#အဖြုရောင်နှလုံးသား
#မိုးမိုး(အင်းလျား)
သည်နေ့တစ်ရက်ပဲ နားမည်ကြံကာရှိသေးသည် လူနာအသစ်က ရောက်လာပြန်သည်။ပြောမည့်သာပြောရသည် အပြင်သွားသည်ကိုပင် စိတ်ကမဖြောင့် ။ဆေးရုံက လာခေါ်လျင်သေသေချာချာ မေးထားလိုက်ဖို့ လူနာနာမည် အဆောင်အမှတ် စသည် သေသေချာချာ မှတ်ထားလိုက်ဖို့ ဒေါ်ဒေါ့်ကို မှာရသည်။စာရွက်လွတ်နှင့် ခဲတံကိုလည်း စားပွဲပေါ် အသင့်တင်ထားခဲ့ရသည်။ဒေါ်ဒေါ်က နားလေးသည်မို့ လာသည့်လူကို ရေးခိုင်းရန်ပြောရသေးသည်။သို့တိုင်အောင် စိတ်ကမဖြောင့်။
ပြီးခဲ့သည့်လူနာကို ဆယ်ရက်တိတိ စောင့်ပေးလိုက်ရသည်။လူနာက အဖွားကြီး အသက်ငါးဆယ်ကျော်ပြီ။လူကတော့ ဝဝဖြိုးဖြိုး ပစ္စည်းဥစ္စာကလည်း ပြည့်စုံသည်။ဖြစ်သည့်ရောဂါက ထုံးစံအတိုင်း သွေးတိုးရောဂါ။ချေးများလိုက်သည်မှာလည်း မပြောနှင့် ။သူတို့မိသားစုကလည်း အဖြစ်သည်းလိုက်သည်မှာ ဆိုစရာမရှိ။ဆရာဝန် ညွှန်ကြားသည်က တစ်မျိုး သူတို့လုပ်ချင်သည်က တစ်မျိုး။သဘောပေါက်အောင် ပြောပြလို့လည်းမရ။မျက်ရည်ပေါက်ပေါက်ကျအောင် စိတ်ညစ်ညူးရသည်။သည်လိုလူနာမျိုး ဆယ်ရက်စောင့်ရပေလို့သာ။တစ်လလောက်များ စောင့်ရလျင် ကိုယ်ပါ လဲသွားမည်လား မသိ။
မနေ့ကပင် လူနာကို အိမ်အထိလိုက်ပို့လိုက်ရသည်။လူနာရှင်တွေကလည်း အိမ်အထိပြန်လိုက်ပို့ပေးသွားသည်။လက်ဆောင် စားစရာတွေလည်း ပေးသေးသည်။ဖြူကလည်း အတန်တန်ငြင်း၏။ပေးသူကလည်း အတင်းပေးသည်။ကျေှးဇုးတင်လွန်းလို့ပါဟု ဆိုသည်။ကျေးဇူးတင်ဖော်ရသည့်အတွက် ပြန်၍ကျေးဇူးတင်မိရ၏။သူတို့ပြန်သွားတော့ စိတ်ထဲမှာပေါ့ပါး လွတ်လပ်သွားကာ ခြေပစ်လက်ပစ်အိပ်လိုက်မိသည်။သူ ပင်ပန်းနေသည်မို့ လူနာလာလျင် သူ့နာမည်ကို မပေးဘဲ တစ်ရက်နှစ်ရက်ချန်ထားရန် ဆေးရုံမှာ မှာခဲ့သည်။စိတ်ရောလူပါ အနားယူပစ်လိုက်သည်။
သည်နေ့မနက် အိပ်ယာမှ လန်းဆန်းစွာ နိုးလာ၏၊။နေမြင့်အောင် အိပ်လိုက်ရသည့်အတွက် စိတ်ကျေနပ်မှုတစ်မျိုးရရှိကာ အားပြန်ပြည့်လာသလို ခံစားလိုက်ရသည်။ပြီးတော့ တွင်းရေကို တဝကြီးချိုးပစ်သည်။ဖြူတို့ဘက်မှာ တွင်းရေကိုသာ အားထားရသည်။ဆေးရုံက ပိုးသတ်ဆေးနံ့သင်းသော ရေကိုထိတွေ့ရဖန်များသဖြင့် တွင်းရေအေးအေးလေးကို ဖြူပိုနှစ်သက်သည်။မိုးတွင်းဆိုလျင် မိုးရေချိုးရသဖြင့် တစ်မျိုးလန်းဆန်းပြန်၏။ဖြူတို့အိမ်လေးကလည်း နှစ်သက်စဖွယ် ။ခြံဝင်းကျယ်ကျယ်မှာ သစ်ပင်တွေစုံအောင်စိုက်ထားသည်။အိမ်ကတော့ တဲသာသာလေး။အပါးရှိတုန်းက စိုက်ထားသည့် အပင်တွေ ဆိုပါတော့။အပါးဆုံးတာ ငါးနှစ်ပြည့်တော့မည်။အပါးမရှိကတည်းက အမိုးသည်အိမ်မှာ သိပ်မနေ။နယ်လှည့်အမှုထမ်းနေသော အစ်ကို့နောက်ကိုသာ တကောက်ကောက်လိုက်နေ၏။ဖြူကိုတော့ အပါး၏ညီမ ဒေါ်ဒေါ်နှင့် စိတ်ချစွာ ထားရစ်ခဲ့သည်။အမိုးက ကရင်အမျိူးသမီးဖြစ်သော်လည်း အပါးက မြန်မာလူမျိုးဖြစ်သည်။သို့သော်လည်း