လရောင်လင်းပါစေ နှင်းဆီသင်းပါစေ 📔📔📔📔📔📔📔📔📔📔 (ဇာတ်သိမ်းပိုင်း)

လရောင်လင်းပါစေ နှင်းဆီသင်းပါစေ

📔📔📔📔📔📔📔📔📔📔

(ဇာတ်သိမ်းပိုင်း)

စမ်းစမ်းနွဲ့ (သာယာဝတီ)

“နိုး… နိုး… မြကို တရားဟောဖို့ မကြိုးစားနဲ့နော်၊ မြ ကိုလွင်ဦးဆီက လေးစားမှုကို မမျှော်လင့်ချင်ပါဘူး၊ ဘယ်သူ့ဆီက လေးစားမှု၊ နားလည်မှုကိုမှလည်း ကြိုးစားမယူချင်ဘူး၊ တစ်ခုပြောနိုင်တာက မြ မလိမ် တတ်ဘူး၊ စိတ်ထဲရှိသလို နေတယ်၊ ဟန်ပန်မူရာတွေကို မုန်းတယ်၊ စိတ်ထဲရှိသလို မနေရဲတဲ့၊ ဟန်ပန် မူရာတွေ များတတ်တဲ့၊ လူအထင်ကြီးခံချင်ကြတဲ့ မိန်းကလေးဆိုတဲ့ အမျိုးအစားကိုလည်း မုန်းတယ်၊ တကယ်… ကိုလွင်ဦးရဲ့၊ မိန်းမဖြစ်ရတာ မြကိုယ်မြ သိပ်မုန်းတာပဲ၊ ဒါကြောင့် မိန်းမဆန်မိမှာ မြ သိပ်စိုး ရိမ်တာပဲ”

“မြက မိန်းကလေးဖြစ်ပြီး မိန်းမချင်းအပေါ် သိပ်လျှော့တွက်နေပြီ ထင်တယ်၊ ကောင်းတယ်၊ ဆိုးတယ်၊ ယုတ်တယ်၊ မြတ်တယ်ဆိုတာ မိန်းမပဲဖြစ်ဖြစ်၊ ယောက်ျားပဲဖြစ်ဖြစ် ရှိချင်သလို ရှိကြာတာပဲ မြရဲ့၊ ကိုယ် သတိပေးချင်တာက ယောက်ျားဆိုတိုင်းလည်း အထင်မကြီးဖို့ပါ”

“အို…မြကလည်း လူတွေကို သိပ်အထင်မကြီှးလှပါဘူး၊ အထင်ကြီးစရာရယ်လို့လည်း သိပ်မရှိလှပါဘူး”

ခင်ကြီးတစ္ဆေပဲဟု ကိုလွင်ဦးက မှတ်ချက်ချမိသည်။ လူတွေကို အထင်မကြီးချင်လှသော မြကို ကိုလွင်ဦး တစ်ယောက် ကိုတော့ အထိုက်အလျောက် လိုက်လိုက်လျောလျောရှိပေသည်။ မြရဲ့စံရိပ်ငြိမ် ဘော်ဒါ ဧည့်ခန်းဆောင်မှာ ၀င်ခွင့်ထွက်ခွင့်ပြုသည်အထိ ကိုလွင်ဦးကို နေရာပေးလာသည်။

အရင်က မြနှင်းဆီနံဘေးမှာ အုပ်သင်းဖွဲ့နေတတ်သော ပုဂ္ဂိုလ်လေးတွေလည်း အလိုလိုရှဲမှန်းမသိ ရှဲကုန်ကာ ကိုလွင်ဦးကို ကရုဏာသက်သော မျက်လုံးတွေနှင့် သမင်လည်ပြန်ကြည့်ကြသည်။

ကဗျာဆရာ ဝေလု တစ်ယောက်ကတော့ ပွင့်လင်းလေသည်။

“မြနှင်းဆီက လက်ဖက်ရည်ဆိုင် အတူထိုင်ပြီး ဆွေးနွေးငြင်းခုံဖို့ကောင်းတဲ့ စကားပြောဖက်သာ ဖြစ် တယ်ဗျ၊ သူ့အဆောင်ဧည့်ခန်းအထိ လိုက်လည်ပြီး ရည်းစားစကားပြောဖို့ ကြံစည်အပ်တဲ့ မိန်းကလေး မျိုးမဟုတ်ဘူး၊ ဘယ်… မိန်းကလေးနဲ့မှ မတူဘဲဗျာ၊ သူကကော လင်ယူသားမွေးကိစ္စကို အလွယ်တကူ စဥ်းစားမယ် လို့ ခင်ဗျား ထင်သလား”

ကိုလွင်ဦးက ပင်ကို အေးဆေးသော အမူအရာဖြင့် ရဲရင့်စွာပြုံးသည်။

“ဒါက သူ့ကိစ္စပဲလေ”

“အင်း… ခင်ဗျားကိစ္စကတော့ ဘာဖြစ်ဖြစ် ဆက်လုပ်တော့မယ်ဆိုပါတော့၊ ဒီမှာ ကိုလွင်ဦး၊ ခင်ဗျား မြနှင်းဆီကို လက်ထပ်ဖို့အထို ဆုံးဖြတ်ရဲပြီဆိုရင် ခင်ဗျား ရူးလို့ပဲဗျာ၊ ဒါမှမဟုတ် လူစွမ်းကောင်းပဲ”

ဝေလု ပြောသလို လူစွမ်းကောင်းကြီးမဟုတ်သည့်တိုင် မရူးတာတော့ သေချာသည်ထင်၏။ မြနှင်းဆီလို အကိုင်အတွယ် ခက်လှသည့် ဆတ်တောက်တောက် မိန်းကလေးမျိုးကို ချစ်နှစ်လိုမိတာပဲ သူ သိသည်။ ပြီးတော့ သဘောထားချင်း မတိုက်ဆိုင်သည့်တိုင် မြနှင်းဆီနှင့် စကားပြောလို့ ကောင်းလှသည်။ အကြောင်းအရာများစွာကို တန်းတူရည်တူ ဆွေးနွေးနိုင်သည့် မိန်းကလေး။

