#လိုင်စင်ရ၏_မရ၏
ူ - #ယုဒါ
ခုတလော ဘာမဟုတ်သည့် ကိစ္စလေးတွေနှင့်ပင် မပြေမလည်ဖြစ်နေသည်။ ကတောက်ကဆ စကားများ ဖူးသည် မရှိသော အမေနှင့်ပင် အချေအတင် ပြောနေရပြီ ဆိုတော့ သူ့ကိုယ်သူ သံသယပင် ၀င်လာ မိတော့၏။ သူ့မှာ စိတ်ကျရောဂါ ၀င်လေပြီလား၊ အလိုလိုနေရင်း ဘ၀င်မကျ ဖြစ်နေတာကို ရောဂါ လက္ခဏာ တစ်ခုဟု သတ်မှတ်နိုင်သည် မဟုတ်လား။ အလုပ်ထဲမှာလည်း အလုပ်မှာမို့၊ လမ်းပေါ်မှာလည်း လမ်းမှာ မို့ အဆင်မပြေမှုတွေက ကြီးကြီးငယ်ငယ် တစ်မျိုးပြီးတစ်မျိုး မရိုးနိုင်စွာ လှည့်ပတ်ဖြစ်နေသည်။ ပြဿနာကြောင့် အဆင်မပြေမှုတွေဖြစ်ရတာလား။ အဆင်မပြေ မှုတွေကပဲ ပြဿနာကို ခေါ်ဆောင် လာ တာလား။ ကျိုးကြောင်းဆက်နွယ်မှုတွေကိုပင် သူခေါင်းရှုပ်ခံ စဉ်းစားမနေ ချင်တော့။
အဓိက တရားခံကတော့ အမေဒေါ်မျိုးချစ်၏ အမျိုးတွေနှင့် ကင်းကင်း မနေနိုင်သော စိတ်ကြောင့်ဟုပင် သူထင်သည်။ ဒါကို သူကဗြောင်ကျကျ ဖွင့်ပြောမိတော့ အမေစိတ် ဆိုးသည်။”ကိုယ့်အမျိုးမှ ကိုယ်မချစ်တတ်ရင် ငါ လူမဟုတ်ဘူး ဖြစ်သွားမှာပေါ့” ဟု ဟူသော စကားကို ဒေါနှင့်၊ မောနှင့် အမေဆိုလေသည်။ ”အမေ့အမျိုးတွေက အမေ့ကို ချစ်ကြတာကိုး” ဟု သူခနိုးခနဲ့ပြောတော့ အမေပို၍ ဒေါသထွက်လေသည်။ တကယ်တော့ ယောက်ျားတန်မဲ့ မ်ိန်းမလို မ်ိန်းမရ စကားတွေကို သူမပြောတတ်ခဲ့။ ထစ်ခနဲဆို အမေက ဆွေရေး မျုိးရေး ကြုံလျှင် ဒုက္ခခံလွန်း၍ စိတ်ချဉ်ပေါက်ကာ သူပြောလိုက်မိခြင်း ဖြစ်၏။ ကိုယ့်မှာလည်း ကိုယ့်ဒုက္ခ နှင့် ကိုယ်ပဲမို့ မသိလိုက်မသိဘာသာ နေလို့ရသည့် ကိစ္စဆ်ိုလျှင် အသာငြိမ် နေလို့ရလျက် အမေ က နေရာတကာ ပါချင်သည်။
တူမလင်နောက်လိုက်သည့် ကိစ္စလည်း အမေပါသည်။ လင်ညီအစ်မ၏ မောင်ဖြစ်သူ အရက်ကိစ္စလည်း အမေ ပါသည်။ ဘကြီး၏ မရီးဖြစ်သူ ဆေးရုံတက်တော့လည်း အမေပါသည်။ အရင်ကတော့ အမေ ဘာပဲ လုပ်လုပ် သူစိတ်ကြည်လင်နေသည်မို့ အမေ့ကို လူမှုဝန်ထမ်းဌာနမှာ အလုပ်ခန့်ထားပေးရမှာပင်ဟုပင် သူ စနောက် တတ်ခဲ့သည်။ အမေစိတ် ချမ်းသာသည်ဆိုလျှင် သူလည်းပျော်သည်ပင်။ အမေက စိတ်ဆင်းရဲ ပါတယ်ဟူသော စကားကိုဆိုလျက်ပင် ဆွေရေးမျိုးရေးနှင့် လူမှုရေးကိစ္စတွေကို ပျော်ပျော်ကြီး ထမ်းဆောင် နေတတ်သူဖြစ်၏။ ခုလည်းကြည့်၊ အမေနှင့် အဖေတူ အမေကွဲအစ်ကိုဖြစ်သူ အသည်း ကင်ဆာနှင့် ဆေးရုံ တင်ထားရသည် ဆိုသည့် သတင်းကိုကြားပြီး အမေပျာယာ ခတ်နေ ခြင်းဖြစ်သည်။