အမိုးနှင့်လိုက်အောင် အပါးကို အပါးဟုပဲ ခေါ်ဖြစ်ခဲ့သည်။ယခုအပါးမရှိတော့သော်လည်း အပျိုကြီးဖြစ်သူ ဒေါ်ဒေါ်သည် အမိုးနှင့် အတူ ဆိုးတူကောင်းဖတ်နေလာခဲ့သည်။အမိုးသည် စိတ်ထက်သော်လည်း စေတနာကောင်း၏။ဒေါ်ဒေါ်သည် အေးဆေးပြီး ရိုး အ လှသည်။သည်သမီးယောက်မကြား မည်သည့်ပြဿနာမှ မရှိခဲ့။သူတို့မိသားစုမှာ ဆိုးချင်ပေချင်သည်က အစ်ကိုသာပဲ ဖြစ်သည်။ဘာမဆို စိတ်မြန်လက်မြန် လုပ်တတ်၏။ပတ်ဝန်းကျင်နှင့် လိုက်လျောညီထွေအောင် မနေချင်။သူမှန်သည်ထင်ရာကို သူစွပ်လုပ်တတ်၏။ထို့ကြောင့် အမိုးက သူ့သားကို နည်းနည်းလေးမှ စိတ်မချ။နောက်က တကောက်ကောက်လိုက်ထိန်းနေတက်သည်။လိုက်ထိန်းသည် ဆိုသည့်တိုင် သားဘက်ကမှန်သည်ထင်လျင် အမိုးကပါ သားဘက်က ရပ်တည်လေ၏။လိုက်လည်းလိုက်သည့် သားအမိ။
ဖြူသည် အစ်ကိုနှင့် အမိုးအကြောင်းစဉ်းစားမ်ိရာမှ မောင့်ကိုလည်း သတိရမိပြန်သည်။မောင့်ကို အမိုးကရော အစ်ကိုကပါ သဘောကျသည် မဟုတ်ချေ.။မောင်နှင့်ဖြူတို့မိသားစုက အခြေခံချင်းမတူ။ပေါင်းစည်း၍ မဖြစ်ဟု အမိုးတို့က ယူဆ၏။ဘာသာချင်းမတူတာကို ထားဦး။မောင်၏နူးညံ့ပျော့ပျောင်းဟန်နှင့် ပြည့်ဝချမ်းသာခြင်းကပင် ဖြူတို့ဘဝနှင့် ကွာခြားနေ၏။ဖြူတို့မိသားစုက ဘဝကိုကျရာမှနေ၍ မတုန်မလှုပ်ရင်ဆိုင်တက်သည့် နေရာတွင် အသွင်တူကြလေသည်။
လွန်ခဲ့သည့် တနင်္ဂနွေနှစ်နေ့လုံး လူနာစောင့်ခဲ့ရသဖြင့် မောင်နှင့်မတွေ့ခဲ့ရချေ။သည်တနင်္ဂနွေမှာ နားခွင့်ရလိမ့်မည်ဟု မျှော်လင့်ခဲ့သော်လည်း မနားရပြန်။မနက်ကတော့ မောင်နှင့်တွေ့စဉ်ကတော့ မတင်မကျ ပြောဖြစ်ခဲ့သည်။မိန်းခလေးသိက္ခာကို ရှည်ရှည်ဝေးဝေး မတွေးနိုင်ဘဲ မောင့်ရုံးကို သွားတွေ့ခဲ့ရသည်။အားပြည့်လန်းဆန်းသော အပြုံးမျက်နှာဖြင့် မောင့်ဆီရောက်ခဲ့၏။ဆေးရုံနှင့်ကင်း၍ စက္ကူနံ့လှိုင်နေသော မောင့်ရှေ့ကစားပွဲမှာ ထိုင်ရသည်က ကြောင်စီစီတော့နိုင်သား။စာရေးမလေးတွေက သိပြီးသားဖြစ်နေသော်လည်း မသိမသာ ချောင်းကြည့်ကြသေးသည်။မောင်က ခဏကလေးစောင့်နေနော် ဖြူဟုဆိုကာ သူ့စားပွဲပေါ်မှ စာရွက်တစ်ထပ်ကြီးကို ဖတ်မကြည့်ဘဲ လက်မှတ်ထိုးနေ၏။ကောင်လေးတစ်ယောက် လက်ဖက်ရည်တစ်ခွက် လာချပေးသည်။ဖြူ သောက်နော်ဟု မောင်က ပြော၏။ဖြူ မသောက်ချင်တော့ဘူး ပြီးတော့မှ မောင်နဲ့အောက်ဆင်းပြီး တစ်ခုခုစားရအောင်၊ ဖြူ ကြွေးပါ့မယ်ဟု ပြောလိုက်၏။ဖြူက ဝင်ငွေကောင်းနေတာကိုး ဟု မောင်ကပြောပြီး သူ့အလုပ်တွေကို ဆက်လုပ်နေလေသည်။
ရုံးနှင့်နီးသော နန်းယုစားသောက်ဆိုင်မှာ ထိုင်ဖြစ်ကြသည်။လုံချည်ပြာပြာ အကျီ င်္ဖြုဖြုနှင့် မဟုတ်ဘဲ ပန်းရောင်အင်္ကျီဖျော့ဖျော့ အနက်ရောင်စပ်ထားသော ကရင်လုံချည်စင်းလေးနှင့် ဖြု့ကိုမောင်က ရွှန်းရွှန်းစားစားကြည့်၏။ခေါင်းပေါ်မှာ ကက်ပ်အဖြူကလေး ဆောင်းမထားသဖြင့် ဖြူ့မျက်နှာက ရှင်းနေသည်။ကက်ပ်လေးဆောင်းထားမှ ဖြူကပိုလှတာဟု မောင်ကပြောဖူးလေသည်။
