နမ်းမှာလားမောင်ရဲ့ မွှေးတယ်ရှင် - နုနုရည် အင်းဝ

နမ်းမှာလားမောင်ရဲ့ မွှေးတယ်ရှင်

“”””””””””””.””””””””””””””””””””””””””””””

နုနုရည် အင်းဝ

(…ခိုင်စံပယ်ဆောင်ရှေ့။ သောကြာနေ့…ညနေ ၅ နာရီ…)

‘‘သွားတော့လေ…မောင်…၊ မိတာ အဆောင်ပေါ်တက်တော့ မယ်’’

‘‘ခဏလေးပါ မိတာရယ်၊ ၅ နာရီတောင် မခွဲသေးပါဘူး’’

‘‘ဟုတ်ဘူးလေကွာ မောင်က လည်း။ ဒီမှာ မိတာရေလည်း မချိုးရသေးဘူး။ အ၀တ်အစားလည်း မထည့်ရသေးဘူး။ တော်ကြာနေလာတော့မှာ’’

‘‘ဟင့်အင်းကွာ။ ဆယ်မိနစ်.. ဆယ်မိနစ်။ နောက်ထပ် ဆယ် မိနစ်မိတာနေရဦးမယ်။ ၆ နာရီထိုးမှ လာမှာကိုများ။ ခုမှ အစောကြီးရှိသေးတယ်’’

ခက်လိုက်တဲ့ မောင်ရယ်။ မိတာ ဘာများတတ်နိုင်ဦးမှာလဲ။ မိတာလက်ကိုအတင်းဆုပ်ထား တဲ့ မောင့်မျက်နှာကို မိတာကြည့် ရင်း သက်ပြင်းပဲချရတော့တယ်။ တစ်နေကုန် ကလပ်စ်လစ်ပြီး လျှောက်လည်ရတာတောင် မ၀ သေးဘူးလား မောင်ရဲ့လို့ မိတာ မမေးရက်တော့ပါဘူး။ မိတာလည်း မောင့်လိုပဲ ခံစားနေရလို့ပေါ့။ ခဏလေးဖြစ်ဖြစ် မောင်နဲ့ နေချင်သေးလို့ပေါ့။

‘‘သောကြာနေ့ကို မောင်မုန်း တယ်ကွာ။ ဘယ်တော့များမှ မောင်တို့နှစ်ယောက် စနေ၊ တနင်္ဂ နွေတွေကို လျှောက်လည်ရမှာပါ လိမ့်။ သူများတွေဆို..’’

‘‘အို…မောင်ကလည်းကွာ မကြာတော့ပါဘူး။ တစ်နှစ်ပဲလိုတော့တာဥစ္စာ။ မိတာတို့ ကျန်တဲ့ရက်တွေလည်း တွေ့နေရသားနဲ့။ မကောင်းဘူးလေ မောင်ရဲ့။ သူတို့ က မိတာကို အားလုံးတာဝန်ယူ ထားတော့…’’

မိတာမျက်နှာချက်ချင်းညှိုး ကျပြီး မျက်ရည်ဝိုင်းပြန်တော့လည်း မောင့်ခမျာ သနားစရာ။

‘‘အေးပါကွာ ဟုတ်ပါတယ်။ မိတာကို မောင်မခွဲနိုင်လို့ပါ။ စနေ၊ တနင်္ဂနွေနှစ်ရက်လုံးက တစ် ယောက်တည်း သိပ်ယောင်တာ မိတာရ။ ဘယ်သွားပြီး ဘယ်လာ ရမှန်းလဲ မသိဘူး’’

ရုတ်တရက် မိတာဆွံ့အ သလိုဖြစ်ပြီး ပြန်မပြောနိုင်ဘဲ အ ပြစ်ကင်းစင်တဲ့ မောင့်မျက်လုံး တွေကို မိတာ ၀မ်းပန်းတနည်း ကြည့်မိတယ်။ မောင်…မိတာရဲ့ မောင်။

‘‘ကဲ သွားတော့။ မျက်ရည် လေး ကလယ် ကလယ်နဲ့ ဟင်း၊ တော်ကြာ ခုနေ ဦးလေးကြီးလာ ခေါ်တာနဲ့ တိုးနေမှ သူ့တူမကို နှိပ်စက်နေရသလားဆိုပြီး ကိုယ့်ကို ရိုက်ခံထိနေဦးမယ်’’

