ရာဇဝင်ထဲမှာမောင့်ကိုထားရစ်ခဲ့ #ဂျူး

#ရာဇဝင်ထဲမှာမောင့်ကိုထားရစ်ခဲ့

#ဂျူး

နင့်​အပြုံး​ကြောင့်​ ငါ့ကိုယ်​ငါ ရှက်​သွားတယ်​ဆိုရင်​ နင်​အံသြမိမလားမသိဘူး။ တကယ်​ကို ငါရှက်​သွားတယ်​။ အမှန်​က နှစ်​နှစ်​​တောင်​ ကြာခဲ့ပြီပဲ။ ဒီ​လောက်​ကြာမှ​တော့ တစ်​ဖက်​က ​ပြောင်းလဲတဲ့ အ​ခြေအ​နေကို လိုက်​ပြီး ငါ့ဘက်​ကလဲ ​ပြောင်းလဲသင့်​တာ​ပေါ့။ အနည်းဆုံးဟာ..နင်​ပြုံးပြလိုက်​တဲ့ အပြုံးမျိုး​လေးကို​တော့ ငါတုံ့ပြန်​နိုင်​ဖို့ သင့်​တာပဲ။ ဒါ​ပေမယ့်​ နင်​ပြုံးသလို ငါမပြုံးတတ်​ဘူး။ ဒီအတွက်​ ငါ့ကိုယ်​ငါ ရှက်​တယ်​။

နင့်​အပြုံးမှာ ငါ..ဘာအရိပ်​အ​ယောင်​ကိုမှ မ​တွေ့လိုက်​ဘူး။

သံ​ယောဇဉ်​ အရိပ်​အ​ယောင်​ကိုလည်း မမြင်​၊ ကြင်​နာရိပ်​ဆိုတာလည်းမ​တွေ့၊ တမ်းတတဲ့ အ​နေအထားမျိုးလည်း မရှိ၊ လွမ်းရိပ်​ဆို​တော့ ​ဝေး​ရော။ ငါ ချီးကျူးပါတယ်​။ ဒါ​လောက်​သန့်​စင်​တဲ့ အပြုံးမျိုးကို ပြုံးနိုင်​လို့ နင့်​ကို ငါချီးကျူးပါတယ်​။

ငါ နင့်​ကို ​တွေ​တွေ​ဝေ​ဝေ ကြည့်​ရင်းက ပြန်​ပြုံးပြဖို့ ကြိုးစားလိုက်​ပါ​သေးတယ်​။ ပြုံး​တော့ ပြုံးလိုက်​တာပဲ။ ဒါ​ပေမယ့်​ ငါသိလိုက်​ပါတယ်​။ ငါ့နှုတ်​ခမ်း​တွေ လှုပ်​သွားကြ​ပေမယ့်​ အပြုံးတစ်​ခု ဖြစ်​မသွားဘူးဆိုတာ။ အဲ့ဒီလို သိလိုက်​တဲ့ အချိန်​မှာပဲ ဝမ်းနည်းမှုနဲ့အတူ ရှက်​​ကြောက်​မှုကိုပါ ငါခံစားလိုက်​ရတယ်​။ ငါ့​ရှေ့မှာလာရပ်​တဲ့ နင့်​ကိုမကြည့်​ရဲသလို ဖြစ်​​နေတယ်​..။

အမှန်​က​တော့ နင့်​ကို အ​ဝေးကတည်းက မြင်​ပြီးသားပါ။

ဟို..အ​ဝေးကတည်းက နင်​မှန်းသိပြီးသားပါ။ ငါ ဘယ်​လို​မေ့နိုင်​မှာလဲ။ ဒီလိုလမ်း​လျှောက်​ဟန်​၊ ဒီလိုပုံစံကို ငါ ဘယ်​လိုလုပ်​ပြီး ​မေ့နိုင်​မှာလဲ။

နင်​လမ်း​လျှောက်​တဲ့ပုံက တစ်​မျိုး။ မျက်​နှာကို ခပ်​ပင့်​ပင့်​ ​ကြော့​ကြော့​လေး ​လျှောက်​တာမျိုးမှ မဟုတ်​ဘဲ။ နင်​က မျက်​နှာကို အမြဲတမ်း ငဲ့ထားတာ​နော်​။ ညာဘက်​ကို ​ခေါင်းငဲ့ထား​တော့ ဖြန့်​ချထားတဲ့ ဆံပင်​​တွေက ညာဘက်​မှာ ပိုရှည်​​နေသလို ထင်​ရတယ်​။ ထဘီကို ညာဘက်​ခါးမှာ လာညှပ်​ထားပြီး ညာလက်​ကလည်း ထဘီ​ဘေးအနားကို ခပ်​​လျော့​လျော့ ဖိထားတတ်​တယ်​ မဟုတ်​လား။ နင့်​ထဘီက အရမ်းရှည်​တာပဲ။ ​ခြေမျက်​စိဖုံးတာ​ထက်​​တောင်​ ​ကျော်​ချင်​​သေးတယ်​။

ကိုယ်​ကို နွဲ့တာလည်း မဟုတ်​ဘဲနဲ့ ယိုင်​ယိုင်​​လေး ​လျှောက်​တတ်​တဲ့ နင့်​ဟန်​ကို​လေ..ငါဘယ်​​တော့မှ ​မေ့မှာ မဟုတ်​​တော့ပါဘူး။

ဒီ​တော့လဲ..ဟို..အ​ဝေးမှာကတည်းက နင်​မှန်းသိလိုက်​တယ်​။ နှစ်​နှစ်​​လောက်​ မမြင်​ရတဲ့ နင့်​သဏ်ဏ္ဍာန်​ကို မြင်​လိုက်​ရ​တော့ ငါ့ရင်​ထဲမှာ ဘယ်​လို ဖြစ်​သွားမှန်းမသိဘူး။ အမှန်​အတိုင်းဆိုရင်​ နင့်​ကို ငါမ​တွေ့ချင်​ဘူး။ မ​တွေ့ချင်​ဘူးဆိုတာမှာလဲ နင့်​ကို​တွေ့ရင်​ ခံစားလိုက်​ရမယ့်​ ​ဝေဒနာကို ငါ​ကြောက်​လို့ပါပဲ။

ဒါ​ပေမယ့်​ ဘယ့်​နှယ်​လုပ်​မလဲ။

ငါ ရပ်​​နေရာက​နေ ​ရှေ့ဆက်​​လျှောက်​ရင်​ နင်​နဲ့ပိုနီးမယ်​။ ​နောက်​ကိုလည်း လှည့်​သွားလို့ မဖြစ်​ဘူး။ ဖူးစာကုန်းဆိုတာက

 လာလမ်း အပြန်​လမ်း ဒီတစ်​လမ်းပဲရှိတဲ့ မြစ်​ကမ်းပါးကြီးမဟုတ်​လား။ ငါ ​နောက်​ဆုတ်​သွားလို့မှ မဖြစ်​ဘဲ။ အပြန်​လမ်းကို ဆက်​​လျှောက်​ဖို့ကျ​တော့ နင်​က​လျှောက်​လာ​နေပြီ။

ဘာလုပ်​ရမှန်း မသိတဲ့ အတူတူ​တော့ ရပ်​​နေလိုက်​တာဟာ

 အ​ကောင်းဆုံးပဲ​လေ။

နင်​ငါ့ကို အ​ဝေးတုန်းက လှမ်းမြင်​မှာ မဟုတ်​ပါဘူး။ နင်​က လမ်း​လျှောက်​ရင်​ နင့်​​ရှေ့နှစ်​ကိုက်​​လောက်​က ​မြေပြင်​ကိုပဲ ​ငေး​နေတတ်​တယ်​ မဟုတ်​လား။ ငါက​တော့ ပြန်​မယ်​လို့ လမ်းဘက်​ကို ​ခြေစ ထားတဲ့သူ။ ဒီ​တော့ ငါကပဲ စ မြင်​တယ်​။