”ဦးကြီးက အရက်ကြိုက်တာကိုး။ ရောဂါရတော့မှာပေါ့” ဟု ပြောတော့ အသည်းရောဂါဖြစ်တိုင်း အရက် သောက် လို့ မဟုတ်ပါဘူးတော်” ဟု ဆင်ခြေပေးသည်။ ပြီးတော့ ” ဘာပဲဖြစ်ဖြစ် သူ့ကျေးဇူးတွေ အများကြီး ရှိတယ်။ အမေ့အပေါ်မှာ မိထွေးကပါတဲ့ သမီးရယ်လို့ မခွဲခြားဘဲ ကောင်းသမျှတော့ ပြန်ကြည့်ရမှာပဲ” ဟု ဆိုလေ၏။ အမေဘာများတတ်နိုင်သနည်း။ ဆေးရုံပေါ်မှာလဲ သွားပြုစုပေးဖို့တော့ လိုမည်မထင်။ ဦးကြီးမှာ တစ်အိမ်တည်း နေ မိသားစုဝင်တွေ ရှိသည်ပင်။ အမေဆိုလိုတာက ငွေရေးကြေးရေးကူညီ ပေးဖို့ဖြစ်၏။ ကိုယ့်မိသားစု တောင် အနိုင်နိုင် ဖြစ်နေသည့် အချိ်န်မျိုးမှာ အမေ ဘယ်ကရသည့် ငွေနှင့် ကူညီဖို့ စိတ်ကူး ထားသနည်း။
အမေ့စကားကို ကြားရတော့ သူအံ့သြသွားသည်။ ပြီးတော့ စ်ိတ်ဆိုးမိသည်။ သူဘယ်လိုပင်ပြောပြော အမေက သူ့နားမှ နားကပ်ကိုဖြုတ်လျက် စကားတွေ အဆက်မပြတ်ပြောလျက်နေသည်။ ”မင်းအဖေ ပြန် မလာခင် မြန်မြန်သွား၊ အပေါင်ဆိုင်တွေက လည်း ခြောက်နာရီမထိုးခင်ပိတ်တာ။ ဒါစိန်နားကပ်ဆိုပေမယ့် ရွှေဖိုးပဲ ရမှာ။ တစ်သ်ိန်း လောက်တော့ ရလိမ့်မယ်။ အမေက ညစာစားဖိ်ု့လည်း ဘာမှ မလုပ်ရသေးလို့။ သားဘဲ အမြန်သွားလိုက်ပါ။ မင်းအဖေပြန်လာရင် စကားထပ်ပြောနေရလိမ့်မယ်။ သွား... သွား မြန်မြန် သွားလိုက်”
”အမေကလည်း ကျွန်တော်မသွားချင်ပါဘူး။ တစ်ခါမှလည်း မသွားဖူးဘူး”ဟု ငြင်းတော့ အမေက သူ့ကိုပင် တစ်ပြန် စိတ်ဆိုးသည်။ ”မသွားဖူးရင် သွားဖူးတယ်ရှိအောင် သွားကြည့်လိုက်ပေါ့။ မင်းထက် ဒုက္ခဆင်းရဲ ရောက်နေ တဲ့ လူတွေဘယ်လောက်များနေတယ် ဆိုတာ သိရအောင်ပေါ့။
”ဆင်းရဲဒုက္ခ ရောက်တဲ့သူတွေ တွေ့ဖို့ အတွက်နဲ့တော့ အပေါင်ဆိုင်သွားစရာမလိုပါ ဘူးဗျာ။ သူက ပေကတ်ကတ် လုပ်နေတော့ အမေပို၍ စိတ်ဆိုးလေသည်။