တော်ပါတော့ မောင်ရယ် တော်ပါတော့။ ကျလုဆဲဆဲ မျက် ရည်ကို မိတာ သိမ်းပြီးမျက်နှာကို ပြင်လို့၊ မိတာကို နောက်ပြောင် စိတ်သက်သာစေတဲ့ မောင့်လက်တွေကို ဖျစ်ညှစ်နှုတ်ဆက်လိုက်တယ်။

‘‘တနင်္လာနေ့ စောင့်နေနော် မောင်။ မောင့်ကို မိတာအချစ်ဆုံး’’

လှစ်ခနဲ မိတာ အဆောင်ပေါ်ကို ပြေးတက်ခဲ့တယ်။ မောင် မိတာကို နောက်ကနေ ငေးကြည့်နေလိမ့် မယ်။ အခန်းတံခါးကို အမြန်ဖွင့် ၀င်ရင်း စားပွဲတင်နာရီလေးကို လှမ်းကြည့်မိတယ်။ ၅ နာရီခွဲပြီး ပြီ။ အိပ်ရာပေါ်ကို ပစ်လှဲပြီး မောင့်ကို တလို့နေချိန်မရတော့ပါဘူး မောင်ရယ်။ ကျချင်နေတဲ့ မျက် ရည်တွေကို ရေနဲ့အတူ ရောချိုးပစ်လိုက်တယ်။ ခေါင်းလျှော်ပစ် လိုက်တယ်။ မောင်ကြိုက်တယ်ဆို တဲ့ တရုတ် သာတီသရီးခေါင်း လျှော်ရည်များများနဲ့လေ။

မျက်နှာကို မွှေးသင်းနေ အောင်၊ လည်ပင်းနဲ့ နားရွက်လေး တွေ မွှေးသင်းအောင် မိတ်ကပ်ပါး ပါးကို အနှံ့အပြားပွတ်လိမ်းလိုက်။ ခုတင်အောက်က သေတ္တာဆွဲ ထုတ်လိုက်၊ ယပ်တောင်တဖျပ် ဖျပ်ခတ်လိုက်၊ နာရီကြည့်လိုက်နဲ့ လုပ်နေတဲ့ မိတာကို ခရီးသွားနေ တဲ့ ကြိုင်လေးသာရှိရင်တော့ တစ် ဖက်ခုတင်ပေါ်ကနေ ‘အင်း… ဒုက္ခ၊ ဒုက္ခ’လို့ ညည်းညူပေလိမ့် မယ်။ ကြိုင်လေးလည်း နက်ဖြန် လောက်တော့ ပြန်ရောက်လိမ့် မယ် ထင်တယ်။ ဒီတစ်ခါ သုံးရက် တည်းလို့ ပြောသွားတာပဲ။

ခရီးဆောင်အိတ်အသေး လေးထဲကို အင်္ကျီနှစ်စုံထည့်၊ မိတ် ကပ်၊ ပေါင်ဒါ၊ နှုတ်ခမ်းနီဘူးထည့်၊သွားတိုက်ဆေး၊ သွားပွတ်တံ ထည့်၊ လိုအပ်တဲ့ တခြားပစ္စည်း လေးတွေရော အားလုံးထည့်ပြီး အိတ်ဇစ်ကို ဆွဲပိတ်လိုက်တဲ့ အ ချိန်မှာပဲ အဆောင်အောက်က နား ယဉ်နေတဲ့ ကားဟွန်းသံကို မိတာ ကြားရတယ်။ တစ်ဆက်တည်း မှာပဲ…

‘‘တာတာရေ ဦးလေးလာပြီ’’

‘‘လာပြီ လာပြီ ခဏလေး’’

ဦးလေးလာပြီတဲ့။ တစ်ကိုယ်လုံး မွှေးကြိုင်သင်းပျံ့နေတဲ့ မိတာ၊မှန်ထဲကို နောက်ဆုံးအနေနဲ့ ကြည့်လိုက်တယ်။ မိတ်ကပ်ပါးပါး နှုတ် ခမ်းရဲရဲနဲ့ (၁၉) နှစ်အရွယ် မိန်း မချောလေးတစ်ယောက်က ကျောက်စိမ်းနားဆွဲရှည်ရှည်လေးကို ခါယမ်းပြီး မိတာကို ပြန်ကြည့်နေတယ်။ မောင်ချစ်တဲ့ တာတာဝင်းဆိုတဲ့ ကောင်မလေးရဲ့ လူတကာငေးကြည့်ရတဲ့ အလှ။ နောက် ပြီးတော့ ဘယ်လိုပြောမလဲ။ မိတာနဲ့ မောင့်ဘ၀ကို အဆင်ပြေ ချော မောစေမယ့် အလှ။

