လရောင်လင်းပါစေ… နှင်းဆီသင်းပါစေ
📑📑📑📑📑📑📑📑📑📑📑
စမ်းစမ်းနွဲ့(သာယာဝတီ)
ကိုလွင်ဦးသည် ချွေးပြန်စပြု၏။ လူသူ အ၀င်အထွက်များသော စားသောက်ဆိုင် တစ်ဆိုင်မှာ စားပွဲတစ် လုံး နှင့် တစ်ယောက်တည်း ထိုင်နေရတာလောက် ကြောင်တောင်တောင် ငေါင်းစင်းစင်း ဖြစ်တာ မရှိ။
“နေခြည် ရက်စ်တောရင့်”ဟု ဖုန်းထဲက အသေအချာပြောပြလိုက်သည်ကို သည်မိန်းကလေး နားကြား တော့ မလွဲတန်ရာ။ သူ ဖုန်းဆက်နေသည်ဆိုသော နေရာနှင့် အနီးဆုံး စားသောက်ဆိုင်ကို တမင်ရွေး ချယ်ခဲ့ခြင်း ဖြစ်သည်။ သန့်ပြန့်လွတ်လပ်ရုံမက မိန်းကလေးတစ်ယောက်အတွက် သိက္ခာရှိရှိထိုင်လို့ ကောင်း မည့် နေရာ။
ကိုယ် ကတော့ ခုအထိ အမွန်အမြတ် ရှိဆဲပါ မြနှင်းဆီ။ အဲ… ဆောရီး မြရယ်။
လွန်ခဲ့သော ဆယ်နှစ်ကျော်က မြ ပြောလေ့ရှိသည့် စကားတွေကို ခုပင် နားနားကပ်ပြောနေသလို အပီ အပြင် ကြားနေရ၏။
“မြလို့ပဲ ခေါ်စမ်းပါ မောင်ရာ၊ အဲဒီ နှင်းဆီဆိုတာကြီး မုန်းလွန်းလို့၊ ပန်းတကာ့ ပန်းထဲမှာ အင်မတန် ကိန်းကြီး ခန်းကြီးနိုင်တဲ့ ပန်း၊ အဖေအမေမှည့်ထားတဲ့ နာမည်မို့သာ မကောင်းတတ်လို့ ယူထားရတာ၊ မြ တော့ မြ တစ်လုံးတည်းပဲ ကြိုက်ပါတယ်၊ မြ ဆိုတာက ထက်မြက်တဲ့သဘော၊ မာကျောတဲ့သဘော”
စကားကြွယ်၍ ဖွယ်ဖွယ်ရာရာ ပြောတတ်ဆိုတတ်သော မြ၊ သူနှင့် ရွယ်တူတန်းတူ မိန်းကလေးများက “သိပ်စကားများ တာပဲ”ဟု နှုတ်ခမ်းတွန့်မယောင် ပြုကြတာတွေ သတိရသည်။ မြကလည်း ဘ၀တူ မိန်းကလေး ချင်း သိပ်အစေးမကပ်လှ။ ယောက်ျားသားတွေနှင့် အပေါင်းအသင်း များသည်။
“မိန်းမဆန်လွန်းတဲ့ မိန်းမတွေ ကို မြ ကြည့်လို့မရဘူး။ အင်းလေ… သူတို့ကလည်း မြကို ကြည့်လို့ရမှာ မဟုတ်ပါဘူး၊ တစ်ယောက် နဲ့ တစ်ယောက် ကြည့်လို့ရမှာ မဟုတ်တဲ့အတူတူတော့ မကြည့်ဘဲ နေလိုက် ကြတာ အကောင်းဆုံးပေါ့”
သည်လက်သုံးစကား တစ်ခွန်းကို အမြဲအမြံဆုပ်ပြီး ယောက်ျားကလေး အပေါင်းအသင်းတွေနှင့် လက် ဖက်ရည်ဆိုင် ထိုင်ရခြင်းကို မြ မွေ့လျော်သည်။ စိတ်လိုလျှင် ယောက်ျားတစ်အုပ်နှင့် ရုပ်ရှင်ကြည့်ဖို့ ၀န်မလေး။ ၃၂ လမ်း၊ ၃၃လမ်းတစ်ဝိုက်က စာအုပ်ဈေးကွက်မှာ၊ ပန်းချီပြပွဲခန်းမတွေမှာ၊ ပွဲကြီးလမ်းကြီး တွေမှာ ယောက်ျားသားတွေထဲ ထိုးထိုးထောင်ထောင် ပါလာတတ်သည်ကို နေမထိ၊ ထိုင်မထိကြည့်နေ ရသည် မှာ ဆယ်နှစ်ကျော်မျှမကပြီ။
“မုတ်သုံ မဂ္ဂဇင်း”၏လက်ထောက်အယ်ဒီတာဘ၀မှာ ကိုလွင်ဦးသည် မ်ိန်းကလေးကိစ္စနှင့် နာမည်မငြိ စွန်း ရအောင် အထူးသဖြင့် ဆင်ခြင်လာခဲ့၏။ မ်ိန်းကလေးတွေကို အထင်မသေးချင်သော်လည်း မိမိ အယ်ဒီတာ ဘ၀ အတွေ့အကြုံအရ မ်ိန်းမဆိုတာ နည်းနည်းသတိတော့ထားမှ ဖြစ်မည်ဟု နားလည်နေ သည်။ ထင်ရှား ကျော်ကြား မှုကို တပ်မက်သည့် ပုထုဇဉ်တွေထဲမှာ ယောက်ျားထက် မိန်းမသားတွေက ပိုပြီး ဖျပ်ဖျပ်လူး နေသည်ဟု မြင်နေလေသည်။ ထို့ကြောင့် မဂ္ဂဇင်းတိုက်မှာ ဆက်ဆံလာသမျှ အမျိုး သမီးတွေကို တိုက် တံစက်မြိတ်လွန်လျှင် စေ့စေ့မကြည့်မိအောင် အတတ်နိုင်ဆုံး ရှောင်သည်။