”မင်းမသွားပေးလည်း ငါ့ဘာသာသွားမှာပဲ။ မင်းငါ့သားဖြစ်နေပြီး ဒီလောက် လက်ပေါက်ကတ်တာ အံ့သြ တယ်။ ကဲနေတော့၊ မင်းအဖေပြန်ရောက်ရင် ပြောချင်သလိုသာ ပြောလိုက်တော့။
အမေက ဆေးလက်စ ဆန်ဇလုံကို ပစ်ချကာ အပြင်သွားရန် လုပ်သည်။ စိတ်မြန်လက်မြန်ရှိသော အမေ့ကို သူအလျော့ ပေးလိုက်ရသည်။ တကယ်တော့ အပေါင်ဆိုင်တွေကို သူစိတ်မ၀င်စားခဲ့ဖူးချေ။ အပေါင်ဆိုင် ဆိုသည့်စကားကို အမေ့ထံမှ မကြာခဏဆိုသလို ကြားရတတ်ပေမယ့် သူနှင့်မဆိုင်သလိုပင် သဘောထား ခဲ့သည်။ လိုအပ်လျှင် အပေါင်ဆိုင်သွားရမည့်အလုပ်က အမေ တစ်ဦးတည်း၏ အလုပ်ဖြစ်သလိုလိုပင် နေတတ် ခဲ့သည်။ အမေကလည်း ခုတစ်ကြိမ်မှလွဲလျှင် သူ့ကို ဘယ်တုန်းကမှ အပေါင်ဆိုင်သို့ မလွှတ်ဘူးပေ။ သူ့ကို ရုံးပြင်ကနားမှာ အလုပ်လုပ်နေသော ဝန်ထမ်းတစ်ယောက်အဖြစ် အလေးထားကာ ရပ်ကွက်ထဲမှာ လက်တို လက်တောင်း အလုပ်ခိုင်းလေ့မရှိပေ။
အဖေ့မ်ိတ်ဆွေ စာအုပ်ထုတ်ဝေသူ တစ်ယောက်နှင့် ပတ်သက်၍ ဂျာနယ်တိုက်တစ်ခု၌ အလုပ်လုပ်နေသော သားဖြစ်သူကို အမေက အရာရှိကြီးတစ်ယောက်နှယ် ထင်မှတ် ဟန်ရှိသည်။ ဒါကြောင့်လည်း ရပ်ကွက်ထဲမှာ သူနှင့် ရင်းနှီးကျွမ်းဝင်သူ သိပ်မရှိလှ။ မိုးလင်းက မိုးချုပ် အလုပ်ခွင်နှင့် လမ်းပေါ်မှာသာ သူအချိ်န်ကုန် တတ်သည်။ အိမ်အသုံးစရိတ်ကိစ္စက အမေနှင့်သာ ဆိုင်သလိုလို အားလုံးက ထင်မှတ်ထားကြသည်။ အချိ်န် တန်လျှင် အဖေ၊ သူနှင့် ညီမလေးကရသည့် လစာအပ်ပြီး လိုသမျှ ပြန်တောင်းသုံးသူတွေဖြစ်သည်။ အမေက ကြည်ကြည်ဖြူဖြူမပေးနိုင်လျှင် သူတို့တွေ ပူညံညံဖြစ်ကြရသည်။
လက်ဖက်ရည်ဖိုး၊ မုန့်ဖိုးပဲဖိုး ချန်၍အပ်မှန်း အမေသိသော်လည်း သားသမီးတွေ ပြန်တောင်းတိုင်း အမေ ရှာဖွေ ပေးတတ်သည်သာ။ ဒီတော့ အမေသည် ရပ်ကွက်ထဲမှာ မ်ိန်းမတွေ တတ်အပ်သည့်ပညာတွေကို သူများတွေ နည်းတူတတ်မြောက်နေပေလိမ့်မည်။ ပြက္ခဒိန်၏ နေရာတော်တော်များများ၌ အတိုးသတ်ရန်၊ ပစ္စည်းယူရန်ဟု ထင်ထင်ပေါ်ပေါ်ရေး ထားသော စာများကိုလည်းကောင်း၊ လျှို့ဝှက် သင်္ကေတ များကိုလည်းကောင်း အမေမှတ်သား ထားတတ်လေသည်။ သို့ပေမယ့် အမေသည် ဘယ်သောအခါမှ သူနှင့် ညီမလေး ကို အရေးပေါ် ငွေမရှာခိုင်းတတ်ပေ။ ဒီတစ်ခါတော့ အမေ့မှာ အချိ်န်မရလွန်း၍သာ ဖြစ်လိမ့်မည် ဟု တွေးလျက် အမေလိုအပ်နေသည့် အရေးပေါ် ကိစ္စအတွက် သူအိမ်မှ ထွက်လာရတော့သည်။