အဖိုးတန်အဆောင်အယောင်အပြင်တွေနဲ့ တစ်ကိုယ်လုံးစိမ်းမြနေတဲ့ မိတာကို အဆောင် ရှေ့မှာ ရပ်စကားပြောနေတဲ့ လူ တွေအကုန်လုံးက ၀ိုင်းကြည့်နေ ကြတယ်။ အားကျတဲ့ အကြည့် တွေ၊ မနာလိုတဲ့ အကြည့်တွေ၊ ဟဲဟဲ…အကြည့်ခံရတဲ့ မိတာ ကြည်နူးလိုက်ပါ့မယ်လေ။

ကားတံခါးကို မိတာဆွဲဖွင့် ပြီး ၀င်ထိုင်လိုက်တာနဲ့ ကားလက် ကိုင်ရဲ့ နောက်မှာ ခပ်တည်တည် ကြီးထိုင်နေတဲ့ မိတာတို့ အဆောင်ပိုင်ရှင်ကစပြီး မိတာသူငယ်ချင်း တွေထိ အားလုံးရှိန်းကြတဲ့ ထိပ် ပြောင်ပြောင်၊ ဗိုက်ရွှဲရွှဲ၊ အသား မည်းမည်း မိတာရဲ့ ဦးလေးက ကားကို ချက်ချင်းထွက်တယ်။ မိတာက ကုပ်ကုပ်ကလေး။ ဦး လေးကို ကြောက်ရွံ့ရိုသေတဲ့ ပုံစံ က အပြည့်။ ကားက မညီမညာ မြေနီလမ်းကလေးထဲမှာ တလိမ့် လိမ့် တလူးလူးလှုပ်ခါနေသလို မိတာရင်ထဲမှာလည်း ထုံးစံအတိုင်း ထိတ်ခနဲ လှုပ်ခါရပြန်ပြီ။ မြေနီလမ်းအထွက် ကားလမ်းမကြီးအ ရောက်၊ ကားကွေ့ဖို့ စောင့်ရတဲ့ နေရာမှာ။

ဟော…ဟိုမှာ၊ ပြောမရတဲ့ မိတာရဲ့ မောင်။ သစ်ပင်အကွယ် မှာ။ မိတာရင်တွေကို တဆစ်ဆစ် နာလာစေတဲ့ မောင့်မူပိုင်အကြည့် နဲ့။ ပြီးတော့ မိတာသာ အဓိပ္ပာယ် ဖော်ရနိုင်တဲ့ အသံတိတ်နည်းနဲ့ ‘မိတာကို လွမ်းတယ်၊ ဦးလေးကြီး ကို မုန်းတယ်တဲ့လေ။ မောင်ရယ်။မောင့်လိုတော့ မမုန်းပေမယ့် မိတာ မချစ်ပါဘူး။ ဒါပေမဲ့ မောင် ရယ် မချစ်သော်လည်း မိတာ အောင့်ကာနမ်းမယ်။

ဝူးခနဲ ကားကွေ့ပြီး လမ်းမ ကြီးပေါ်မှာ မြားကလေးတစ်စင်း လို ပြေးနေတုန်းမှာပဲ မိတာရဲ့ ဦး လေးဆိုသူကို အလှဆုံးအပြုံးနဲ့ မိတာနှုတ်ဆက်လိုက်တယ်။

‘‘နေကောင်းရဲ့လား ကိုကို။ တာတာလှရဲ့လားဟင်’’

(….အမှတ် (၁၂-အေ) ဆိတ်ငြိမ်ရပ်ကွက်၊ ည ၁၀နာရီ…)

‘‘ကိုကိုသွားမယ်နော် တာ တာ။ မနက် ၉ နာရီလောက် ရောက်မယ်။ ဟုတ်လား’’

‘‘တာတာ စောင့်နေမှာပေါ့’’

မိတာကို နှုတ်ဆက်အနမ်း။ နမ်းတဲ့ သူ့ပါးစပ်က အရက်နံ့။ မိတာပါးမှာ စွဲထင်ကျန်ရစ်တယ်။ သူအခန်းထဲက ထွက်သွားတဲ့ အသံ၊ တံခါးပြန်ပိတ်သံ၊ ကား စက်နှိုးသံ။ အားလုံးကို မိတာ မျက်လုံးစုံမှိတ်ထားရင်းက နားထောင် နေမိတယ်။