နင်​​တော့မသိဘူး။ ငါ​တော့ မြင်​မြင်​ချင်း တုန်​လှုပ်​သွားတာပဲ။ နင့်​ဆီက မျက်​နှာလွှဲပြီး ​ရှေ့က မြက်​ပင်​​လေး​တွေကို ​ငေးကြည့်​​နေမိတာ..။ နင်​ ငါ့မြင်​ကွင်းထဲ ​ရောက်​လာတဲ့ထိပဲ​လေ။

ငါ့ကို လှမ်းမြင်​ရင်​ နင်​လာလမ်းကိုများ ပြန်​လှည့်​မလားလို့ ပထမ ​တွေးမိ​သေးတယ်​။ ဒါ​ပေမယ့်​ နင်​က ပညာရှိပဲ။ လူမိုက်​အလုပ်​ကို မလုပ်​ဘူးဆိုတာ ​တွေးမိပါတယ်​။

စ မြင်​လိုက်​တုန်းက ဆုံရင်​ ပြုံးပြရမလား၊ ဘယ်​လိုပြုံးရမလဲ..စဉ်းစားထားတယ်​။ စဉ်းစားလို့မရဘူး။ နင်​က​တော့ ​တော်​ပါတယ်​ဟာ။ သွားရင်းဟန်​လွဲ မိတ်​​ဆွေပြုံးနဲ့​တောင်​ ငါ့ကို နှုတ်​ဆက်​တတ်​​နေပြီပဲ။

"တစ်​​ယောက်​တည်းလား"

ကြည့်​စမ်း..။ ငါ့ရင်​ထဲ ဘယ်​လိုဖြစ်​သွားမယ်​ဆိုတာ နင်​​တွေးမိရဲ့လား။ ​မေးရက်​လိုက်​တာ။ နင်​ပဲ ငါ့ကို 

တစ်​​ယောက်​တည်း ထားပစ်​ခဲ့တာမို့လား။

ဒီတစ်​ခါ​တော့ ​ခေါင်းညိတ်​ဖြစ်​ပါတယ်​​နော်​။ နင့်​ကို ​ကျေးဇူးတင်​ပါတယ်​။ ငါ နှုတ်​ဆက်​ရခက်​၊ ပြုံးရခက်​​နေတဲ့ ဒီအချိန်​မှာ နင်​က စနှုတ်​ဆက်​လို့။ (ရင်​လဲနာရပါတယ်​)

'တစ်​​ယောက်​တည်းလား'လို့ ​မေးခံရတဲ့ ​ဝေဒနာဟာ တစ်​​ယောက်​တည်း ထားခဲ့လို့ ခံရတဲ့ ​ဝေဒနာနဲ့ မထူးပါဘူးဟာ။ ရင်​နာနာနဲ့ နင့်​ကို​ငေး​နေတဲ့အချိန်​မှာ ငါ့လက်​ဖျား​တွေ ​အေးစက်​လာလို့ ငါ့လွယ်​အိတ်​ကို တင်းတင်း ဆုပ်​ကိုင်​လိုက်​ရတယ်​။

တုန်​ယင်​​နေတဲ့ ငါ့အထက်​နှုတ်​ခမ်း​ကြောင့်​လား..။

ဝေဒနာရိပ်​လွှမ်း​နေတဲ့ ငါ့မျက်​လုံး​ကြောင့်​လား..။

ဟန်​လုပ်​ပြီး ခပ်​​မော့​မော့ရပ်​​နေ​ပေမယ့်​ ယိုင်​နွဲ့​နေတဲ့ ငါ့ဟန်​အစစ်​ကို နင်​​တွေ့သွားလို့လား..။

လွယ်​အိတ်​ကိုပဲ ဖိဆုပ်​ထားတဲ့ ငါ့လက်​​တွေက တစ်​ဆင့်​ လှုပ်​ရှား​နေတဲ့ ငါ့စိတ်​ကို ရိပ်​မိသွားလို့လား..ကွဲကွဲပါးပြား​တော့ မသိဘူး။ အဲဒီထဲက တစ်​ခုခု​ကြောင့်​ပဲ ထင်​တယ်​။ နင့်​အပြုံးက မှိန်​သွားတယ်​။ ​နောက်​ပြီး ငါ့အထင်​က သံ​ယောဇဉ်​ရိပ်​က​လေးကိုလဲ နင့်​မျက်​လုံးမှာ ​တွေ့လိုက်​ရသလိုပဲ။

ဒီနှစ်​နှစ်​အတွင်းမှာ နင့်​ပုံစံကလဲ ဘာမှမ​ပြောင်းလဲပါလား။

ဆံပင်​ကို အရင်​တုန်းကလိုပဲ နဖူး​ပေါ်က အားလုံးသိမ်းပြီး ​နောက်​ကိုလှန်​ထားတယ်​။ နင့်​နဖူးက အလျင်​လို ရှင်း​နေတုန်းပဲ။ နားသယ်​စပ်​ နှစ်​ဖက်​ဆီမှာ​တော့ အလျင်​လို ဆံပင်​​တွေက အုပ်​ပြီးကျ​နေတယ်​။ မျက်​ခုံးကလဲ ခပ်​ပါးပါး ခပ်​မျှင်​မျှင်​ပဲ။ အလျင်​ကလိုပါပဲ။ ဘာကိုမျှ ထပ်​ဖြည့်​ဆွဲထားတာ မရှိပါဘူး။ အို..ဘာမှကို မ​ပြောင်းလဲ​သေးပါဘူး​လေ။ ​ပြောင်းလဲတာက​တော့ အချိန်​​တွေရယ်​၊နင့်

့​သ​ဘောထား​တွေရယ်​။

သြော်​..ကြည့်​ပါဦး...။

နင့်​ဆံပင်​မှာ စကားပွင့်​ ဖြူဖြူ​လေးကလဲ အရင်​လိုပါပဲလား။ စကားပွင့်​​လေးကို ငါ​ငေး​နေမိတာ အကြာကြီးပဲ။ နင်​ကလည်း ငါ့ကို ​ငေး​နေပါတယ်​။ နင်​ဘာ​တွေ​တွေး​နေမလဲ။

ငါ့ပုံစံက ဘာမှ မ​ပြောင်းလဲ​သေးတာကို နင်​​တွေး​နေမှာ​ပေါ့။

ငါ့ဆံပင်​ကို အရင်​လို ညာဘက်​က ခွဲထားသလားနင်​ကြည့်​မယ်​။

အင်္ကျီ လက်​ကို ကြယ်​သီးမတပ်​ဘဲ အရင်​လို ဖိုးရိုးဖားရား ချထားလား..နင်​ကြည့်​မယ်​။

အ​ပေါ်ဆုံး ရင်​ဘတ်​ကြယ်​သီးကို အရင်​လို ဖြုတ်​ထားသလား..နင်​ကြည့်​မယ်​။

လွယ်​အိတ်​ကို အရင်​လို ပခုံးစလွယ်​သိုင်း လွယ်​​သေးသလား..နင်​ကြည့်​မယ်​။

"​ဖြေနိုင်​တယ်​မဟုတ်​လား"