“ စားလေ ဖြူ ၊ မောင်ကစောစောလေးတင်ပဲ ထမင်းစားထားလို့ ၊ ဖြူ လာမယ်မှန်းမှ မသိတာ ”
“ အစောကြီး ရှိသေးတယ် ထမင်းစားပြီးနေပြီလား ”
“ မဆာသေးပါဘုး သူများတွေ စားနေတာတွေ့တာနဲ့ ဝင်စားလိုက်တာ ”
“ စာရေးမလေးတွေက အတင်းခေါ်ကြွေးလို့ ဆိုပါတော့ ”
မောင်က ရယ်မော၏။
“ ဖြုက သဝန်တိုတက်သားပဲ ၊ သဝန်တိုတက်ရင် စာလည်း စာနာတက်ရမယ် ”
ဖြူ ခေါင်းကို ငုံ့လိုက်မိလေသည်.။
“ သဝန်တိုလို့ ပြောတာမဟုတ်ပါဘူး မောင်ရယ် ၊ ဖြူက မောင့်ကို အချိန်မပေးနိုင်ဘူးမဟုတ်လား ၊ အဲ့ဒါ စိတ်မကောင်းလို့ပါ ”
“ ဟော ကြည့် ၊ ဖြူ စကားလွှဲပစ်လိုက်ပြီ ”
“ မဟုတ်ရပါဘူး မောင်ရယ် ၊ ဖြူ့ဘဝကို မောင်နားလည်အောင်လို့ပါ ”
“ ကဲပါ ဖြူရယ် နှစ်ယောက်အတူတူ စားကြမယ် ”
ဖြူနှင့် မောင်တို့ကြားတွင် ပြဿနာကြီးကြီးကျယ်ကျယ် မရှိဘူးဆိုသည့်တိုင် ရင်တွင်းခံစားချက်လေးတွေကတော့ အသီးသီးရှိခဲ့ကြသည်သာ။မောင်ကဖြု့အလုပ်နှင့် ပတ်သက်၍ သဘောမကျနိုင်သည်ကို ဖြူ နားမလည်။ဖြူတို့အလုပ်ကို စေတနာဟု မောင်မမြင်ဘဲ စိတ်မချစရာ အဖြစ်သာ မောင်မြင်သည်။လုနာကို သဒ္ဓါကြည်ဖြူစွာ ဆက်ဆံရခြင်းသည် မိန်းကလေးတို့၏ ဣနြေ္ဒသိက္ခာကို ထိခိုက်စေပါသလား။မောင်နှင့်ဖြူတို့ စတင်တွေ့ဆုံခဲ့သည့် အဖြစ်ကပင် ဖြု့အပေါ် အထင်သေးစရာ ဖြစ်ခဲ့ရသေးလား မသိ။
“ စားလေ ဖြူ ၊ ဘာတွေစဉ်းစားနေတာလဲ ”
မောင်နှင့်တွေ့မှ အားရပါးရစားမည်ဟု တွေးကာ ဘာမျှမစားဘဲ နေခဲ့သော ဝမ်းသည် အလိုလိုပြည့်သွားလေသည်။
“ ဒီ တနင်္ဂနွေတော့ မောင်တို့ ရုပ်ရှင်ကြည့်နိုင်မှာပါနော် ”
ဖြူသည် မောင့်ကိုသာ မဝံ့မရဲ မော်ကြည့်မိလေသည်။
“ ဖြူ မနေ့က အော့ဖ်ရတယ်မောင် ၊ တစ်ရက်နှစ်ရက်တော့ နားဦးမယ်လို့ မှာခဲ့တာပဲ ၊ ဒီနေ့မှ ကြာသပတေးနေ့ဆိုတော့ ပြောတော့မပြောနိုင်ဘူး မောင် ”
မောင်က သက်ပြင်းကို မသိမသာချ၏။ဖြူကလည်း ခိုး၍ရှိုက်လိုက်မိသည်။ဖြူတို့နှစ်ယောက် ဆိုင်ထဲမှပြန်ထွက်လာတော့ မှာထားသော အစားအစာတွေ သည်အတိုင်းကျန်ရစ်လေသည်။
“ ဖြူ့ ကို မောင် ဘယ်အထိ လိုက်ပို့ရမလဲ ဟင် ”
“ နေပါစေ မောင် လိုက်မပို့နဲ့တော့ ဖြူ ဈေးဝင်ဦးမှာ”
“ စနေနေ့အထိ ဖြူအားနေမယ် ဆိုရင်တော့ ရုံးဆင်းရင် မောင် ဖြူတို့အိမ် လာခဲ့မယ် ”
ဖြူက ခေါင်းကို ညိတ်လိုက်သည်။
ပြီးတော့ တစ်ဖက်သို့ ခြေလှမ်းပြင်ပြီးကာမှ မောင့်ဘက်ကို ပြန်လှည့်မိလေသည်။
“ နေဦး မောင် ”
မောင်က ရပ်စောင့်နေ၏။
“ တကယ်လို့များ ဖြူ ဂျူတီပြန်ဝင်နေရရင် မောင့်ကို ဖုန်းဆက်လိုက်မယ်နော်”
မောင်သည် ခေါင်းငိုက်စိုက်ချ၍ ပြန်လှည့်သွားလေသည်။
