#နင့်အမေဝှေးစေ့ခြောက်လုံး၊ ပုံ - နာဂသိန်းလှိုင်
#ညီပုလေး
တပည့်ကျော် ဟန်စုနဲ့ ဆွေးနွေးခန်း
-------------------------------------
ခန္တီးမှာ မြို့နယ် ပါတီယူနစ် လာဖွင့်တာ မကြာသေးဘူး။ ကျွန်တော် ဆေးရုံကို သွားရင် အသစ်ဖွင့်လိုက်တဲ့ ပါတီယူနစ်ရှေ့က မဖြတ်မဖြစ် ဖြတ်ကို ဖြတ်ရတယ်။ ဒိပြင်က ကွေ့ကောက် ရှောင်လွှဲသွားလို့လည်း မရဘဲကိုး။ လမ်း ဒီတစ်လမ်းရှိတာ။
တစ်မနက် ဆေးရုံကိုအသွား ပါတီယူနစ်ရုံးရှေ့ အဖြတ်မှာ ရုံးဘက်ဆီက လက်ခုပ်တီးသံ သုံးချက် ကြားလိုက်ရတယ်။ တစ်ဆက်တည်းပဲ အဲဒီ လက်ခုပ် ထွက်တီးတဲ့ လူဆီက
"ဟေ့လူ"
"ဟေ့လူ"
အော်ခေါ်သံ ကြားလိုက်ရတယ်။ ကျွန်တော် သွားနေရာက ရပ်ကြည့်လိုက်တော့ ဆိုင်းဘုတ် အပြာအောက် တံခါးဝရှေ့မှာ လူတစ်ယောက် စတစ်ကော်လာ အင်္ကျီ ဝတ်လို့ ကျွန်တော့်ဘက် မျက်နှာမူထားတယ်။ ကျွန်တော် ဒီလူကို အရင်က မြင်လည်း မမြင်ဖူးဘူး၊ သိလည်း မသိကျွမ်းဘူး။ ဒီတော့ ဟေ့လူ ... ဟေ့လူ ဆိုတာ ကျွန်တော့်ကို ခေါ်တာလို့ ဘယ်ထင်မလဲ။ ပြီးတော့ ပြတင်းနှစ်ပေါက်က ကြည့်နေကြတဲ့ သိဂီတို့၊ ကြည်ကြည်တို့ ဆိုတဲ့ ဝန်ထမ်းမလေးတွေလည်း မြင်လိုက်ရတယ်။ ကျွန်တော့် ဟိုဘက်မှာလည်း ဘယ်သူမှ ရှိတာလည်း မဟုတ်။ ရုတ်တရက် တွေးကြည့်လိုက်တယ်။ ဟေ့လူ ... ဟေ့လူ ...
ဪ သူငါ့ကို လူလို့ အသိအမှတ်ပြုလိုက်တာပဲ၊ ဒေါသဖြစ်စရာမှ မဟုတ်တာ၊ ဒီလို သဘောပိုက်ပြီး ဆေးရုံဘက် ဆက်လျှောက်ခဲ့တယ်။ ဒါပေမယ့် နံဘေးအိမ်ကဦးသာလင်းတို့၊ ဒေါ်စိန်သော့တို့ မိသားစုတွေကလည်း အဖြစ်အပျက်ကို မြင်လိုက် ကြားလိုက်လေတော့
"ဘာဖြစ်တာလဲ ဆရာ"
"မသိပါဘူး၊ ကျွန်တော့် ခေါ်တယ်ထင်လို့ လှည့်ကြည့်လိုက်တ"
"ဟာ ... ဆရာ့ ခေါ်နေတာ မဟုတ်ဘူးလား"
"ဟုတ်ပုံ မရပါဘူးဗျာ"
ပုစ္ဆာကောင်းတစ်ပုဒ် ရလိုက်တဲ့စာတော်တဲ့ ကျောင်းသား တစ်ယောက်လို ရုတ်တရက် ရတဲ့စိတ်ကူးကြောင့် ချက်ချင်းတုံ့ပြန်လိုက်တယ်။
"ဘာမှ မရောင်းဘူးဗျို့ ..."