စကားပွင့်​​လေးဆီက​နေ နင့်​မျက်​နှာဆီကို အကြည့်​​ပြောင်းလိုက်​ရတယ်​။ ပြီးခဲ့တဲ့ ဆယ်​တန်းစာ​မေးပွဲကို ရည်​ရွယ်​ပြီး ​မေးလိုက်​တယ်​ဆိုတာ ငါသိပါတယ်​။ ငါ့ရင်​ထဲမှာ စူးရှသွားတယ်​။ ဘာဖြစ်​လို့နာတာလဲ။ ငါ့ကိုယ်​ခန္ဓာက သိပ်​​သေးငယ်​သွားသလိုပဲ။ ကမ္ဘာ​မြေကြီးက အကြီးကြီး၊ ငါက ​သေး​သေး​လေးရယ်​။ ငါ့​အောက်​နှုတ်​ခမ်းကို အ​ပေါ်သွားနဲ့ ဖိကိုက်​မိတယ်​လို့ ထင်​လိုက်တယ်​။ ငါ့ခန္ဓာကိုယ်​က ​သွေး​တွေ ပူလာတယ်​လို့ ထင်​ရတယ်​။

အကြာကြီး ​ငေး​ကြောင်​​နေရင်​ မ​ကောင်းတတ်​လို့ ​ခေါင်းကို

 ဖြည်းဖြည်း ယမ်းပြလိုက်​တာပါ။ နင်​ဘာဖြစ်​လို့ မျက်​လွှာချသွားတာလဲ။ ဘာဖြစ်​လို့ ပင့်​သက်​ရှိုက်​လိုက်​တာလဲ။ ငါဆယ်​တန်းမ​ဖြေနိုင်​လို့ စိတ်​​မောစရာ နင့်​မှာ မရှိ​တော့ဘူးပဲ။

သြော်​..ငါ နင့်​ကို တစ်​ခွန်းမှစကားမ​ပြောရ​သေးဘူး​နော်​။

"​ကျောင်းက ဘယ်​နှစ်​ရက်​ပိတ်​တာလဲ"

ဒီ​မေးခွန်းကို ငါ ခက်​ခက်​ခဲခဲ ​မေးရတယ်​ဆိုတာ နင်​..သိမှာပါ။

"သုံးလ..ဖိုင်​နယ်​ ​ဖြေပြီး​တော့ ပိတ်​လိုက်​တာ"

"ဘယ်​နှစ်​နှစ်​ ​ရောက်​ပြီလဲ"

"အခုပြန်​တက်​ရင်​ သာဒ့်​အမ်​-ဘီ တတိယနှစ်​"

တစ်​ဖက်​ကို တစ်​ဖက်​ ဆုပ်​ကိုင်​ထားတဲ့ နင့်​လက်​​ချောင်း​လေး​တွေကို ငါ​ငေး​နေမိတယ်​။ လက်​သည်းက တိတိရိရိကို ကိုက်​ဖြတ်​ထားတာ​တွေ့လို့ အရင်​လိုပဲဆိုတာ သိလိုက်​ရပြန်​တယ်​။

ဟောဒီဖူးစာကုန်းမှာပဲ ​ဟောဒီဆည်းဆာချိန်​မှာပဲ..အဲဒီလက်​​ချောင်း ဖြူဖြူ​လေး​တွေကို ငါ ဆုပ်​ကိုင်​ရင်း လမ်း​လျှောက်​ခဲ့ရဖူးတယ်​။ နင့်​လက်​​လေး​တွေက ​နွေး​နွေး​လေး..​ပျော့နွဲ့နွဲ့​လေး​တွေ။ အဲဒီအ​နွေးဓာတ်​​လေးဟာ ခုထိမပြယ်​​သေးဘူးဆိုရင်​ နင်​ယုံပါ့မလား၊ နင်​ပန်​​နေကျ စကားပန်းရနံ့​လေးဟာလဲ ငါ့ဆီမှာ အမြဲသင်းပျံ့​နေတယ်​ဆိုရင်​ နင်​ယုံပါ့မလား။

"နင်​..သိပ်​ပိန်​သွားတယ်​၊ ​နေမ​ကောင်းဘူးလား.."

ပိန်​တယ်​။အို......ငါ့ကို ပိန်​တယ်​လို့ အထူးသတိထား မ​ပြောကြတာ နှစ်​နှစ်​​တောင်​ ရှိသွားပြီပဲ။ ဒီနှစ်​နှစ်​အတွင်း ငါပိန်​သွားတယ်​လို့ မှတ်​ချက်​ချတာ နင်​က ပထမဆုံးပဲ။

"​ကောင်းပါတယ်​.."

"ကျန်းမာ​ရေးကိုလည်း ဂရုစိုက်​ဦး..​နော်​၊ လူက တအားကိုနွဲ့သွားတာပဲ"

သြော်​..နင်​​တောင်​ ဆရာဝန်​မကြီးဖြစ်​​တော့မယ်​။ အရင်​လို အ​ခြေအ​နေမျိုးသာဆိုရင်​​တော့..'​ဆေးကု​ပေးမယ့်​သူ ရှိသားပဲ'လို့ ပြုံးစပ်​စပ်​နဲ့ ​ပြောမိမှာပဲ။

ခု​တော့ ဘယ်​လို​ပြောရမလဲ။ နှုတ်​ခမ်းတင်းတင်း​စေ့ပြီး အတိတ်​က စကားသံ​တွေကို ဇွတ်​​မေ့ပစ်​​နေရပါတယ်​။

"စိတ်​ဆိုးသွားလားဟင်​..ငါက"

"အို..မဟုတ်​ပါဘူး"

ကြည့်​ပါဦး။ ဒီမျက်​လုံး​လေး​တွေ​ပေါ့ ငါ့​ဒေါသ​တွေကို ​ချေမွပစ်​ခဲ့တာ။ အဲဒီလိုပဲ​ဝေ့ကြည့်​လိုက်​ရင်​ ငါ့ရင်​ထဲက ​ဒေါသ​တွေဟာ ဘယ်​​ရောက်​ကုန်​မှန်း မသိ​တော့ဘူး။

တကယ်​ဆို ငါ နင့်​ကို ဘယ်​​လောက်​ နာကျည်းသင့်​သလဲ။

မ​ပြောမဆိုနဲ့ သစ်​စိမ်းချိုး ချိုးခဲ့တာ ဘယ်​သူလဲ။ စာ​တွေ တစ်​​စောင်​မှ မပြန်​ဘဲ လ​တွေ အများကြီးနှိပ်​စက်​ထားခဲ့တာ ဘယ်​သူလဲ..။ စိတ်​မချလွန်းလို့.. မ​နေနိုင်​လို့ မန္တ​လေးထိ လိုက်​လာရတဲ့သူကို 'မယုံလို့လား..'ဆိုပြီး စိတ်​​ကောက်​ခဲ့တာ ဘယ်​သူလဲ..။ မန္တ​လေး ကို မလာရဘူး နင်​ပဲ အမိန့်​ထုတ်​ခဲ့တယ်​။ ငါ ​နောက်​ထပ်​တစ်​နှစ်​ ထပ်​ကျမှာ စိုးလို့​ပေါ့​လေ။

ငါ မန္တ​လေးက ပြန်​လာ​တော့​ရော နင်​စာလှမ်း​ရေးခဲ့လို့လား။

နင်​ ​ကျောင်းခဏပိတ်​လို့ ​ရေနံ​ချောင်းကို ပြန်​​ရောက်​တဲ့အချိန်​မှာ လာ​နေကျ​နေရာကို လာဖို့ ပျက်​ကွက်​ခဲ့တာလဲ..နင်​ပဲ။ သုံးရက်​ဆက်​တိုက်​ မလာလို့ အကျိုးအ​ကြောင်း​မေး​တော့ မျက်​နှာစိမ်း ခြယ်​ထားတာ ဘယ်​သူလဲ။

ငါ ​ဆေးတက္ကသိုလ်​ မ​ရောက်​နိုင်​မှန်း သိလျက်​နဲ့ ဆရာဝန်​ဖြစ်​​အောင်​ ကြိုးစားခိုင်းခဲ့တဲ့ နင့်​​စေတနာကို ငါ​ကြောက်​ပါတယ်​။ ငါ ပန်းချီဆရာ၊ ကဗျာဆရာ ဖြစ်​ချင်​မှန်း အစကတည်းက နင်​သိလျက်​နဲ့..​နောက်​ပြီး..အို..ဒါ​တွေဟာ လမ်းခွဲဖို့ 

