#နင့်အမေဝှေးစေ့ခြောက်လုံး(ပုံ-နာဂသိန်လှိုင်)
(ဒုတိယပိုင်း)
#ညီပုလေး
နှစ်လုံးထက် လေးလုံး များမှန်းတော့ နာဂတပည့်ကျော် သိတယ်။ လေးလုံးထက် ခြောက်လုံးက ပိုများမှန်း သိတော့ များများလုပ်လေ၊ များများကောင်းတယ်ဆိုတဲ့ တပည့်ကျော် ဟန်စုရဲ့ နှုတ်ခမ်းတွေ ပစောက်ပုံ ဖြစ်သွားတယ်။
"လာကွာ၊ ငါတို့ ခြံထဲ ထွက်ကြမယ်"
"ဘာလုပ်မလို့"
"လာစမ်းပါ ထွက်ခဲ့"
"အေး ... ဆရာ"
"မင်းက ဒီနေရာမှာ ရပ်နေ၊ ငါက ဟိုဘက်ကနေ ဒီလို လမ်းလျှောက်လာမယ်၊ ငါမင်းနဲ့ တည့်တည့်ရောက်ရင် မင်းက လက်ခုပ်နှစ်ချက်တီး၊ ပြီးတော့ ပါးစပ်က ဟေ့လူ ဟေ့လူလို့ အော် ဟုတ်ပြီလား"
"အဲဒါ ဘာလုပ်တာလဲ"
"မင်း မသိပါဘူး ဟန်စုရာ၊ ငါလုပ်ခိုင်းတာ လုပ်စမ်းပါ"
"အေး"
ကျွန်တော် ဆေးရုံသွားရင်းလှမ်းတဲ့ ခြေလှမ်းမျိုးနဲ့ လျှောက်လာတဲ့အခါ တပည့်ကျော် ဟန်စုက သူ့ရှေ့အရောက် ကျွန်တော် ခိုင်းတဲ့အတိုင်း လက်ခုပ်တီးပြီး ကျွန်တော် သင်တဲ့အတိုင်း ဟေ့လူ ... ဟေ့လူ ... လို့ အော်တယ်။ ကျွန်တော်ကလည်း လမ်းလျှေက်နေရာကနေ သူ့ဘက်လှည့်ပြီး စိတ်ထဲရှိသမျှ အားကုန် အော်လိုက်တယ်။
"မင့်အမေ ... ဝှေးစေ့ ခြောက်လုံး"
တပည့်ကျော် ဟန်စုရဲ့ အပြုံးက ကျွန်တော့်အဆိုကို ထောက်ခံလိုက်သလိုပဲ။ သူ့ဆီက ဒီလိုအပြုံးမျိုး တွေ့ရခဲတယ်။ ကျွန်တော်ကလည်း ပါတီယူနစ် ဥက္ကဋ္ဌနဲ့ ပတ်သက်ပြီးခံစားမှုတွေ ချွန်မြလတ်ဆတ် နေလို့လားတော့ မသိဘူး။ နာဂတိုင်းရင်းသား တပည့်ကျော်ရဲ့ အပြုံးဟာ အဓိပ္ပါယ် အများကြီးပါတယ်။ ငါ့ဆရာ ကောင်းတယ် ဆက်လုပ်၊ ဒါမှ ငါ့ဆရာကွ။ ငါ့ဆရာ အောင်မြင်ပါစေ။ သူ့အပြုံး ကျွန်တော့်ဆီ ကူးစက်တယ်။ ကျွန်တော်ပါ လိုက်ပြုံးမိတယ်။ ကျွန်တော့် အပြုံးက အဓိပ္ပါယ် အများကြီး မပါရှိဘူး။ အားရကျေနပ်တဲ့ အပြုံး၊ ဒါပဲ။
အိုဗာတိုင်များ
--------------
အဲဒီမနက်က အိပ်ရာက စောစောနိုးတယ်။ မနက်စာလည်း ဗိုက်ပြည့်အောင် စားလိုက်တယ်။ ဒီနေ့တော့ ပုဆိုး ဝတ်မသွားချင်ဘူး။ ဘောင်းဘီ ဝတ်သွားချင်စိတ် ပေါ်တယ်။ ရှိတဲ့ ဘောင်းဘီထဲက စမတ်အကျဆုံး ဘောင်းဘီ ရွေးလိုက်တယ်။ ခါးပတ်က ထားနေကျနေရာ အဆင်သင့်။ ခါးပတ် ကြည့်ရတာ၊ ဒီနေ့တော့ ဆရာနဲ့အတူ ကျွန်တော်ပါ လိုက်ပါရစေလို့ ပြောနေသလိုပဲ။ ရှပ်အင်္ကျီလက်ရှည် ဝတ်လိုက်တယ်။ ဖောင်တိန်၊ စီးကရက်ဘူး၊ မီးခြစ်၊ ပိုက်ဆံအိတ် ဘာမှ မကျန်အောင် ဂရုစိုက် ထည့်လိုက်တယ်။
နောက်ဖေး ဝက်ခြံဘက်က အသံကြားလို့ ကြည့်လိုက်တော့ ဟန်စု တွေ့တာနဲ့ ခေါ်ခဲ့တယ်။
"ဟန်စု ငါနဲ့ ကပ်မလိုက်နဲ့ နောက်က ဆယ့်ငါးပေ၊ ပေနှစ်ဆယ်လောက်က ခွာပြီး လိုက်ခဲ့"
"ဆယ့်ငါးပေ ပေနှစ်ဆယ်ဆိုတာ ဘယ်လောက်လဲ"