ကျွန်တော့်ရဲ့အော်လိုက်သံကြောင့် ဦးသာလင်းရော ဒေါ်စိန်သော့ရော သူ့သမီးတွေပါ ပြုံးပြုံးကြီး ကျန်ခဲ့တယ်။ ကျွန်တော့်ကို လက်ခုပ်တီးပြီး ဟေ့လူ ဟေ့လူလို့ ခေါ်တဲ့သူက ပါတီယူနစ် ဥက္ကဋ္ဌတဲ့၊ နာမည်က ဗိုလ်ကြီး ထွန်းလင်းတဲ့။ တပ်မတော်ကနေ ပါတီဘက်ကို ပြောင်းလာတာ။ ယူအမ်ပီတပ်ကနေ ဗိုလ်ကြီး ဖြစ်လာတဲ့သူ။
ကျွန်တော် ဆေးရုံမှာ လူနာတွေကို စမ်းသပ်ရတယ်။ ဆေးပေးရမယ့် လူနာကို ဆေးပေးတယ်။ ဆေးထိုးတန်ရင် ထိုးပေးရတယ်။ ကျွန်တော်ဟာ ဆေးရုံနဲ့အိမ်၊ အိမ်နဲ့ ဆေးရုံ တစ်မိုင်ခွဲခရီး လမ်းအမြဲ လျှောက်နေတဲ့သူ။ နေ့လယ်စာ ပြန်စားတော့လည်း မနက်ကလိုပဲ လက်ခုပ်တီးသံ သုံးချက်နဲ့
"ဟေ့လူ"
"ဟေ့လူ" လို့ ထွက်လုပ်ပြန်ရော။ ဪ ... ခက်တော့ နေပါပြီ။ ဘယ်လို ဥက္ကဋ္ဌ ပါလိမ့်။ အဲဒီထဲက ဝန်ထမ်းတွေက ကျွန်တော့်ကို မသိတဲ့သူ မရှိဘူး။ ပြီးတော့ လမ်းပေါ်မှာ ကျွန်တော် တစ်ယောက်တည်း ရှိတာ။ သူ ခန့်ထားတဲ့ ရုံးအဖွဲ့မှူးတို့၊ စာရေးမတို့ ဆိုတာ ကလေးလာမွေးသူနဲ့ ငှက်ဖျားဆေး လာတောင်းတဲ့သူနဲ့၊ မနက်ကလိုပဲ ...
"ဘာမှ မရောင်းဘူးဗျို့ ..."
လို့ လုပ်ပစ်ခဲ့တယ်။ ပါတီယူနစ် ဥက္ကဋ္ဌ ကျွန်တော့် အပြုအမူအပေါ် ဘယ်လို အောက်မေ့မယ်တော့ မသိဘူး။ ခရိုင်ဆေးရုံအုပ်ကြီး၊ ဆရာဝန် တစ်ယောက်ကို ပြုမူဆက်ဆံ နေပုံကိုရော သူ့ကိုယ်သူ သတိထားမိရဲ့လား ကျွန်တော်မသိဘူး။
နားကြားပြင်း ကတ်စရာ ကောင်းတဲ့ လက်ခုပ်သံနဲ့ အော်ခေါ်သံက ကျွန်တော် ဆေးရုံ အသွား၊ ဒါမှမဟုတ် အပြန် ကြားကို ကြားရတာပဲ။ တစ်ရက်လည်း မဟုတ်၊ နှစ်ရက်လည်း မဟုတ်။ ဒီဥက္ကဋ္ဌ ဆိုတဲ့ သတ္တဝါ ရုံးထဲမှာ နေရင် ကျွန်တော့်ကို တွေ့လိုက်တာနဲ့ ဟေ့လူ ဟေ့လူ လုပ်နေတာ ရက်တွေ များနေပြီ။ ကျွန်တော်လည်း "ဘာမှ မရောင်းဘူးဗျို့လို့ သုံးခါလောက် သူ့ကို ပြန်အော်ပြီး နောက်တော့ အဖက်လုပ်ပြီး ပြန်ဖြေမနေတော့ဘူး။
သိန်းလှိုင် စဉ်းစားရပြီ။ ဒါ ဘာသဘောလဲ။ မြန်မာ့ ဆိုရှယ်လစ် လမ်းစဉ် ပါတီထဲ ဝင်စေချင်လို့ စည်းရုံးမလို့လား။ သူ့အသိ တစ်ယောက်နဲ့ လူမှားတာလား။ ဒါဖြင့် ဒီဥက္ကဋ္ဌ ဆိုတဲ့ သတ္တဝါ ချိုးနေတဲ့ အချိုးက ဘာအချိုးလဲ။ စဉ်းစားစမ်း သိန်းလှိုင်၊ ကျွန်တော် အဲဒီလို စဉ်းစားခန်း ဝင်ရင် စီးကရက်တွေ တစ်လိပ်ပြီး တစ်လိပ် မီးကူးပြီး သောက်မိ ရှိုက်မိတော့တာပဲ။ ကျွန်တော် ရှိုက်ထုတ်လိုက်တဲ့ စီးကရက် မီးခိုးငွေ့တွေ အကြားမှာ အဖြေပဲ ပါလာလေနိုးနိုး။ အဆုတ်ထဲ ရောက်လာကြတဲ့ နီကိုတင်း ဓာတ်တွေကပဲ အကြံကောင်း သယ်ဆောင်လာလိမ့်နိုးနိုး။
ဆရာ တပည့် ကိုယ့်အတွေးနဲ့ကိုယ် ငြိမ်နေရာက တပည့်ဖြစ်သူခမျာ ရုတ်တရက် ခေါ်လိုက်သံကြောင့် သူလန့်သွားတယ်။
"ဟန်စု လာပါဦးကွ"
"ဘာလဲ ဆရာ"
"ငါမေးတာ မှန်မှန်ဖြေ"
"ဟုတ်"
"မင်း လူတစ်ယောက်ကို စိတ်ဆိုးရင် ဒေါသဖြစ်ရင် ဘာလုပ်မလဲ"
တပည့်ကျော် ဟန်စု တောင်စဉ်းစား၊ မြောက်စဉ်းစား လုပ်မနေဘဲ ချက်ချင်း ဖြေလိုက်တယ်။
"ဓားနဲ့ ခုတ်မယ် ဆရာ"
"ဟာ အဲဒီလောက်ကြီး မဟုတ်ဘူး၊ စိတ်တိုလို့ မခံမရပ်နိုင် ဖြစ်လာရင် မင်းဆဲမယ်။ အဲဒီအခါ ဘယ်လို ဆဲသလဲ"
"ငါမသိဘူး၊ ငါ့ကို မဟုတ်တာလုပ်ရင် ဓားနဲ့ ခုတ်မှာပဲ၊ ဆဲတယ် ဆိုတာဘာလဲ"
"ဟိုကွာ၊ စိတ်ဆိုးတဲ့အခါ ဒေါသအလျောက် တစ်ဖက်သား နာကြည်းအောင် ပြောချလိုက်တာ"
"ငါ နာကြည်းတာတွေ ပြောမနေဘူး၊ ခေါင်းကို ဖြတ်ပစ်လိုက်တာ"
"ဟာကွာ ... ဟန်စုရာ မင်းကို အကူအညီ တောင်းခါမှ ..."