တစ်နေ့တော့ စကားပြောရင်း မြရဲ့ကိုယ်ရေးကိုယ်တာကလေးတွေဆီ ရောက်သွားသည်။ သည်တော့မှ မြနှင်းဆီကို တစ်ခိုင်လုံးရွှေ ရုပ်ရျင်ကုမ္ပဏီပိုင်ရှင် ဦးမြမောင်၏သမီးမှန်း တအံ့တသြ သိလိုက်ရလေ သည်။

“မြ မာမီဆုံးတော့ မြ ဆယ်နှစ်သမီးလေ၊ မြ ၁၅ နှစ် ဆယ်တန်းဖြေတဲ့နှစ်မှာ ဒက်ဒီ နောက်အိမ်ထောင် ပြုတယ်၊ မြ မိထွေးက မြထက် သုံးနှစ်ပဲကြီးတယ် ကိုလွင်ဦးရဲ့၊ ဆိုးတော့မဆိုးပါဘူး၊ ဒါပေမဲ့ မြနဲ့ မတိမ်း မယိမ်းရှိတဲ့ မိန်းမတစ်ယောက်ကို ဖအေနဲ့တန်းတူထားပြီး ဘယ်လိုဆက်ဆံလို့ရပါ့မလဲ၊ ဒါကြောင့် မြ အိမ်မပြန်ဘဲနေတာ၊ ကျောင်းပြီးတဲ့အထိ စာမေးပွဲကို အချိန်ဆွဲနိုင်သလောက် ဆွဲပြီးဖြေနေရမှာပဲ၊ အိမ် မပြန်ရ ပြီးရော”

ဒါကြောင့် လောကကို ဒေါင်လိုက် မြင်နေတာကိုးဟု သဘောပေါက်စပြုသည်။ အရာရာကို ထီမထင် စိတ်ကလေး ဖွံ့ဖြိုးလာရခြင်း၏နိဒါန်းအစ။

“ဟိုတစ်လောက ခရေဦးမဂ္ဂဇင်းတိုက်မှာ လက်ထောက်အယ်ဒီတာ ၀င်လုပ်မလားလို့ စဉ်းစားသေး တယ်၊ ဒါပေမဲ့ အယ်ဒီတာချုပ်ဆိုတဲ့ လူနဲ့ တာဝန်ခံအယ်ဒီတာဆိုတဲ့ လူက မြ လေးစားလို့မရတဲ့လူတွေ ဖြစ်နေတယ်၊ အခွံမှန်း၊ ဖွဲမှန်းသိလျက်နဲ့တော့ အကျောမခံနိုင်ဘူးလေ”

အယ်ဒီတာ ကိုလွင်ဦး သည် ကျောထဲစိမ့်တိမ့်တိမ့်ပင် ဖြစ်မိ၏။ “အထင်မကြီးပါဘူး”ဆိုသော မြ လက်သုံးစကား တွေ သိပ်အသုံးများလွန်းနေသလားဟု စဉ်းစားရင်း ချက်ချင်း ခွင့်လွှတ်ပစ်လိုက်သည်။

“မြ အိမ်မပြန်ချင်ရင် ခုလို အဆောင်မှာ တေပေနေမယ့်အစား ကိုယ့်အိုးကိုယ့်အိမ်ကလေးနဲ့ နေကြည့်ပါ လား၊ ကိုယ်လည်း အဲသလိုပဲ နေချစ်ိတ်ပေါက်နေပြီ၊ တကယ်ပဲ မြရယ်၊ မြကို တစ်ယောက်တည်း လွှတ် မထားချင် တော့ဘူး၊ ကိုယ့်မျက်စိအောက်မှာထားပြီး အမြဲတမ်း မြင်ချင်၊ ကြားချင်နေတယ်”

ဒါလောက် ရင်းနှီးမှုရှိနေမှတော့ ရည်းစားစကားပြောဖို့ သိပ်မခက်လှတော့ပါ။ စကားလုံး အသုံးအနှုန်း အနည်းငယ်ကွဲလွဲတာသာ ရှိမည်။ ကိုလွင်ဦးသည် စိတ်လိုက်မာန်ပါ ပြောရင်း ပိုမိုရဲတင်းလာကာ လေသံ အနည်းငယ်နှိမ့်၍ သုံးခွန်းသော အစဉ်အလာစကားကို တစ်ဆက်တည်း ပြောချလိုက်သည်။

“ချစ်တယ် မြ”

အများမိန်းကလေးတကာကိုပင် ပါးပြင်တွေ နှင်းဆီဖူးလာသည်ကို ချစ်စနိုးဖွယ် မြင်ရ၏။ သို့သော် မြက ပွင့်လင်းစွာ ရယ်နိုင်သည်။

“အဲဒါ မြ သိပါတယ်”ဟု တိုးညှင်းစွာဆိုသည်။

အတူနေဖို့၊ လက်ထပ်ဖို့ကို အကြောင်းပြချက်မဲ့စွာ မြက ငြင်းဆန်မြဲ ရှိလေသည်။

“မောင့်ကို မြ ချစ်ပါတယ်၊ ဒါဆိုရင် လုံလောက်ရောပေါ့ကွယ်”

မြကို နားလည်တစ်ချက် နားမလည်တစ်ချက် ဖြစ်ရသည်။ ကိုလွင်ဦးတစ်ကိုယ်တည်း ငှားနေသော ဂွတ္တလစ် မင်းလမ်း ထဲက အိမ်ခန်းကျဉ်းကလေးမှာ နေကုန်နေခန်း လာရောက်လည်ပတ်လေ့ရှိသော မြကို ဇွတ်တရွတ် အကြပ်ကိုင်ရမည်လားဟု မိစ္ဆာစိတ်ဝင်ဖူးသည်။ သို့သော် မြ၏စင်ကြယ်ပွင့်လင်းဟန် ကလေး က နှလုံးသားမှာ ခိုက်နေကာ မြရှေ့မှောက် ရောက်လျှင် စိတ်ရိုင်းတွေ လွင့်ပျောက်ရမြဲ။

တစ်ခါတော့ တောမှာ ကျန်ရစ်သည့် ကိုလွင်ဦး၏အမေ နာရေးကိစ္စကြောင့် တစ်ပတ်ကျော်မျှ မြနှင့် ခွဲခွာလိုက်ရသည်။