လိုင်းကားစီးသွားရသည့်အခါတိုင်း ထိုင်စရာနေရာရလျှင် လမ်းဘေးတစ်ဖက်တစ် ချက်ရှိ ဆိုင်းဘုတ်များကို မျက်လုံး မညောင်းမချင်း လျှောင်ဖတ်နေတတ်သော အကျင့်သူ့မှာ ရှိသည်။ ထိုဆိုင်းဘုတ်များထဲတွင် လိုင်စင်ရ၊ သို့မဟုတ် အမ်ိန့်ရ အပေါင်ဆိုင်ဟူသော ဆိုင်းဘုတ်များနှင့် ရွှေတိုးသုံးကျပ်ဟုရေးထားသော ဆိုင်းဘုတ် များကို သူတွေ့ဖူးသည်။ ပေါ်လာသောအာရုံတွေကို ပြန်လည်စုစည်းရင်း သူသွားရမည့် နေရာတစ်ခု ကို ရွေးချယ်ကြည့် မိသည်။ ရုတ်တရက် ဘယ်ကိုသွားရမှန်းမသိ။ အမေကလည်း ဘယ်ကို သွားဟု နေရာ မသတ်မှတ်ပေးလိုက်။ အဓိက ကငွေရလာဖို့သာ ဖြစ်သည်ထင်ပါသည်။ ကားပေါ်မှာ တုန်း ကတော့ နေရာအတော်များများမှာ အပေါင်ဆိုင်တွေ တွေ့ခဲ့ဖူးသလိုပင်။တကယ်တမ်း အပေါင်ဆိုင်တစ်ခုဆီ ဦးတည် သွားရမည်ဆိုသောအခါ သူ ဇဝေဇ၀ါနိုင်စွာ ယောင်ချာချာ ဖြစ်နေသည်။ ပြီးတော့ သူ့စ်ိတ်ထဲမှာ မလုံမခြုံဖြစ်ကာ ရှက်နေသလိုလိုပင်။
ကားစီးပြီးသွားရမှာလား၊ လမ်းလျှောက်ပြီးသွားရမှာလားပင် သူရေရေရာရာပင် မသိ။ လှမ်းနေကျ သူ့ခြေလှမ်း တွေက ကားမှတ်တိုင်ရှိရာ လမ်းဘက်သို့သာ အလိုလိုနေရင်း ဦးတည်လျှောက်နေလေသည်။ လက်ထဲ မှာတော့ အမေပေးလိုက်သော နားကပ်လေးထည့် ထားသည့် သူ့ကိုင်နေကျ သားရေတု ခေါက်အိတ် လေးပါလာသည်။ လမ်းဘေးဝဲယာကို ဟိုဟိုဒီဒီကြည့်ရင်းလျှောက်နေမိတော့ သူ့ရှေ့မှာ ခပ်သုတ်သုတ် လမ်းလျှောက်နေသော စတီးချိုင့်တစ်လုံးကိုင်ထားသည့် ကောင်လေး တစ်ယောက် ကို တွေ့ရသည်။ သူတို့လမ်းထဲက မူလတန်းကျောင်းသားဖြစ်သည်။ ညနေမိုးချုပ်ခါနီး ဒီကောင်လေး ဘယ်သွားမှာပါလိမ့် ဟုတွေးနေမိ၏။ ကောင်ကလေး သူ့ခြေလှမ်းတွေကို အရှိ်န်မြှင့်၍ လျှောက်လိုက်မိ၏။ မြန်လိုက်တဲ့ ကောင်လေး။