ခဏနေတော့ အားလုံးဟာ ငြိမ်သက်တိတ်ဆိတ်သွားလိုက် တာ။ ပတ်ဝန်းကျင် အသံဗလံဘာ ဆိုဘာမှ မကြားရလောက်အောင်၊ ချောက်ချားလာအောင် ငြိမ်လိုက် တဲ့ည။ သြော်…ဒါဆို ဆိတ်ငြိမ် ရပ်ကွက်ကိုး။ ဒီလို ဆိတ်ငြိမ်စွာ နေရဖို့အတွက် ဘယ်လောက်တန် ဖိုးကြီးပေးထားရတယ် မှတ်သလဲ။မိတာ ဘယ်လောက်များ နားလည်လို့လဲ။

အဆောင်မှာတော့ ဒီအချိန် လောက်ဆို ဆူလို့ညံလို့ ကောင်း တုန်း၊ တစ်ခန်းနဲ့ တစ်ခန်းကူးပြီး စကားစမြည်ပြောလို့ ကောင်း တုန်း၊ လက်ဖက်သုပ်စားလို့ ကောင်းတုန်း၊ အဆောင်ရှေ့ မြေနီလမ်းပေါ်မှာလည်း ဂစ်တာအဖွဲ့ တွေနဲ့ စည်ကားဆူညံတုန်း၊ ခု… ဒီမှာတော့ မိတာ တစ်ယောက် တည်းရယ်။

အခန်းတစ်ခန်းလုံးမှာ မျက် နှာကြက်ပေါ်က တ၀ီဝီလည်နေတဲ့ပန်ကာ အသံကလွဲရင် ငြိမ်လို့၊ တိတ်လို့။ အားလုံးဟာ မလှုပ်မ ယှက်။ အခန်းထောင့်က ရေခဲသေတ္တာလေးကလည်း မလှုပ်မ ယှက်။ အနားက စားစရာသောက် စရာတွေတင်ထားတဲ့ စားပွဲကု လားထိုင်တစ်စုံကတည်း မလှုပ် မယှက်။ နံရံပေါ်က နှစ်ဟောင်း ပြက္ခဒိန်ထဲက ဂျပန်မ လှလှလေး ကလည်း မလှုပ်မယှက်။ အို…ခုတင်ပေါ်မှာ သက်ရှိဖြစ်တဲ့ မိတာ တောင်မှ တကယ့်ကို မလှုပ်မယှက်။

စားပွဲပေါ်က တရုတ်စာအ ထုပ်တွေကိုလည်း မိတာဖြေ တောင်ကြည့်ချင်စိတ်မရှိပါဘူး။ အင်း… ရေအေးအေးလေးတစ်ခွက်လောက်သောက်ရရင်တော့ ကောင်းမယ်။ ရေသောက်ပြီးရင် မိတာဘာလုပ်ရမလဲ။ အိပ်ချင် စိတ်ကလည်းမရှိသေးဘူး။ မိတာနဲ့ ခင်မင်နေပြီဖြစ်တဲ့ တိုက်နံရံထူ ကြီးရဲ့ ဟိုဘက်ခြမ်းတိုက်ကြီးပေါ် က လူတွေနဲ့ စကားသွားပြောနေရ ကောင်းမလား။ တော်ပါပြီလေ။ မသွားတော့ပါဘူး။ ဒီညတော့ ကိုယ့်ဘာသာနေတာပဲ ကောင်းပါ တယ်။ ဘာပဲပြောပြော သူတို့က ကိုယ့်ကို ၀တ္တရားအရသာ ဆက်ဆံတာ၊ လူမှုရေးကြောင့်သာ ဆက် ဆံတာ။ တကယ်တော့ မိတာကို သူတို့ ဘာဆက်ဆံစရာရှိလို့လဲ။ မိတာနဲ့ သူတို့နဲ့ တစ်ယောက်နဲ့ တစ်ယောက်သိစရာ ဘာမှမလို။ သူတို့က သူတို့အခြေအနေနဲ့ သူ တို့။ မိတာတို့ လိုချင်တဲ့ အခန်းကို ငှားတယ်။ တစ်နေ့ကို တစ်ရာ့ငါး ဆယ်ယူတယ်။ တိုက်ခန်းက သီး သန့်။ ရေချိုးခန်း၊ အိမ်သာတွဲ လျက်။ အခန်းထဲမှာ အိပ်ရာခမ်း နားပစ္စည်းပစ္စယအပြည့်အစုံနဲ့၊ ရေခဲသေတ္တာတောင်ပါလိုက် သေး။ မီးဖိုတစ်ခုပဲ မပါတာ။ မီးဖိုကတော့ လိုလည်းမလိုပါဘူးလေ။ မိတာတို့ ချက်ပြုတ်မစားပါဘူး။ စားစရာအပြင်က ၀ယ်လာလိုက် တာပဲ။