ရန်ကုန်ပြန်လာတော့ မြကို မမျှော်လင့်ဘဲ လက်ဖက်ရည်ဆိုင်တစ်ဆိုင်မှာ ကျော်ခိုင်နှင့် စကားလက်ဆုံ ကျလျက်သား တွေ့ရလေသည်။ ပေါက်ကွဲလုဆဲဆဲစိတ်ကို ဘရိတ်ထိန်းရင်း မြနံဘေးမှာ မျက်နှာမပျက် ၀င်ထိုင်လိုက်ရသည်။ ကျော်ခိုင်ကသာ အလိုက်သိစွာ စကားဖြတ်ပြီး နှုတ်ဆက်မထသေးဘူးဆိုလျှင် မြ ကို သူအော်ဟစ်လိမ့်မည်။ မြကတော့ သဘောပေါက်လွယ်သည်။

“မောင် ကျွဲမြီးတိုလာသလား”

“မဟုတ်ပါဘူး၊ မြ နေပုံ ထိုင်ပုံကတော့ ကျေနပ်ဖို့ကောင်းလို့လား”

မြက ပြုံးမြဲပြုံးလည်း မျက်တောင်တွေ စွတ်စိုစပြုသည်။

“အဲဒါကြောင့် မောင့်ကို မြ ချစ်ရုံပဲ ချစ်ဝံ့တာ၊ လက်မထပ်ဝံ့တာပဲ မောင်”

ကိုလွင်ဦး ခေါင်းခါပစ်လိုက်သည်။

“မောင်တစ်ယောက် ကျေနပ်အောင် နေဖို့ မြနှင်းဆီ ဖြစ်လာတာတော့ မဟုတ်ဘူးမောင်၊ အဲဒါအတွက် တော့ ခွင့်လွှတ်ပါ မြကို”

ကိုလွင်ဦးသည် အားလျော့ရုံမက စိတ်အပျက်ကြီးပျက်လာ၏။

“ကိုယ်ကချည်း ကျေနပ်ချင်နေတာ မဟုတ်ဘူး မြရယ်၊ မင်းအတွက်ကြည့်ပြီး ပြောနေရတာ၊ မင်း လူတွေ အကြောင်းလည်း မသိဘူး”

“မြကိုယ်မြ သိပါတယ်၊ မြအတွက် လုံလောက်နေတာပဲ”

ထုံပေပေ အေးစက်စက် အမူအရာကို သည်တစ်ခါတော့ ကိုလွင်ဦး ထောင်းခနဲ ဒေါပွသွားသည်။

“မြကိုယ်မြ သိရုံနဲ့ ဘယ်လုံလောက်မလဲ၊ လူတွေအကြောင်း မင်း သိဖို့လိုတာပေါ့၊ မင်းကိုလည်း လူတွေ က နားလည်ဖို့လိုတာပေါ့၊ ခုတော့ ငါတောင် မင်းကို နားမလည်နိုင်သေးဘူး မြ သိလား၊ မင်းဟာ သိပ် အသိရခက်တဲ့ မိန်းကလေး”

“ဒါတော့ မြ မတတ်နိုင်ဘူး၊ ဒါတွေဟာ မြကိစ္စ လုံးဝမဟုတ်ဘူး မောင်၊ မောင်သာ အသိရခက်တဲ့ မိန်းကလေးတစ်ယောက်ကို ဘာကြောင့်ချစ်ခဲ့သလဲ၊ အဲဒါ ပြန်စဉ်းစား၊ အဲဒါသာ မောင့်ကိစ္စ”

ကိုလွင်ဦး ဗီဇက မိန်းကလေးတစ်ယောက်နှင့် အချေအတင် အငြင်းပွားရမည်ကို ၀န်လေးလှသည်။ အောက်တန်း ကျသည် ထင်၏။ သည်မှာတော့ ကိုယ့်ချစ်သူမို့၊ မြမို့ ပိုပြီး ရန်မဖြစ်ချင်။

“မောင့် ကို မြ လက်မထပ်နိုင်ဘူး ဆိုတာ သေချာသလောက်ရှိပြီ မောင်၊ ဒါပေမယ့် မောင့်ကို မြ ချစ်ပါ တယ်”

ကိုလွင်ဦး၏နှလုံးသွေးများ ငယ်ထိပ် တက်ဆောင့်သည်။

“ဘာစကားလဲ မြ၊ ကိုယ့်ကို ကြိုးရှည်ရှည်နဲ့ လှန်တာလား”

မြက အသံထွက်အောင် ရယ်သည်။

“ဒီလောက် ဟောင်းမြင်းဆွေးမြည့်နေတဲ့ စကားကြီးသုံးနေရသေးလား မောင်ရာ၊ အယ်ဒီတာတစ် ယောက် လုပ်နေပြီး”

ကိုလွင်ဦး ပိုပြီး ရှူးရှူးရှားရှား ဖြစ်လာသည်။

“ဝေ့လည်ကြောင်ပတ် လုပ်မပစ်နဲ့ မြ၊ ကိုယ့်ကို ပြတ်ပြတ်သားသား အဆုံးအဖြတ်ပေးစမ်းပါ”

“ပြောနေပြီပဲမောင်၊ မောင့်ကို မြလက်ထပ်နိုင်ဖို့ ခဲယဉ်းသွားပြီ၊ ဘာကြောင့်လဲဆိုရင် တစ်စုံတစ်ယောက် ရဲ့လက်မောင်း ကို မှီနွဲ့လို့ချည်း မြ မနေနိုင်ဘူး၊ လောကအလုံးမှာ မြ သွားချင်ရာ သွားပြီး နေချင်သလို နေမှာ၊ လမ်းကြိုလမ်းကြား ဖြစ်ချင်ဖြစ်မယ်၊ လက်ဖက်ရည်ဆိုင် ဖြစ်ချင်ဖြစ်မယ်၊ ရုပ်ရှင်ရုံထဲက နှစ်ကျပ် ခွဲတန်း ထိုင်ခုံပေါ် ရောက်ချင်ရောက်မယ်၊ စိတ်ထဲရှိသလို နေမယ်၊ ဒါပေမယ့် မောင့်ကို မြ ချစ်ပါတယ်”

“တော်တော့ မြရယ်”

“ဒီထက်လည်း ပိုပြီး ပြောစရာ မရှိတော့ပါဘူး မောင်”