သူ့ရှေ့မှ ဗြုန်းခနဲပျောက်သွားသောကောင်ကလေးကို ရှာဖွေကြည့်မိရင်း လူစည်ကား နေသည့် ခြံဝင်း အတွင်း မျက်လုံးရောက်သွားမိပြန်သည်။ မကြာခဏ ဖြတ်သွားနေကျ နေရာဖြစ်လျက် သူသတိမထား မိခဲ့သော ခြံဝင်းထဲမှာ ကောင်လေးကို လှမ်းမြင်လိုက်ရတော့ သူစိတ်ဝင်စားသွားမိသည်။ ခြံဝင်းထဲက ထွက်လာ သူများကို အကဲခတ်ကြည့်မိတော့ သူအဖြေတစ်ခုရသွား၏။ ဒါအပေါင်ဆိုင်တစ်ခု ဖြစ်လိမ့်မည် သို့ဆိုလျှင် သူဝင်သွားရမည့် နေရာပေါ့။ သူ့ခြေလှမ်းတွေကပင် မ၀ံ့မရဲနှင့် ရှိုးတိုးရှန့်တန့်ဖြစ်နေသည်။ နောင်တော့ သူ့ရှေ့မှ အသီးသီး ထွက်ခွာသူများကို ငေးမောရင်း Black Board တစ်ခု၌ ရွှေတိုးသုံးကျပ်ဟု မြေဖြူ နှင့် ရေးထားသောဆိုင်ထဲသို့ သူဝင်လာခဲ့မိတော့သည်။
အပေါင်ဆိုင်ဆိုတာ လူဒီလောက်စည်ကားသည့်နေရာမှန်း သူမသိခဲ့။ ပိုက်ဆံအိတ် ထဲက နားကပ်လေးကို ထုတ်ယူရင်း သူ့ရှေ့မှာ တန်းစီစောင့်နေကြသူတွေကို လိုက်ငေးနေမိ၏။ အပေါင်ဆိုင်ကောင်တာ၏ ရှေ့၌ ချထားသည့် မှန်ဘီရိုသို့ အကြည့်ရောက်စဉ် ရွှေဒုံးရောင်းသည်ဟူသော စာတမ်းကို သူဖတ်လိုက်မိ၏။ မှန်ဗီရို ထဲက ပစ္စည်းတွေက အပေါင်ဆုံးရွှေထည်တွေဖြစ်မှာပေါ့။ ကြည့်စမ်း။ ဒီဆိုင်လေးတစ်ခုတည်းမှာတင် အတိုးသုံးကျပ် နှင့် ပေါင်နှံခဲ့ပြီး ပစ္စည်းပြန်မရွှေးနိုင်သူတွေ များပြားလှချည်လား။ အမေကရော ဒီပစ္စည်းကို ဘယ်နှလ အကြာမှာ ပြန်ရွေးနိုင်မှာတဲ့လဲ။
ဟောဟိုက အ၀တ်တွေကရော ပြန်ရောင်းသည့် အပေါင်ဆုံးအထည်တွေပဲပေါ့။ ခြံဝင်းအတွင်း တန်းထိုး၍ ချိတ် ထားသော အ၀တ်အထည်တွေက အရောင်အသွေးစုံ၊ ဒီဇိုင်းစုံဖြစ်သည်။
ကောင်တာနောက်ဘက် အခန်းကျယ်အတွင်းမှာတော့ အတန်းလိုက်စီထား သော စက်ဘီးများ။ ဘုရား... ဘုရား။ စက်ဘီးအရောင်းပြခန်း၊ သို့မဟုတ် စက်ဘီးပင်ရင်း အရောင်းဆိုင်ဟုပင် ထင်ရလောက်အောင် များပြား လှသည့် စက်ဘီးတွေကို မြင်တော့ သူအံ့မခန်းဖြစ်သွားရသည်။ ရပ်ကွက်ထဲမှာ စက်ဘီးစီးသူတွေမှ ရှိပါသေးရဲ့လား။ ညနေစောင်း သူအလုပ်မှ ပြန်လာတိုင်း နယ်မြို့လေးတစ်မြို့နှင့် ခပ်ဆင်ဆင်တူသော မြို့သစ်လေးမှ စက်ဘီးများကို ရှောင်တိမ်းရတာလည်း မနည်းလှပါဘူးနော်။သူတို့ ဘယ်အချိန်ကများ ဟော့ဒီ စက်ဘီးတွေကို ဒီမှာ လာထားသွားကြတာပါလိမ့်။