"အေးကွာ ဝါးတစ်ပြန် ကျော်ကျော်က လိုက်ခဲ့"
အရင်က တစ်ခါမှ ဟန်စုကို နောက်ကလိုက်ခဲ့ဖို့ မခေါ်ဖူးဘူး။ ဒီနေ့ ကိုယ်စောင့်နတ်က ခေါ်ဖို့ နှိုးဆော်နေသလိုပဲ။ ကျွန်တော် ဆေးရုံသွားရင် လမ်းတစ်မိုင်ခွဲ လျှောက်ရတဲ့အခါ လမ်းဘေး ဝဲယာက မိသားစုတွေ ကျွန်တော် ဆေးရုံ သွားမသွား စောင့်ကြည့်ကြသူတွေ ရှိတယ်။ တချို့က ကလေးတွေ စောင့်အကြည့် ခိုင်းတယ်။ တချို့ကတော့ လူကြီးတွေ။ ရုပ်ရှင်သရုပ်ဆောင်မို့ မြင်ဖူးချင်လို့၊ နာဂနတ်မို့ တွေ့ဖူးချင်လို့ စောင့်ကြည့်ကြတာ မဟုတ်ဘူး။ ကျွန်တော် ဆေးရုံသွားရင် သူတို့ နောက်က လိုက်လာပြီး ပြသဖို့ စောင့်ကြည့်ကြတဲ့ လူမမာတွေ၊ ကျွန်တော် ဆေးရုံ သွားမသွား သိချင်လို့ ကြည့်နေကြတာ။ လမ်းမှာတွေတဲ့ လူနာရှင်တွေကို ကျွန်တော် တောင်းပန်ရတယ်။
"ဒီနေ့တော့ သည်းခံပါ၊ နေ့လယ်ကျရင် ကြည့်အားရင် ကြည့်ပေးပါမယ်၊ မနက်ပိုင်းတော့ အရေးတကြီး လုပ်စရာ အလုပ်ကလေး ရှိလို့ပါခင်ဗျာ"
သူတို့နဲ့ အများစုက ရင်းနှီးတယ်။ တချို့ ခင်မင်တယ်၊ တချို့ ကျွမ်းဝင်တယ်။ ဒါကြောင့် တောင်းပန်စကား ဆိုရတယ်၊ မေတ္တာရပ်ရတယ်။ သိပ်ရင်းတော့လည်း
"နေ့လယ် မကြည့်အားရင် ညနေကျ အိမ်ဝင်ကြည့်ပေးမယ်၊ ဘာမှမပူနဲ့ သည်းသည်းသန်သန် မဟုတ်ဘူး မဟုတ်လား"
"ဟေ့ကောင် မပူနဲ့၊ နားကြပ်နဲ့ထောက် ပျောက်နော်"
စိတ်ထဲမှာ ထူးထူးဆန်းဆန်း ဘယ်ကရောက်တဲ့ စိတ်ကူးရယ် မဆိုနိုင်ဘူး။ ဆေးရုံကို လမ်းလျှောက်ရင်း ရာသီဥတုလေးက သာသာယာယာ၊ ဗွက်တွေ၊ ရွှံ့တွေကလည်း မရှိ၊ ငှက်ကလေးတွေ တေးဆိုသံကြောင့်ရဲ့သီချင်း ဆိုချင်သလို၊ လေပဲ ချွန်ချင်သလိုလို၊ လေကလည်း ဟုတ်တိပတ်တိ ချွန်တတ်တာ မဟုတ်ဘူး။ အနုပညာတစ်ခုခု လုပ်ချင်စိတ်က ထိန်းမရလို့ ငယ်ငယ်က ကျောင်းမှာ သင်ခဲ့ရတဲ့ မူလတန်း ကျောင်းသားတွေ ဆိုရတဲ့ သီချင်း လေချွန်မိတယ်။ မျက်နှာချင်းဆိုင် တွေ့ကြတဲ့သူတွေက ကျွန်တော်ကို လေချွန်လျက် တွေ့ရတော့ ပြုံးကြ၊ အံ့ဩကြတယ်။ ပါတီယူနစ်ရှေ့ ရောက်တော့ ပါတီယူနစ်နဲ့ ကပ်လျက် ဦးဉာဏ်ကျော်က သူ့ အိမ်ရှေ့က ထွက်ပြီး နေစာလှုံနေတယ်။ ကျွန်တော့်တွေ့တော့ သူက ထလာတယ်။
"ဆရာ ကျွန်တော့် ဇနီးသည် နေမကောင်းလို့ပါ ဆရာ"
"ဦးဉာဏ်ကျော်၊ ဒီနေ့တော့ အလုပ်တစ်ခု ပါလာလို့၊ ဦးဉာဏ်ကျော် ဇနီးကို နေ့လယ်လောက်မှ ကြည့်ပါရစေ"
"ဪ ဟုတ်ကဲ့ပါ ဆရာ"
"ဦးဉာဏ်ကျော် အိမ်နဲ့ ပါတီယူနစ်နဲ့ ဘယ်လို ခြားထားသလဲ"
"ဒီခြံစည်းရိုးနဲ့ ခြားတာပါ"
ဟိုဘက်က ကိုသောင်းထွတ် အိမ်နဲ့ရော
"ပုဏ္ဏရိပ် ပင်စည်းက ခြံဝင်းနှစ်ခု ခြားတာပါပဲ ဆရာ"
ခင်ဗျားဆီမှာ ဝါးလုံးရှည်ရှည်တစ်လုံး မရှိဘူးလား။