"ဆရာ့ကို ဘယ်သူ ဘာပြောလဲ၊ ဘယ်သူ့ခေါင်းလဲ ပြော"
"မဟုတ်သေးဘူး၊ အဲဒီအဆင့် မဟုတ်သေးဘူး၊ ငါက ရိုးရိုး မေးနေတာ"
"ငါမဆဲတတ်ဘူး ဆရာ ခေါင်းဖြတ်ရမယ့် သူပြော"
"အေးပါ မင့်လည်း အဖြတ် မခိုင်းပါဘူး၊ ငါ့ကို ဖြတ်ပေးမယ့်သူတွေ တောင်ပေါ်မှာ ရှိပါတယ်၊ မင်းဖြတ်တော့ ငါ့လက်ချက်မှန်း သိမှာပေါ့"
သူ့ တိုင်ပင်မှ ခေါင်းဖြတ်ရမယ့်ကိန်း ဆိုက်နေတယ်။
"ဘာလို့လဲ ဆရာ"
"ဟိုကွာ ... ပါတီယူနစ် ဥက္ကဋ္ဌက သူ့ရုံးရှေ့က ငါ ဖြတ်သွားတိုင်း လက်ခုပ်တီးပြီး ဟေ့လူ ဟေ့လူနဲ့ အော်ခေါ်တယ်ကွာ၊ တစ်ရက်လည်း မဟုတ် နှစ်ရက်လည်း မဟုတ်၊ ဆရာ၊ လာပါ ကြွပါ၊ အထဲဝင်ပါဦး ဆိုရင် တစ်မျိုးပေါ့"
ငါက ဦးနောက်နဲ့ နားနဲ့ အလုပ်လုပ်တာ သူက ပါးစပ်နဲ့ လက်ခုပ် လက်ဝါးနဲ့ အလုပ် လုပ်နေတာ"
ဟန်စုက နှစ်နှစ်ခြိုက်ခြိုက် ပြုံးတယ်။ သူ့မျက်နှာမှာ ဒီလို အပြုံးမျိုး တွေ့ရခဲလို့ ကျွန်တော် လိုချင်တဲ့အဖြေ ရပြီလို့ သိလိုက်တယ်။
"ဪ ... သူက ဆရာ့ကို ဒီလို လုပ်သလား"
"အေး"
"နောက်တစ်ခါ လက်ခုပ်တီးပြီး ဟေ့လူလို့ ခေါ်ရင် ဆရာက"
ဟန်စုက စကားကို ဆုံးအောင်မပြောဘဲ ရပ်ထားတယ်၊ ပြီးမှ ပီပီသသ ခပ်ကျယ်ကျယ် ပြောတယ်။
"လ...စ်လို့ ပြန်အော်လိုက်"
"ဟာကွာ မင်းငါ့ကို အချုပ်ထဲ တောက်လျှောက် ပို့နေပြန်ပါပြီ"
"မချုပ်ဘူး ဆရာ၊ မုံရွာက ဆရာဝန်ကြီးနဲ့ ငါအတူတူ နေခဲ့တာ အကြာကြီးလေ၊ ရောက်လေရာမှ ရဲက ဆရာဝန်ကြီးကို ရပ်ဆိုရင် ဆရာဝန်ကြီးက ...ထစ်လို့ အော်လိုက်တာပဲ၊ အဲဒီတော့ ရဲတွေက သွားပါ ... သွားပါတဲ့"
ဟန်စုခမျာ သူပြောတဲ့ စကားလုံးရဲ့ အရင်းအမြစ်ကို နားလည်ပုံ မရဘူး။ သူ့အတွေ့အကြုံကို ရိုးရိုးသားသား မျှဝေနေခြင်းမျှသာ ဖြစ်တယ်ဆိုတာ သူ့မျက်နှာနဲ့ သူအပြုံးမှာ အထင်အရှား တွေ့နေရတယ်။ ဒိပြင်ကိစ္စတွေမှာ အလွန်အားကိုးရပေမယ့် ဒီကိစ္စမှာ အားကိုးလို့ မရတဲ့ ဟန်စုနဲ့ ဆွေးနွေးခန်းကို ရပ်ပစ်လိုက်ရတယ်။ လာစမ်း စီးကရက် နောက်တစ်လိပ်။
ညွန့်ပေါင်းကျမ်း
----------------