သို့သော် သည်တစ်ယောက်ကိုတော့…၊ မြကိုတော့ တစ်နေရာမှာ ချိန်းမိချေပြီ။ စောင့်စည်းလာခဲ့သမျှ အယ်ဒီတာသိက္ခာ လျော့ပြေခဲ့ပြီလား။ ကိုလွင်ဦးသည် လိပ်ပြာမလုံခြုံစွာ ခေါင်းကိုဆတ်၍ အတွေးစကို ဖြတ်ပစ် လိုက်သည်။
စားသောက်ခန်းမ ၏ ထောင့်ကျကျစားပွဲတွင် နေရာယူထိုင်နေခဲ့သည်မှာ နာရီဝက်နီးပါးရှိရော့မည်။ မျက်မှန်း တန်းမိနေကြပြီဖြစ်သော ဧည့်ကြိုလုလင်ကလေးတွေကို “မိတ်ဆွေတစ်ယောက် စောင့်လိုက်ဦး မယ်ကွာ” ဟု သတင်းပို့ရင်း ရေခဲရေတစ်ချိုင့် တောင်းထားလိုက်သည်။ ကောင်တာမှာထိုင်နေသည့် မရွှေရည် ကလည်း သူ့အလုပ်နှင့်သူ ရှုပ်နေသည်မို့ မိမိထံလာပြီး ဧည့်ထောက်မခံနိုင်။
ခါတိုင်း ဆိုလျှင် ဘယ်သူမျှမအားလျှင်တောင် သူငယ်ချင်း ကိုချစ်ချမ်းအေးက ခဏဖြစ်စေ နှုတ်ဆက် စကား လောက် လာပြောတတ်မြဲ။ နေခြည်ရက်စ်တော့ရင့် ပိုင်ရှင် ကိုချစ်ချမ်းအေးမှာ ဂီတသမားမို့ စကားပြော ရတာ နွေးနွေးထွေးထွေးရှိသည်။ ဘာသာစကားချင်း တူသည်ဆိုတာ ဒါပဲဖြစ်မည်။
တစ်ယောက်တည်း ကြောင်နေရာက သူငယ်ချင်းကို သတိရပြီး ကောင်တာဆီသို့ ထလျှောက်လာခဲ့ သည်။ မရွှေရည် က ငွေစက္ကူချပ်များကို တဖျပ်ဖျပ်ရေတွက်ရင်း အပြုံးများကို သူ့ဆီပို့လွှတ်၍ ကြိုသည်။
“ကိုချစ်ချမ်းအေး တစ်ယောက် ဘယ်ပျောက်နေသလဲဗျ”
“သြော်… ဒီကို မလာတာ နှစ်ပတ်ရှိပြီလေ။ စီးရီးထွက်တော့မယ် မဟုတ်လား၊ အလုပ်ရှုပ်နေမှာပေါ့”
မရွှေရည် ခေါင်းဆတ်ပြလိုက်သော နံရံကပ်ပိုစတာကို အမှတ်မထင် လှမ်းကြည့်မိသည်။ ခိုင်ဝါ၊ နေခြည် ဗစ်တာခင်ညို ဆိုသော စာလုံးကြီးတွေကို “လှမ်း”ဖတ်ကြည့်ကာ တစ်ချက်တည်း သဘောပေါက်သွား လေသည်။ ထိုစီးရီးကို စီစဉ်ထုတ်လုပ်နေသည့်အကြောင်း သူ ပြောပြထားဖူးသည်။
စိတ်ခပ်ပျက်ပျက်နှင့် လက်မှ နာရီကိုငုံကြည့်သည်။ အိုး… လေးနာရီခွဲဖို့ မိနစ်နှစ်ဆယ်တောင် လိုသေး တာပါလား၊ မိမိ စိတ်စောနေသည့်အဖြစ်ကို ခုမှ သတိထားမိသည်။
ဟုတ်ပါရဲ့။ မြက အမြဲတိကျတတ်သူပါ။ ဘယ်တော့မှ နောက်မကျတတ်သလို ဘယ်တော့မှလည်း စော လေ့ မရှိပါဘူး။
မြက သွေးအေးသည်။ မိမိသာ ဆန္ဒစောတတ်သူ၊ စိတ်လှုပ်ရှားလွယ်ကူသူ ဖြစ်လေသည်။ ကိုလွင်ဦး သည် မလုံမလဲပြုံးလိုက်ကာ မိမိစားပွဲသို့ပြန်လျှောက်လာခဲ့၏။ ၀ိတ်တာကို လက်ပြခေါ်လိုက်ပြီး ဘီယာ တစ်လုံး မှာသည်။ မိနစ်နှစ်ဆယ်လောက် စောင့်ရဦးမှာဆိုတော့ ဘီယာတစ်လုံးလောက် ဆွဲသောက်နေ လိုက်မည်။
“အစားအသောက်ကို ကြိုမှာထားရင် ပိုအဆင်ပြေမယ် ဆရာ”