ဒီအခန်းကို မိတာတို့အနေနဲ့ ကလည်း ယူပျော်တယ်။ ဆိတ်ငြိမ်ရပ်ကွက်ထဲက အစွန်ဆုံးနဲ့ အကျယ်ဆုံးခြံထဲက သီးသန့်နေရာ။ မိတာအတွက်လည်း ကောင်းတယ်။ နောက်ကြောင်းရန်မအေးတဲ့ မိတာရဲ့ ကိုကိုအတွက်လည်း ကောင်းတယ်။ မိတာတို့က စနေ၊ တနင်္ဂနွေနှစ်ရက်နဲ့ သောကြာနေ့ ညပိုင်းပဲသုံးတာ။ သောကြာနေ့ ညနေလာတယ်။ မိတာနဲ့ ၉ နာရီ ခွဲလောက်ထိနေပြီး ၁၀ နာရီဆို သူက အိမ်ပြန်တယ်။ ဒီမှာ ဘယ် တော့မှ ညမအိပ်ဘူး။ နောက်နေ့ စနေနေ့ မနက် ၉ နာရီလောက်မှ လာတယ်။ တစ်နေကုန်နေတယ်။ ပြီးတော့မှ ည ၉ နာရီလောက် အိမ်ပြန်တယ်။ နောက်တနင်္ဂနွေ မနက်လာတယ်။ တစ်နေကုန်နေ တယ်။ ညနေ ၅ နာရီလောက်ကျ မှ အဆောင်ပိတ်ချိန်နဲ့ အကိုက် မိတာကို ပြန်လိုက်ပို့တယ်။ အ ဆောင်ကတော့ တာတာဝင်းတစ် ယောက် ဦးလေးအိမ်က ပြန်လာပြီပေါ့။ ပိုက်ဆံချမ်းသာပြီး တူမကို ဂရုတစိုက်ရှိလှတဲ့ ဦးလေးကို သူ ကိုယ်တိုင်သေချာလာကြို၊ သေ ချာပြန်ပို့တာ။ မျက်မှန်တ၀င့်ဝင့်၊ ခပ်၀၀၊ ဆံပင်ဖြူတစ်ပင်နှစ်ပင်စ နဲ့၊အရွယ်ချင်းကလည်း ဒါလောက်ကွာနေတာ။ ဘယ်သူကများ ဦး လေးဟုတ်ရဲ့လားလို့ ယောင်လို့ တောင် သံသယဖြစ်မှာလဲ။ တချို့ က အားကျရတဲ့ ရည်းစားချော ချောလေးတစ်ယောက်နဲ့ တတိယ နှစ်ကျောင်းသူချောချောလေး တာတာဝင်းပေါ့။ အများနည်းတူ ၀တ်နိုင်၊ စားနိုင်၊ သုံးနိုင်၊ ဖြုန်းနိုင်တဲ့ တာတာဝင်းပေါ့။

သြော်…မိတာရဲ့ မောင် တောင်မှ သေသပ်ပိရိတဲ့ မိတာကို တစ်စက်ကလေးရိပ်မိလို့လား။ အပတ်စဉ် သောကြာ၊ စနေအပြင် ထွက် အိပ်တဲ့ရည်းစားကို မောင် မသင်္ကာလို့ စောင့်ကြည့်လေ။ သောကြာနေ့ ညနေ မောင်ပြန်ပို့ ပြီး တစ်နေရာကကြည့်ပေါ့။ မိတာရဲ့ ဦးလေးလာခေါ်တယ်လေ။ အပတ်စဉ် ဒီလူပဲ။ တနင်္ဂနွေညနေ ပြန်ပို့တယ်လေ။ ဒီလူပဲ။ ဘာအ ထင်မှားစရာလိုလို့လဲ။ ဒါပေမဲ့ ကွယ် မောင်ကတော့ မိတာကို မသင်္ကာစိတ်နဲ့ စောင့်ကြည့်ရှာ တာမဟုတ်ပါဘူးကွယ်…နော်။ ပကတိရိုးသားစိတ်နဲ့ မိတာကို မြေနီလမ်းအထွက် သစ်ပင်ကွယ် ကနေ လူလုံးပြရတာ မောလို့။