အ​ကြောင်းရှာတာ​တွေပဲဆိုတာ အဲဒီတုန်းက မသိခဲ့တာ

 ငါညံ့လို့​ပေါ့။ နင့်​ကိုငါ ယုံခဲ့တာကိုး။

နင်​ပြန်​ခါနီးမှာ ငါ့ဆီက နင့်​စာ​တွေ ပြန်​​တောင်းခဲ့တာ​လေ..ငါ ဘယ်​​တော့မှ မ​မေ့ဘူး။

ကြည့်​ပါဦး။ ခုရပ်​​နေရင်းကို ဘာဖြစ်​လို့ ရင်​နာလာရတာလဲ။

 ဒီအ​ကြောင်း​တွေ ပြန်​စဉ်းစားရင်​ ငါ့ရင်​က ဘာဖြစ်​လို့ 

လှိုက်​လာရတာလဲ။ နှစ်​နှစ်​ဆိုတဲ့ အချိန်​ဟာလဲ ငါ့ဒဏ်​ရာကို မကုစားနိုင်​ခဲ့ပါလား။

အို..ငါ နင့်​ကို အကြာကြီး ကြည့်​​နေမိတာပဲ။ ငါ့မျက်​စိ လွှဲပစ်​သင့်​တာ ငါသိပါတယ်​။ ဒါ​ပေမယ့်​ နင့်​မျက်​နှာ​ပေါ်က​နေ အကြည့်​ကို မဖယ်​နိုင်​ဘူး..။

ငါ့ရင်​ခွင်​ထဲက​နေ ဘယ်​သူမှ လုမ​ပြေးနိုင်​​အောင်​ တအားဝှက်​ပြီး ကာထားချင်​တယ်​၊ နင့်​ကို ဘယ်​မှ မသွား​အောင်​ လုပ်​ထားချင်​တယ်​၊ မစိမ်းရဘူး..၊ မ​ပြေးရဘူး...လို့​ ​အော်​ပစ်​ချင်​လိုက်​တာ။ ​ဟောဒီ လွယ်​အိတ်​​လေးထဲ နင့်​ကိုထည့်​ထားလို့ရရင

်​ သိပ်​​ကောင်းမှာ။ ဘယ်​သွားသွား မခွဲဘူး။

အို..ငါ ဘာ​တွေ ​လျှောက်​​တွေး​နေတာလဲ။

ငါ့လွယ်​အိတ်​ထဲမှာ နင်​ရှိ​နေပါတယ်​၊ တကယ်​။

နင့်​ပုံတူ ပန်းချီ​လေ။ နှစ်​ခု​တောင်​မှပဲ။ အခု​နေ ထုတ်​ပြလိုက်​ရင်​ ဘယ်​လို​နေမလဲ။

"ပန်းချီ...ဆွဲ..ဆွဲ​သေးလား"

ကြည့်​စမ်း..။ ငါ့အ​တွေးနဲ့ နင့်​အ​တွေးနဲ့ ဆင်​လိုက်​တာ။ စိတ်​ချင်း ဆက်​သွယ်​တာလား၊ လူချင်းပြန်​နီးဖို့ နိမိတ်​လား..။

ခေါင်းကို အသာညိတ်​ရင်း လက်​က ဘယ်​လို​ရောက်​သွားလဲ မသိဘူး..။လွယ်​အိတ်​ထဲက ခဲပုံတူတစ်​ပုံ၊ ​ရေ​ဆေးနဲ့ တစ်​ပုံ..နင့်​ပုံတူ နှစ်​ခုကို ထုတ်​ပြမိ​တော့တာပဲ။

မပြုံးတပြုံး နင့်​နှုတ်​ခမ်းပါး​လေး ဝိုင်းသွားတာ

 ငါသတိထားမိတယ်​။

နင့်​မျက်​လုံး​လေး​တွေ ​ဝေသွားတာ ငါသိတယ်​။

နင့်​ ကိုယ်​လုံးနွဲ့နွဲ့​လေး ယိုင်​သွားတာ ငါသိလိုက်​တယ်​။

"အို" တိုးတိုးက​လေး ​ရေရွတ်​သံ ငါကြားလိုက်​ပါတယ်​။ ငါ့ကို ​ငေးကြည့်​​နေတဲ့ အကြည့်​ထဲမှာ သံ​ယောဇဉ်​ကို ငါမြင်​ပြီ။ ခင်​တွယ်​မှုကို ငါမြင်​ပြီ။ တမ်းတမှုကိုလည်း ငါပြန်​​တွေ့ပြီ။ ​နောက်​ပြီး.. ​နောက်​ပြီး​တော့ အလွမ်း​တွေ အများကြီး ငါ​တွေ့လိုက်​ပြီ​လေ။

"အို.." နင့်​အကြည့်​က ငါ့ကို ရင်​ခုန်​​စေတယ်​။ နင်​လဲ ရင်​ခုန်​​နေတယ်​မဟုတ်​လား။ ပန်းချီစာရွက်​​တွေကို ကိုင်​ထားတဲ့ နင့်​လက်​​ချောင်း​လေး​တွေ တုန်​ယင်​​နေတာ ငါမြင်​တယ်​။ ငါ့ကို ​ငေးရာက​နေ ငါ့ဘယ်​ဘက်​ကို လှမ်း​ငေးလိုက်​တဲ့ နင့်​မျက်​လုံးမှာ မျက်​ရည်​​ဝေ့​ဝေ့ကိုလဲ ငါ မြင်​လိုက်​ရပါတယ်​။ နင်​​ငေးရာကို ငါလှမ်းကြည့်​မိတယ်​။

ဗြုန်းဆို ရင်​က ဟာ သွားတယ်​။

နေရာ​ဟောင်း..၊ ဟုတ်​တယ်​​နော်​...၊ ကမူထိပ်​​လေး ​လေ။ နင်​နဲ့ငါနဲ့ ဟိုအတိတ်​တုန်းက အတူထိုင်​ခဲ့ကြတဲ့ ​နေရာ​လေးပါ။

ဒီကမူ​လေးကို ကြည့်​ပြီး ဘာဖြစ်​လို့ လက်​ဖျား​တွေ ​အေးလာရပြန်​တာလဲ။ တစ်​ကိုယ်​လုံးက ဘာဖြစ်​လို့ ​ပျော့​ခွေသွားရတာလဲ။ နှ​မြော တမ်းတတဲ့ ​ဝေဒနာပဲ ထင်​ပါရဲ့။ ငါ့ရင်​ထဲမှာ ပျံ့နှံ့ ကုန်​ကြပြီ။ နင်​နဲ့ ငါနဲ့ အကြည့်​ချင်း ပြန်​ဆုံကြတယ်​။နောက်​..​နောက်​​တော့...။

နင်​ကပဲ ​ခြေလှမ်းစတာလား၊ ငါကပဲ အလျင်​ ​ခြေလှမ်းစတာလား မသိဘူး။ ဘယ်​သူက အလျင်​ဦး သလဲ မ​ပြောတတ်​ဘူး။ သိလိုက်​တာက နင်​နဲ့ငါ နှစ်​​ယောက်​လုံး ကမူစွန်း​လေးဆီကို သွား​နေမိတယ်​ ဆိုတာပဲ။ အဲဒီ​ရောက်​​တော့လဲ နှစ်​​ယောက်​သား ရှိန်းတိန်းတိန်​နဲ့ပဲ ခပ်​ခွာခွာ ထိုင်​လိုက်​မိကြတယ်​။