“နေပါဦးကွာ၊ အချိန်နည်းနည်းစောနေသေးလို့။ ငါက အများကြီး စောရောက်နေတာကွ၊ ငါ့ဧည့်သည်က အင်မတန် တိကျတာ၊ သူက ဘိုလိုလာမှာ၊ ငါက မြန်မာစံတော်ချိန်နဲ့ မြန်မာလို လာမိလို့”
မပြုံးမရယ် ခပ်တည်တည်ပြောလိုက်သော ပြက်လုံးကို ၀ိတ်တာကလေးက အသံထွက်အောင် ရယ်ရင်း သဘောကျ နေ၏။
“ဒါဖြင့် ဆရာ့အတွက် အမြည်း”
“အေး… ငါးမုန့်ကြော် တစ်ပွဲပဲ ယူခဲ့ဦးကွာ”
အိတ်ကပ်ကို အမှတ်မထင် ဖိရင်း မှာလိုက်သည်။ အမှန်တော့ ငါးရှဥ့်ခြောက်ကြော်လေး တစ်ပွဲလောက် မှာ ချင်သေး၏။ အင်မတန်ကြိုက်သည့် ငါးရှဥ့်ခြောက်ကြော်မှာ ဈေးကြီးလှ၏။ ငါးမုန့်နှင့်ပဲ အာသာဖြေရ တော့မည်။ မြ ကို ညစာကျွေးမည်ဟု ပိုင်းဖြတ်ထားသည်မို့ အိတ်ကပ်ထဲက ရာတန်ကလေးတစ်ရွက်ကို စိတ်တွက် နှင့် ဖျက်သုံးနေရသည်။
မနက် က အိတ်ထဲမှာ ငွေတစ်ရာ့ငါးဆယ်လောက် ပါခဲ့သည်။ မိန်းမမှာလိုက်သော မီးနေခန်းသုံး ပစ္စည်း ပစ္စယ အတိုအထွာတွေ ၀ယ်ဖို့ဖြစ်လေသည်။
အေးမူ မျက်နှာ ကို ကွက်ခနဲမြင်၏။ ရင်ထဲမှာ လှုပ်သွားပြီး လက်ထဲက ဖန်ခွက် လွတ်ကျမတတ်ဖြစ်သွား သည်။ ဖိတ်စင်သွားသော ဘီယာတစ်စက်၊ နှစ်စက်ကို မသိကျိုးကျွန်ပြုကာ ကိုယ့်ကိုယ်ကိုယ် ဟန်မ ပျက်အောင် ထိန်းရင်း ဆက်သောက်နေရသည်။
သို့သော် အေးမူမျက်နှာက ဘီယာမြှုပ်တွေကြားမှာ မြုပ်ချည်ပေါ်ချည်။
နေ့စေ့လစေ့ ကိုယ်ဝန်နှင့် လေးလံပန်းလျကာ နားထင်တွေ ကျနေပြီဖြစ်သော မယားသည် အေးမူရဲ့ မျက်နှာ။
ကိုယ်ဝန် ကို တအင့်အင့် သယ်ပိုးရင်း နှင်းဆီခင်းတွေကြားမှာ ပေါင်းသင်မြက်နုတ် တကုပ်ကုပ်နေမည့် အသွင် အလျာ။
“ဟိုတစ်နှစ်က လို ပိုးမကျအောင် ဂရုစိုက်ရမယ် အစ်ကိုရေ့၊ ပိုးသာ မကိုက်ဘူးဆိုရင် တအားပဲ။ အပင် တွေလည်း သန်မှသန်၊ ဖူးတံတွေကလည်း ထွက်မှထွက်၊ ဒီနှစ် တအားကိုပွင့်မှာ သိလား။ ဒါမှလည်းဖြစ် မှာ အစ်ကို၊ အေးမူက ပုစုခရုကလေး နှစ်ကောင်နဲ့ ဂျင်ခြေလည်ဦးမှာ၊ ဈေးဆိုင်ကို ဟုတ်တိပတ်တိ ကြည့်နိုင် ဦးမှာ မဟုတ်ဘူး၊ ဒီအတောအတွငး ပန်းခင်းလေးပဲ အားကိုး စားရမှာ”
ထက်သန် တက်ကြွလွန်းသော အေးမူအသံလွင်လွင်ကလေး ရင်ထဲမှာ ရိုက်ခတ်လာသည်။ ပန်းခင်း လေးပဲ အားကိုး စားရမှာဆိုသော စကားကို စောဒကမတက်ဝံ့။ မိမိ၏မဂ္ဂဇင်းက ခုတလော သိပ်အခြေ အနေ မကောင်းလှ။ ခုတလောဆိုသည်မှာ မိမိအယ်ဒီတာတစ်သက်၊ ဆယ်စုနှစ်ဝက်မက ကျော်ပြီလေ၊ မဂ္ဂဇင်းက ချည့်နဲ့နဲ့ မို့ မိမိအယ်ဒီတာလစာ ဆိုတာလည်း ထုတ်မပြောရဲအောင်ရှိသည်။ ကလေးနှစ် ယောက်ရှိသော အိမ်ထောင့်ဝန် ကို အေးမူက အိမ်ဆိုင်ကလေး တည်ကာ၊ ပန်းခင်းကလေး စိုက်ကာဖြင့် တစ်တပ်တစ်အား ဖြည့်ဆည်း ရှာ၍ တော်တော့သည်။