"ရှိတယ်လေ၊ မီးကပ်ချိတ် အဟောင်းက ဝါးလုံးရှိသားပဲ ဘာလုပ်ဖို့လဲ"
"အဲဒီ ဝါးလုံးအရှည်ကို တိုင်းပေးပါဗျာ၊ ဘယ်နှတောင် ရှိသလဲ"
ပါတီယူနစ် ဥက္ကဋ္ဌက သူ့ရုံးရှေ့ ရပ်ပြီး စကားပြောနေတဲ့ ဘောင်းဘီရှည်ဝတ် ဆရာဝန်ကို လှမ်းပြီး အကဲခတ်နေတယ်။ သူမှ မဟုတ်ဘူး။ သူ့ဝန်ထမ်းတွေလည်း သူ့နောက်နား တချို့၊ ပြတင်းဝ၊ တချို့ ရပ်ကြည့်နေကြတယ်။ ဒီနေ့မှ ပါတီ ဥက္ကဋ္ဌက လက်ခုပ်လည်း ထွက်မတီးဘူး၊ ဟေ့လူ ဟေ့လူလည်း မခေါ်ဘူး။ ကျွန်တော်က သူ့အခေါ် စောင့်နေတာ။ ခါးမှာလည်း ယမ်းတောင့်ထိုး၊ မောင်းတင်ထားတဲ့ ခြောက်လုံးပြူးက အဆင်သင့်။ အနောက်တိုင်း ကောင်းဘွိုင် ကားတွေလို လက်သွက်သွက်နဲ့ ဆွဲထုတ်ပစ်လိုက်ရုံပဲ။
"ဟာ တိုင်းစရာ မလိုပါဘူး၊ ကိုးတောင်ဝါးလေ"
"ဒါဆိုရင် ပါတီယူနစ် မျက်နှာစာကို တိုင်းဗျာ"
ပြောစကားမှ မဆုံးသေးဘူး။ ဆရာသိန်းက တစ်ဖက်က လျှောက်လာပြီး ဘာလုပ်နေကြသလဲ ရပ်ကြည့်နေတယ်။ ဦးဉာဏ်ကျော်က သူ့ဝါးလုံးနဲ့ တိုင်းတော့ ဝါးနှစ်ပြန် ဆယ့်ရှစ်တောင် ရှိတယ်လို့ ပြောတယ်။ ဒါနဲ့ ဝါးတစ်ပြန်စာ နေရာမှာ ကျွန်တော်ရပ်ပြီး ကြည့်လိုက်တော့ ပါတီယူနစ်ရုံးရဲ့အလယ်ဗဟိုနဲ့ တည့်တည့်။ ကြိုက်ပြီ၊ ဒါလိုချင်တာ။
သူက ဟေ့လူ ... ဟေ့လူ ထွက်မလုပ်တော့လည်း ကိုယ့်ဘာသာ သေနတ်ထုတ်ပြီး မောင်းဖြုတ် လိုက်ရတာပဲ။
"မင်းအမေ ဝှေးစေ့ခြောက်လုံး"
အသံဩကြီးနဲ့ ပီပီသသ ပျစ်ပျစ်နှစ်နှစ် အော်ပစ် ဆဲပစ်ခဲ့တယ်။ စိတ်ထဲမှာလည်း ကိုယ်လုပ်ချင်တာ လုပ်လိုက်ရလို့ အားရပီတိတွေ ဖြစ်လို့။ ဆေးရုံဘက်ကို ဆက်လျှောက်ခဲ့တယ်။ အစအဆုံး မြင်လိုက်ရ၊ ကြားလိုက်ရတဲ့ ဆရာသိန်းက
"ဒေါက်တာ ဘယ့်နှယ် လုပ်လိုက်တာလဲ၊ ခေါင်မိုးတက် မီးရှို့လိုက်တာလား"
"အသာနေ၊ ကျွန်တော့်အလုပ်ကျွန်တော်လုပ်တာ"
ဆေးရုံရောက်တော့ အေးအေးဆေးဆေး၊ နားလိုက်တယ်။ လူနာကြည့်စရာ နည်းနည်းပဲ၊ တစ်ယောက်စ နှစ်ယောက်စ ရှိတယ်။ သူတို့ကလည်း ဆေးရုံရဲ့ ဟိုဘက်က လာကြတာ၊ ကျွန်တော့်အိမ်နဲ့ ဆေးရုံအကြား လူနာတွေကို ကျွန်တော် မေတ္တာရပ်ခံထားကြလို့ မလာကြဘူး။ မိနစ်သုံးဆယ်လောက် နေတော့ ပီတိအဟုန်နဲ့ လူတစ်ယောက်ကို ရုတ်တရက် နှောင့်ယှက်မယ့် သူတစ်ယောက် ရောက်လာတယ်။ ဒီလူ ရောက်လာတာဟာ ကျွန်တော့်ကို ရုတ်ခြည်း အသက် လေးဆယ်လောက် ပိုပြီး အိုမင်းသွားစေတယ် ထင်တာပဲ။
"ဒေါက်တာ ခုနက ကျွန်တော်တို့ ရုံးရှေ့မှာ အော်သွားတာ ဘာတဲ့လဲ"
လာမေးတဲ့သူက ဘရီတဲ့။ ပါတီယူနစ်ရုံးက စာရေး၊ ဘယ်လောက် အမြန် သုတ်ခြေတင်လာတယ် မသိဘူး၊ ကျွန်တော်ရှေ့ ရောက်တော့ ချွေးသီးချွေးပေါက်တွေနဲ့၊ အမော မပြေသေးဘူး။
"ဟာကွာ သေလိုက် ပါတော့ကွာ"
"ဖြေပါ ဆရာရယ် အရေးကြီးလို့ပါ"