“အလကား ဟစ်ပီပဲ”ဟု ဒေါပွပွနှင့် ရေရွတ်မိသည်ကို မြက ကြားမိအောင် ကြားလိုက်သည်။

“ဒါတော့ မောင် မြကိုဆဲတာပဲ၊ တစ်သက်နဲ့တစ်ကိုယ် ပထမဆုံး သည်းခံလိုက်မယ် မောင်၊ ချစ်တဲ့စိတ် နဲ့ သည်းခံလိုက်ပါ့မယ်”

ကချင်လွယ်အိတ်ကို ထုံးစံအတိုင်း စလွယ်သိုင်းလွယ်ကာ ရှပ်အင်္ကျီကို တင်ပါးပေါ်မှာ ဆွဲဆန့်ချရင်း ထိုင်ရာမှ ထသည်။ ကိုလွင်ဦးက မချိတရိ ပြုံးရင်း-

“သွားတော့မယ်လား၊ ကောင်းပါတယ်၊ ဒါနဲ့များ ချစ်တယ်ဆိုတဲ့စကား ပြောတတ်တယ်နော် မင်း”

“မောင့်ကို မြ ချစ်တယ်ဆိုတာ မောင်က မမေးဘဲတောင် မြဘာသာ မြ ပြောပိုင်ခွင့်ရှိတာပဲ၊ ဒါကို ယုံပါလို့ အသနားမခံပါဘူး မောင်”

လေတိုင်သလို ပေါ့ပါးသွက်လက်သော ခန္ဓာကိုယ်လေး လွင့်ပျောက်သွားသည်အထိ ငေးငိုင်ကျန်ရစ်သည်။

နှမြောနမဲနှင့် လမ်းခွဲခဲ့ရသော ချစ်သူ။

တစ်ယောက်နှင့်တစ်ယောက် မျက်နှာချင်းမဆိုင်မိအောင် နေရာက ဝေးသည်ထက် ဝေးသွားကြသည်။ မြကို အရင်ကလို ဟိုတွေ့သည်တွေ့ တွေ့လည်း ခေါင်းထဲက အမြန်ဆုံးရှင်းထုတ်ပစ်ဖို့ ကြိုးစားရလေ သည်။

မိမိကိုယ်ကိုယ် ဆောက်တည်ဖို့ကြိုးစားရင်း အမေ သဘောတူသည့် အေးမူနှင့်ဗြုန်းစားကြီး လက်ထပ် ပစ်လိုက် သည်။ လေထဲမှာ တိုက်ဆောက်ချင်မိသော ကိုလွင်ဦးသည် ဘ၀ကိုခြေလှမ်းမှန်မှန် ခရီးစဖြစ်ခဲ့ ၏။

ရပ်ကွက်မူလတန်းကျောင်းမှာ ဆရာမိဘအသင်း ထောက်ပံ့ကြေးရ လုပ်အားပေးဆရာမကလေး လုပ် နေသော အေးမူသည် သားဦး ကိုယ်ဝန်ရစမှာ အလုပ်မှထွက်ပြီး သူ့ရွှေဆွဲကြိုးကလေး ရောင်းကာ ကျူး ကျော်မြေကွက်ထဲ တဲတစ်လုံးဆောက်သည်။ ဦးသူ ယူ အစဉ်အလာအတိုင်း မြေကွက်ကျယ်ကျယ် ခြံ ခတ်ကာ ပန်းစိုက်စ ပြုသည်။ အိမ်မှာ တောက်တိုမယ်ရ အိမ်ဆိုင်ကလေး တည်သည်။

ရောက်လာမည့် သားသမီးရတနာအတွက် ကြိုတင်ပြင်ဆင်သည့်သဘော။ ရှေ့ရေး လာဘ်မြင်သော အေးမူကြောင့် အိမ်ထောင်ဦးစီး ကိုလွင်ဦးမှာ တာဝန်သိပ်မကြီးလေးလှခြင်း ဖြစ်လေသည်။

သားတစ်ယောက်၊ သမီးတစ်ယောက် နှစ်နှစ်စီခြား၍ ပုံမှန်ဖွားမြင်ပြီး ကတည်းက အေးမူမှာ ထူးထူးခြား ခြား “အမြွှာ”စိတ္တဇ စွဲကပ်လာသည် ထင်၏။

“နောက်ထပ် သားတစ်ယောက်၊ သမီးတစ်ယောက် လိုချင်သေးတယ် အစ်ကိုရယ်၊ ဒါမှ ကလေးတွေ တစ်ယောက်နဲ့တစ်ယောက် အဖော်သဟဲရမှာ၊ တစ်ဖက်ကလည်း အေးမူ အလုပ်ပျက်မခံနိုင်သေးတော့ တစ်ကြိမ်တည်း အမြွှာမွေးပစ်လိုက်ချင်တယ်။ သားတစ်ယောက် သမီးတစ်ယောက် အမြွှာမွေးပြီးရင် လုံလောက် ပြီ၊ တော်ပြီ”

ဇမ္မူဒီပါ လက်ယာတောင်ကျွန်းမို့ နိမိတ်ထွန်းသည်ပဲလား၊ စိတ်စွဲကပ်လွန်း၍ပဲလား၊ တိုက်ဆိုင်သွား၍ ပေပဲလားမဆိုနိုင်။ အေးမူ၏ ယခု တတိယကိုယ်ဝန်ကို သားဖွားမီးယပ်ပါရဂူ ဆရာဝန်မကြီးက အမြွှာဟု အတိအကျ ဆိုချေပြီ။ နှလုံးခုန်သံ နှစ်ခုကြားရသည်တဲ့၊ ဆေးပညာ ထက် အလောင်းအစားဘက်တွင် ပိုမိုမွေ့လျော်နေသည့် ဆရာဝန်ပေါက်စန ရေးဖော်တစ်ဦးက မယုံရင် ဓာတ်မှန်ရိုက်ကြည့်ချင်သလားဟု အပိုင် စိန်ခေါ်သည်ကို ကိုလွင်ဦး ခေါင်းခါငြင်းရသည်။ သိပ္ပံဆောင်းပါးတိုထွာတွေ ဖတ်ဖူးထားသူပီပီ သန္ဓေသား ကို ဓာတ်မှန်ရောင်ခြည် မထိစေချင်။