ဘယ်တော့ဖျက်ပြေးရမည်လဲဟု ရင်တမမ နေနေရသော ဂွတ္တလစ်နှင့် အနောက်ရန်ကင်းကြားက ကျူး ကျော်မြေကွက်ကျယ်ကြီးထဲမှာ ကိုလွင်ဦးတို့လင်မယားက ၀ါးအိမ်ကလေးတစ်လုံးနှင့် ဧက၀က်ခန့် နှင်းဆီခြံ ကို ပိုင်ဆိုင်ကြလေသည်။ သက်ဆိုင်ရာက မနှင်သေးသရွေ့တော့ အိမ်ပိုင်ရှင်၊ ခြံကြီးရှင်အဖြစ် ရင်တထိတ်ထိတ် လက်မထောင်နိုင်သည်။ အေးမူကတော့ ပိုက်ဆံကို ချွေနိုင်သမျှ ချွေပြီး စုနိုင်သ လောက် စုနေသည်။ သည်နေရာက ပြေးရလျှင် ကလေးလူမမည်တွေနှင့် ခွေးတိုးဝက်ဝင်ဖြစ်မည် စိုးရှာ သည်။ ရပ်ကွက် နုပ်နုပ် မှာ တဲစုတ်ကလေး တစ်ခြမ်းလောက် ငှားနေဖုိ့ပင် ထောင့်ဂဏန်းလောက် အနည်းဆုံး စပေါ်တင်ရမည် မဟုတ်လား။
ခုတလောတော့ အေးမူ ပိုက်ဆံအသုံး တော်တော်ရက်ရောနေလေသည်။
သည်လိုချည်းပါပဲ။
သည်မိန်းမ ကလေး တစ်ခါမွေးမည်ကြံတိုင်း နည်းနည်းတော့ ပုံကြီးချဲ့ချင်လေ့ရှိသည်။ မမွေးခင်က တည်း က စိတ်ကူးတွေတယဉ်ယဉ်နှင့် မွေးလာမည့်ကလေးအတွက် ကြိုတင်ပြင်ဆင်မှုတွေ အသေးစိတ် လုပ်မြဲ။ ဆေးရုံတက် မီးဖွားလျှင် တစ်ပါတည်းယူသွားဖို့ ပစ္စည်းတွေမှာ ကြိမ်ခြင်းတစ်လုံးနှင့် ကိုယ်ဝန် ခြောက်လကျော် လောက်ကတည်းက အသင့်ပြင်ပြီးသား။ ထိုခြင်းထဲမှာ သူ့အ၀တ်အစား သုံးစုံလောက်၊ ကလေး အနှီး၊ ကလေးအင်္ကျီ၊ ပလတ်စတစ် အိပ်ရာခင်း စသည့်အသုံးအဆောင်တွေကို ပလတ်စတစ် အိတ်အသီးသီး မှာ ပရုတ်လုံးတစ်ပါတည်းထည့်၍ မီးဖြင့် အသေပိတ်ထားပြီးသား။ အေးမူက အင်မတန် စေ့စပ် သေချာတာတော့ အမှန်ပင်။ ဆေးရုံမီးဖွားချိန်မှာ အရေးပေါ် သုံးရမည့် “ချုပ်ကြိုး”တို့၊ “ဆီ”တို့က အစ ပြည့်စုံအောင် ထည့်သွားလေ့ရှိသည်။
“ဒါတွေ ကိုယ့်မှာ မပြည့်စုံရင် မျက်နှာငယ်တယ် အစ်ကိုရေ့၊ မရှိ ရှိတာနဲ့အဖြစ် လုပ်ပေးလိုက်ရင်လည်း ကိုယ်ပဲ ခံရမှာ၊ အဲဒီတော့ ပိုပိုသာသာလေး ယူသွားရင် မျက်နှာရတယ်၊ ကလေး ရေချိုးဖို့ “ဆီ”ဆိုရင် ကုန်လှ ငါးကျပ်သားပေါ့၊ ဒါပေမဲ့ အေးမူက တစ်ဆယ်သားလောက် ထည့်သွားတာ၊ ပိုတော့ လှူပါတယ် ပေါ့ အစ်ကို ရာ၊ ချုပ်ကြိုးလည်း ဒီအတိုင်းပဲ၊ အေးမူက ဖာ့စပ်ရာတုန်းကတောင် တစ်ထုပ်ပဲ ကုန်တာ၊ ဒါပေမဲ့ နှစ်ထုပ် ၀ယ်ရမယ်၊ ပိုတဲ့ တစ်ထုပ် လှူတယ်ပေါ့၊ ဒါဆို အဆင်ပြေတာပဲ”
ဆယ်တန်း ကို ဘီနှင့်အောင်ခဲ့ဖူးသော အေးမူကသည်လိုပင် အင်္ဂလိပ်စကားလေး တစ်လုံးတလေ ကြား ညှပ်ပြောလေ့ ရှိသလို ကရုဏာ တစ်ဝက်တပျက်နှင့် ပြုံးရသေး၏။
မနက်ကတော့ ချုပ်ကြိုးကို လေးထုပ်ကြီးများတောင် ၀ယ်ခဲ့ဖို့ မှာသည်။
“သေချာပါတယ် အစ်ကိုရာ အမြွှာမှ အမြွှာပါ၊ အိုဂျီ က မတင်မကျ ပြောပေမဲ့ အေးမူ တပ်အပ်သိပါတယ်၊ ဗိုက်က တစ်ခါတစ်ခါမှာ နှစ်ခြမ်းကွဲသလို ဖြစ်နေပြီး ဘယ်ရောညာရော နှစ်ဖက်စလုံးက အမြဲလိုလှုပ်နေ တာ အစ်ကိုရဲ့၊ အို… လွယ်ထားရတာကိုက အသိသာကြီး၊ နှစ်ယောက်ပါ၊ ဗိုက်ခွဲချင် ခွဲရမှာ၊ အနည်း ဆုံး ချုပ်ရိုးကတော့ များမှာပဲ”