ဈေးထဲမှာ လှည့်၍မိန်းမအသုံးအဆောင်လေးတွေ လိုက်ဝယ်နေမိသော်လည်း စိတ်မဖြောင့် ၊ မောင့်ဆီကိုလည်း အတွေးကရောက်သည်။အိမ်ကိုလည်း စိတ်မချ။လူနာရှင်တစ်ဦးဦးများ ရောက်နေလေမလား။ဒေါ်ဒေါ်နဲ့စကားပြောလို့ အဆင်ပြေပါ့မလား ။ဖြူ ဘယ်လောက်ပင် နားချင်သည်ဆိုဆို အရေးကြီးသည့် လူနာတစ်ဦးရောက်လာလို့ ဆရာမငှားချင်သည်ဆိုလျင် ဝါ့ဒ်ထဲက ဆရာမတွေက ဖြူ အား မအား အရင်ကြည့်ကြသည်။ဖြူ အားနေလျှင် ဖြူ့ဆီသို့ပင် လွှတ်လိုက်ကြသည်သာဖြစ်၏။ဖြူနှင့်ဆိုလျင် လုပ်ရကိုင်ရတာ အဆင်ပြေသည်တဲ့။ဖြူက လူလွတ်ဆိုတော့ အချိန်ကိုလည်း လေးစားသည်။လူနာကိုလည်း ဂရုစိုက်နိုင်သည်။သက်ဆိုင်ရာ ဆရာဝန်တွေ ညွှန်ကြားသည့်အတိုင်းလည်း စေ့စေ့စပ်စပ်လုပ်သည်။ဖြူ့ စေတနာကို အားလုံးနားလည်ကြသည်။သို့သော် မောင်ကတော့ ဖြူသည် ငွေကြေးအတွက် မနားမနေ ရှာဖွေလုပ်ကိုင် နေသည်ဟုသာ ထင်နေဆဲတည်း။အင်းလေ ဖြူ့ဘဝကိုမှ မောင်နားမလည်ဘဲ။
အိမ်ပြန်ရောက်တော့ ဖြူ ထင်သည့်အတိုင်းပင် ။ စားပွဲပေါ်မှ စာရွက်ကို ဒေါ်ဒေါ်က လက်ညှိုးထိုးပြသည်။ဖြူ ရင်မောသွားသည်။သည်အတိုင်းဆိုလျင် သည်တနင်္ဂနွေလည်း မောင်နှင့်လွဲရပေဦးမည်။
“ ဘယ်နေ့လာရမယ်လို့ ပြောသွားလဲ ဒေါ်ဒေါ်”
“အဲ့ဒီစာရွက်ထဲမှာ ရေးခိုင်းထားတယ်လေ၊နာမည်ရော အခန်းရော”
“ဘယ်နေ့လဲလို့မေးတာ ဒေါ်ဒေါ်ရဲ့ ၊ ဒီနေ့လား နက်ဖြန်လား”
ဖြူက အသံမြှင့်ပြီး ပြောလိုက်ရသည်။တစ်ခါတစ်ရံ ခွဲစိတ်ခန်းဝင်မည့် လူနာတွေက နေ့ချင်းလာခေါ်တက်သည်။
“ အော် အေးအေး စောစောပြန်ရောက်ရင်လည်း ဒီနေ့ လာခဲ့ပါတဲ့ ၊ နောက်ကျရင်တော့ နက်ဖြန်မှ လာပါတဲ့၊ မနက်ဖြန်ပဲ သွားတော့ပေါ့”
ဖြူသည် မောမောနှင့် ကုလားထိုင်ပေါ် ခြေပစ်လက်ပစ် ထိုင်ချလိုက်၏။
“ဘာဟင်းချက်ထားလဲ ဒေါ်ဒေါ်”
“ဟေ ဆီးချိုရောဂါ ဆိုလားပဲကွယ်’
ဖြူသည် စိတ်မောလွန်းသဖြင့် ဘာမှ ထပ်မမေးဖြစ်တော့ပေ.။စားပွဲပေါ်မှ စာရွက်လေးကိုသာ ငေး၍ကြည့်နေမိသည်။ထိုစာရွက်ကလေးတစ်ခုသည် တစ်ချိန်က ဖြူနှင့်မောင့်ကို တွေ့ဆုံစေခဲ့သည် မဟုတ်ပါလား။
*************
“ဆရာမလေးက အငယ်လေး ရှိသေးတာကိုး”
သည်တုန်းက မောင့်ကို မမြင်ဖူးသေး။မောင့်မိခင်ကို မြင်မြင်ချင်း တော်တော် ရုပ်ရည်သန့်ပြန့်သည့် မိန်းမကြီးပဲဟု စိတ်တွင်းမှ ချီးကျူးလိုက်မိ၏။အဝတ်အစားကလည်း သပ်ရပ်သန့်ရှင်းသည်။မျက်နှာကလည်း ချိုသည်။စိတ်ကတော့ အမိုးတို့လိုပင် ထက်မြတ်ပုံရ၏။ဖြူသည် ပထမဆုံး လူနာအမျိုးသမီးကြီး၏ လက်ကိုဆုပ်ကိုင် လိုက်မိသည်။
“ဒေါ်ဒေါ်နာမည် ဒေါ်မေအောင်နော်”
ဖြူက မိတ်ဆက်သည့်အနေဖြင့် မေးလိုက်ခြင်း ဖြစ်၏။လူနာအမည် ရောဂါအမျိုးအစား စသည်တို့ကို လူနာမှတ်တမ်းထဲတွင် တွေ့ပြီးဖြစ်သည်။ဖြူက သင်တန်းပြီးစ အလုပ်ခန့်စာမရမီ ဝင်လုပ်ရသည်မို့ စိတ်က အနည်းငယ် ရှက်ရွံ့နေသေးသည်။သို့သော် ချက်ချင်းပင် မိမိကိုယ်ကို အားပေးလိုက်ရသည်။သူ့ကိုယ်သူ အားပေးသည့်အနေဖြင့်ပါ ပြုံးပြလိုက်ရသည်။