အေးမူကိုတော့ ကြောက်ရှာမည်စိုး၍ မယုတ်မလွန် ပြေားထားကြသည်။ ဆရာဝန်မကြီးက-

“နှစ်ယောက် ဖြစ်ချင် ဖြစ်နိုင်တယ်၊ ဒါပေမယ့် မစိုးရိမ်နဲ့နော် သမီး၊ ဗိုက်ခွဲမွေးရင်လည်း စိတ်ချရတာပါပဲ၊ တချို့မိန်းမတွေများ ရိုးရိုးမွေးရတာ ခေတ်နောက်ကျတယ်ထင်ပြီး ဗိုက်ခွဲမွေးနိုင်မှ ဂုဏ်ရှိတယ် ထင်နေ ကြတယ်”

အမှန်တော့ အေးမူ အင်မတန် သတ္တိကောင်းသည်။ အခြေအနေအရပ်ရပ်ကို ရင်ဆိုင်ဖို့ အမြဲအဆင်သင့် ရှိသလို ကြိုတင်မြော်မြင် ပြင်ဆင်တတ်သူလည်း ဖြစ်သည်။ ယခုလည်း သူ့ကိုယ်သူ အမြွှာမွေးမည်ရယ် လို့ တပ်အပ်ဆိုကာ ဗိုက်ခွဲဖို့ ချုပ်ကြိုးကအစ စုဆောင်းပြင်ဆင်နေပေပြီ။

သို့သော် သည်နေ့တော့ အေးမူ မှာတာတွေ ကိုလွင်ဦး မ၀ယ်ဖြစ်။ အေးမူ စုဘူးဖွင့်ပြီး ထည့်ပေးလိုက် သည့် ငွေ ၁၅၀ အနက် ၅၀ က စာမူခ ပေးသည့်အထဲ စိုက်လိုက်ရသည်။ မနက်က စာရေးဆရာကြီး ဦးကျော်စွာ ၀တ္ထုတို စာမူခလာထုတ်သည်။ အယ်ဒီတာချုပ်ထံမှ ကျလာသော စာမူခမှာ ကျပ် ၁၀၀ တိတိ။

ဒါကို ကြားက ကိုလွင်ဦး မပေးဝံ့ဝံ့ဖြစ်နေသည်။ ယနေ့ ၀တ္ထုတိုစာမူခကို တန်းခွဲလိုက်လျှင် ကျပ် ၁၀၀ ဆိုသည် မှာ ဒုတိယ အလယ်အလတ်တန်း။

ဆရာဦးကျော်စွာ၏ စာပေအစဉ်အလာအရ ၁၅၀ တန်းတော့ ပေးသင့်သည်ဟု ကိုလွင်ဦး နားလည် သည်။ သို့သော် ပိုင်ရှင်အယ်ဒီတာချုပ်၏အဆုံးအဖြတ်မို့ စောဒကတက်၍လည်း မသင့်လေတော့ ရံဖန် ရံခါသာ ၀တ္ထုတိုကလေး ရေးပို့နိုင်၍ ဆယ်ခါတစ်ခါသာ မဂ္ဂဇင်းမှာ သုံးပေးလေ့ရှိသော ဆရာဦးကျော်စွာ ၏စာမူအတွက် တစ်ခါတစ်ရံ သဘောပိုက်ပြီး အိတ်ထဲက ၅၀ စိုက်ပေးလိုက်မိလေသည်။ ခေတ်လူငယ် များ မသိတော့သော၊ ကုလားထိုင်လည်း မရှိတော့သော ကလောင်အိုတစ်ချောင်းပေမည့် အနုပညာ ဂါရ၀အရ ဒါလောက်တော့ နေရာထားသင့်သည်ထင်၏။

အိတ်ကပ်ထဲ ကျန်သည့် ငွေ ၁၀၀ နှင့် ဘာတွေ ဦးစားပေးဝယ်ရမည်လဲဟု တွက်ဆစဉ်းစားဆဲ မြထံက ဖုန်းလာသည်။ တွေ့ချင်သည်တဲ့၊ စကားပြောချင်သည်တဲ့။

သို့ဖြင့် အိမ်က မိန်းမအတွက် ဈေးဝယ်ဖို့ အစီအစဉ်ကိုဖျက်ကာ “နေခြည်ရက်စ်တောရင့်”သို့ ရောက် လာရခြင်းဖြစ်သည်။

ခုတော့ ငါးမုန့်ကြော် ၀ါး၍ ဘီယာခါးခါးကို မြုံ့ရင်း ကိုလွင်ဦး စိတ်တွေ တည်ငြိမ်စပြုပေပြီ။

လိမ္မော်ရော်တိမ်မျှင်လေး လွင်လာသည်လားဟု ၀ိုးတ၀ါး မြင်သည်။ လွှာဖိနပ်သံ တဖျပ်ဖျပ်သည် ဒစ္စကို စည်းချက်ကို မြန်ဆန်စွာ နီးကပ်လာ၏။

လိမ္မော်ရော်တွေထဲမှာ ၀ါရော်ဖျော့တော့နေသော အပြုံးကို မနည်းရှာကြည့်ရသည်။

“မောင်…”

နောက်ဆုံးပေါ် လည်ကတုံး ရှပ်ပုံစံဆန်ဆန် ဘလောက်စ်ပွပွကြီး ၀တ်ထား၍လားမသိ၊ မြ၏ မျက်နှာ ကလေးမှာ ချောင်နေသည်ဟု ထင်ရလေသည်။

လွန်ခဲ့သော ဆယ်နှစ်တုန်းကလိုပါကလား မြရယ်။ စလင်းဘက် အဖြူကို ပခုံးသိုင်းလွယ်လျက် ရှည် သွယ်သေးမျှင်သော သိုင်းကြိုးကို ညာလက်ညှိုးကလေးနှင့် ချိတ်ရင်း ဆော့ကစားလာသည်။ မြဟာ မကြီးရင့်နိုင်တော့ပြီလား။ ခုလောက်ဆို မြ အသက် ၃၀ ကျော်လောက်ရောပေါ့၊ သို့သော် “မောင်” ဟူ၍ ပင် ပိုင်ပိုင်ကြီး ခေါ်ဆဲဖြစ်သည်။

“မောင် ရောက်နေတာ ကြာပြီလား၊ မြ လာတာ နောက်မကျပါဘူးနော်၊ မောင် ချိန်းတဲ့အချိန်ပဲ”