အေးမူ သွေးအေးအေးနှင့် အသေးစိတ်ပြောနိုင်သလောက် ကိုလွင်ဦးမှာ တွန့်၍ တွန့်၍ သွားသည်။
“ဘာပဲဖြစ်ဖြစ် အေးမူတော့ သိပ်အားရတာပဲ၊ ခု သားတစ်ယောက်၊ သမီးတစ်ယောက် ရထားတာ နောက်ထပ် သားတစ်ယောက် သမီးတစ်ယောက်လိုချင်နေတာ၊ အမြွှာမောင်နှမမွေးလိုက်ရင် တစ်ကြိမ် တည်း ပြည့်စုံသွားပြီပေါ့”
ကိုလွင်ဦးသည် အနည်းငယ် စိတ်ရှုပ်သယောင်ရှိကာ အေးမူနှင့်အတူ ရောပြီး မတက်ကြွနိုင်။
လက်ရှိ ကလေးနှစ်ယောက်နဲ့တောင် ဗြောင်းဆန်နေတာ နောက်နှစ်ကောင်သာ တစ်ပြိုင်နက်တည်း ပူး လာရင်တော့ ထိပ်မွေးမှ ကျန်ပါတော့မလားဟု တစ်ခြမ်းလိုက်၍ ပြောစပြုနေသော နဖူးပြင်ကို ယောင် ပွတ်မိသည်။
သို့သော် မိုးလင်းလျှင် အိမ်ကထွက်ဖို့သာစိတ်စောနေတတ်ပြီး နေ၀င်မှအိမ်ပြန်လေ့ရှိသော စာပေလော ကသား ကိုလွင်ဦးမှာ သားသမီးတွေနှင့် နေချိန်ရယ်လို့ တယ်မရှိလှ။ ကလေးထိန်းရသည်ရယ်လို့ မကြုံ ဖူးသလောက်ပင်။ သာမန်ချီရုံပိုးရုံ စတိလောက်မို့ ကလေးနှစ်ယောက်အဖေရယ်လို့ အမည်ခံနိုင်ရုံမျှ သော မိမိအနေအထားကို ရုတ်ခြည်းသတိရကာ နဖူးပြင် အရေးအကြောင်းတွေ ချက်ချင်းလျော့ပြေ သွားသည်။
မြက်နုတ် ပေါင်းသင်ရင်း၊ နှင်းဆီဆူးတွေ တဖောက်ဖောက် အစူးခံရင်း အိမ်ဆိုင်ကလေးတစ်ဖက်နှင့် ယောက်ယက်ခတ်ရှာသော မယားသည်အေးမူကို သနားလည်းသနား၊ ကျေးဇူးလည်း တင်ချင်လာကာ-
“ဒီတစ်ခါ မွေးရင် အေးမူ ပင်ပန်းဦးတော့မှာပဲ၊ အိုဂျီကို ပြောပြပါလား၊ မွေးရင်း ဖွားရင်း တစ်ခါတည်း အပြီးသတ်လိုက်ရအောင်”
“ဟင်… အစ်ကိုကလည်း မွေးမှာက ဘာကလေးတွေထွက်လာမှန်းမှ မသိသေးဘဲနဲ့၊ ကျားကလေးချည်း ဆိုရင် သမီးကြီးအတွက် အဖော်လိုဦးမှာ၊ မ ကလေးတွေချည်း လာရင်လည်း အနည်းဆုံး သားတစ် ယောက် တော့ ထပ်ပြီး ယူကိုယူဦးမှာ၊ ပြီးတော့ အေးမူအသက်ကလည်း ၂၆ နှစ်ပဲရှိသေးတာကို၊ ဘယ် လိုလုပ်ပြီး တရားဝင်ပါ့မလဲလို့၊ ဘာလဲ အစ်ကိုက ကလေး“တောက်”နေပြီလား၊ ဒါဆိုရင်လည်း အေးမူ နေ့တိုင်း စားရတယ်ဆိုတဲ့ ဆေးကို စုံစမ်းပြီး ရှာဝယ်စားပါ့မယ်လေ၊ သိပ်ဈေးမကြီးဘူးတဲ့၊ ဒါပေမဲ့ အား နည်း တတ်တယ်၊ လူကို ထိခိုက်တယ် ဆိုသလားလို့၊ အင်းလေ… ထိချင်လည်း ထိပလေစေတော့၊ စတယ်ရယ် လိုက်ဇေးရှင်း တော့ မလုပ်ချင်သေးဘူး၊ အေးမူပဲ ဆေးတွေ ရှာစားပါ့မယ်”
တစ်သက်နှင့်တစ်ကိုယ် အေးမူရှေ့မှာ မနေတတ်၊ မထိုင်တတ် ရှက်တတ်တက်ကြီး ဖြစ်ခဲ့ရသည်။ ရိုးရိုး စင်းစင်းကြီး တွေး၍ တွေးရသလောက် ပြောချနေသော မယားသည်ကို မိမိသမာဓိက အမီမလိုက်နိုင်ပါ ကလား။
မိန်းမတို့သည် သားမွေးခြင်းကို မတင်းတိမ်နိုင်ဟု စကားဟောင်းတစ်ခု တွင်ရစ်ခြင်းမှာ အေးမူတစ် ယောက် အတွက်ပဲ ဖြစ်လိမ့်မည်။