နင်​ ​ခေါင်းငုံ့ထားတယ်​။ နင့်​ဆံပင်​​တွေက ခါး​တောင်​​ကျော်​​နေပြီပဲ။ နက်​​မှောင်​ပြီး ဖွာ​နေတယ်​။ လှလိုက်​တာဟာ။ နက်​​မှောင်​တဲ့ ​နောက်​ခံ​ပေါ်မှာ အဖြူ​ရောင်​ ပန်းပွင့်​​လေးက ထင်း​နေတာပဲ။

နင်​ ဘာဖြစ်​လို့ ငြိမ်​​နေတာလဲ။ နင်​လဲ ငါ့လိုပဲ အ​ပျော်​​လေး​တွေ ပြန်​​တွေး​နေမှာပဲ​နော်​။ ​ပျော်​ရတဲ့ အချိန်​​လေး​တွေက တစ်​သက်​လုံး ပြန်​မ​ရောက်​နိုင်​​တော့ပါလား။ တို့​တွေဟာ သူစိမ်းပြင်​ပြင်​ ဖြစ်​​နေကြပြီ​နော်​။ ဒါ​တွေဟာ အိပ်​မက်​မက်​​နေတာဆိုရင်​ ဘယ်​​လောက်​​ကောင်းမလဲ။မဖြစ်​နိုင်​မှန်း​တော့ သိ​နေပါတယ်​​လေ။ ငါ အမျိုးမျိုး​တောင်းပန်​တဲ့ကြားက နင်​ ခြေစုံကန်​သွားတာကိုး။

နင့်​ကိုငါ စိမ်းစိမ်းကားကားကြီး ​ပြောပစ်​ချင်​တယ်​။ လွန်​ခဲ့တဲ့ နှစ်​နှစ်​က မ​ပြောလိုက်​ရတဲ့ စကား​တွေကို အားရပါးရ ​ပြောချင်​တယ်​။ ဖြစ်​နိုင်​ရင်​​တော့​လေ..နင့်​ပုခုံးနှစ်​ဖက်​ကို တအားဆုပ်​ကိုင်​ပြီး ​ဆောင့်​​ဆောင့်​လှုပ်​ရင်း ​မေးလိုက်​ချင်​ပါတယ်​။

"နင်​ ဘယ်​လိုလုပ်​ပစ်​ခဲ့တာလဲ.."လို့။ ​ဟောဒီ ဖူးစာကုန်းမှာတင်​မက ​ရေနံ​ချောင်းတစ်​မြို့လုံး လွှမ်းသွား​လောက်​တဲ့ အသံနဲ့ ကုန်း​အော်​ပစ်​လိုက်​ချင်​တယ်​။ နင်​သိပ်​ဆိုးပါလား။ ဆင်​​ခြေရဖို့အတွက်​ ငါချစ်​တဲ့ကဗျာနဲ့ ပန်းချီကို ​ဝေဖန်​ခဲ့၊ စွန့်​လွှတ်​ခိုင်းခဲ့တာ​လေ။

ဟိုတုန်းက ငါကဗျာ​ရေးတာ၊ ပန်းချီဆွဲတာကို နင်​မသိဘူးလား။

ဟောဒီ ဖူးစာကုန်းမှာ​ရော..၊​ကျောင်းခန်းထဲမှာ​ရော..၊​

ကျောင်းဝိုင်းထဲက တမာပင်​​အောက်​မှာ​ရော..ငါ့လွယ်​အိတ်​ထဲက ငါ့ကဗျာ​တွေ ဖတ်​ခဲ့တာ နင်​​မေ့ပြီလား။ ငါ့ပန်းချီ​တွေ ကြည့်​ခဲ့တာ နင်​​မေ့ပြီလား။ ဟိုတုန်းက​တော့ နင်​ပဲ ငါ့ကဗျာ​တွေကို ငါ့ကို ချစ်​သလို ချစ်​ပါတယ်​ဆို။ ဟိုမှာ ဒုတိယလူကို ရပြီးကာမှ ငါ့ကဗျာကို နင်​မုန်းတတ်​တာပါဟာ..။

ဘာပဲဖြစ်​ဖြစ်​ ငါ့​ဒေါသက ဘယ်​​တော့မှ ကြာကြာမခံခဲ့ရဘူး။

ဒီပွဲက လူမိုက်​ လူမိုက်​ချင်း ​တွေ့ကြတဲ့ပွဲမှ မဟုတ်​ဘဲ၊ ပညာရှိနဲ့ လူမိုက်​ပဲ​လေ။

မျက်​ရည်​လည်​​နေတဲ့ မျက်​လုံး ဝိုင်းဝိုင်း​လေး​တွေရယ်​၊ မဲ့တဲ့တဲ့​လေး မဟတဟဖွင့်​ထားတဲ့ နင့်​နှုတ်​ခမ်း​လေး​တွေရယ်​က ငါ့​ဒေါသ​တွေကို ​ချေဖျက်​ပစ်​ခဲ့တယ်​။ ဒါတင်​မကဘူး။ နင့်​မျက်​နှာထား​လေးနဲ့ နင့်​အ​ကြောင်းပြချက်​​လေး​တွေ​ကြောင့်​ ငါ့ကိုယ်​ငါ တိုင်​နဲ့ ​ခေါင်းနဲ့ ​ဆောင့်​ပြီး အပြစ်​​ပေးလိုက်​ရမလိုလို ဖြစ်​ခဲ့တယ်​။ ငါ့ကိုယ်​ငါ​တောင်​ ဇ​ဝေဇဝါ ဖြစ်​ခဲ့ရတယ်​။ နင့်​ မျက်​​တောင်​​ကော့​တွေ​ပေါ်မှာ ခိုတွဲ​နေတဲ့ မျက်​ရည်​စ​တွေဟာ ငါ့နာကျည်းချက်​​တွေကို တစစီဖဲ့ပစ်​ခဲ့တယ်​။

နင့်​အ​ကြောင်းပြချက်​ တစ်​ခုက​တော့ဟာ လွန်​လွန်းပါတယ်​။ ငါအတန်းပညာမှာ ညံ့တာ နင်​လဲအသိ။ ငါ့ကိုနင်​ပဲ စာပြပြ​ပေးခဲ့ရတာ။ ဒီလို​ကောင်​က ဘယ့်​နှယ်​လုပ်​ပြီး ဆရာဝန်​၊ အင်​ဂျင်​နီယာ ဖြစ်​နိုင်​မှာလဲ။ ပန်းချီသမား..ကဗျာသမားပဲ ဖြစ်​ဖို့ရှိတာပဲ။ မဖြစ်​နိုင်​တာကိုမှ နင်​က ​ရွေးပြီး တိုက်​တွန်းခဲ့တာကိုး။

နင့်​အ​မေ ဂုဏ်​မက်​တာ ငါသိပါတယ်​။ နင့်​အ​မေလိုပဲ နင်​မက်​လိမ့်​မယ်​လို့ အစက မ​တွေခဲ့မိတာ ငါ့အမှားပါပဲ။ နင်​က​တော့ 'အ​မေ သ​ဘောတူလို့' ​ပေါ့။ နင့်​သ​ဘောကလဲ အတန်းတ

ူ အရည်​အချင်းတူ လူကိုမှ မက်​​မောခဲ့တာပဲ မဟုတ်​လား။

အို..အားလုံးဟာ နင့်​သ​ဘော တစ်​ခုတည်းနဲ့ ပြီးသွားခဲ့တာပဲ။ ငါ့ ဆန္ဒတစ်​ခုမှ မပါခဲ့ရဘူး။ နင့်​​ရှေ့​ရောက်​ရင်​ ငါ ​ခေါင်းယမ်းတဲ့ အတတ်​ပညာကို​တောင်​ ​မေ့​မေ့သွားရပါတယ်​။ တခြားလူ​တွေ​ရှေ့မှာက ​ကျောက်​တုံး ဖြစ်​ချင်​ဖြစ်​မယ်​..နင့်​​ရှေ့မှာ​တော့ ငါက 