“တစ်မိနစ် မစွန်းသေးပါဘူး မြရယ်၊ ကဲ… ထိုင်စမ်းပါ၊ ပြောစရာရှိတာ မပြောခင် ဘာစားမလဲ မှာစမ်းပါ ဦး၊ ပြီးတော့ မြ တစ်ခုခုသောက်လေ၊ စပါကလင်လား၊ လိမ္မော်ရည်လား၊ အစားအသောက်မှာထားတုန်း စောင့်ရင်း ဘာသောက်မလဲ”

ဘီယာတစ်လုံးပင် မကုန်ချင်သေးဘဲ ကိုလွင်ဦး လျှာ်တွေ သွက်နေသည်။ မြက ကိုလွင်ဦးနှင့် မျက်နှာ ချင်းဆိုင် ကုလားထိုင်မှာ ငြိမ့်ခနဲ ထိုင်ချလိုက်ပြီး မီးနူးကတ်ကို ကောက်ယူကာ…

“အမှန်တော့ မြ ဘီယာသောက်ချင်တယ်၊ ဒါပေမယ့် မောင့်အတွက် မတော်ပါဘူးလေ၊ စိတ်ထဲရှိသလို မနေဖြစ်အောင် ကြိုးစားပါ့မယ်၊ စပါကလင် တစ်လုံးပဲ မှာပါ”

“အမယ်လေး၊ ကျေးဇူးတင်ပါတယ် မြရာ”ဟု ကိုလွင်ဦးစိတ်ထဲ တကယ်ပဲ သိမှတ်နေသည်။ မြ အတော် ပျော့ပျောင်းလာပြီပဲ၊ မြူစွမ်ကြော်၊ ကြက်ကြွပ်ကြော်နှင့် ယိုးဒယားဟင်းချိုမှာသည်။ ပြီးတော့ နံရံကပ် မှန်ဗီရိုထဲက တိုင်းတစ်ပါးလုပ် စည်သွတ်ဘူးများကို တစ်ချက်ကဲကြည့်ကာ-

“ပြောင်းဖူးရှိတယ် မဟုတ်လား၊ ပြောင်းဖူးကြော် တစ်ပွဲပေးပါ”

စည်သွတ်ဘူးတွေ ဈေးကြီးလှ၍ ပိုက်ဆံမလောက်တာတော့ သေချာလေပြီ။ အကြွေးမှတ်ရတော့မှာပဲ။ မြက အသားစုံကြော်တစ်ပွဲ ထပ်မှာပြီးမှ မီနူးကတ်ကို ချထားလိုက်သည်။

“မောင့်ကို မြ နှုတ်ဆက်ချင်လို့ပါ၊ မြ လက်ထပ်တော့မလို့”

ခေါင်းထဲ ရီတီတီ အရသာလေး ပျောက်သွားကာ မြကို စေ့စေ့ကြည့်ဖြစ်သည်။

“ကောင်းပါတယ်၊ ဒီလို ဖြစ်သင့်တာ ကြာပြီပဲ၊ ခုမှပဲ ချစ်သူတွေ ဘာတွေ တွေ့တော့တယ်လား”

“မောင့်ကိုပဲ မြ ချစ်တယ်ဆိုတာ မယုံသေးဘူးလား မောင်၊ ခုဟာက လက်ထပ်ချင်စိတ်ပေါ်လို့ပါ”

မြသည် ခုအထိ စိတ်ကူးဆန်းကြယ်ဆဲ ရှိသေး၏။

“ဒါလည်း ဖြစ်နိုင်တာပဲလေ၊ သတို့သားက ကိုယ်တို့အသိအကျွမ်းထဲက များလား”

“ဟင့်အင်း မောင်၊ ဟင်း ဟင်း… တတိယတန်း ဖတ်စာသစ်ထဲက စကားလုံး အသုံးအနှုန်းနဲ့ပြောရရင် တိုင်းတစ်ပါးသားဆိုပါတော့၊ မြန်မာပြည်ပေါက် တိုင်းတစ်ပါးသားလေ၊ ရှေ့အပတ်ထဲမှာ ဧည့်ခံပွဲလုပ် မယ်၊ ပြီးရင် ငပလီ တစ်လှည့်၊ ကလော တစ်လှည့် လျှောက်လည်နေမှာပဲ၊ အခွင့်သင့်ရင် တိုင်းတစ်ပါး တောင် ရောက်ချင် ရောက်သွားမှာ၊ ဒါပေမဲ့ အရှေ့တောင် အာရှထဲလည်နေမှာ မောင်ရဲ့၊ မြက သြစတြေးလျတို့၊ ဥရောပတို့ လွင့်ချင်တာ”

လွင့်ချင်တာ ဆိုသော အသုံးအနှုန်းကို နားခါးလှသော်လည်း ကိုယ်နှင့်မဆိုင်တော့ပါလားဟု သတိထား လိုက်ရသည်။ တစ်ပွဲပြီးတစ်ပွဲ လာချသော အငွေ့တလူလူ အစားအသောက်တွေကို မြည်းရင်း သူ ပြော သမျှ နားထောင်နေလိုက်၏။

“ချစ်တာနဲ့ လက်ထပ်တာကတော့ အရှေ့နဲ့အနောက်ပဲ မောင်၊ ဘာမှမဆိုင်ဘူး၊ သတ်သတ်စီ၊ ပြီးတော့ မြက အချစ်ကို နေရောင်အောက်မှာ ရှာခဲ့တာ၊ မထင်ရှားတဲ့ ကဗျာဆရာမတစ်ယောက် ရေးဖူးတဲ့ ကဗျာလေးတစ်ပုဒ် မြ ရင်ထဲ ထွင်းထည့်ထားတယ်၊

ပန်းချုံရိပ်မှာ၊ လသာသာတွင်

ကိုယ်က မတွေ့ချင်ဘူး မောင်။

ချွေးပြိုက်ပြိုက်ဆူ၊ နေပူပူမှာ

အတူလက်တွဲ လျှောက်ရအောင်တဲ့”