စက်ဘီးများ၊ အပ်ချုပ်စက်ခေါင်းများ၊ လျှပ်စစ်ထမင်းပေါင်းအိုးများ၊ စတီးချိုင့်များအပြင် အမည်စုံ အိမ်သုံး ပစ္စည်း များနှင့် အ၀တ်အထည်များကို သူ့နေရာနှင့်သူ အစီအရီခင်းကျင်းထား သည်ကို သူရင်သပ် ရှုမောကြည့်နေမိ၏။ သူတစ်ခါမှ မရောက်ခဲ့ဘူးသော နေရာသို့ သူ့ထက်အရင် စောစီးစွာ ရောက်နှင့် နေကြသူတွေ များပြားလှချည်လား။ သူတို့လိုအပ်၍ ၀ယ်ယူထားခဲ့သော ပစ္စည်းမျိုးစုံကို ထ်ို့ထက်ပို၍ လိုအပ် သော တစ်စုံတစ်ရာနှင့် အချိုးအစား မညီမျှစွာ လဲလှယ်ရန် ဤနေရာသို့ သူတို့ ရောက်ရှိခဲ့ရခြင်း ဖြစ်လိမ့် မည်။
ဟောဟိုမှာ ကလေးတစ်ယောက်။ သူကရော ဘာပစ္စည်းနှင့် အလဲအလှယ်လုပ်မှာ တဲ့လဲ။ အသက် ဆယ်နှစ် ၀န်းကျင် ကောင်မလေးတစ်ယောက်၊ သူ့ရှေ့မှ အပေါင်ဆိုင်ဝန်ထမ်း အမျိုးသမီးနှင့် စကား ပြော နေသံကို သူနားစွင့်ကြည့်နေမိ၏။ အမျိုးသမီးကြီးက ကောင်မလေးထိုးပေးသော ပါတ်ိတ်လုံချည်နှင့် ညိုဖျော့ဖျော့အင်္ကျီကို ဘယ်ပြန်ညာပြန်ပြန် ကြည့်ပြန်ကြည့်၍ ငါးရာပဲပေးလို့ရမယ်ဟု ဆိုလေသည်။ ကွန်ကရစ် ခင်း ဆိုင်ကြမ်းပြင်ကိုသာ တစိုက်မတ်မတ်ငုံ့ကြည့်နေသော မ်ိန်းကလေး၏ မှိ်န်ဖျော့ဖျော့ မျက်လုံး လေး တွေကို သူစိတ်မကောင်းခြင်းကြီးစွာမြင်ရ၏။ ”တစ်ထောင်လောက်ပေးလို့မရဘူးလားဟင်” မ်ိန်းကလေး ငယ် ၏ တောင်းပန်စကား။
”ဟင့်အင်း မရဘူး” ဆိုင်ဝန်ထမ်းအမျိုးသမီး၏ ငြင်းပယ်မှုနှင့် စကားသံက ပုံမှန်လုပ်ရိုးလုပ်စဉ် အလုပ်တစ်ခု ကို ပေါ့ပေါ့ပါးပါးလုပ်နေသလို ဘာမှထူးခြားမှုမရှိ။ သနားစဖွယ်မျက်နှာငယ်လေးနှင့် ကောင်လေး၏ လှုပ်ရှား ဟန်က ဘက်ထရီအား လုံးဝမရှိတော့သည့် ကစားစရာစက်ရုပ်တစ်ခုပမာ လေးလံတုံဆိုင်းစွာ ပြိုလဲ သွား မလိုလို။ ကြံရာမရ စဉ်းစားရခက်စွာ နွမ်းလျညှိုးငယ်နေသော မျက်နှာထားက ရင်မောဖွယ်ရာ။