ဖ​ယောင်းပါ။ ငါက နင့်​ရဲ့ ရုပ်​​သေးရုပ်​ပဲဟာ..။ နင်​ကြိုးဆွဲသလို ငါက ကခဲ့ရတာ..။

အေး​လေ..ခံခဲ့ရတုန်းက​တော့ ခံခဲ့ပြီးပြီ။ ခုအချိန်​မှာ​တော့ နင့်​ရုပ်​​သေးရုပ်​ မဖြစ်​ချင်​ပါဘူး။

အမှန်​က​တော့ ​ဟောဒီ​နေရာမှာ အတူယှဉ်​တွဲထိုင်​ဖို့ မသင့်​ဘူး။ ငါ ထွက်​သွားနိုင်​ရင်​ အ​ကောင်းဆုံးပါပဲ။ နင့်​မျက်​နှာ ညှိုးမှာလဲ စိုးတယ်​။ နင့်​မျက်​နှာညိုးမှာကို ဟိုတုန်းကတည်းက ​ကြောက်​ခဲ့တဲ့​ကောင်​ပါဟာ။

ပန်းချီစာရွက်​​တွေကို ကိုင်​ထားတဲ့ နင့်​လက်​ခုံ​လေးကို ​ငေးရင်း ရင်​ထဲမှာ တင်းကျပ်​လာပြန်​ပြီ။ ဖြူနု​နေတဲ့ နင့်​လက်​ခုံ​လေးကို ဖွဖွ​လေး ဆုပ်​ပြီး နင့်​မျက်​နှာ​လေးကို တ​မေ့တ​မြော ​ငေး​နေရတဲ့ အချိန်​​လေး​တွေဟာ လွန်​ခဲ့ပြီ​နော်​။ ငါထင်​ပါတယ်​...နင့်​လက်​မှာ ရှင်​မ​တောင်​ သနပ်​ခါးနံ့​လေး သင်း​နေဆဲ ဖြစ်​မှာလို့။

ရင်​ထဲမှာ နာကျင်​လာတယ်​။

ပြောစမ်းပါဦး ​ဆေး​ကျောင်းသူကြီးရဲ့။ ဘာနဲ့မှ မခိုက်​မိဘဲနဲ့ အဲဒီ ဘယ်​ဘက်​ရင်​က ဘာဖြစ်​လို့ လှိုက်​လှိုက်​ပြီး နာတာလဲ။ နှလုံးဆီက နာမှန်း​တော့ သိပါရဲ့။ နင့်​မျက်​နှာ​လေး ​ငေးရုံနဲ့ နှလုံးက ဘာလို့ နာရတာလဲ။ ငါ့လည်​​ချောင်း​တွေက​ရော ဘာဖြစ်​လို့ ​ခြောက်​​သွေ့လာရတာပါလိမ့်​။

ငါ နှ​မြော​နေတယ်​...။တမ်းတ​နေတယ်​။ ဟုတ်​တယ်​၊ နင်​ ငါ့အနားမှာ ရှိ​နေ​ပေမယ့်​ နင့်​ကို ​အောက်​​မေ့​နေတယ်​ဟာ။ နင့်​ကိုလွမ်း​နေတယ်​။ ယုံရဲ့လား..နင့်​ကို ငါလွမ်း​နေတယ်​။

"​ရော့"

နင်​လှမ်း​ပေးတဲ့ ပန်းချီပုံနှစ်​ခုကိုယူလိုက်​​တော့ နင့်​လက်​နဲ့ ငါ့လက်​ထိမိတယ်​။ ဘယ်​သူ့လက်​က ပို​အေးစက်​​နေလဲ ငါမသိဘူး။ စာရွက်​က​လေး​တွေကို လွယ်​အိတ်​ထဲ ထည့်​ပြီး​တော့ ငါ့လက်​ကို ငါပြန်​​ငေးမိတယ်​။

သြော်​..လက်​သန်းမှာ​လေ၊ ဘယ်​ဘက်​ လက်​သန်းမှာ​လေ အဖြူစင်း​ကြောင်း​လေးကို အရစ်​လိုက်​ မြင်​​နေရတုန်းပဲ။ အဲဒါ လက်​စွပ်​ရာ​လေး​လေ။ နင်​နဲ့ငါ့ရဲ့ အချစ်​​နေ့က နင်​​ပေးခဲ့တဲ့ ​ကျောက်​စိမ်းလက်​စွပ်​ရဲ့ သ​င်္ကေတ​လေး။ မနှစ်​ကမှ စာနဲ့လှမ်း​တောင်းလို့ ပြန်​​ပေးခဲ့ရတဲ့ လက်​စွပ်​ရဲ့ အရာ​လေးပါ။ အခု..အဲဒီလက်​စွပ်​က​လေးက အခုဆို..။

ဪ..ပြီး​တော့ နင့်​လည်​ပင်းမှာ ဆွဲကြိုးက​လေးလဲ မမြင်​ပါလား။ ဆွဲကိုးမျှင်​မျှင်​​လေး​လေ..နင်​နဲ့ငါ့ဇာတ်​လမ်းက​လေး စပြီးတဲ့​နောက်​ ​လော့ကတ်​သီး​နေရာမှာ သ​င်္ကေတ တစ်​ခု လဲ​ပြောင်းတပ်​ထားခဲ့တဲ့ ဆွဲကြိုး​လေး၊ ငါ့နာမည်​ အစ စာလုံး အင်္ဂလိပ်​အက္ခရာ အင်​(န်​)ကို အမှတ်​တရ လုပ်​ပြီး ဆွဲခဲ့ပါ​ရော။ အဲဒီဆွဲကြိုး​လေး မမြင်​ပါလား။ လွှင့်​ပစ်​လိုက်​ပြီလား။ အင်း​လေ..အဖြစ်​နိုင်​ဆုံးက​တော့ အင်​(န်​)စာလုံးအစား အက်​စ်​ စာလုံး လဲတပ်​ထားတာ ဖြစ်​မှာ​ပေါ့။ အို..ဒါက ငါ့အ​ရေးမှ မဟုတ်​ဘဲ။ ငါနဲ့ နင်​နဲ့ ဘာမှမှ မဆိုင်​ဘဲ။ မဆိုင်​​တော့ပါဘူး​လေ။

ငါ့နှုတ်​ခမ်း​တွေ ​ခြောက်​​သွေ့​နေတယ်​။ ရင်​က ဟာပြီးမှ ပူ​လောင်​​နေတယ်​။

ဆေးလိပ်​​သောက်​မယ်​..လို့ အမှုမဲ့ အမှတ်​မဲ့​တွေးပြီး လွယ်​အိတ်​ထဲက ဒူးယားတစ်​လိပ်​ရယ်​..မီးခြစ်​​လေးရယ်​ ထုတ်​လိုက်​တယ်​။

နှုတ်​ခမ်း​ပေါ်မှာ ​ဆေးလိပ်​​လေးကို ရွရွတင်​လိုက်​တုန်း..။

"​ဆေးလိပ်​​တွေ သိပ်​မ​သောက်​နဲ့ဟာ" တဲ့။ နင့်​အသံပါ။ နင့်​ဆီက လာတာ မဟုတ်​မှန်း​တော့ သိပါတယ်​။ ဘယ်​ကပါလိမ့်​။ ​ဟောဒီမီးခြစ်​​လေးကပဲ ထင်​တယ်​။