သူ့ကို ကျွန်တော်တို့က ချစ်စနိုး ပညာဝန်လို့ ခေါ်တယ်။ နာမည်ရင်းက ဦးအောင်စိန်ပါ။ လက်ထောက်ပညာရေးမှူးလို့ ရာထူးအမှန်ကို ခေါ်သူ နည်းတယ်။ "ပညာဝန် ဦးအောင်စိန်" လို့ အလွယ် ခေါ်သူခေါ် ဦးအောင်စိန် ဆိုတဲ့ နာမည် မထည့်ဘဲ ပညာဝန်လို့ ခေါ်သူ ခေါ်ကြတယ်။ တွေ့ဖူးသမျှထဲမှာတော့ ဦးအောင်စိန်က ဆံပင်နည်းနည်း ရှည်တယ်။ ဒါပေမယ့် သပ်သပ်ရပ်ရပ် ဖြီးထားတတ်တယ်။ သူ့ကို ဘာလို့ ဆံပင်အရှည် ထားတာလဲဆိုတော့ သူ့အဖြေက စိတ်ဝင်စားစရာ။
"စစ်ဗိုလ်တို့၊ ရဲအုပ်တို့နဲ့ မှားမှာစိုးလို့" တဲ့။
သူ သီချင်းအဆို ဝါသနာပါတယ်။ သီချင်းတွေ ရတယ်။ စာပေါင်ပဲ့အောင် ဆိုနိုင်တယ်။ အဆွေးသီချင်း သန်တယ်။ ကြည့်ဖူးတဲ့ ရုပ်ရှင်တွေလည်း အတော် မှတ်မိတဲ့သူ။ ကျွန်တော့် ကိစ္စကို သူနဲ့ တိုင်ပင်ရင် ကောင်းမှာပဲလို့ စိတ်ကူးရတယ်။ ဒီပညာဝန်က နယ်အတော် များများလည်း ရောက်ခဲ့ဖူးတော့ သူနဲ့ဆိုရင် ဖြစ်လောက်တယ်။ သူ ကူညီလောက်တယ်လို့ ထင်မိတယ်။ သောက်လက်စ စီးကရက်က အတော်တိုနေပြီ၊ နောက်တစ်လိပ် ကူးစရာ စီးကရက် မရှိလို့ လက်နှစ်ချောင်း ပူအောင် ဖွာနေရာကလက်စသတ်လိုက်တယ်။
"လာ ... ပညာဝန် ... ထိုင်ဦး၊ ခင်ဗျား လာတာနဲ့ အတော်ပဲ"
"ဘာဖြစ်လို့လဲ ဆရာ၊ ပျင်းလို့ သီချင်း နားထောင်ချင်တာလား"
"ဟာ ပေါက်တတ်ကရ၊ ဘယ်က သီချင်းနားထောင်ချင်လို့ ရမှာလဲ၊ ဆရာ့ သီချင်း နောက်မှဆို"
"ဒါဆိုရင် ဘာလုပ်ပေးစေချင်သလဲ ရုပ်ရှင်ဇာတ်လမ်း ဟိုနေ့က အဆက်လေး ..."
"မပျင်းဘူး၊ မပျင်းဘူး ... အဲ ... ပျော်လည်း မပျော်ဘူး"
"ဒီတော့ ..."
"ကျွန်တော့်စကား ပညာဝန် ဆုံးအောင် နားထောင်ပြီးမှ ကျွန်တော် တောင်းတဲ့ အကူအညီပေး၊ ဘယ့်နှယ်လဲ"
"ဟာ ဒေါက်တာကလည်း သူစိမ်းတွေမှ မဟုတ်တာ၊ ကူညီမှာပေါ့"
"ဟောဒီ ခန္တီးမှာ ပညာဝန်ဆိုလို့ ဆရာ တစ်ယောက်ပဲ ရှိတာ ဟုတ်တယ်နော်"
"ဟုတ်တယ်လေ"
"ဆရာဝန် ဆိုရင်လည်း ကျွန်တော် တစ်ယောက်ပဲ ရှိတာ"
"ဒါလည်း ဟုတ်တာပဲ အဲဒီတော့"
"အဲဒီတော့ ဆရာက ပညာဝန် ဦးအောင်စိန် မလုပ်နဲ့ ရာထူးတွေစွန့်ပြီး အောင်စိန်လို့ ခံယူလိုက်"
သူ ကျွန်တော်ကို မျက်မှောင်ကြီး ကြုတ်ကြည့်နေတယ်။
"ကျွန်တော်လည်း ဒေါက်တာသိန်းလှိုင် မဟုတ်တော့ဘူး၊ သိန်းလှိုင် ဖြစ်သွားပြီ"
"ဟာ ဆရာ ဘာတွေ ပြောနေတာလဲ ကျွန်တော် ဒီဘဝရောက်အောင် မိဘတွေ မရှိကြတဲ့ကြားက မနည်းကြိုး ..."