“ဘုရား သကြား မ တာပါပဲကွယ် ၊ အန်တီကလေ သဘောကောင်းတဲ့ ဆရာမလေး ရပါစေလို့ ဘုရားမှာ ဆုတောင်းနေတာ ၊ ဆရာမလေးက စိတ်ထားဖြူစင်ပုံရပါရဲ့၊ အင်း စိတ်ချမ်းသာလိုက်တာ၊ ဆရာမလေး ကျန်းမာပါစေ ၊ ချမ်းသာပါစေ၊ ဒါထက်နေပါဦး ၊ သမီးနာမည်က ဘယ်သူကွယ့်”
“နော်လေးဖြူပါ အန်တီ”
“အော် ဆရာမလေးက ကရင်လား ၊ ရုပ်ကတော့ မြန်မာရုပ်ကလေးနော် ၊ မြန်မာလိုဆိုရင် မလေးဖြူပေါ့၊နာမည်လေးက လှလိုက်တာ”
“ဖြူ့ အဖေက မြန်မာပါပဲ၊ဖြူတို့ တစ်အိမ်သားလုံး မြန်မာဆန်ကြပါတယ်၊အိမ်မှာ မြန်မာဘုရားလည်း ရှိတယ်၊ဖြူ့ ဒေါ်ဒေါ်က ဘုရားတရား သိပ်ကြည်ညိုတာ”
“ဪ ဪ ကောင်းတာပေါ့ကွယ် ၊ အင်း ကျွတ် ကျွတ် ဗိုက်ထဲက အောင့်လိုက်တာကွယ်၊အန်တီလေ ဒီအသက်အရွယ်အထိ ဘာရောဂါမှ မရှိခဲ့ပါဘူး၊ခုမှ ဟိုနားကအောင့် ဒီနားကအောင့်နဲ့ မြန်မာလိုတော့ လေပေါ့ကွယ်၊မဟုတ်ဘူးလား”
“ ဪ အင်း ဟုတ်ကဲ့ အန်တီ ၊ ခဏနေဦးနော် ၊ဖြူ ရုံးခန်းထဲမှာ လက်မှတ်သွားထိုးလိုက်ဦးမယ်”
ဖြူသည် လူနာကို အလိုက်အထိုက် စကားပြောတက်ရန် အတော်ကြိုးစားရဦးမည်ဟု တွေးလိုက်မိသည်။
သင်တန်းကာလ တစ်လျှောက်လုံးတွင် လူအမျိုးမျိူးနှင့် ဆက်ဆံခဲ့ဖူးပြီး ဖြစ်သော်လည်း ယခုလို နဖူးတွေ့ ဒူးတွေ့ အလုပ်ခွင် ဝင်သောအခါ စိတ်က ပူပန်ကြောင့်ကြမိသည်ကတော့ အမှန်ပင်။တကယ်တော့ ဖြူသည် ယခုလို စပါယ်ရှယ်နပ်စ် ဝင်မလုပ်ဘဲ တာဝန်ကျမည့် အလုပ်ကို စောင့်ဆိုင်းပြီး အနားယူနေမည်ဆိုရင်တော့ ရပါ၏။သို့သော် ဖြူ အလကား မနေချင်။သင်တန်းကာလ တစ်လျှောက်လုံး ချို့ချို့တဲ့တဲ့ဖြင့် ခြိုးခြံချွေတာနေခဲ့ရသော အမိုးတို့ ဒေါ်ဒေါ်တို့ကို အေးဆေးသက်သာ အနားယူစေချင်ပြီ။အမိုးသည် ခြံထဲတွင် မြေကြီးနှင့် လက် မပြတ်အောင် အလုပ်လုပ်ခဲ့ရပြီးပြီ။ယခု ခြံကို ပစ်ကာ သူ့သားကြီးနောက်ကို လိုက်နေနိုင်ပြီ ဖြစ်၍ စိတ်ချမ်းသာ၏။ဖြူ့ အလှည့်ပေပဲ။
“ဆရာမရယ် ဆီးတွေ ဝမ်းတွေ စစ်ရဦးမယ်ဆိုတော့ အင်း ၊ အန်တီကလည်း ရွံတက်တာနဲ့တော့ ဒုက္ခပါပဲကွယ် ၊ လူရှေ့သူရှေ့မှာလည်း ဆီး ဝမ်း မသွားတက်ဘူးကွယ့်”
“ဒီလိုဆိုလည်း အိမ်သာထဲထိ ကျွန်မတွဲခေါ် သွားပါ့မယ်”
“အို ဆေးရုံက အိမ်သာတွေက ရွံလှသကွယ်”
အင်း သဘောကောင်းသလိုလိုနှင့် အတော်ကြေးများသည့် မိန်းမကြီးပါလားဟု အောက်မေ့လိုက်မိလေ၏။ထူထူထောင်ထောင် ရှိပါသေးလျက် ချေးကိစ္စ သေးကိစ္စပါ ကရိကထ ခံရဦးမည်ဆိုတော့ မလွယ်။သို့သော် တက်နိုင်ပါဘူးကွယ်။
“ကုတင်ဘေးမှာ လိုက်ကာ ကာထားမှာပဲ အန်တီ ၊ ရှက်စရာတော့ မရှိပါဘူး ဟင်း ဟင်း”
“အင်းလေ ဆေးရုံရောက်မှပဲ ဖြစ်သလိုပေါ့ ၊ အန်တီက ဆေးရုံမတက်ချင်ပါဘူးကွယ် ၊ သားက အတင်းတက်ခိုင်းလို့ ၊ မြန်မာဆေးနဲ့ ကုလည်းရတာကိုး”
“ဆေးရုံမှာဆိုတော့ လူလည်းအနားရတာပေါ့ အန်တီ”