ဒီမီးခြစ်​​လေးဟာလဲ နင်​နဲ့ငါ့အတွက်​ အမှတ်​တရ ပစ္စည်း​လေးပါ။

သစ်​သားမီးခြစ်​ပိန်​ပိန်​​လေးနဲ့ မီးခြစ်​ခြစ်​​နေရတဲ့ ငါ့အဖြစ်​ကို နင်​ကြည့်​ပြီး လက်​​ဆောင်​​ပေးခဲ့တဲ့ အချစ်​မီးခြစ်​​လေး။ နင့်​အချစ်​က ​ဟောင်းပြီးပျက်​သွား​ပေမယ့်​ နင့်​လက်​​ဆောင်​​လေးက မပျက်​​သေးပါဘူး။ ငါ ငိုင်​​နေမိတာ ဘယ်​​လောက်​ကြာလဲ မ​ပြောတတ်​ဘူး။ ငါ့​ဘေးကကပ်​ပြီး အသံတစ်​ခု ကြားလိုက်​ရတယ်​။ နင့်​ဆီကပါ။ ထိန်းချုပ်​ထားရင်းက ပွင့်​ထွက်​လာတဲ့ အသံမျိုး။

အို..။

နင်​...ငို​နေတယ်​။

ဟုတ်​ပါတယ်​။ ငါမျက်​စိ မမှားပါဘူး​နော်​။ ငါ့နားကြားလည်း မလွဲပါဘူး။ နင်​ငို​နေတာပါ။ ငါ့လက်​ထဲက မီးခြစ်​​လေးကို ​ငေးရင်း နင်​ငို​နေတာပါ။

ငါ့တစ်​ကိုယ်​လုံးဟာ ​မြေကြီးနဲ့ တအား ကပ်​ဖိခံထားရသလိုပဲ။ ငါ ဘာဖြစ်​သွားတာလဲ။ ငါ မယုံတာထင်​တယ်​။ ဟုတ်​တယ်​..ငါမယုံဘူး။ နင်​ငို​နေတာလို့ ငါ ဘယ်​လို ယုံရမှာလဲ။ ​လောကကြီးဟာ ဘာ​တွေဖြစ်​ကုန်​ပြီလဲ။ အို..မယုံပါဘူး..မဖြစ်​နိုင်​ဘူး။

ဒါ​ပေမယ့်​ နင့်​မျက်​ရည်​​တွေဟာ ငါ့ရင်​ကိုလာပြီး အပူ​ပေး​နေတယ်​။ ငါ့နှလုံးသားကို ဆတ်​ဆတ်​ခါ​အောင်​ ဆွဲယမ်း​နေတယ်​။ ကြာရင်​​တော့ ပူလွန်းလို့ ကျွမ်းရချည်​ရဲ့ကွယ်​။ ငါ ဘာလုပ်​ရမှာလဲ ​ပြောပါဦး။ ဆံပင်​ ကပိုကရိုကြားထဲက နင့်​မျက်​နှာ နွမ်းနွမ်း​လေးဟာ ​ဟောဒီကမ္ဘာမှာ အင်​အားအကြီးဆုံးပဲ သိလား..။ တုန်​ယင်​​နေတဲ့ နင့်​နှုတ်​ခမ်းပါး​လေးကို ငါ မကြည့်​ရက်​ဘူး။

"မငိုနဲ့ အချစ်​ရယ်​.." လို့ မျက်​ရည်​သုတ်​​ပေးရင်း ​ချော့ရမလား..။နင့်​မျက်​နှာ​ပေါ်က ဆံနွယ်​စ​တွေကို လက်​နဲ့ အသာအယာ​ဖယ်​ပေး​ရင်း နှစ်​သိမ့်​ရမလား။ နင့်​ ​မေး​စေ့လုံးလုံး​လေးကို လက်​နဲ့ အသာပင့်​တင်​ရင်း နဖူး​လေးကိုပဲ ဖွဖွနမ်းလိုက်​ရမလား။ ငါ့မှာ နင့်​အငိုကို ​ချော့ပိုင်​ခွင့်​​ရောရှိရဲ့လား။

ကြည့်​ရင်း..ကြည့်​ရင်း ငါ့မျက်​စိထဲမှာ ​ဝေဝါးလာတယ်​။ မျက်​လုံးက စိ်ုစွတ်​​လာတယ်​။ နင့်​ကိုယ်​​ပေါ်က အစိမ်းနု​ရောင်​ဟာ ပို​ဖျော့ပြီး ဝါးသွားတယ်​။ အို..ငါ့နှုတ်​ခမ်း​ထောင်းစွန်း​တွေက 

ငါထိန်းလို့မရ​အောင်​ တုန်​လှုပ်​​နေပြီလား။ ​​နောက်​ပြီး..ငါ အသက်​မှ ရှူမိရဲ့လား..။ ငါ့ နှလုံးခုန်​သံ​ရော ရပ်​သွားသလား။

ငါ့ကိုယ်​ငါ သတိရတဲ့ အချိန်​မှာ ငါ နင့်​လက်​ကို ဆုပ်​ကိုင်​ထားမိပြီ။ အို..မဟုတ်​ဘူး..မဟုတ်​ဘူး။ နင်​ကငါ့လက်​ကို ဆုပ်​ထားတာ မဟုတ်​လား။ အို..မသိပါဘူး​လေ။ ဘယ်​သူ့လက်​က ဘယ်​သူ့လက်​ကို ဆုပ်​ထားတာလဲ မသိပါဘူး။ ငါ့​ရှေ့က မြက်​ခင်း​ပေါ်မှာ ဒူးယားစီးကရက်​​လေးရယ်​၊ မီးခြစ်​က​လေးရယ်​.. လွတ်​ကျ​နေကြတယ်​။

မီးခြစ်​​ကလေး ​ပေါ်မှာ ငါး​လေးနှစ်​​ကောင်​ မျက်​နှာချင်းဆိုင်​​နေကြတယ်​။

အို..ဒါ​ပေမယ့်​..သူတို့ တစ်​​ကောင်​နဲ့တစ်​​ကောင်​ ဦးတည်​ရာဘက်​တူရဲ့လား။ ဆန့်​ကျင်​ဘက်​ကို ဦးတည်​​နေကြတယ်​​နော်​။ ကြည့်​ပါဦး..သူတို့က ဦးတည်​ရာမှ မတူဘဲ။ ဒါကို​ရော..နင်​သတိထားမိရဲ့လား။

"နိုင်​"

ငါ့ တစ်​ကိုယ်​လုံး ​လေထဲမှာ ​မြောက်​တက်​သွားသလိုပဲ။ ရင်​ထဲက​တော့ ဟာ​နေတယ်​။ 'နိုင်​...' တဲ့လား။ နင်​ငါ့ကို 'နိုင်​' လို့​ခေါ်​သေးတယ်​​နော်​။ ​ခေါ်နိုင်​စွမ်းရှိ​သေးတယ်​​နော်​။

နင့်​အကြည့်​ကို ငါ နားမလည်​တာ အမှန်​ပါ။ နင့်​မျက်​လုံးက ငါ့ဆီမှာ မဟုတ်​ဘူး ထင်​တယ်​။ ငါ့ကို​တော့ ကြည့်​​နေတယ်​​လေ။ တစ်​မျိုးပဲ။ ငါ့ကို ​ကျော်​ပြီး ​ငေး​နေသလိုပဲ။ နင်​ဘာ​တွေ ​တွေး​နေတာလဲ။ နင်​ဘာကို ​ပြောချင်​​နေတာလဲ၊ တစ်​ချက်​တစ်​ချက်​ ရှိုက်​လိုက်​တဲ့ နင့်​ရှိုက်​သံ​လေး​တွေက ငါ့နှလုံးကိုသာ လာ​ဆောင့်​​နေတယ်​။

"​ပြော​လေ..ငါ နား​ထောင်​​နေပါတယ်​"

နင့်​ နှုတ်​ခမ်း​တွေကို တင်း​နေ​အောင်​ ​စေ့ထားတယ်​။ ​နောက်​ပြီး..နင်​ သက်​ပြင်းချလိုက်​တယ်​ မဟုတ်​လား။