ခုလည်း အမြွှာမွေးရမည်ကို နှင်းဆီပွင့်တွေ ကတ်ကြေးနှင့်ညှပ်ရသလို အားရတက်ကြွနေ၏။ ချုပ်ကြိုး တွေ၊ ဆေးဝါးသာမက ဖလန်နယ်စ အနီတစ်ကိုက်၊ အပြာတစ်ကိုက် မှာသေး၏။ သားနှင့် သမီးအတွက် နိမိတ် ယူသည့် သဘော။
“ဘလူး ဖော်ရေ ဘွိုင်းလေ အစ်ကိုရဲ့၊ အနီက သမီးအတွက်၊ ဆေးရုံကအဆင်းမှာ ထွေးဖို့၊ ဆောင်းဦး ပေါက်ပြီဆိုတော့ ချမ်းပြီလေ၊ အရောင် ရအောင်သာ ရှာခဲ့နော် အစ်ကို၊ ဈေးများချင် များပါစေ”
သို့ဖြင့် အေးမူ ထည့်ပေးလိုက်သော ဈေးဖိုးငွေ ၁၅၀ ကြီးများတောင် အိတ်ကပ်ထဲမှာ ပါခဲ့သည်။
ခုတော့… မနက်က မြနှင်းဆီထံမှ ဖုန်းရသည်။
ဆယ်နှစ်တာအတွင်း ပထမဆုံးအကြိမ် ဖုန်းခေါ်ခြင်း။
“စကားပြောချင်လို့ပါ မောင်၊ မြအဖုိ့ရာ ဘက်တူရည်တူ ဘာသာစကားတူတဲ့ လူရယ်လို့ အနီးစပ်ဆုံး မောင် တစ်ယောက်ပဲရှိလို့ပါ၊ နာရီပိုင်းလောက် မောင့်သားမယားတွေဆီက တရားသဖြင့် အခွင့်အရေး ယူပါရစေ”
လမ်းခွဲခဲ့ကြပြီဆိုကတည်းက အဝေးမြင်၊ အဝေးကြည့်၊ အဝေးသိဖြင့် ခပ်ခွာခွာနေလာခဲ့သော အချစ် ဟောင်း၊ မြနှင်းဆီနှင့်ပတ်သက်၍ မျက်စိထဲ၊ နားထဲဝင်လာသမျှ အမြင်အကြားတွေကို ရင်တွင်းတစ်နေ ရာမှာပဲ သိုသိပ် သိမ်းဆည်းခဲ့သည်။ ညှိနှိုင်းစေ့စပ်၍ မရလောက်အောင် ဘ၀ချင်း အဟပ်ကွာခဲ့ပြီကို နားလည် ခဲ့ပြီးမို့ ကိုလွင်ဦးအဖို့တော့ ဘာတစ်ခုမှ စကားဆိုစရာ မရှိတော့ပါ။
ဟိုတုန်းကတော့ ကိုလွင်ဦးလောက် မြနှင်းဆီကို စကားပြောနိုင်သူမရှိဟု ထင်သည်။ ငယ်ငယ်ရွယ်ရွယ် အယ်ဒီတာပေါက်စဘ၀မှာ မိန်းကလေးများစွာနှင့် တရင်းတနှီး ဆက်ဆံရဖူးသည်။ သို့သော် မိန်းက လေးတွေကို ပန်းနှင့် ဥပမာတင်စားရမည်ဆိုလျှင် မြနှင်းဆီသာ ပန်းများတကာ့ တရာ့ဖျား။
တစ်ခု ထူးခြားသည်မှာ မြနှင်းဆီဆိုသောပန်းကလေးကို လမ်းဘေးက သေးနုပ်စုတ်ချာသော လက်ဖက် ရည်ဆိုင်တစ်ဆိုင်မှာ စတင် တွေ့ခဲ့ရခြင်းဖြစ်လေသည်။ တစ်စားပွဲတည်း အတူတူထိုင်နေသော သူငယ် ချင်းတွေက မိမိကို လှမ်းခေါ်ပြီး မိတ်ဆက်ပေးသည်။
“မြောက်ပြန်လေစာအုပ်မှာ ကဗျာခံစားခြင်းဆောင်းပါး ရေးတဲ့ မြနှင်းဆီလေ”
သည်တုန်းက “မြောက်ပြန်လေ”ကြော့ကြမ်းသော့သွမ်းဆဲ ကာလ။ စာပေအနုပညာ ဝေဖန်ဆောင်းပါး များ စုပေါင်းထုတ်ဝေသော ထို“မြောက်ပြန်လေ”ကို စာပေလောကသားပီပီ စိတ်ဝင်စားနေသည်။
ထို စာအုပ်ထဲမှာ မြနှင်းဆီ၏ရှတသော ကဗျာခံစားချက် ဆောင်းပါးက ထူးထူးခြားခြား လှုပ်ခတ်သည်။ သဘောကျ ကြိုဆိုသူတွေရှိသလို ကန့်ကွက်ငြိုငြင်သော အသံများ ညိုးညိုးညံညံကြားရသည်။ ဘာပဲ ဖြစ်ဖြစ် သမားရိုးကျထဲက ခွဲထွက်ပြီး ထွင်းဖောက်ခံစားတတ်သော “မိန်းကလေးမို့” မြနှင်းဆီဆိုတာ ဘယ်လို များပါလိမ့်လို့ သိချင်စိတ် ပေါ်ဖူးသည်တော့ အမှန်ပင်။