ခဏလေးပါ မောင်ရယ်၊ ခဏလေးပါ။ မိတာတို့အတွက် မဝေးတော့ပါဘူး။ ပျော်စရာ ကောင်းတဲ့ အချိန်တွေ ရောက်လာတော့မှာပါ။ မိတာမိုက်နေတာ မဟုတ်ပါဘူး မောင်ရဲ့။ လော်လည် ဖောက်ပြားတာလည်း မဟုတ်ရပါ ဘူး။ လောလောဆယ် မိတာ ကျောင်းစရိတ်အတွက်။ မောင်နဲ့ မိတာရဲ့ အနာဂတ်အတွက် မိတာ အလုပ်လုပ်နေတာ။ စိတ်သန့်သန့်ရှင်းရှင်းနဲ့ မိတာအလုပ်လုပ်နေ တာ။

မိတာကတော့ ရှင်းတယ် မောင်ရေ။ မိတာ မောင့်ကို သိပ် ချစ်တယ်။ မောင့်ကို ပိုင်ဆိုင်ချင် တယ်။ သာယာတဲ့ အိမ်ထောင် လေးတစ်ခုကို တည်ဆောက်ချင် တယ်။ မိတာ မောင်နဲ့ လက်ထပ် မယ်။ ဘာဖြစ်သလဲ။ အသည်းနင့်အောင်ချစ်ရသူမို့ မသန့်ရှင်းတဲ့ ခန္ဓာကိုယ်ကို မအပ်ရက်ပါဘူးဆို တဲ့ ဟိုရှေးတုန်းက ခပ်တုံးတုံး အတွေးအခေါ်တွေ ဒီခေတ်မှာ သွားစမ်းပါ။ မိတာတော့ သိပ်မုန်း တာပဲ။

ခုဆိုမိတာ ပိုက်ဆံတော် တော်စုမိနေပြီ။ မိတာကို သူက တစ်လ တစ်ထောင်ပေးတယ်။ တစ်ပတ်တစ်ခါပဲ တွေ့တယ်။ ဒါ တောင် သူက ညအိပ်တာမဟုတ် ဘူးလေ။ သူ့မှာကလည်း သူ့အ ကြောင်းနဲ့သူ။ အိမ်က မိန်းမကြီးနဲ့ သားသမီးတွေမသိအောင်က ပိပိ ရိရိနေတတ်ရသေးတာ။ သိပ်အ လုပ်များတဲ့ စီးပွားရေးသမားတစ် ယောက်အနေနဲ့ ည ၉ နာရီ၊ ၁၀ နာရီဆိုတာ နောက်ကျနေကျ လေ။ ဘာဖြစ်သလဲ။ တခြားအ ချိန်တွေ ဘာလုပ်လုပ်နေနေ ၉ နာရီ၊ ၁၀ နာရီအိမ်ပြန်ရောက်ပြီး တာပဲ မဟုတ်လား။ သူကလည်း သူ့တွက်ကိန်းနဲ့သူ အဟုတ်။ မိတာကလည်း မိတာတွက်ကိန်းနဲ့ပေါ့။ သူ့ဆီကရတဲ့ တစ်လတစ်ထောင်ကို မိတာချွေချွေတာတာသုံးတယ်။ မကုန်မဖြစ်တဲ့ ကျောင်းစရိတ်က လွဲရင် အစားအသောက်လည်း မိတာ ချွေတာတယ်။ သူများတွေကတော့ ဘယ်သိမလဲ။ ၀တ်လိုက်၊ စားလိုက်တာလို့ရှိမှာပေါ့။ တကယ်တော့ မိတာဝတ်တဲ့ အဖိုးတန်အ၀တ်အစားတွေက ‘သူ’ကြီးဆီက အပိုဘောက်ဆူးအဖြစ် ၀ယ်ပေးတာတွေ။ သူ့သမီးတွေအတွက် ၀ယ်ရင်းမိတာအတွက်ပါ ၀ယ်လာတာမျိုးတွေပေါ့။