"မင်းတို့ မကြားလိုက်ဘူးလား"
"နည်းနည်းပဲ ကြားလိုက်ရတာ"
"တစ်ရုံးလုံး ဥက္ကဋ္ဌကအစ မကြားလိုက်ဘူးလား"
"ဥက္ကဋ္ဌက မင်းအမေ အထိတော့ ကြားလိုက်တယ်။ နောက်ကဟာ မကြားလိုက်ဘူး ဒေါက်တာ"
"ဟာကွာ၊ ငါတော့ စိတ်ဆင်းရဲတော့မှာပဲ၊ အလကား တွေ့ကရာ လုပ်လာတာ မဟုတ်ဘူး၊ လနဲ့ချီပြီး ဆေးကျမ်း ပါတဲ့အတိုင်း"
"ဘာလဲ ဘာတဲ့လဲ ဒေါက်တာ"
"ဟာကွာ သွားတော့ မြန်မာ့အသံ ရေဒီယိုက နှစ်ခါမလွှင့်ဘူး"
"ဥက္ကဋ္ဌက အဲဒါ မဖော်နိုင်ရင် တစ်ရုံးလုံး ဖြုတ်ပစ်မယ်လို့ ကြိမ်းနေတယ် ဆရာ"
"ငါ့ကုသိုလ်ကံက ဆိုးပါတယ်ကွာ ... သွား မင်းတို့ ဉာဏ်ရှိသလို ထင်ကြ မြင်ကြ၊ နှစ်ခါ မပြောနိုင်ဘူး"
စာရေးဘရီ မျက်နှာငယ်လေးနဲ့ ယို့ယို့လေး ပြန်သွားတယ်။ အဲဒီနေ့က ရုံးဝန်ထမ်း ခြောက်ယောက် အိမ်ပြန် စောကြတယ်။ ဒါပေမယ့် ရုံးစောစောဆင်းလို့ ပျော်ပျော်ပါးပါးကြီး ပြန်ကြရတာတော့ မဟုတ်ဘူး။ မနက်က ဒေါက်တာသိန်းလှိုင် အော်သွားတာ ဘာလဲ စုံစမ်းချေကြ။ အဖြေမပေါ်ရင်တော့ မနက်ဖြန် ရုံးအတက် ငါနဲ့ တွေ့မယ်ဆိုတဲ့ အိုဗာတိုင် ကိုယ်စီနဲ့ ပြန်လာကြရတာ။
ဝန်ထမ်း ခြောက်ယောက် ဖြန့်ကြက်လိုက်ကြ၊ စုံစမ်းကြတာပဲ။ ဟာ သတိရပြီ မဥ တစ်ခါ ပြောဖူးတယ်၊၊ ဆရာသိန်းလှိုင် သူ့ဆီက အဆဲလိုချင်တယ် ဆိုလို့ သူ ဆဲခဲ့ဖူးတယ်တဲ့။ မဥ ... မဥ ...။ မဥကလည်း စာရေးမတွေကို သူရေးပေးတဲ့ အဆဲတွေ ပြန်ဆဲပြရတော့ ဟောတော် ... အမလေးတော်တွေ ဖြစ်ကုန်ကြရတယ်။
တချို့ရတဲ့ အစအနက ကိုတင်မောင် ကိုတင်မောင်ဆိုလို့ ကိုတင်မောင့်ဆီ လိုက်ကြတော့ ကိုတင်မောင်ကလည်း သူသိသမျှ ဖြစ်ကြောင်းကုန်စင် ပြောပြ၊ မှတ်မိသလောက် ပြန်ဆဲကြ၊ အမလေး၊ အဲဒီလိုကြီး ဆဲကြတာလားတွေ ဖြစ်ကုန်ရော ...
ပညာဝန်ဆီလည်းရောက် ခြံစိုက်တဲ့ ကိုတင်ရွှေဆီလည်းရောက် သင်းအုပ်ဆရာ ဆိုလို့ သင်းအုပ်ဆရာဆီသွား အဆဲနာခံယူကြ၊ ပေါမိုင်းဘုန်းကြီးဆီထိ လျှောက်ပြီး အဆဲခံယူကြတာ အဲဒီရက်တွေက ခန္တီး မြန်မာ့ဆိုရှယ်လစ် လမ်းစဉ် ပါတီယူနစ်က ဆိုရှယ်လစ်ခေတ်ကို ချီတက်ရာမှ မင်းအမေနောက်က မကြားလိုက်ရတဲ့ စကားလုံးလေးအတွက် အချိန်ပေးလိုက်ရလို့ အတော် ဖင့်လေးသွားရတယ်။
စုဆောင်းလို့ ရသမျှအထဲမှာ "မင်းအမေနဲ့" စတာ မပါတော့ မျက်စိမမြင်တဲ့သူ ဂျစ်ဆော ပါဇယ် ဆက်သလို ဖြစ်နေကြရတော့တာပေါ့။ ခန္တီး မြန်မာ့ဆိုရှယ်လစ် လမ်းစဉ် ပါတီက မျက်မမြင်တွေ ရူးဘစ် အံစာတုံးကို လှည့်နေကြပြီ။ အံစာတုံးကို လှည့်နေကြတာ လေးငါး ခြောက်လကြာတယ်။ မရဘူး။
အာမီရမ် ချောင်းစီး ညစာစားပွဲ
-------------------------------