“အင်း အင်း ၊ အဲ့ဒါတော့ ဟုတ်တယ် ၊ အိမ်မှာဆိုတော့ စိတ်ကနားတောင် လူကမနားရပါဘူးကွယ် ၊ အိမ်က ကောင်မလေးတွေကလည်း အန်တီက စိတ်တိုင်းကျတာ မဟုတ်ဘူး ၊ ပြီး သား အတွက်လည်း တာဝန်က အကြီးသားကွယ့် ၊ သားကလေ လူကသာ ရုံးမှာ အရာရှိကြီးဖြစ်နေပေမယ့် မအေကိုတော့ ဆိုးချင် နွဲ့ချင်တုန်းကွဲ့ ဟဲ ဟဲ ၊ တစ်ယောက်တည်း မဟုတ်လားကွယ် ၊ ဖအေကလည်း မရှိ”
“ဟုတ်တာပေါ့ အန်တီ”
သည်တုန်းကတော့ ယခုပြောနေသည့် သူ့အကြောင်းသည် ဖြူ့ချစ်သူဖြစ်လာမည့် မောင့်အကြောင်းဟူ၍ မထင်မှတ်ခဲ့သေး။လုနာကို အလိုက်အထိုက်ပြန်ပြောရင်း ၊ အဖျားတိုင်းရင်း ၊ ရေပတ်တိုက်ရင်း ၊ နားထောင်ရသော လူနာအလိုကို လိုက်၍ စိတ်ဝင်စားဟန်ဆောင်ရသော အကြောင်းအရာတွေသာ ဖြစ်ခဲ့ရလေသည်။
“လာရင် တွေ့ပါလိမ့်မယ် မအေကို အရမ်းဂရုစိုက်တဲ့ကောင် ၊ အင်းလေ သူကလေး သုံးနှစ်သားအရွယ် ကတည်းက ဖအေဆုံးသွားတာကိုး”
“အို ဟုတ်လား”
ဖြူသည် ဖခင်မဲ့သူချင်းမို့ စာနာလိုက်မိ၏။ဖြူကတော့ အရွယ်ရောက်မှ ဖခင်ကို ဆုံးရှုံးခဲ့ရသဖြင့် သူ့ထက်စာလျင် ကံကောင်းသေးသည်ဟုလည်း အောက်မေ့လိုက်မိသည်။
“အန်တီကတော့လေ သားလေးမျက်နှာမငယ်ရအောင် ထားခဲ့ပါတယ်၊အန်တီတို့ မိဘတွေက နည်းနည်းပါးပါးရှိတော့ တော်သေးတာပေါ့ကွယ် ၊အဲဒါလေးနဲ့တင် ရင်းနှီးပြီး အတိုးအရင်း ချစားလာခဲ့တာ၊အန်တီ့မိဘတွေက မန္တလေးကလေ ၊ ဟိုမှာလဲ ပွဲရုံတွေ ကျန်ခဲ့တော့ တစ်ခါတစ်ခါ သွားပြီး ကြပ်မတ်ပေးရသေးတယ်၊ခရီး ခဏ ခဏ ထွက်ရတော့လည်း အအိပ်မမှန် အစားမမှန်ပေါ့ကွယ်၊အင်း လောဘ လောဘ”
အဒေါ်ကြီးက ညည်းညူလိုက်သော်လည်း ဖြူသည် မြေကြီးထဲတွင် ကြက်ယက်သလို ယက်၍ အစာရှာခဲ့ရသော အမိုးဘဝကို တွေးမိကာ စာနာလိုက်မိ၏။အပါးဆုံးတော့ အမိုးတွင် အင်းစိန်မှ အိမ်လေးတစ်လုံးသာ ကျန်ခဲ့သည်။ပညာဆုံးခန်း မတိုင်သေးသော သားတစ်ယောက် သမီးတစ်ယောက် ၊ ရိုးအလှသော ယောက်မတစ်ယောက်နှင့် အမိုးသည် ကိုယ်တိုင်ဦးဆောင်ကာ အပင်ပန်းခံခဲ့ရသည်။
“ဒါထက် ဆရာမလေးရယ် အိမ်က ထမင်းလာပို့ရင် ငါးသလောက်လေး ပေါင်းလာခဲ့ဖို့ အန်တီမှာထားခဲ့တယ်၊အဲဒါ စားလို့ ဖြစ်ပါ့မလား ၊ သားမသိအောင် မှာခဲ့ရတာလေ၊ အန်တီကလည်း ငါးသလောက်ပေါင်းက ကြိုက်ပါဘိသနဲ့”
“ဪ အင်း ၊ စားပေါ့ အန်တီ ၊နည်းနည်းပါးပါး စားပေါ့”
ဖြူသည် သူတစ်ပါးအကြောင်းကို နားထောင်ရမှာ ငြီးငွေ့လှသော်လည်း စိတ်ဝင်စားဟန်ဆောင်ကာ နားထောင်ရင်း ဆရာဝန်ကြီးလှည့်လာမည့် အချိန်ကို မျှော်နေမိလေသည်။
လူနာ အဒေါ်ကြီး၏ ‘သားကလေ’ ဟူသော အသံကို မကြားတစ်ချက် ကြားတစ်ချက် ဖြစ်၍လာလေသည်။
************
“မေမေက ဆရာမချောချောလေး ရထားလို့ ပျော်နေတယ်ပေါ့လေ”
“ဟောကြည့် ဆရာမရေ သားကို မုန့်သာဝယ်ကြွေးလိုက်ပေတော့”