စားပွဲတစ်ဝိုင်းတည်းမှာ အတူထိုင်ကြရင်း မြနှင်းဆီကို တိတ်ဆိတ်စွာ လေ့လာနေမိ၏။ တစ်နည်းအား ဖြင့် မြနှင်းဆီတည်းဟူသော “သက်ရှိစာအုပ်”ကို စိတ်ဝင်တစား ဖတ်ရှုနေခြင်းဟုလည်း ဆိုနိုင်သည်။
ကျန်းမာခြင်းအရင်းခံကြောင့် တစ်မူထူးခြား ကြည်စင်လတ်ဆတ်နေသော အသွင်အလျာကို ရုတ်ခြည်း မြင်သာသည်။ ကျယ်ပြန့်သော မဟာနဖူး၊ စူးလက်သော မျက်လုံး၊ သာမန်ထက် ပေါ်လွင်သော နှာတံ၊ ကြော့ရှင်းရှည်သွယ်သော လည်တိုင်တို့က မြနှင်းဆီ၏အတွင်းသဘော မာကျော်ခိုင်မြဲမှုနှင့် ပွင့်လင်း လွတ်လပ်မှု တို့ကို ပြနေသည် ထင်၏။
သဘာဝ မျက်နှာ ကို ဆံနွယ်နက်မှောင်တွေက ဘောင်ကြက်ထားသဖြင့် အသက်ထက် ပိုမိုပျိုပျစ်နေ သော မြနှင်းဆီ က လက်ဖက်ရည် ချိုပေါ့ကျတစ်ခွက် ထပ်မှာပြီး သောက်သည်။ သူ့ရှေ့မှာလည်း သောက်ပြီးသား ပန်းကန်နှစ်စုံ မသိမ်းရသေး။
တခြားအပေါင်းအသင်းတွေကတော့ ဘာမှမဆန်းသလို “နှင်းဆီဆေးပေါ့လိပ်”ကိုယ်စီ ခဲနေကြသည်။ မြနှင်းဆီနှင့် အနီးဆုံးယှဉ်လျက် ထိုင်နေသော ဖြူဖြူပုပုကလေး မျက်နှာပိုင်ရှင် ဝေလုက ကြည်အေး၏ ဆရာဝန်ဘ၀ အတွေ့အကြုံ ခံစားချက် ကဗျာရည်တစ်ပုဒ်ကို ရွတ်ပြနေလေသည်။
လူနာ့ပစ္စည်း၊ သိမ်းရဆည်းရ
နောက်မြီးပါးရှပ်၊ ခုံဖိနပ်တစ်ရန်
လက်ပြတ်စွပ်ကျယ်၊ လည်ပြဲတစ်ထည်
ချည်ကြမ်းလုံချည်၊ နီညိုတစ်ကွင်း
ပြာစင်းတဘက်၊ မျက်နှာသုတ်ပ၀ါ
ခေါင်းပေါင်းလာသည်
လက်မှာဆုပ်ကျစ်
ဝတ်ညစ်ထုပ်ပတ်
ကျပ်တန်နှစ်ရွက်
အကြွေဖျက်ထား
ဆယ်ပြားစေ့ “လေး”
ဆေးပေါ့လိပ် “နှစ်”
မီးခြစ် “တစ်”။
နားထဲ ဖိတ်တစ်ဝက် စင်တစ်ဝက် ၀င်လာနေသော ကဗျာဆရာ ဝေလုအသံကို တ၀ီဝီဖြတ်သန်းပြေး လွှားနေသည့် ကားသံကြားက နားစွင့်နေဆဲ မျက်လုံးမှေးမှေး၊ နားရွက်သေးသေး၊ နှုတ်ခမ်းတွဲတွဲ ကျော်ခိုင် က မျက်စိတစ်ဖက် မှိတ်ပြလေသည်။ ပြီး ကိုလွင်ဦး နားနားကပ်ကာ…
“ဒါလေးက အဲသလို စိတ်ကတော့ ရှည်ရတာပေါ့ဗျာ”
အမှတ်မထင် ထောင်းခနဲ ထွက်သွားသော ဒေါသကို မနည်းကြီး ပြန်ထိန်းလိုက်ရသည်။
မြနှင်းဆီ ဆိုသော မိန်းကလေးကိုသာမက ဝေလုကိုရော မိမိတို့တစ်ဝိုင်းလုံးပါ ထိခိုက်စေသောစကား။ ဒီကောင် ၀ိုင်းထဲပါနေတာကိုက ကျက်သရေယုတ်လှသည်။ စရိုက် မတူသူကို လူရာသွင်းမိသည်ကိုက မိမိတို့အမှား။ စာသမားမဟုတ်သော်လည်း ဒီကောင်လို ရူးကြောင်ကြောင်စာပေပွဲစားတွေက ခုလို ၀ိုင်း တွေထဲ စုန်းပြူး ပါတတ်သည်။
ထို့အတူ ရှဲဒိုးရေးပေးနေရသလိုလို၊ ဒီလူ့စာအုပ် ဖြစ်မြောက်ရေးအတွက် အကျိုးဆောင်ပေးနေရသလို လို၊ ဟို စာအုပ်တိုက် အတွက် စာမူ လိုက်စုပေးနေရသလိုလို၊ ဒီစာရေးဆရာ၏ ကိုယ်ရေးလက်ထောက် လိုလို။
ပြီးတော့ ဘယ်မိန်းကလေးကိုမှ လေးစားထိုက်တယ် မထင်၊ မိန်းမမြင်လျှင် ရုန့်ရင်းရိုင်းစိုင်းသော စိတ်ကူးသာ ပေါ်လေ့ရှိသူ။