လမ်းစဉ်ပါတီ ဥက္ကဋ္ဌက ဘယ်ငြိမ်ခံမလဲ။ ကျွန်တော့်ကို တိုက်ကွက်တစ်ခု ပြောင်းတိုက်တယ်။ ပဲခူးရိုးမမှာ ဖြတ်လေးဖြတ် လမ်းစဉ်ချတယ် ဆိုတာ ခန္တီးက ဒေါက်တာသိန်းလှိုင်က မူလအစလို့ ထင်တာပဲ။ သူတို့ ကျွန်တော့်ကို သူတို့ လုပ်ပိုင်ခွင့်ထဲက ဒုက္ခသေးသေးရော၊ ဒုက္ခကြီးကြီးရော ဖြစ်နိုင်သလောက် ပေးကြဖို့ စီမံကြတယ်။
တစ်နေ့ကျတော့ ရန်ကုန်က စာရင်းစစ်အဖွဲ့ လာတယ်။ ဦးဖိုးအေးဆိုတဲ့ မိတ်ဆွေ ပါလာတယ်။ ရန်ကုန်က ဧည့်သည် ဌာနဆိုင်ရာ ... လူကြီးတွေ လာရင် ကျွန်တော့်ဆီမှာ တည်းကြတာ များတယ်။ သူတို့ သက်သာ ချောင်ချိတယ်။ အစားကောင်း စားရတယ်။ ဆရာဝန်ဆိုတာ ပါတီတာဝန်၊ ကောင်စီတာဝန်မှ မဟုတ်တာ။ ဟိုလူက သဒ္ဒါလို့ကျွေး၊ ဒီလူက သဒ္ဒါလို့ပို့တဲ့ ပို့ဆွမ်း လှိုင်တယ်။ ကြောက်လို့လန့်လို့ အခွင့်အရေးအတွက် အကျိုးလိုလို့ ညောင်ရေလောင်းတဲ့ ဟင်းတစ်ခွက် မုန့်တစ်ချပ် မပါဘူး။ ဌာနဆိုင်ရာ လူကြီးတွေ ဗိုလ်တဲမှာ မပျော်ဘူး။ ဒေါက်တာ နာဂနတ်ဆီမှာ ပျော်ကြတယ်။ အူစိုတာကိုး။
ဦးဖိုးအေးတို့ အဖွဲ့ထဲ ဦးဘိုဆိုတဲ့ ပုဂ္ဂိုလ်ပါတယ်။ သူက အိန္ဒိယသံရုံးမှာ စာရင်းစစ်ခဲ့ ဖူးတယ်။ အမှုထမ်းခဲ့ ဖူးတယ်။ သူက ဓာတ်ပုံရိုက်တာ ဝါသနာပါတယ်။ ကင်မရာလေး တစ်လုံးနဲ့ ခန္တီးမြို့နဲ့ မြို့ပတ်ဝန်းကျင်က ရှုခင်းတွေ၊ နာဂမတွေ ပုံရိပ်တွေ လျှောက်ဓာတ်ပုံရိုက်တယ်။ ကျွန်တော်ကလည်း ဓာတ်ပုံ စိတ်ဝင်စားတော့ သူနဲ့ စကားစပ်မိကြတယ်။
"ဆရာ ရန်ကုန်မှာတော့ ဓာတ်ပုံစက္ကူ၊ ဓာတ်ပုံဆေး ရှားတယ်ဆရာ"
"ဦးဘို လိုချင်လို့လား၊ ဒီတစ်မြို့လုံးမှာ ကျွန်တော်နဲ့ ခင်မောင်စန်းပဲ ဝယ်တဲ့သူ ရှိတာ၊ စက္ကူ ယူမလား ဆေး ယူမလား"
ဦးဘိုက ဓာတ်ပုံပစ္စည်း ရောင်းတဲ့ ကုန်သွယ်ရေးကို ပစ္စည်းလိုက်ကြည့်ပြီး ဝယ်ချင်တယ်လို့ ပြောတယ်။ အဲဒီခေတ်မှာ ဒီလိုအရပ် သူလိုချင်နေတဲ့ ဓာတ်ပုံပစ္စည်းတွေ သူရတာ ဝမ်းသာတယ်။ ကုန်သွယ်ရေးမှာ ဒီပစ္စည်းတွေ ဝယ်မယ့်သူ မရှိလို့ ပုံနေတာ။ ဓာတ်ပုံပစ္စည်း ရောင်းရငွေဟာ အရောင်းစာရေးမ လစာတောင် မရှိဘူး။ တစ်လနေမှ တစ်မျိုးနှစ်မျိုး ဝယ်ကြ ရောင်းကြတာ။ ဦးဘိုကလည်း ရတုန်း သိမ်းကြုံး ဝယ်လိုက်ဦးမယ်၊ ရန်ကုန်မှာ အမြတ်တင်ပြီး ပြန်ရောင်းစားလိုက်ဦးမယ် ဆိုတဲ့ လူမျိုး မဟုတ်ပါဘူး။ စက္ကူတစ်ထုပ် ဝယ်တာ။
"သမီးရေ ... နင်တော့ ဒီလ ဈေးဦးပေါက်ပြီ၊ ကိုဒတ် အစိမ်းတစ်ထုပ် ထုပ်ရောင်း"
ကျွန်တော့် မြင်ကတည်းက ဆိုင်ထဲက လူတွေရဲ့မျက်နှာက တစ်မျိုး ဖြစ်သွားကြတာ။ ကျွန်တော်က စာရင်းစစ် ဦးဘို ပါလာလို့ နည်းနည်းစိမ်းတဲ့လူ ပါလာလို့ ဒီလို မျက်နှာထားလို့ ထင်တာ။ ကျွန်တော့်အထင် တက်တက်စင် လွဲတယ်။
"ဒေါက်တာ ကျွန်မရောင်းလို့ မရဘူးရှင့်"
"ဟေ ..."