ဖြူသည် အလိုက်သင့်လေးပြုံးကာ သူ့မျက်နှာကို မသိမသာ လှမ်းကြည့်မိ၏။သူ့အမေ အပြောအရ မအေကို ကပ်ချွဲတတ်သည့် ပျော့ပျော့နွဲ့နွဲ့ယောက်ျားတစ်ယောက်သာ ဖြစ်လိမ့်မည်ဟု ထင်ထားသော်လည်း ဖော်ရွေလေးနက်သော မျက်နှာမျိုးကိုမြင်ရသဖြင့် မဆိုးပါဘူးဟု မှတ်ချက်ချလိုက်မိသည်။
“ဆရာမလေးက သဘောလည်းကောင်းတယ် သားရဲ့ ၊ အင်း ဟုတ်တော့ ဟုတ်တယ် ၊ ဆေးရုံရောက်တော့ အနားယူရတာနဲ့တင် အားရှိလာသလိုပါပဲ၊မနက်ကလည်း ထမင်းစားကောင်းလိုက်တာ ၊ငါးသလောက်ပေါင်းနဲ့ အဲ့့့့ ”
“ဟော ကြည့် အမေတို့တော့ လုပ်ပြီ ၊ ဆရာမ မေ့မေ့ကို အလိုမလိုက်ပါနဲ့၊ မေမေကတော့ အစားအသောက် မဆင်ခြင်ဘူး၊ သူကြိုက်တာဆို အတိုင်းအဆမရှိ အရမ်းစားပစ်တာ”
ဖြူသည် အလိုက်သင့်ပင် ပြုံး၍နေလိုက်ရ၏။ဪ ငွေကြေးပြည့်စုံသူများကျတော့လည်း ရောဂါကို ရှဖွေမွေးမြူကြသည်ပဲ ။ အမိုးတို့လို အလုပ်ကြမ်းလုပ်ပြီး ငါးပိရည်နှင့် တင်းတိမ်ရသူများမှာတော့ ကျန်းမာလိုက်သည့် ဖြစ်ခြင်း ၊ ဖြူသည် လူနာနှင့် ဧည့်သည်တွေကို ထားခဲ့ကာ နေရာမှ ခေတ္တရှောင်ထွက်လာခဲ့၏။ဧည့်သည်ချိန်ကုန်မှ ပြန်လာသည်။လူနာ၏ သားဖြစ်သူသည် နေရာမှထရန် ဟန်ပြင်ဆဲ ရှိသေးသည်။
“ကျွန်တော်တို့ ပြန်လိုက်ပါဦးမယ် ဆရာမ မလေးဖြူ”
“ဪ ဟုတ်ကဲ့ရှင် ဟုတ်ကဲ့”
“ဆရာမ မနက်ဘက်လာရတာ အဝေးကြီးပဲနော် ၊ အဆင်ပြေရဲ့လား”
“အဆင်ပြေပါတယ်ရှင်”
“ဘက်စ်ကားစီးရတာ ခရီးထောက်နေမယ်ဆိုရင် ကျွန်တော်လာကြိုပေးပါမယ်”
“ကိစ္စမရှိပါဘူးရှင် ကျွန်မအိမ်ကို သိလို့လား”
“ဟိုနေ့က ကျွန်တော်လာခေါ်တာလေ ဆရာမ မရှိဘူး”
“ဪ ဪ ၊ အိမ်ဝေးပေမယ့် ကျွန်မအချိန်မီရောက်အောင် လာနိုင်ပါတယ်”
ဖြူ့အသံတွင် မာနသံ ပါသွားလေသလားမသိ။
“ကျွန်တော်က ဆရာမ ပင်ပန်းနေမှာစိုးလို့ပါ ခင်ဗျာ”
သားဖြစ်သူ၏ စေတနာပိုမှိုအတွက် မိခင်ဖြစ်သူကပင် မျက်နှာထား အနည်းငယ်ပြောင်းသွားသည်။
“ကိစ္စမရှိပါဘူးရှင် ဒါ ကျွန်မရဲ့ အလုပ်ပဲ မဟုတ်လား”
“သားကတော့ ဒီလိုပဲကွဲ့ ၊ ဘယ်သူမဆို စေတနာက အင်မတန်ကောင်းတာ ၊ကူညီချင်တယ်လေ ၊ ဟင်း ဟင်း ဘယ်သူ့မဆိုပါပဲ”
“ကျေးဇူးတင်ပါတယ်ရှင်”
ဪ လူတွေရဲ့ စိတ်သဘောထားတွေကိုပါ သိနိုင်အောင် ဖြူ အများကြီး ကြိုးစားရဦးမှာပါလားဟု အောက်မေ့ခဲ့မိလေ၏။
နောက်တော့လည်း မောင်သည် သူ့မိခင်ဆီကို ညနေတိုင်း မှန်မှန်ရောက်ရှိခဲ့သည်။မောင့်မေမေ ရောဂါကလည်း အစာအိမ်ရောဂါ ဖြစ်ကာစမို့ မခွဲမစိတ်ရဘဲ ဆေးရုံမှ ဆင်းရသည်။ဖြူသည် ပထမဆုံးစောင့်ရသည့်လူနာ ကျန်းမာစွာဖြင့် ဆေးရုံမှ ဆင်းသွားသဖြင့် ပျော်သွားခဲ့သည်။
“အိမ်ရောက်ရင်တော့ အစားအသောက် အနေအထိုင်ဆင်ခြင်နော် အန်တီ”
“အေးပါ ဆရာမလေးရယ် ၊ ခုလို ဂရုတစိုက်ပြုစုပေးတာ ကျေးဇူးတင်ပါတယ်ကွယ်”
ဖြူသည် လူနာအတွက် ပစ္စည်း ပစ္စယများကို သေသေချာချာ သိမ်းဆည်း ထုပ်ပိုးပေး၏။
အိမ်မှ အကြိုရောက်လာသောအခါ အားလုံးအဆင်သင့် ဖြစ်နေလေပြီ။
“ကဲ ဒီတစ်ခါတော့ ဆရာမပါ တစ်ခါတည်းလိုက်ခဲ့၊ ကျွန်တော်အိမ်အထိ လိုက်ပို့ပေးမယ်လာပါဗျာ”