"တကယ် မဟုတ်ပါဘူး၊ ဥပမာသဘော ပြောတာပါ။ ကျွန်တော်ပြောတာ ဆုံးအောင် နားထောင်ပါဦး၊ ပညာဝန်ရဲ့"
"ကဲ ဟုတ်ပါပြီ"
"ခင်ဗျားနဲ့ ကျွန်တော် အောင်စိန်နဲ့ သိန်းလှိုင် သမီးရည်းစား တစ်ယောက်ကို ပြိုင်တူ ပိုးကြရာမှာ ကျွန်တော်"
"ဟာ ဆရာက ဘယ်သူ့ ကြိုက်နေတာလဲ ကျွန်တော်တို့ ကျောင်းဆရာမထဲကလား"
"ဆုံးအောင် နားထောင်ပါလို့ဆို ပညာဝန်ကလည်းဗျာ"
"အဲဒီကောင်မလေးရဲ့ အချစ်ကို သိန်းလှိုင် ရသွားတဲ့အခါ အောင်စိန်က သတ်မယ် ပုတ်မယ် မလုပ်ခင်မှာ စိတ်ဆိုးပြီး ဆဲမယ် ... ဘယ့်နှယ်လဲ"
"ဟာ ဆရာဝန်ရယ် ဒါ လုစရာလား၊ သတ်လည်းမသတ် ပုတ်လည်း မပုတ်ပါဘူး၊ ဆရာ့ ကျေးဇူးတွေ ရှိတယ်လေ၊ ကျွန်တော် ရှောင်ပေးမှာပေါ့"
ကျောင်းဆရာမထဲက လွတ်လွတ်လပ်လပ်လား ဆရာ"
"မဟုတ်ပါဘူး၊ ကျွန်တော်က ဥပမာ အဖြစ် ပြောနေတာ ... ကဲ ဆဲပါဦး"
"ဒုက္ခပါပဲ၊ အလကားနေရင်း ကျွန်တော့်ကို ငရဲပေးနေပြန်ပါပြီ"
"ငရဲပေးနေတာ မဟုတ်ဘူး၊ ခင်ဗျားဆီက ပက်ပက်စက်စက်အဆဲ ဒေါသအလျောက် ဆဲတဲ့အဆဲ ကြားချင်တာ"
"တကယ်လား"
"တကယ်ပြောနေတာ ပညာဝန်"
"ကျွန်တော်လည်း တကယ်ပြောမယ် ... ဆရာ့ကို ကျွန်တော် အရမ်း လေးစားတာပါ မဆဲပါရစေနဲ့"
"ပညာဝန် ခင်ဗျား မဆဲရင် နောက် ကျွန်တော့် အိမ်ရိပ် မနင်းနဲ့၊ အိမ်ရှေ့ကို ဖြတ် မလျှောက်နဲ့ဗျာ၊ ကျွန်တော်နဲ့ တွေ့မယ်"
"ဆရာ တကယ် ပြောနေတာလား"
"တကယ် ပြောနေတာ၊ တကယ် စိတ်ဆိုးတယ်"
"ဆရာ သိန်းလှိုင်ရယ် ကျွန်တော့် အဆဲက ဘာအသုံးဝင်မှာလဲ"
"ဘာလုပ်ဖို့လဲ မေးမနေနဲ့ ပါးစပ်က မထွက်ချင် ဟိုပြက္ခဒိန် နောက်ကျောမှာ ချရေး- ဟန်စု ... နံရံက ပြက္ခဒိန် ဖြုတ်ခဲ့ကွာ"
ပညာဝန် ခေါင်းကုတ်တယ်။ ပြီးတော့ ခေါင်းယမ်းတယ်။ စဉ်းစားတယ်။ ပြီးတော့ တစ်လုံး ချရေးတယ်။
"ဖေ ..."
အဲဒီတစ်လုံး ရေးပြီး ကျွန်တော့်ကို မော့ကြည့်တယ်။ အကဲခတ်တယ်ဆိုရင် ပိုမှန်မယ်။ ကျွန်တော် ပညာဝန် ရေးတာဖတ်ပြီး ခေါင်းတစ်ချက် ညိတ်ပြလိုက်ရင်း
"နောက်ထပ် အဆဲတစ်ခွန်း"
"လ...စ်"
ဟန်စု ပြောတာနဲ့ တစ်ထေရာတည်း
နောက် အဆဲတစ်ခွန်းက
"...စား" အမျိုးသမီးရဲ့အင်္ဂါ
... .ယောက်ျားအင်္ဂါကို ပယ်ပယ်နယ်နယ် ဖွဲ့နွဲ့တဲ့အဆဲ သူ ဆက်မရေးသေးဘဲ မျက်တောင် ပုတ်ခတ် ပုတ်ခတ် လုပ်ပြီးမှ အဆဲတစ်ခွန်း ထပ်ရေးတယ်။
"ငါ..."