"တစ်လမှ ငါတစ်ထုပ် ခင်မောင်စန်းတစ်ထုပ် ရောင်းရတာ အခု လာဝယ်တဲ့သူ ရှိတုန်း ရောင်းလေ၊ တစ်ဆိုင်လုံး ဝယ်သွားရင်တောင် ဇာတ်ငြိမ်းသေးတယ်"
"ကျွန်မက ရောင်းချင်ပါတယ် ဒေါက်တာ၊ ဒါပေမယ့် အမိန့်တစ်ခု ထွက်ထားလို့ မရောင်းတာပါ ကျွန်မ အထင်မလွဲပါနဲ့ရှင့်"
"အဲဒီအမိန့် ငါကြည့်လို့ ရသလား သမီး ငါ့ကို ပြစမ်း"
ဒေါက်တာသိန်းလှိုင်ကို ကုန်သွယ်ရေး၊ သမဝါယမဆိုင်တို့မှာ ဘာပစ္စည်းမှ ရောင်းချခြင်း မပြုရဆိုတဲ့ အမိန့်စာ ဖြစ်နေတယ်။ မိတ္တူကို ဆိုင်အသီးသီး ဖြန့်ထားလိုက်တာ နှံ့လို့။ အောက်မှာ လက်မှတ်တွေ ထိုးထားလိုက်ကြတာလည်း ပါတီ ဥက္ကဋ္ဌရော၊ ကောင်စီ ဥက္ကဋ္ဌရော၊ မြို့နယ် ကော်မတီဝင်တွေရော၊ ခရိုင်အဆင့် စာရွက်ပေါ်မှာ လက်မှတ်တွေကို ဗလချာ ရမ်းနေတာပဲ။
"ကဲပါ သမီးရယ်၊ ဆရာ သုံးမှာလည်း မဟုတ်ပါဘူး၊ ရန်ကုန်က စာရင်းစစ်လာတဲ့ ဟောဒီ ဦးဘို အတွက်ပါ၊ ရော့ ပိုက်ဆံ၊ ပေး စက္ကူတစ်ထုပ်၊ ကိုးကျပ် ဟုတ်ပြီနော်၊ ကာဗွန်နဲ့ ဘောက်ချာ ဖြတ်လိုက်။ စာရေးမလေးက မျက်ရည်တွေ ဝဲနေရာကနေ မျက်ရည်တစ်ပေါက် နှစ်ပေါက် ကျနေပြီ။
"ညည်း ဘာမှမပူနဲ့။ အလုပ်ပြုတ်ရင် ငါမွေးစားမယ်၊ ညည်းကိုငါ တာဝန်ယူနိုင်တယ်"
ဘောက်ချာ ရေးအပြီး ကျွန်တော်က စာရေးမလေး ထိခိုက်မှာစိုးလို့ မှတ်ချက် စာကြောင်း ရေးလိုက်တယ်။
"ငါ့အမိန့်နဲ့ ငါဝယ်သည်
နင့်အမေ ဝှေးစေ့ ... ခြောက်လုံး"
ပုံ နာဂသိန်းလှိုင်။
ဒေါသထွက်လို့ ရေးတာလား။ ခံပြင်းစိတ်နဲ့ ရေးခဲ့တာလား၊ နာကြည်းစိတ်နဲ့ ရေးခဲ့တာလား။ ဘာမှန်းတော့ မသိဘူး။ ရေးချင်လို့ ရေးခဲ့တယ်ပဲ ထားပါတော့။ အဲဒီမှာ ပြဿနာ စတော့တာပါပဲ။ သူတို့ လေးငါးလ ခြေရာခံလို့ မရတဲ့ ပါတီယူနစ်ရှေ့မှာ ကျွန်တော် အော်ခဲ့တဲ့ နင့်အမေ နောက်က စကားလေးလုံး သူတို့ ရသွားကြတယ်။
ပိုက်ဆံ သွားအပ်တော့ မန်နေဂျာ ကိုသန်းအောင်ရဲ့ မျက်နှာက ပြုံးနေတယ်။ သူနဲ့ ကျွန်တော်နဲ့လည်း ခင်ပါတယ်။ ကျွန်တော်တို့လူမျိုး သိပ်ပြီး မျက်နှာလို အားရ လုပ်ချင်ကြတာလေ။ ကျွန်တော့် မှတ်ချက်ကို လက်မှတ်ထိုးထားတဲ့ ပုဂ္ဂိုလ်တွေဆီ အမြန်ဆုံး အစီရင်ခံတယ်။ မုံရွာသား မန်နေဂျာ ကိုသန်းအောင်ကိုလည်း အရှာခိုင်းတာ မဟုတ်ဘူး။ ဒါပေမယ့် မင့်အမေ နောက်က စာလုံးလေးလုံးကို သူတို့ စိတ်ဝင်စား နေကြတာ။ တောထဲက ဆုငွေ ထုတ်ထားတဲ့ လက်နက်ကိုင် တော်လှန်ရေးသမား တစ်ယောက်ကို သတင်းပေးနိုင်သလို သူ့မှာ ဂုဏ်ရှိသလား မဆိုနိုင်ဘူး။ သူ့တပည့်တွေ လျှောက်ပြပြီး ပါတီယူနစ် ဥက္ကဋ္ဌကို သွားပြသတဲ့။ ကျွန်တော် အကုန် ပြန်ကြားနေရတာပဲ။ ပါတီယူနစ် ဥက္ကဋ္ဌ ဗိုလ်ကြီး ထွန်းလင်းက ခလက ဥက္ကဋ္ဌ ဒုဗိုလ်မှူးကြီး မောင်ရှိန်း သွားပြတယ်။