ကြည့်စမ်း... သူ့အသက်ဘယ်လောက်ရှိပြီမို့ ဒီလိုတာဝန်တွေကို ဖြေရှင်းပေးနေရတာ တဲ့လဲ။ ငွေတစ်ထောင် ရရင်ရော ဒီကောင်မလေးက ဘာပြဿနာတွေကို ဖြေရှင်းနိုင်မှာမို့လဲ။ ဒါက သူ့အလုပ်မဟုတ်ပါ ။ ကောင်မလေး ၏ အလုပ်သာဖြစ်ပါသည်။ သူ့လက်ထဲမှာကိုင်ထား သည့် အမေ့နားကပ်လေးကို အပေါင်ဆိုင် ကောင်တာ ပေါ်သို့ လှမ်းတင်ရင်း ”တစ်သ်ိန်းလို ချင်တယ်” ဟု အလျင်စလို ပြောလိုက်မိ၏။ ပြီးတော့ သူ့ရှပ်အင်္ကျီ အ်ိတ်ကပ်တွင်း ကမန်းကတန်းလက်နှိုက်ကြည့်လိုက်မိ၏။ သူ့လက်ထဲမှာ တစ်ထောင်တန် သုံးရွက်နှင့် ငါးရာတန်တစ်ရွက်ပါလာသည်။ ဒီနေ့ကားငှားစီးရန်အတွက် အလုပ်ရှင်မှပေးလိုက်သော ကျပ်ငွေ သုံးထောင်ဖြစ်သည်။ အမေ့ကိုမပေးဘဲ ဒိုင်လျှိုလေးနှင့် သိမ်းဆည်းထားသည့် ငွေဖြစ်သည်။
နိုင်ငံခြားဖြစ် ရှပ်အင်္ကျီတစ်ထည် သူလိုချင်နေသည်မှာ ကြာခဲ့ပြီ။ သူဝတ်စားဆင် နေကျ ရှပ်အင်္ကျီဖြူလေး တွေက ဝါရောင်သမ်းကာ မှိန်ဖျော့နေလေပြီ။ ဖြစ်နိုင်လျှင် နာမည် ကြီးတံဆိပ်အဖြူရောင် ရှပ်လက်ရှည် တစ်ထည် ဝယ်ချင်သည်။ တစ်ခါတစ်ရံ သူ သွားလာ လှုပ်ရှားရသည့် နေရာတွင် အဖြူရောင် ရှပ်အင်္ကျီ သန့်သန့်လေးတွေ ဝတ်သွားဖို့လိုအပ် သည်။ သူ့မှာ အင်္ကျီဝတ်စရာ များများစားစား မရှိ။ လူမှာအဝတ် တောင်းမှာ အကွပ် ဆိုသော ဆိုရိုးက တချို့နေရာတွေမှာ တော်တော်စကားပြောလေသည်။ အမေကတော့ သူ့မှာ ရှိသမျှ အဝတ်အစားတွေကို ဆပ်ပြာနံ့သင်းနေအောင်ပင် ဂရုစိုက် လျှော်ဖွပ်ပေး တတ်ပါသည်။ သို့ပေမယ့် အချို့သော အဝတ်အထည် အသားအနားတွေက ရေနှင့် မိုးကြောင့် လျှော်လေ ညစ်လေ၊ ဖွပ်လေ ဝါလေ ဖြစ်နေသည်လားမသိ။ သားသမီးတွေ ဝေယျာဝစ္စကိစ္စကို ယခုထက်ထိ မငြိုမငြင် လုပ်ကိုင် ပေးနေသော အမေ့ကို သူ ဆရာသိပ်မ လုပ်ချင်။ အမေ့ကို ပြောပြန်လျှင်လည်း သူ့အင်္ကျီတွေ စုတ်ပြဲသွားဖို့ သာ ရှိတော့သည်။
စင်စစ် သူ့မှာသာမဟုတ် မိန်းကလေးဖြစ်သော ညီမလေးမှာပင် အဝတ်အစား တောက်တောက် ပြောင်ပြောင် ရှိသည်မဟုတ်။ ဒါတွေကို သူသိသလို အမေလည်း သိလိမ့် မည်ပင်။ ဒါပေမဲ့ ဝတ်ရေးထက် စားရေး က ပိုအရေးကြီးသည်ဆိုတာ အားလုံးနားလည်ကြ သည်။ ဒီလိုအချိန်မျိုးမှာ နာမည်ကြီးတံဆိပ် နိုင်ငံခြား ဖြစ် အင်္ကျီ လိုချင်သည့် ကိစ္စကို စကားလုပ်ပြောမနေသင့်။ အပိုဝင်ငွေလေးတွေ စုထားပြီး သူ့ဘာသာ ဝယ်ဝတ်ဖို့ စိတ်ကူးထားသည်။ ခု သူ့လက်ထဲမှာ ငွေကျပ် သုံးထောင်ရှိပြီ။ သူ လိုချင်သည့် အင်္ကျီ ဝယ်နိုင်ဖို့ လေးပုံတစ်ပုံ ဝန်းကျင်ခန့် ပိုင်ဆိုင်ထားပြီ။ ခုတော့။