ငါ အစချီပြီး ကိုင်တုပ်တဲ့ အဆဲ
ပညာဝန်ခမျာ အဆဲလေးငါးခွန်း ရေးချပြီးတဲ့နောက် ကျွန်တော့်ကို ပြုံးဖြဲဖြဲ လုပ်ပြရင်း ကျေနပ်ပါတော့နော်လို့ ပြောတာနဲ့ သူ့ကို ကျေးဇူးတင်လို့ လက်ဆွဲနှုတ်ဆက်တဲ့ အခါ သူ့လက်တွေက အေးစက်နေတယ်။ သူ့နဖူးက ချွေးတွေ စို့လို့။ ခြေလှမ်းမှန်မှန်နဲ့ လာခဲ့တဲ့ ပညာဝန် အိမ်ကလည်း ပြန်ရော၊ ကျွန်တော့်ကို လှည့်ကြည့် လှည့်ကြည့်နဲ့ ခပ်သွက်သွက်လှမ်းထွက် သွားတယ်။ ကျွန်တော့် ခြံဝမှာ သူ့ရုံးကစာရေး ကိုတင်မောင်က ရေချိုးဆိပ်အဆင်း တွေ့ကြတော့ ပညာဝန် သုတ်သီးသုတ်ပျာနဲ့ ဘာဖြစ်လာတာလဲလို့ မေးရော။
"ဟေ့ကောင် မင်းရေချိုးရအောင် လာတာဆိုရင် မြစ်ဆိပ် ဖြောင့်ဖြောင့်တန်းတန်းသွား၊ ငါ ဒေါက်တာဆီ သီချင်းဆိုရအောင် လာတာ၊ သီချင်း မဆိုခဲ့ရဘူး၊ သူ့ကို ဆဲရမယ်တဲ့၊ ဒေါက်တာ ဒီနေ့ ဘာဖြစ်နေတယ်၊ မသိဘူး"
"ဟာ ဆရာကလည်း တောက်တီးတောက်တဲ့ ပြောပြီ"
"ငါ အမှန် ပြောနေတာ"
ကျွန်တော် အိမ်ကတံခါးတွေရော ပြတင်းတွေရော ဖွင့်ထားတော့ သူတို့ပြောနေကြတာ အကုန် ကြားနေရတာ။
"သူ့အလုပ် သူလုပ်နေတဲ့ ဆရာဝန်က ဆရာ့ကို အဆဲခိုင်းတယ် ဟုတ်လား"
"အေး ... ဟုတ်တယ်"
"ဟာ ဆရာနှစ်ယောက် တစ်ယောက်လောက်တော့ ဦးနှောက် ရွေ့နေပြီ"
"ငါပြောတာ မင်းမယုံရင် သွားကြည့်လိုက်"
ဒီလိုနဲ့ စာရေးကိုတင်မောင် ရောက်လာရော။ ကျွန်တော် ပျော်တယ်။ နောက်ထပ် အဆဲတွေ ထပ်ရဦးမှာ။
"လာ ကိုတင်မောင် ထိုင်ဦး- ရေချိုးဆင်းလာတာ ထင်တယ်"
"ဟုတ်တယ် ဆရာ"
"ကိုတင်မောင့် တစ်သက် ဆဲဖူးတဲ့ အဆဲတွေ ကျွန်တော့်ကို မျှဗျာ"
ကိုတင်မောင် မျက်မှောင်ကြုတ်ပြီး ကျွန်တော် ပြောတာရော၊ လုပ်တာရော လိုက်ကြည့်နေတယ်။ ကျွန်တော်က ပညာဝန် ရေးထားတဲ့ အဆဲပြက္ခဒိန် ယူလာပြီး ပေးတော့ သူ့ဆရာ ပညာဝန်တော့ ဦးနှောက်မရွေ့ဘူးလို့ သူယုံသွားပြီ။ လက်ရေးက သူ့ဆရာလက်ရေး သူမှတ်မိတယ်။ ကျွန်တော်က တံခါးဝ ပိတ်ရပ်နေတော့ စားပွဲပေါ်မှာ သူလည်း ဆဲဖူး ကြားဖူးတဲ့ အဆဲ သုံးလေးခွန်း ချရေးလိုက်တယ်။ ပညာဝန် ဆရာတပည့် သိပ်မကွာလှဘူး။ ရေးသွားတဲ့ အဆဲ တွေ မတူကြပေမယ့် လာတဲ့ ခြေလှမ်း ပြန်တဲ့ ခြေလှမ်း လက်ဖျားတွေ အေးစက်နေကြပုံခြင်း အတူတူပဲ။
နောက်တစ်နေ့ကျတော့ ကျွန်တော် တွေးမထင်ထားတာ လာဖြစ်တယ်။ အဲဒါကတော့ သူ့ယောက်ျားကို ရှင်ရူးနေပြီလား၊ မဖြစ်နိုင်ပေါင်တော်၊ ကျွန်မဆရာ အကြောင်းကျွန်မ သိတယ်။ တစ်မြို့လုံး ဒီဆရာဝန် အားကိုးနေရတာ၊ မယုံဘူး၊ မယုံဘူးဆို စာရေးကိုတင်မောင်ကတော် မဥ ရောက်လာရော။ သူ့ပါးစပ်က ကျွန်တော့်ကို ပြုံးနေပေမယ့် မျက်လုံးတွေက ကျွန်တော့်စိတ်က ပုံမှန်ဟုတ်ရဲ့လားလို့ အကဲခတ်တဲ့ မျက်လုံးနဲ့။ ဘယ်ရမလဲ၊ ကျွန်တော့်ပိုက်ကွန်ထဲ ရောက်ရင် ဘယ်သူမှ လွတ်မထွက်နိုင်ဘူးလေ။ ဒီလိုနဲ့ မဥက သုံးခွန်း၊ ကုန်ခြောက်ရောင်းတဲ့ ကိုလော်ပေါ်က နှစ်ခွန်း၊ ခြံစိုက်တဲ့ ကိုတင်ရွှေ၊ ဆရာသိန်း၊ သင်းအုပ်ဆရာ ဆမ်ဆမ်၊ ပြောကြစို့ တစ်မြို့လုံးရဲ့ အဆဲမျိုးစုံကို ကျွန်တော် ခံယူပြီးသား ဖြစ်တယ်။ ဘယ်လောက်အထိ အဆဲစုံသလဲဆိုရင် ပေါမိုင်းဘုန်းကြီးရဲ့ အဆဲပါ ရလိုက်တယ်။ သူ့ဒကာ တစ်ယောက်ဆီ မသွားနိုင်လို့ လာပြရင်း သူပါ သွေးပေါင်ချိန်တာ။
"အရှင်ဘုရားတို့ ဘုန်းကြီးချင်း ဆဲတော့ ဘယ်လို ဆဲကြပါသလဲ ဘုရား"
"မဆဲပါဘူး ဒကာ"
"အောက်ပြည် အောက်ရွာမှာ ဘုန်းကြီးဆဲတာ တပည့်တော် ကြားဖူးတယ်"
ဘုန်းကြီးဆီက တစ်ဆင့် သူ့ဒကာ ဒကာမတွေ ဒီသတင်းက ပြန့်သွားတော့ တစ်မြို့လုံးက မယုံလို့ မိတ်ဆွေတွေ လာကြရင်း၊ ဆဲသွားကြရင်း၊ ဟုတ်တယ်ဟ၊ ဆရာသိန်းလှိုင်က ဘာလုပ်မလို့လဲ မသိ၊ အဆဲခိုင်းနေတယ်။ တစ်မြို့လုံးရဲ့ အလွှာစုံရဲ့ အဆဲတွေ ရလိုက်တယ်။ ကျွန်တော် ရည်မှန်းချက် ပြည့်မီတာထက် ဟိုဘက် သာလွန်သွားတယ်။ ဒီလောက်ကြီး မရည်မှန်းပေမယ့် ပြက္ခဒိန် ၁၂ ရွက် ပြည့်လုပြည့်ခင် နီးပါးပါပဲ။ ကျွန်တော် ပါတီယူနစ် ဥက္ကဋ္ဌကို မူနဲ့ - ဘောင်နဲ့ ဥပဒေတွင်းက ဆဲမလို့ ကြံရွယ်ချက်အတွက် အဆဲ သုတေသန လုပ်လိုက်တာလေ။
များများကောင်းတယ်
----------------------
ကျွန်တော့်မှာ တိုင်ပင်စရာ မိတ်ကောင်းဆွေကောင်း ဆိုလို့ တပည့်ကျော် ဟန်စုပဲ ရှိ တယ်။ သူ့ဆီက ကျွန်တော် စဉ်းစားတွေးခေါ်တာနဲ့ မတူတဲ့ ခွဲထွက် စဉ်းစားစရာတွေ ရတတ်တယ်။ ဥပမာ မင်းဒေါသထွက်ရင် ဘယ်လို ဆဲသလဲ။ ဒေါသထွက်ရင် ဓားနဲ့ခုတ်မယ်၊ ခေါင်းဖြတ်မယ်၊ ဆဲတာ၊ နားမလည်ဘူး ဆိုတာမျိုး။ အခုလည်း ကျွန်တော့်ကို သေဒဏ်နဲ့ တစ်သက်တစ်ကျွန်း ပို့တတ်တဲ့ တပည့်ကျော် ဟန်စုကို အရေးကြီးကိစ္စ တိုင်ပင်ရပြန်ပြီ။
ပြက္ခဒိန်ခမျာ နှစ်မကုန်သေးပေမယ့် မြို့လူထုရဲ့ အဆဲသဝဏ်တွေကြောင့်ရယ်၊ ကျွန်တော် အပြန်ပြန် အလှန်လှန် ဖတ်ရှုထားလို့ရယ် တော်တော်ကို နွမ်းနေရှာပြီ။ ပြက္ခဒိန်ကို လှန်လှောရင်း
"ဟန်စု မင်းအဖေနဲ့ အမေ ဘယ်သူ့ကို ပိုချစ်သလဲ"
"ဘယ်သူ့မှ မချစ်ဘူး"
"မဟုတ်ဘူးလေ၊ ပြန်စဉ်းစားဦး တစ်ယောက်ယောက်တော့ မင်းပိုချစ်မှာပါ"
"ဘယ်သူ့မှ မချစ်ဘူး"
"ဟန်စု မင်းအတော်ရိုင်းတာပဲ ... ဒီလို မပြောရဘူးလေ"
"ငါ့မှာ အဖေလည်း မရှိဘူး၊ အမေလည်း မရှိဘူးလေ ငါမရိုင်းဘူး"
"ဟေ့ကောင် ဘယ်လိုကွ ဟန်စုရ"
"ငါ ငယ်ငယ် ဒီမြို့မှာ လာပစ်ထားခဲ့တာလေ"