နင့်​ကို ကြည့်​​နေတဲ့ ငါ့အကြည့်​ထဲမှာ ​မျှော်​လင့်​ရိပ်​​တွေ ပါသွားမယ်​လို့ ငါထင်​တယ်​။ င့ါရင်​ထဲမှာရှိတဲ့ တမ်းတမှု ဆန္ဒကို နင်​လည်း နားလည်​ပါလိမ့်​မယ်​။ နင့်​မှာလဲ တွယ်​တာစိတ်​​တွေ ရှိမှာပါ။ ဒါ​ပေမယ့်​ မန္တ​လေးမှာက...။

အို..ငါ့​ခေါင်းက ဘာဖြစ်​လို့ မူးသွားရတာလဲ။ ကြည့်​ပါဦး။ နင်​ဘာလုပ်​တာလဲ။ အခု နင်​ဘာလုပ်​​နေတာလဲ။ နင်​က ဒီလိုပဲလား။ နင့်​ စိတ်​က နီးရာကို ယိမ်းတတ်​သလား။

နင့်​ လက်​ကို လွှတ်​လိုက်​မိတဲ့အတွက်​ ငါ့ကိုခွင့်​လွှတ်​ပါ။ ငါ​ကြောက်​တယ်​ဟာ။

"နိုင်​ရယ်​.."

နင်​ ဘာလို့ ညည်းတာလဲ။ ငါ့ကို​ရော ဘယ်​လို အဓိပ္ပါယ်​နဲ့ ကြည့်​တာလဲ။ နင့်​ကိုငါ သနားတယ်​။ ငါဆိုတဲ့​ကောင်​က နင့်​မျက်​ရည်​တစ်​​ပေါက်​ကို ​ပေါက်​ကွဲတတ်​တဲ့ ဗုံးတစ်​ခုလို ​ကြောက်​တတ်​ခဲ့တဲ့​ကောင်​ မဟုတ်​လား။ ငါ့ရင်​​တွေ အရမ်းခုန်​​နေပြီ။ နင်​​ပြောချင်​တာကို မြန်​မြန်​​ပြောလိုက်​ပါလား။

"ငါ့ကို..ခွင့်​လွှတ်​ပါ"

အို..နင်​ ငါ့ကို ​တောင်းပန်​တယ်​။ ငါနင့်​ကို ဘယ်​တုန်းကမှ အပြစ်​မဆိုခဲ့ပါဘူးဟာ။ ငါအမြဲတမ်း ခွင့်​လွှတ်​ထားတာပဲ။ ​တောင်းပန်​စရာ မလိုပါဘူးဟာ။ ​တောင်းပန်​မယ့်​အစား အ​ကြောင်းစုံကို ငါ့ကို ​ပြောပြရင်​ သိပ်​​ကောင်းမှာ။ ငါ့အ​ပေါ်မှာ အလျင်​လို စိတ်​မျိုး ထားနိုင်​မယ်​လား။

"ဟိုတုန်းကအတွက်​​ရော၊ အခု ငို..ငိုမိတဲ့ အတွက်​​ရော"

"ဟင်​"

ငါ ဘာနားလည်​ရမှာလဲ။ ငါ့ပါးစပ်​က တစ်​ခုခု ​ပြောနိုင်​ရင်​​ကောင်းမယ်​။ ဘာမှ မ​ပြောနိုင်​ဘူး။ ဘာဖြစ်​​နေတာပါလိမ့်​။

"ငါ သွား​တော့မယ်​"

ငါ့ တစ်​ကိုယ်​လုံး ​အေးစက်​သွားတယ်​။ ဟုတ်​မှဟုတ်​ရဲ့လား။ နင်​​ပြောလိုက်​တာမှ ဟုတ်​ရဲ့လား။

"သွား​တော့မယ်​" ဟုတ်​လား။ ဪ..​နောက်​ဆုံး​တော့ တစ်​​ယောက်​တည်းဟာ တစ်​​ယောက်​တည်းပါပဲလား။ နင်​ ငါ့အနားက ထသွားလိုက်​ပြီ ထင်​တယ်​။ ​ဝေးသွားတဲ့ နင့်​​ခြေသံကို ငါကြား​နေရသလိုပဲ။ ဒါ​ပေမယ့်​ သနပ်​ခါးနံ့​လေးက​တော့ ငါ့အနားမှာ ကျန်​ခဲ့ပါ​ရော။ နင့်​ရှိုက်​သံ​လေး​တွေလည်း ငါ့အနားမှာ ကျန်​ခဲ့ပါ​ရော။

လောကကြီးဟာ ရှိသင့်​တာထက်​ ပို​မှောင်​သွားတယ်​။ ငါရင့်​ထဲမှာလည်း ရှိသင့်​တာထက်​ တစ်​ခုခု ပိုလာသလိုပဲ။ အို..မဟုတ်​ပါဘူး။ လိုတာ..။ ရှိသင့်​တာထက်​ တစ်​ခုခုလိုတာ။ နင့်​ကိုငါ ပြန်​လှည့်​ကြည့်​ချင်​တယ်​။ နင်​လဲ ငါ့ကို တစ်​ချက်​ဖြစ်​ဖြစ်​ ပြန်​လှည့်​ကြည့်​မယ်​လို့ ထင်​တယ်​။ အခု​နေ..နင်​ ​ဝေး​ဝေး​ရောက်​ဦးမှာ မဟုတ်​ဘူး။ ငါလှမ်း​ခေါ်မယ်​​လေ။

"မိမွန်​​ရေ.." လို့ ​အော်​လိုက်​မယ်​။ နင်​လဲ ငါ့​ခေါ်သံကို ​စောင့်​​နေမယ်​ မဟုတ်​လား၊ ​ခေါ်သံကြားရင်​ တအားပြန်​​ပြေးလာမှာ​နော်​..

အို..မ​ခေါ်ဘူး..လှည့်​မကြည့်​ဘူး..လှမ်းမ​ခေါ်ဘူး။

လက်​နှစ်​ဖက်​နဲ့ ​ပွေ့ထားတဲ့ ဒူးနှစ်​ခု​ပေါ်မှာ မျက်​နှာကို တအား ​မှောက်​ချလိုက်​တယ်​။ နင့်​ဘက်​ကို မျက်​နှာလှည့်​မိမှာစိုးလို့။ စိုစွတ်​လာတဲ့ မျက်​စိ​တွေကိုလည်း ဇွတ်​မှိတ်​ပစ်​လိုက်​တယ်​။ နင့်​သဏ္ဍာန်​​လေးကိုချည်း မြင်​​နေရမှာစိုးလို့။

အောက်​နှုတ်​ခမ်းကို သွားနဲ့ဖိပြီး ကိုက်​ထားလိုက်​တယ်​။ 'မသွားပါနဲ့' လို့ အကျယ်​ကြီး ​အော်​လိုက်​မိမှာစိုးလို့။ ငါ့ အသံ​တွေကိုလည်း ထိန်းချုပ်​ထားလိုက်​တယ်​။

ကဲ..မ​အော်​ဘူး၊ လှမ်းမ​ခေါ်ဘူး။

တအားကြီး စူးရှပြီး နာကျင်​လာတဲ့ ရင်​ကို​တော့ ဒူးနှစ်​ဖက်​နဲ့ အတင်းဖိထားလိုက်​တယ်​။ သွားပါ.. မိမွန်​ရယ်​၊ ဟို..အ​ဝေးထိ​အောင်​သာ သွားလိုက်​ပါ​တော့။

----------------

ဂျူး

[ သန်းထွန်းလေး-အင်းတဲရွာ ဘလော့ဂ်မှ ကူးယူပါသည်။ဘလော့ဂ်ဂါအား ကျေးဇူးတင်ပါသည်။]