“လာပါ ဆရာမရယ် အန်တီတို့အိမ်လည်း ဝင်လည်ပါဦး၊လိုက်ခဲ့ပါ ဆရာမရဲ့”
သည်တစ်ခါတော့ အားနာသဖြင့် လိုက်ခဲ့မိသည်။နောက်တော့လည်း သည်လူတွေနှင့်တွေ့ရတော့မည် မဟုတ်ပါပဲ။အိမ်မြန်မြန်ပြန်ရောက်လျင် နားလည်းနားချင်သေးသည်။သို့သော် မောင်တို့အိမ်ရောက်တော့ အတင်းဖိတ်ခေါ်သဖြင့်ဆင်းရသေးသည်။ပြည်လမ်းမှ ကြီးကျယ်ခန်းနားသော အိမ်ကြီးက ဖြူ့ကို အံ့သြစေသည်။ဪ ဘဝကို ရုန်းကန်ကြသည့် မုဆိုးမချင်းတူသော်လည်း အခြေခံချင်းကမှ မတူတာပဲ။ဒါနဲ့များတောင် အအိပ်ပျက် အစားပျက်ပြီးတောင် စီးပွားရှာခဲ့ရသေးသည်တဲ့။
ခါးသက်ချိုဆိမ့်သော ကော်ဖီတစ်ခွက်ကိုသောက်ရင်း စိတ်ကအမိုးဆီ ရောက်နေသည်။ပထမဆုံးလုပ်အားခကို အမိုးဆီအပ်ချင်လှပြီ။သင်တန်းကာလတစ်လျှောက်လုံး စတိုင်ပင်ရသည့်ငွေနှင့် မလောက်တိုင်း အမိုးလက်ထဲမှသာ တောင်းသုံးခဲ့ရသည် မဟုတ်ပါလား။
“နောက်လည်း လာလည်ပေါ့ ဆရာမလေးရယ် ၊ ကဲ မောင်သောင်းရေ ဆရာမလေးကို လိုက်ပို့လိုက်ပါကွယ်”
“အို မေမေကလည်း သားလိုက်ပို့မှာပေါ့”
ဖြူ့ ရင်ထဲမှာ ဝေဒနာတစ်မျိုးခံစားလိုက်ရသည်။ကော်ဖီတစ်ခွက်နှင့် သူများကားကို ကပ်စီးရခြင်းသည် ကျေးဇူးတင်ခြင်း၏ အကျိုးခံစားရခြင်းပေပဲလား။ရှိစေတော့ ဖြူက လိုက်ခဲ့မိပြီ။
“လိုက်မပို့ပါနဲ့တော့ ဖြူ့ဘာသာ ပြန်ပါတော့မယ်”
လေသံကို ပျော့ပျောင်းစွာထိန်း၍ပြောသောလည်း စကားလုံးတွေက မချောမွေ့။
“အို မဟုတ်တာ ဆရာမလေးရယ် ၊ အိမ်တိုင်ရာရောက်ပို့ပေးမှာပေါ့ ၊ ကဲ သားရေ သားကိုယ်တိုင်ပဲ ပို့လိုက်ပါနော်”
သည်ကတည်းက ဖြူတို့ဘဝပုံစံနှင့် မောင်တို့ဘဝ အသွင်မတုပုံကို သိခဲ့ဖို့ကောင်းသား။မောင်လိုက်ပို့တာကို ဖြူကိုယ်တိုင်ကလည်း လိုလားခဲ့လေသလား။မောင့်အကြည့်နှင့် မောင့်အပြောအဆိုတွေကို ဂရုမစိုက်ဟန်ဆောင်နေခဲ့သည့်ကြားကပင် သာယာခဲ့မိလေသလား။ဖြူကိုယ်တိုင်ကလည်း လူ့ဘဝနှင့်ယှဉ်လျှင် အတွေ့အကြုံများစွာ နုနယ်ခဲ့လေသည်။ထို့ကြောင့်လည်း မကြာမြင့်မီသော ကာလမှာ မောင်၏ချစ်ရေးဆိုမှုကို လွယ်လင့်တကူ လက်ခံခဲ့မိခြင်း ဖြစ်ပေ၏။
“သုံးနှစ်သုံးမိုး စဉ်းစားရမယ်လို့ မဆိုလိုပါဘူးအေ ၊ ညည်းဟာက အလုပ်မှ လုပ်မယ်မကြံသေးဘူး ပတ်ဝန်းကျင်ဒဏ်ကို မခံနိုင်သလို ဖြစ်နေပြီ”
ရိုးသားလှသော အပျိုကြီးဖြစ်သူ ဒေါ်ဒေါ်က အံ့သြစွာရေရွတ်ခဲ့သည်။
“မိဖြူဟာ စဉ်းစားဉာဏ်ရှိလှပြီ အောက်မေ့တာ ၊ ဘဝအခြေခံချင်းမတူတဲ့သူကို ရွေးတာသိပ်မှားတယ်”
အမိုးက အမြော်အမြင်ကြီးစွာ ပြောသည်။ဖြူသည် မောင့်ကိုချစ်မိတာ မှားတယ်ဟု ဆင်ခြင်မိသော အချိန်သည် မိန်းခလေးတစ်ယောက်၏ ကတိစကားကို ပြန်လည်နူတ်ပယ်ရန် များစွာနောက်ကျခဲ့လေပြီ။
------------------
( ဇာတ်သိမ်းဆက်ရန်) 👇👇👇
#Typing_Credit_သာထက်ဇော်
No comments:
Post a Comment