နောက်နှစ်ရက်လည်း ကြာရော ခလရ ၅၂ တပ် ဧည့်ရိပ်သာ မြက်ခင်းပြင်မှာ ခန္တီးမြို့ ပေါ်ကအရာရှိတွေ၊ဌာနဆိုင်ရာ အကြီးအကဲတွေကို ညစာစားပွဲနဲ့ တည်ခင်း ဧည့်ခံတယ်။ ခလက ဥက္ကဋ္ဌ ဒုဗိုလ်မှူးကြီး မောင်ရှိန်း အကုန်အကျခံပြီး တည်ခင်းတဲ့ ညစာစားပွဲကြီး။ ခရိုင်ဆရာဝန်ကြီး၊ ခန္တီးဆေးရုံအုပ်ကြီး ဒေါက်တာသိန်းလှိုင်ကို မဖိတ်ဘူး။ တမင်တကာကို ချန်ခဲ့တာ။ မေ့လို့လျော့လို့ မဟုတ်ဘူး။
ဒိပြင် ဌာနအကြီးအမှူးတွေက
"ဆရာ မသွားသေးဘူးလား"
"ဘယ်ကို သွားရမှာလဲ"
"ဟာ ရင်းမှူးကြီးရဲ့ ညစာစားပွဲလေ"
"ကျွန်တော့်မှ မဖိတ် မသွားပါဘူး"
"မေ့သွားလို့ ဖြစ်မှာပါ ဆရာကလည်း"
"လူကြီးလူကောင်း ဆိုတာ မဖိတ်ရင် မသွားရဘူး၊ ဘုန်းကြီးလို ကျင့်ကြံ ရတယ်လေ၊ မပင့်ရင် မကြွရဘူး"
"မဟုတ်ပါဘူး၊ ဆရာလိုလူ မဖိတ်လည်း လာရင် မောင်းမထုတ်ပါဘူး"
"နိုး ... ကျွန်တော့် မဖိတ်ရင် မလာဘူး"
"ဟာ၊ ဒေါက်တာကတော့ လုပ်ချလိုက်ပြန်ပြီ"
အဲဒီညက စားလိုက်ကြ သောက်လိုက်ကြ၊ ပျော်လိုက်ကြ၊ အော်လိုက်ကြတာ အလွန်ပဲလို့ ပြန်သိရတယ်။ အာမီရမ် ချောင်းစီးတဲ့ ညချမ်းတဲ့။ စားလို့သောက်လို့ အရှိန်ကောင်းနေတုန်းမှာ ခလက ဥက္ကဋ္ဌက မိန့်ခွန်းပြောတယ်။
"ခင်ဗျားတို့ကို ဒီည ညစာစားပွဲ ဘာလို့ ဖိတ်ကျွေးတာလဲ သိကြသလား"
သူ့စကားကို ကြားရတဲ့သူတိုင်း စိတ်ဝင်စားကြတယ်။ အစားတွေ၊ အသောက်တွေ ကလည်း ဗိုက်ထဲ အတော်နေရာယူပြီးနေပြီ။ ရင်းမှူးကြီးရဲ့ မေးခွန်းကိုလည်း ဘယ်လိုဖြေရမှန်း မသိဘူး။ တီးတိုးတီးတိုး သဖန်းပိုးလည်း မလုပ်ရဲကြ၊ မလုပ်အပ်ဘူးလို့ ထင်ကြတော့ အသာကုပ်ကုပ်လေး လုပ်နေကြရသတဲ့။ ခလက ဥက္ကဋ္ဌ ဆက်ပြောတဲ့စကား ကြားကြတော့ လူအများစုက မယုံကြည်နိုင်ကြဘူး။
"နာဂနတ် နာဂနတ်နဲ့ လူတွေ အထင်ကြီးနေတဲ့ ဒေါက်တာသိန်းလှိုင်ကို ၇ ရက်အတွင်း အပြုတ်ဖြုတ်ပြမယ်ဆိုတာ ကြွလာကြတဲ့ ပရိသတ်ကို သိစေချင်လို့ တည်ခင်းတဲ့ ညစာ စားပွဲပဲ"
အဲဒီတော့မှ ပရိသတ်လည်း အံ့အားသင့်ပြီး တီးတိုးတီးတိုး စကားတွေ ထွက်ကျလာတယ်။
"ကဲ အောင်ပွဲအဖြစ်နဲ့ ပျော်ပျော်ရွှင်ရွှင် အရသာခံ သုံးဆောင်ကြပါ" တဲ့။
အဲဒီည ညစာစားပွဲက အပြန် ကျွန်တော့်မိတ်ဆွေ တစ်ယောက်ပြီး တစ်ယောက် ဒီအခင်းအကျင်းကို လာပြီး ပြောကြတယ်။
ဆရာရေ ဒီလို ဒီလိုပဲ၊၊ ဆရာရေ ကြားပြီးပြီလား။ ဆရာ ကျွန်တော် အရင်ကတည်းက ပြောဖူးတယ်နော်။ ဒေါက်တာ ကြိုတင် ပြင်ဆင်ထား။ ဒေါက်တာ ဒီမောင် တကယ် လုပ်တော့မှာနော်။ နောက်တစ်နေ့ နေ့လယ်အထိ လာပြောကြတုန်း။