သူနဲ့ ဆက်သွယ်မိတဲ့ တစ် နှစ်အတွင်းမှာ မိတာ လေးထောင် လောက်စုမိနေပြီ။ နောက်တစ် နှစ်၊ မိတာကျောင်းပြီးထိဆိုရင် ရှစ် ထောင်လောက်တော့ ရလိမ့်မယ် နဲ့တူရဲ့။ တော်ပြီလေ။ ကျောင်း ပြီးတာနဲ့ မိတာမောင်နဲ့ လက်ထပ် မယ်။ အိမ်ခန်းလေးတစ်ခန်းငှား မယ်။ နှစ်ယောက်အလုပ်လုပ် မယ်။ အင်း… မိတာ အိမ်ကိုထောက်ပံ့ချင်တယ်ဆိုရင်တော့ မိတာနဲ့ မောင်ချွေတာရဦးမှာပေါ့။ အဖေတို့၊ အမေတို့ကတော့ မိတာကို ပြောမှာမဟုတ်ပါဘူး။ သူတို့မ ထောက်ပံ့နိုင်တာကို ကိုယ့်စရိတ် ကိုယ်ရှာပြီး ကျောင်းတက်တဲ့ သမီးရယ်လို့ ကြံဖန်ပြီး ကျေးဇူး တင်နေရှာတာ။

မိတာတို့ အိမ်က ဆင်းရဲ တယ်။ မောင်နှမလည်းများတယ်။ မိတာ ဆယ်တန်းအောင်တော့ အဖေရော၊ အမေရော ကျောင်း ဆက်တက်စေချင်ကြတယ်။ ဒါပေမဲ့ မူလတန်းကျောင်းအုပ် အဖေ့ လခနဲ့ အမေဈေးရောင်းတာလေး နဲ့က မိသားစုစားသောက်ဖို့တောင်အနိုင်နိုင်ရယ်။ မိတာပဲ ကံကောင်း တာလား၊ ကံဆိုးတာလားမသိပါ ဘူးလေ။ ရန်ကုန်မှာ အသင့်အ တင့် ချောင်လည်တဲ့ အဖေ့အစ်ကို တစ်ယောက်က မိတာကိုခေါ်ပြီး ကျောင်းထားပေးတယ်။ အဖေ့ အစ်ကိုအိမ်က ရန်ကုန်ဆိုပေမယ့် မင်္ဂလာဒုံဆိုတော့ မိတာကျောင်း တက်ရမှာ ဝေးတယ်ဆိုပြီး အပြင် ဆောင်မှာထားပေးပြီး ကျောင်း တက်ခိုင်းတယ်။ ကံဆိုးချင်တော့ မိတာဒုတိယနှစ်ဖြေနေတုန်းမှာ အဖေ့အစ်ကို မိတာဘကြီးခမျာ ရုတ်တရက်ကားတိုက်မှုနဲ့ ဆုံး တယ်။ မိတာဘယ်လိုလုပ်ဆက် နေသင့်တော့မလဲ၊ မိတာကို ဘယ်သူက ထားပေးတော့မလဲ။ (၂) နှစ် ပဲလိုတော့မှ ဖြစ်ရတဲ့ အဖြစ်ကို မိတာဝမ်းနည်းရင်း ဆက်နေဖို့ လမ်းစကို မိတာရှာဖွေမိတယ်။

အင်း….တစ်ခါတလေ တော့လည်း တွေးမိတယ် မောင်ရယ်။ အဲဒီအချိန်မှာ ကြိုင်လေးနဲ့ မတွေ့ ဘဲ မောင်နဲ့တွေ့ခဲ့မိရင် မိတာဘ၀ တစ်မျိုးတစ်မည်ဖြစ်ချင်ဖြစ်မှာ လို့။ ဒါပေမဲ့ မဖြစ်နိုင်ပါဘူးလေ။ မောင်ဟာလည်း မရှိမရှား မိဘက တတ်စေချင်လွန်းလို့ ထားပေးတဲ့ ကျောင်းသားတစ်ယောက်ပဲ ဥစ္စာ။မောင်လည်း မိတာပြဿနာကိုဖြေ ရှင်းနိုင်မှာ မဟုတ်ပါဘူး။ ကြိုင် လေးက ခိုင်စံပယ်ဆောင်မှာ မိတာနဲ့ ခုတင်ချင်းကပ်လျက်နေတာ။ သူ့ကို ရုံးမှာ အလုပ်လုပ်တယ်လို့ ပဲ တစ်ဆောင်လုံးက သိထားတာ။ မနက်ဆို ရိုးရိုးလေးပဲ ခြင်းလေးနဲ့ ထွက်သွားတာပဲ။ ညနေ ရုံးဆင်း ချိန်ပြန်လာပေါ့။ အေးအေးဆေး ဆေး၊ ဘယ်မှလည်း မသွားတတ်ဘူး။ ဒါပေမဲ့ သူ့ရုံးက အလုပ်ဆိုပြီး တစ်လတစ်ခါ လေးငါးရက်၊ တစ် ပတ်ခရီးတော့ သူထွက်တယ်။ တကယ်တော့ အဲဒီခရီးဟာ သူအ လုပ်လုပ်ဖို့ ထွက်သွားတာ။ တစ် ယောက် (ဒါမှမဟုတ်) တစ်စုနဲ့ သူ လိုက်သွားတာ။ တစ်ထောင်ကနေနှစ်ထောင်၊ သုံးထောင်ထိရတယ်။ ကြိုင်လေးအကြောင်းကို ဘယ်သူ မှ မသိဘူး။ မိတာကိုတော့ သူသိပ်ခင်တယ်။

