊ သူ့စာတွေကသရော်တာတွေပါတယ်၊ သရော်တယ်ဆိုတာလဲ လူလူချင်း မကျေနပ်လို့ ဖြစ်ကတတ် ဆန်း သရော်တာ မဟုတ်ဘူး၊ လောကကြီးရဲ့ အဖြစ်အပျက်တွေကို သရော်တာ ဓမ္မ ဓိဌါန် ကျတယ်. .
ရယ်စရာမောစရာတွေနဲ့ ရေးတတ်တယ်၊သူ့စာထဲမှာ ကြွားလုံးတွေမပါဘူး၊မာန်မာနတွေမပါဘူး၊ ဒီကောင်သိပ်တော်တဲ့ကောင်၊ အသက်ငယ်ငယ်လေးဘဲ ရှိသေးတယ် ၊ သူထွက်သွားတာ ငါနှမျောတယ်.
အောင်သင်း(၁၅.၈.၂၀၁၃)
ပါတဲ့ ခင်ဗျား. .
ကျွန်တော့ရင်ထဲမှာ အံဘြ ရင်း ကြည်နူးမိပါတယ်. . . ဆရာမင်းလူရဲ့ ရင်ထဲမှာ ဦးအောင်သင်းရှိခဲ့သလို. . ဆရာအောင်သင်းရဲ့ ရင်ထဲ မှာ လဲ ဆရာမင်းလူ ဟာ နေရာရှိနေခဲ့တာ သိပ်သေချာသွားလို့ပါဘဲ. .ဘဝတစ်သက်တာလုံး သူတို့ နှစ်ဦး ကူးလူးဆက်ဆံတာ မျိုး၊ အိမ်ဝင်အိမ်ထွက် ရင်းနှီးစွာ ဆက်ဆံမှူ့ မျိုးလုံးဝ မရှိခဲ့ဘူးပါ . . သို့သော် . . သူတို့ရင်ထဲမှာ ရှိနေခဲ့ကြသော တစ်ဦးကိုတစ်ဦး တန်ဖိုးထားရင်းနှီးနေခဲ့ကြခြင်းကိုလဲ ဘယ်သူကမှ မရိပ်မိခဲ့ကြလို့ ပါဘဲခင်ဗျား. .
ဆရာမင်းလူဆုံးပြီး တစ်နှစ် နှစ်လ အကြာမှာ အဖေဆုံးပါတယ်. . .
အကယ်၍များ ဆရာမင်းလူ ဖန်တီးခဲ့တဲ့ ဒေဝတာမြို့တော် ဟာ တကယ်ရှိခဲ့ရင် . . ဆရာမင်းလူက အဖေ့ ထက် အသက် တစ်နှစ်ကျော် ကြီးနေမှာပါ. . . .
မည်သို့ပင်ဆိုစေ
ရိုးသားဖြူစင်လွန်းလှသော ၊. လောကကိုအကောင်းဖက်အပြုဖက်ကိုသာ စဉ်းစားကြသော သူတို့ နှစ်ယောက်ကို မိတ်ဆွေသိပ်ဖြစ်စေချင်လွန်းခဲ့တာကလဲ ကျွန်တော့ရဲ့ သစ္စာ စကား အမှန် ပါ. . သူတို့နှစ်ယောက်ထဲ လေးစားစွာဆွေးနွေးနေတဲ့ အပြုသဘောဆောင်သော စကားဝိုင်း များကိုအရမ်း မြင်ဘူးချင် ခဲ့သည်မှာလဲကျွန်ုပ်၏ သစ္စာ စကားအမှန်ပါ. .
ဤမှန်သောသစ္စာ စကားတို့ကြောင့် အဖေနဲ့ဆရာမင်းလူတို့သည် ရောက်ရှိရာ ဘုံဘဝ မှာ.. အမုန်း အဃာတ တို့ဖြင့် ဖွဲ့စည်းထားသော လူ့အသိုင်းဝိုင်းများမှ လွတ်မြောက်ကြပါစေသတည်း. . မေတ္တာ တို့ဖြင့် ထုံမွှမ်းအပ်သော အရပ်ဒေသတို့ တွင်သာ ရင်းနှီးကျွမ်းဝင်စွာ ရှင်သန်နိူင်ကြပါစေ သတည်းလို့ သာ မေတ္တာ ပို့ ဆုတောင်းလိုက်ရပါတော့တယ် ခင်ဗျား. . .
ဆက်ပါအုန်းမည်
ဆရာမြိုင်
September 02, 2015
[မှတ်မိမှတ်ရာ စုစည်းမှု့များ ဘလော့ဂ်မှကူးယူပါသည်။ဘလော့ဂ်ဂါအားကျေးဇူးတင်ပါသည်။]
No comments:
Post a Comment