“ဟား ဟား… အဲဒါ စိတ်ကူးယဉ်တာခေါ်တယ် မြရဲ့၊ အဲဒီကဗျာဆရာမ ခုလောက်ဆိုရင် ငါ ငယ်ငယ်က အတော်ကြောင်ပါလား ဆိုပြီး ရှက်နေလောက်ရောပေါ့၊ ဘယ့်နှယ် နေပူထဲ လက်တွဲလျှောက်လို့ချည်း နေရင် မောမှာပေါ့၊ ဘ၀အမောတွေ နားဖြေရအောင် လသာသာ ပန်းချုံရိပ် လိုအပ်တာပေါ့ မြရဲ့၊ ပြီး တော့ အိမ်ထောင်ရေးတစ်ခုကို လက်ဖက်ရည်ဆိုင်မှာ ဆွေးနွေးငြင်းခုံရင်း တည်ဆောက်လို့ရပါ့မလား”

“မြက အချစ်ကို ပြောတာပါ၊ အိမ်ထောင်ရေးကို မြ လက်ဖက်ရည်ဆိုင်မှာ မတည်ဆောက်ပါဘူး၊ အင်းလျားလိတ် မှာ တည်ဆောက်မယ်လေ၊ ဒါပေမယ့် အချစ်မပါဘူး၊ ခု မြမှာ ပရက်(က်)ရှိနေပြီ၊ မလို ချင်ပါဘူး၊ ယူလည်း မယူချင်ဘူး၊ ရှင်းပစ်လိုက်မယ်”

နားထင်တွေ ကြွတက်သွားသည်ဟု ထင်ရ၏။ နားနှင့်ဆတ်ဆတ် ကြားလိုက်၍သာ ယုံရသည်။ မင်္ဂလာ ဧည့်ခံပွဲမကျင်းပမီ ကိုယ်ဝန်ရှိသည်ဆိုတော့ အရုပ်ဆိုးလှပေမဲ့ ဖြစ်တန်ရာသည်။

“တွေ့ရာတွေ မပြောနဲ့ မြရယ်၊ မဖြစ်နိုင်တာတွေ”

မြက ကြက်ကြော်ကို တကြွပ်ကြွပ် ၀ါးရင်း ပလုံးပထွေး ရယ်နေသေး၏။

“မဖြစ်နိုင်တာရယ်လို့ မရှိလှပါဘူး မောင်၊ မောင်နဲ့ဝေးရတာ တစ်ခုက လွဲရင် မြ ဖြစ်ချင်သလို အားလုံး ဖြစ်ရတာချည်းပဲ၊ ဖြစ်အောင်လည်း လုပ်မှာပဲ၊ တစိမ်းယောကျာ်းတစ်ယောက်ရဲ့ အနှောင်အဖွဲ့ မြ မလို ချင်ဘူး”

သည်အကြောင်းတွေ ရပ်သင့်ပြီဟု နားလည်လိုက်သည်။ သူ့ဝန် သူထမ်း၊ သူ့လမ်း သူသွားတာမှန်ပေမဲ့ ထို ထင်ရာစိုင်းဝါဒသည် ပတ်ဝန်းကျင်ကို တစ်နည်းမဟုတ် တစ်နည်း အနှောင့်အယှက် ဖြစ်စေပါ ကလား။

ပြောင်းဖူးကြော်တွေ အငွေ့တဝေေ၀နှင့် ရောက်လာ၏။ လက်ညှိုးလက်သန်းလောက်ရှိသော စည်သွပ် ပြောင်းဖူးကလေးတွေကို ဟင်းသီးဟင်းရွက် အနည်းငယ်နှင့် ကြော်ချက်သဘောမျိုးလုပ်ထားသော ဟင်းပွဲ ဖြစ်သည်။ မစားစဖူးမို့ အရင်ဆုံး ခက်ရင်းနှင့်ထိုးပြီး ကိုက်မြည်းကြည့်လိုက်သည်။ ချိုတော့ ချို သားပဲ။ အင်္ဂါစုံသော်လည်း ပြောင်းစေ့ကလေးတွေက မအောင်၊ မမာ။ မွေးကတည်းက ပြောင်းဖူးဖွံ့ဖွံ့ နုထွားကြီးတွေကို အရသာခံလာသော ကိုလွင်ဦးလျှာပေါ်မှာ “အလားမမြောက်သည့် ပြောင်းဖူး”ကို သိပ်ခံတွင်း မတွေ့ချင်တော့။ ဘူးသွင်းပစ္စည်းမို့ ဈေးကြီးတာ၊ ရှားပါးတာ မှန်လည်း အင်းစိန်မီးခွက်ဈေး က “ပုတီးကုန်းပြောင်း”ကို စားရတာလောက် ဘယ်မှာ အရသာ လေးပင်နိုင်ပါ့မလဲ။

“မြက ဟောဒီ ပြောင်းဖူးလေးလိုပါပဲ”

“ဟင်”ဟု မြက နားမလည်စွာ မော့ကြည့်သည်။

“သြော် ခုထိ အရွယ်မရောက်နိုင်သေးလို့ပါ၊ ခေါင်းအေးအေးထား၊ စဉ်းစဉ်းစားစားလုပ်၊ စိတ်ထဲရှိသလို မနေချင်ပါနဲ့တော့ မြ၊ အဲ… မြနှင်းဆီရယ်”

“နှင်းဆီကြီး ထည့်ခေါ်ပြန်ပြီလား မောင်”

“ဘာဖြစ်လဲ၊ မြနာမည် မြနှင်းဆီပဲ၊ နှင်းဆီဆိုတာ မောင်တော့ သဘောကျတယ်၊ လှတယ်၊ လန်းတယ်၊ သင်းပျံ့တယ်၊ သူ့အတွက် အရံအတား ဆူးကလေးတွေ  ၀န်းရံလို့နေတယ်၊ မြကို နှင်းဆီလို လှစေ၊ လန်းစေ၊ သင်းပျံ့စေချင်တယ်၊ ပြီးတော့ အရံအတား စည်းကလေးတွေ ရှိထားစေချင်တယ်၊ ကိုယ့်ရဲ့ နှုတ်ဆက်စကားလို့ မှတ်ချင်လည်း မှတ်သွားပါ မြ”

နားမလည်နိုင်သော အပြုံးတစ်မျိုးကို သူ ပြုံးရင်း ငြိမ်သက်စွာ စားသောက်နေသည်။ နှစ်ယောက်ကြား မှာ တိတ်ဆိတ်ခြင်းက နှောင့်ယှက်လာတော့သည်။ မခံနိုင်သူ ကိုလွင်ဦးကပဲ စကားစ ရှာရပြန်၏။