မိတာအားလုံးကို လက် လျှော့ပြီး ငိုကြီးချက်မနဲ့ အိမ်ကို အပြီးပြန်ဖို့ ပစ္စည်းသိမ်းနေတုန်း မှာပဲ ကြိုင်လေးက မိတာကို သနားပြီး ဒီအကြောင်းတွေကို ဖွင့်ပြော ခဲ့တယ်။ မိတာကို အကြံဉာဏ်ပေး ခဲ့တယ်။ မိတာဟာ ချောတယ်။ တက္ကသိုလ်ကျောင်းသူအဆင့်အ တန်းရှိရှိ၊ တိတ်တိတ်ဆိတ်ဆိတ်နဲ့ ဘယ်သူမှလည်း သိစရာမလိုဘူးတဲ့။ ပြီးတော့ တစ်သက်လုံးမှ မဟုတ်တာ။ ၂ နှစ်တည်းလေ။ ၂ နှစ် တည်း။ မိတာဘာဖြစ်သွားမှာမှတ် လို့။ မိတာ လှလှပပ၀တ်စားပြီး ကျောင်းဆက်နေနိုင်မယ်။ အဖေ တို့၊ အမေတို့၊ မိတာတို့လိုချင်တဲ့ ဘွဲ့ရမယ်။ မိတာခေါင်းတစ်ချက် ညိတ်လိုက်တာနဲ့ အားလုံးဟာ အဆင်ပြေသွားတယ် မောင်ရယ်။

တတိယနှစ်နှစ်လယ်မှာ မောင်နဲ့ မိတာတွေ့ခဲ့ကြတာနော်။ ချစ်မိတာ မိတာဘာတတ်နိုင်မှာ လဲကွယ်။ မိတာမောင့်ကို မချစ် သင့်ဘူးလို့ မိတာမတွေးခဲ့မိပေါင်။ မိတာအလုပ်လုပ်တာပဲ မောင်ရဲ့။ တစ်ခါတလေစိတ်မကောင်းဖြစ် ရတာတော့ ရှိတာပေါ့ မောင်ရယ်။ အထူးသဖြင့် သောကြာနေ့ ညနေ မောင်ပြန်ခါနီးအချိန်တွေ ပေါ့။ မိတာ ဘယ်လိုထိန်းပေမယ့် အဆောင်ပေါ်ရောက်တာနဲ့ ငို ရော။

တော်ပါပြီ မောင်ရယ်။ မိတာမစဉ်းစားချင်တော့ဘူး။ တစ် ယောက်တည်း အထီးကျန်နေရမှ မောင့်ကို ပိုသတိရတယ်။ ‘စနေ၊ တနင်္ဂနွေနှစ်ရက်လုံး တစ်ယောက်တည်း သိပ်ယောင်တာ မိတာရ’ဆို တဲ့ မောင့်အသံက ရင်ထဲမှာ ပဲ့တင်ထပ်နေသလိုပဲ။ တော်ပါတော့ မောင်ရယ်။ မိတာ အိပ်ပါရစေ တော့။ မိတာအိပ်ချင်နေပြီ။ မိတာလေ ဟိုလူကြီးဝယ်လာတဲ့ ချော ကလက်နှစ်ခု မိတာမစားဘဲ မောင့်အတွက် တိတ်တိတ်လေးသိမ်း ထားတယ်။ မဝေးတော့ပါဘူး မောင်ရယ်။ တစ်နှစ်ဆိုတာ ခဏ လေးရယ်။ တနင်္လာနေ့ မနက်အ ဆောင်ရှေ့ကနေ မိတာကို မောင် ဆက်ဆက်လာစောင့်နော် သိ လား။

(၁၉၈၇ ခုနှစ်၊ ဖေဖော်ဝါရီ၊ သာရမဂ္ဂဇင်း)

On Sat, 2017-11-25 06:30Issue No.No.1637 Saturday, November 25, 2017

(7Day News Page မှ ကူးယူပါသည်)