အဲဒီတော့မှ ကျွန်တော် သိလိုက်ရတယ်။ ဟန်စုက မရိုင်းဘူး၊ ဟန်စုအကြောင်း မသိဘဲ မိဘမေတ္တာတွေ ချစ်ခြင်းတွေ ဖိမေးနေတဲ့ ကျွန်တော်က ရိုင်းသွားတာပါလား။
"ငါ့ ဟိုအိမ်က ကျွေး၊ မကျွေးနိုင်တော့ ဒီအိမ်ရောက်၊ နောက်ဆုံး ဆရာဝန်အိမ်က ပုံမှန်စားစရာနဲ့ ဆရာဝန်နဲ့ချည်း နေခဲ့တာလေ"
"ဟေ့ကောင် ငါတော့ အမေ့ ပိုချစ်တယ်"
နှပ်ကြောင်း ပေးကြည့်၊ ချူဆီ ထည့်ကြည့်တာ။ ဟန်စုက စိတ်ရှည်ဟန် မတူဘူး၊ အသံ ကျယ်ကျယ်နဲ့
"မချစ်ဘူးဆို"
ကျွန်တော်တို့ နှီးနှောဖလှယ်ပွဲ စက္ကန့်သုံးဆယ်လောက် ရပ်သွားတယ်။
"ဘာလုပ်ဖို့လဲ"
ကျွန်တော့် စီမံချက်ကို ယုံကြည်ရတဲ့ လူမို့ ချပြလိုက်တယ်။
"ဟန်စု စဉ်းစားကြည့် ပါတီယူနစ် ဥက္ကဋ္ဌ ဗိုလ်ကြီး ထွန်းလင်းလည်း သူ့အမေကို ချစ်မှာပဲနော်"
ဟန်စု ဘာမှ ပြန်မပြောဘဲ ငြိမ်နားထောင်ပြီး ခေါင်းနှစ်ကြိမ် ဆက်ညိတ်တယ်။
"ငါ သူချစ်တဲ့အမေကို တပ်ပြီးဆဲရင်ဗိုလ်ကြီးထွန်းလင်းရဲ့ ရင်ဝတည့်တည့် မှန်မှာပဲ"
"လုပ်မနေနဲ့ ...ထစ်ပဲ လုပ်လိုက်"
"ဟကောင် အဲဒါ ဒီနေရာမှာ မရလောက်ဘူး"
ကျွန်တော့်ရှေ့က ပြက္ခဒိန်မှာ ရေးထားတာ တူတာတွေ ဘုံထုတ်၊ အုပ်စုဖွဲ့၊ မတူတာတွေ သီးသန့်ထုတ်၊ ကျားဘက်ဆိုင်ရာ သီးသန့် တစ်ကော်လံ၊ မဘက်ဆိုင်ရာ သီးသန့်ခွဲရ ကောင်းမလား စဉ်းစားနေရာက
"မင့်အမေ ဂွေး(ဝှေး)စေ့နှစ်လုံး၊ ဟား ... ဟား ... ဟား မကောင်းဘူးလား"
ဟန်စု ငြိမ်နားထောင်နေရာကနေ ရွှင်လန်းအားရတဲ့ မျက်နှာနဲ့ ဝင်နှီးနှောတယ်။
"ဟာ များများလုပ်လေ၊ များများထည့်၊ များများကောင်း"
ဟန်စု ပြောလိုက်တဲ့ စကားဟာ ကျွန်တော့်ကို ဉာဏ်အလင်းသစ် ဆာတိုရီ ရသွားတယ်။
"သွား ... ဟန်စု ... ခုတင်အောက်က သံသေတ္တာထဲမှာ ဆေးကျမ်းစာအုပ်တွေ ရှိတယ်၊ အဲဒီစာအုပ်တွေ ယူချေ"
"အေး"
ဆေးကျမ်းတွေ လှန်လိုက်တော့ သိပ်ကြာကြာ မလှန်လိုက်ရပါဘူး။ တွေ့တော့တာ ပါပဲ။
"တွေ့လား အမျိုးသမီးမှာ ဝှေးစေ့နှစ်လုံး ဖြစ်နေတာ ဟမ်မာပရိုတိုက် ဒီမှာ ... ဘုရင်ကြီးမှာ နို့ဆယ့်ရှစ်လုံး ရှိတယ်၊ နို့တိုက်နေတာ"
ဟန်စု ဆေးကျမ်းထဲ ပုံတွေကြည့်ပြီး အံ့အားသင့်သွားတယ်။
"မိန်းမ ဝှေးစေ့ ရှိတယ်၊ ယောက်ျားနို့ထွက်တယ် ဟုတ်လား"
"ဒါ ဥ နှစ်လုံးပေါ့၊ အိုဗရီကလည်း ဥပဲ ဟောဒါ အတံလေး
နှစ်လုံးဆိုရင် ဆဲရာ မရောက်ဘူး။ ဆဲရာရောက်အောင် လေးလုံး လုပ်လိုက်မယ် ဟန်စု ... ဘယ့်နှယ်လဲ"
"ဟာ များများ ကောင်းတယ်လေ"
"ဒါဆိုရင် မင်းသေသေချာချာ နားထောင်နော် ဟန်စု"
သူ ခေါင်းညိတ်ပြတယ်။ ပြီးတော့ နားစွင့်နေတယ်။
"မင်း အမေ ... ဝှေးစေ့ ခြောက်လုံး"
( ဒုတိယပိုင်းဆက်ရန်)👇👇👇
[ မြန်မဝာတ္ထုတိုများ ပေ့ခ်ျမှကူးယူပါသည်။ပေ့ခ်ျအား ကျေးဇူးတင်ပါသည်။]
No comments:
Post a Comment