“ကိုယ့်မိန်းမကတော့ နှင်းဆီဆို သိပ်ကြိုက်တာပဲ၊ နှင်းဆီခင်းကလေးတွေ စိုက်ထားတယ်လေ၊ အဲဒီ တော့ နှင်းဆီ လှိုင်လှိုင် ပွင့်ပါစေပဲ ဆုတောင်းနေတယ်၊ ဒါမှ ပိုက်ဆံရမှာ မဟုတ်လား၊ ပိုက်ဆံကလည်း ရှာရပြီ မြရဲ့၊ ကိုယ်တို့မှာ ကလေးနှစ်ယောက်ရှိတယ်၊ နောက်ထပ် နှစ်ယောက်လည်း ရဦးမယ်၊ ခု ကိုယ့် မိန်းမ ပရက်(က်) က အမြွှာတဲ့၊ နေ့လား ညလားပဲ”

“ဟုတ်လား”ဟု သွေ့ခြောက်စွာ မေးသည်။ မြူစွမ်တွေကို ခက်ရင်းနှင့် အကြာကြီး ထိုးဆွမွှေနေပြီးမှ-

“ကလေး လေးယောက်ဆို များလှပြီနော်၊ ပြီးတော့ အမွှာမွေးတယ်ဆိုရင် သိပ်ဒုက္ခရောက်မှာ”

အမြွှာမောင်နှမ မျှော်လင့်ချက်ဖြင့် ဖျပ်ဖျပ်လူးမတတ် ထက်သန်နေတော့ အေးမူအကြာင်းတွေပြောမည် ကြံပြီးမှ မပြောဖြစ်တော့ချေ။ ဒါက ကိုယ့်ကိစ္စသာဖြစ်သည်။ အေးမူကို ကျေးဇူးတင်စိတ်တွေ တဖွားဖွား ပေါ်လာပြီး ကိုယ့်မိန်းမနှင့် ကိုယ် ခုမှ ပိုပြီးနီးစပ်လာသလို ခံစားရ၏။

ပါရမီရိပ်သာ လမ်းမတစ်နေရာမှာ မြ တက္ကစီပေါ်က ဆင်းသည်။

“ဒီအထိ လိုက်လာတာ ကျေးဇူးပဲ မောင်၊ ဂွတ်(ဒ်)နိုက်”

“မြအိမ်က ဘယ်မှာလဲ”

“ဝေးသေးတယ်၊ ဒါပေမဲ့ မြ လမ်းလျှောက်ချင်လို့ပါ၊ တစ်ယောက်တည်း လျှောက်သွားချင်တယ်၊ သွားမယ် မောင်”

လိုက်ပို့မယ် ဟု ပြောအံ့ဆဲဆဲ ရုတ်ခြည်း နှုတ်ဆွံ့သွားသည်။ မြက လမ်းသွယ်တစ်ခုထဲသို့ ချိုးဝင်သွား လေပြီ။

ကားဘီးလိမ့်စမှာ မြ ချိုးဝင်သွားရာ လမ်းသွယ်ထဲသို့ တစ်ဆုံးကြည့်မိသည်။ လမ်းမီးတိုင် အလျဉ်းမရှိ။ အလင်းရောင် ဆို၍ ပျပျပင် မမြင်ရ။ သစ်ရိပ်စည်းရိုးကြားမှာ ပိန်းပိတ်အောင် မှောင်နေသည်။ လသာ လျှင် ကောင်းမည်။

မြနှင်းဆီတစ်ယောက် ခလုပ်မထိ ဆူးမငြိပါစေနှင့်။

စမ်းစမ်းနွဲ့(သာယာဝတီ)

ဝတ္ထုရေးသူပြောသည့် သူ့ဝတ္ထုအကြောင်း

နက်ရှိုင်းသော ချစ်မေတ္တာကို နှစ်နှစ်ကာကာ စိတ်ဝင်စားမြဲ လူ့သဘော သဘာဝအားဖြင့် ဤဝတ္ထုကို ရေးဖြစ်ခဲ့ပါသည်။

ထူးကဲသော ပင်ကိုဓလေ့စရိုက်နှင့် စာပေအနုပညာ အယူအဆတချို့ ပေါင်းစပ်ဖွံ့ဖြိုးနေသော ဝတ္ထု ဇာတ်ဆောင် “မြနှင်းဆီ”ကို “ဘူးသွင်းပစ္စည်း”ပမာ တင်စားမိခဲ့တာလည်း ထင်ရှားပါသည်။

အဓိက ဇာတ်ဆောင် နှစ်ဦးစလုံးကို နားလည်အောင် ကာလအတန်ကြာ နှလုံးသွင်းပြီးမှ ဖန်တီးဖွဲ့ဆိုရ သော ဝတ္ထုလည်းဖြစ်ခဲ့ပေရာ ဆယ်စုနှစ်များစွာ ဖြတ်သန်းခဲ့သည်နှင့်အမျှ “မြနှင်းဆီ”၏ရိုးရှင်းပွင့်လင်းမှု ကို ချစ်စနိုး သံယောဇဉ်ဖြစ်ရသလို ဘဝနေထိုင်မှုပုံစံ ရဲရင့်ပြတ်သားပုံကိုလည်း ကြိုက်သည်ဖြစ်စေ၊ မကြိုက်သည်ဖြစ်စေ မလေးစားဘဲ မနေနိုင်တော့ပါ။

အများသုံး ယဉ်ကျေးမှု ပုံစံခွက်တွင် ရှတသလောက် လှပနေသော “မြနှင်းဆီများ”အတွက် “လရောင် လင်းပါစေ… နှင်းဆီသင်းပါစေ”ဟု စိတ်ရင်းမေတ္တာ ပို့သရုံမှတစ်ပါး…။

စမ်းစမ်းနွဲ့(သာယာဝတီ)

.

SHWE ZIN U at 3:29 AM

Thursday, August 18, 2011

{ ရွှေဇင်ဦးဘလော့ဂ်မှ ကူးယူပါသည်။ဘလော့ဂ်အား ကျေးဇူးတင်ပါသည်။ }