ငွေငါးရာကျပ်ကို ဆုပ်ကိုင်ကာ လောကကြီးကို ရင်ဆိုင်ဖို့ သတ္တိမွေးဟန်ရှိသော ကောင်မလေးက သူ့ကို နားမလည် နိုင်သော မျက်လုံးများဖြင့် ငေးမော့ကြည့်လာသည်။
"ညီမလေး က ငွေတစ်ထောင် လိုချင်တာ မဟုတ်လား။ အစ်ကိုက သုံးထောင်ပေးလိုက် မယ်။ ညီမလေး တို့မိသားစု လိုအပ်တာ တစ်ခုခုအတွက် သုံးလိုက်ပေါ့။ ယူလေ ကလေး ရဲ့။ ဒါ အစ်ကိုက လိမ္မာတဲ့ ကလေး မို့ စေတနာနဲ့ ကူညီလိုက်တာ။ ယူလိုက်"
ကောင်မလေးက သူထိုးပေးနေသော ငွေစက္ကူတွေကို မဝံ့မရဲ လှမ်းယူရင်း--
"ကျေးဇူးတင်ပါတယ်နော်" ဟု တိုးတိမ်စွာ ဆိုလေသည်။ ဆံပင်ဆိုးဆေး ဆိုစရာမလိုပဲ နီကျင်ကျင် ဖြစ်နေသော ကလေးမလေး၏ ခေါင်းကို သူတစ်ချက်ပွတ်သပ်၍ ကံကောင်းပါ စေကွယ်ဟု ဆုတောင်း လိုက်မိသည်။ သူပေးလိုက်သော ငွေသုံးထောင်ကို ကိုင်လျှက် ပြေးထွက်သွားသော ကောင်မလေး၏ ပျော်ရွှင်မှုများ သူ့တစ်ကိုယ်လုံးမှာ စီးမျှောပျော်ဝင် သွားသည်။ အမေ့အတွက် ငွေတစ်သိန်းယူ၍ အိမ်ပြန် လာသော သူ့ခြေလှမ်းတွေက ည နေခင်းနှင့်အတူ ရွေ့လျားနေသလို ပေါ့ပါးနေသည်။
တကယ်တော့ သူက အလှူအတန်း ဝါသနာပါလှသူ မဟုတ်ပေ။ 'မရှိလို့မလှူ၊ မလှူလို့ မရှိ' ဆိုသော စကားကို အမေ့ထံမှ မကြာခဏကြားဖူးနေလျက် 'အူမတောင့်မှ သီလစောင့် နိုင်တော့မှာပေါ့' ဟူသော ဆိုရိုး ကို သူက ပြန်ပြောတတ်သူ ဖြစ်သည်။ အဆင် မပြေမှုတွေက ကုသိုလ် အလုပ်တွေကို တားဆီးရုံမက နိစ္ဓဓူဝ အကုသိုလ် နှင့် သိမ်ဖျင်း သေးနုပ်သော အတွေးစတွေ ပြန့်ပွားလို့ကိုပင် အားပေးအားမြှောက် ပြုတတ် လေသည် မဟုတ်ပါလား။ မရှိသည့်ကြားက ကုပ်ကတ်ဖဲ့ရွဲ့၍ ပေးတတ် လှူတတ်သော အမေ့သား မပီသ သည့် သူ့ကိုယ်သူ တစ်ခါတစ်ရံတော့လည်း ငါ ဘယ်လိုလူလဲ ဟူသော မေးခွန်းကို ပြန်မေးကြည့်မိပါသည်။ ဘယ်လိုပဲဖြစ်ဖြစ် အဲဒီလို ဝေဖန်ဆန်းစစ်ဖို့ သတိရသေးသည် ဆိုလျှင်ပဲ တော်ပြီပေါ့။
( ဇာတ်သိမ်းဆက်ရန်)👎👎👎
[ ရွှေဇင်ဦးဘလော့ဂ်မှ ကူးယူပါသည်။ဘလော့ဂ်အား ကျေးဇူးတင်ပါသည်။]
No comments:
Post a Comment