အဲဒီညက တကယ်ဆိုရင် ကျွန်တော် အိပ်မပျော်တာတို့ ဘာတို့ ဖြစ်ဖို့ ကောင်းတယ်။ မအိပ်ခင် ဘာလို့ ဘယ်အကြောင်းပြချက်နဲ့ ပြုတ်အောင် ဖြုတ်မှာတုံးဆိုတာ မစဉ်းစားဘူးတော့ မဟုတ်ပါဘူး။ စဉ်းစားပါတယ်။ ဒါပေမယ့် ဆယ်မိနစ်ထက် ဟိုဘက် မလွန်ဘူး အိပ်ပျော်သွားတာပဲ။ နောက်တစ်ညရော၊ နှစ်နှစ်ခြိုက်ခြိုက် အိပ်ပျော်သွားတာပဲ။ ဒီအကြောင်း ပါတီယူနစ် ဥက္ကဋ္ဌတို့၊ တပ်ရင်းမှူးတို့ သိရင် ဝမ်းနည်းလို့ ဆုံးမှာ မဟုတ်ဘူး။
ကျွန်တော့်ကို စေတနာနဲ့ သတင်း လာပြောသူတွေ၊ ကြိုတင်ပြင်ဆင်ဖို့ ညစာစားပွဲ အကြောင်း လာပြောကြသူတွေကို ကျွန်တော် ပြန်ပြောတဲ့စကား ကြားရင် ဘယ်လိုခံစားကြမယ် မသိဘူး။
"အခုလို လာအသိပေးတာ ကျေးဇူးတင်တယ်။ ကျွန်တော့် အကြောင်းပြုပြီး ခင်ဗျားတို့ ညစာ စားရတာပေါ့။ အဲဒီညစာစားပွဲ ကျွန်တော် တည်ခင်းတယ်လို့သာ အောက်မေ့လိုက်ပါဗျာ"
ကျွန်တော် ပါတီယူနစ် ဥက္ကဋ္ဌနဲ့ အချင်းမများခင် ပန်ဆောင်ဘက်အသွား တောင်ပေါ်မှာ ကျွန်တော့် ပစ္စည်းတွေ သယ်ရတဲ့ လားထိန်း တရုတ်တွေ ကျွန်တော့်အခေါ်တော့ လားတရုတ်တွေ မှန်းထားတဲ့ ရက်ထက် ပိုကြားတော့ ဆန် ပြတ်ကုန်တယ်။ အိန္ဒိယဘက်က ဝယ်ရင် တစ်ကီလိုကို လေးရူပီးတဲ့ သိပ်များတယ်။ ခန္တီးရောက်ရင် ကုန်သွယ်ရေးက ပြန်လျှောက်ပေးမယ်။ အိန္ဒိယက ရောင်းတာ ဝယ်မစားကြနဲ့။ စစ်တပ် တပ်စွဲထားတဲ့ဆီက ဆန်ချေးစားမယ်။ ဒီစိတ်ကူးနဲ့ ဆန် သွားပြီး ချေးကြတယ်။ ဗိုလ်ကြီး ဂျိုးဇက်ကလည်း အိုကေ ဆရာ၊ ကျွန်တော်တို့မှာ ရှိတယ်။ လုံလောက်တယ်၊ ယူသွား၊ ပြီးရင် လစာထုတ်တဲ့ အဖွဲ့နဲ့ ပြန်ပို့လိုက် ဆရာ။ ဆယ့်နှစ်ပြည်အိတ်လေး ဆယ့်လေးအိတ် ချေးခဲ့ကြတယ်။
ညနေကျတော့ ဗိုလ်ကြီး ဂျိုးဇက်က ရောက်လာတယ်။ ကျွန်တော်က ခေါင်ရည် သောက်နေတာ။ သူ့လည်း ခေါင်ရည် တိုက်မလို့ ခေါ်လိုက်သေးတယ်။
"ဆရာရေ တိုက်တိုက်ဆိုင်ဆိုင်ပဲ"
"ဘာ တိုက်တိုက်ဆိုင်ဆိုင် ဗိုလ်ကြီး"
"အခုပဲ ဆိုင်ဖာ ဝင်လာတယ်"
"ဘာဆိုင်ဖာလည်း ဆိုင်ဖာဆိုရင် ကျွန်တော် ဘယ်ဖတ်တတ်မလဲ ဘာသာပြန်ပါဦး"
သူ့လက်ထဲက ဆိုင်ဖာဖွင့်ပြီး ဖတ်ပြတယ်။
"ဒေါက်တာသိန်းလှိုင် နာဂကို မည်သည့်ရိက္ခာမျှ မထောက်ပံ့ရ"
ကျွန်တော် အံ့အားမသင့်ပါဘူး။ ဒါပေမယ့် ဗိုလ်ကြီး ဂျိုးဇက် သိအောင်တော့ ရှင်းပြရတယ်။
"ဗိုလ်ကြီး ဂျိုးဇက်၊ ကျွန်တော့်အတွက်တော့ ရိက္ခာမလိုဘူး၊ လိုတာ ဟောဒီ လားတရုတ်တွေ အတွက် လိုတာ၊ နိုင်ငံတော် ဘဏ္ဍာငွေနဲ့ ငှားလာတဲ့ လားတွေ"
"ဟုတ်ကဲ့ ကျွန်တော် သိပါတယ်"
"လား ငါးကောင်ကို လားတရုတ်တစ်ယောက် လားအကောင်လေးဆယ် ပါတယ်"
"သိတယ် ဆရာ"
"ဘယ်လိုလဲ ဆန်အိတ်တွေ တပ်ကို ပြန်ပို့ပေးရမလား"
"ယူသွားပါ၊ ကြေးနန်းက နောက်ကျတာလေ"
"ဒီလိုဆိုရင် အဲဒီကြေးနန်း ကျွန်တော့်ပေးလိုက် ဗိုလ်ကြီး ကျွန်တော့် ကိုယ်ကျိုးအတွက် အပင်ပန်းခံပြီး တောင်ပေါ် တက်လာတာ မဟုတ်ဘူး"
"ကျွန်တော် သဘောပေါက်တယ် ဆရာ"
(နောက်ဆုံးပိုင်းဆက်ရန်)
No comments:
Post a Comment