မြနှင်းဆီ ကို ပိုပြီးကရုဏာသက်မိသည်။ ကိုယ့်နှမလေးသာဖြစ်လျှင် သည်လိုကောင်စားတွေ ပါလာ တတ် သည့် လမ်းဘေးလက်ဖက်ရည်ဆိုင်မှာ မထိုင်စေရပါဘူး။
မြနှင်းဆီကတော့ မသိသား ဆိုးရွားစွာ၊ သို့မဟုတ် ယုံကြည်စိတ်ချစွာ ချိုပေါ့ကျ လက်ဖက်ရည်ကို အေး ဆေးစွာ တစ်ခွက်ပြီးတစ်ခွက် မှာသောက်ရင်း “ကဗျာလေ”ကို လွတ်လပ်စွာ ရှူရှိုက်နေသည်။
“ကြည်အေး ကို ကျွန်တော် ရိုသေမြတ်နိုးတာ အဲဒါမျိုးတွေအတွက်ပါပဲ မြနှင်းဆီ၊ ခင်ဗျားတို့က တစ်ခါ လာလည်း ညကြီးမင်းကြီး ထပြီး ထိုင်နေ တစေ၊္ဆ တစ်ခါလာလည်း မီ…”
ကိုလွင်ဦးလည်း မွေးညင်းနုများ ထောင်ထမတတ် ခေါင်းနပန်းကြီးသွား၏။ ဝေလုသည်လည်းကောင်း၊ မြနှင်းဆီသည်လည်းကောင်း တစ်စုံတစ်ရာအတွက် ပဋိပက္ခ ပြင်းထန်နေသော သူတို့မျက်လုံးတွေ စူးစူး လက်နေသည်။ အရိုင်းစိတ်၊ မိစ္ဆာစိတ်တွေ ဘယ်လို ကပ်ငြိနိုင်ပါမလဲ။ ကျော်ခိုင်နှင့် ခွေးခြေခုံချင်း ခွာ လိုက်ကာ ဝေလုအနား တိုးထိုင်ပြီး ရေနွေးကြမ်းတွေ လိုက်ငှဲ့ပေးနေလိုက်သည်။
မြနှင်းဆီက မိမိဘက် တစ်ချက်ဝေ့ကြည့်ကာ-
“ဒီဆောင်းပါး တစ်ပုဒ်တည်းနဲ့ မြနှင်းဆီရဲ့ခံစားချက်တွေ ကုန်ခန်းသွားပြီလို့ ကိုဝေလု ထင်ပါသလား၊ ပြောဦးမှာပါ၊ ဆက်ရေးဦးမှာပါ၊ မြနှင်းဆီက ဒီတစ်ပုဒ်ပဲ ရေးပြီး မနက်ဖြန် သေသွားတာမှ မဟုတ်ဘဲ၊ တစ်ခုတော့ ရှိတယ်၊ “တစ္ဆေ”နဲ့ မြနှင်းဆီ နှလုံးခုန်နေတာ အမှန်ပဲ၊ “နွမ်းလျအိမ်ပြန်”နဲ့ “မီ”နဲ့ အသက်ရှူ မြန်နေတာလည်း အမှန်ပဲ၊ အဲဒီအတွက်တော့ ရှင်နဲ့ ကွဲလွဲနေမှာပဲလေ၊ ဒါဟာ မြနှင်းဆီပဲကိုး ကိုဝေလု ရဲ့၊ ဝေလု မဟုတ်တဲ့ မြနှင်းဆီကိုး”
မြနှင်းဆီ… မြနှင်းဆီဟု ရင်ထဲက မြည်တမ်းရင်း သဘောပေါက်စပြုသည်။ သူ့ကိုယ်သူ ယုံကြည်မြဲမြံ သော၊ သူ့ကိုယ်သူ တာဝန်ယူတတ်သော မိန်းကလေးမို့ ပိုပြီးစိတ်ဝင်တစား လေးစားမိသည်။ သို့သော် ကျော်ခိုင်လို ကောင်စားတွေက အများကြီး။
ရှပ်လက်ရှည်ဖားလျားနှင့် ကချင်လွတ်အိတ်ကို စလွယ်သိုင်းလွယ်ထားသော ထိုမိန်းကလေးကို သည့် ထက်ပိုပြီး နားလည်အောင် ကြိုးစားကြည့်ချင်စိတ် တဖွားဖွားပေါ်သည်။ သို့ဖြင့် မြနှင်းဆီ ရှိတတ်သော နေရာတွေကို အရောက်အပေါက် များလာရာက တစစ ရင်းနှီးခဲ့ရလေသည်။
တစ်ခါတစ်ရံ တစ်ကျပ်ခွဲတန်းက တစ်ယောက်တည်း ရုပ်ရှင်ကြည့်တတ်သော မြနှင်းဆီကို စိတ်ပူပန်စွာ ရုံပေါက်ဝက စောင့်ဖူးသည်။ လက်ဖက်ရည်ဆိုင်မှာ ကျော်ခိုင်လိုကောင်စားတွေနှင့် ၀ိုင်းဖွဲ့နေတာ တွေ့ ပြန်တော့ ကြံကြံဖန်ဖန် ရမယ်ရှာပြီး ခွဲထုတ်မိသည်။ မြနှင်းဆီ လွတ်လပ်ပွင့်လင်းပုံကို သဘောကျသော် လည်း အတင့်မရဲသင့်ဟု ဝေဖန်မိသည်။
“မြ မအပါဘူး ကိုလွင်ဦးရဲ့၊ မြ သူတို့အားလုံးကို သဘောပေါက်ပါတယ်၊ တချို့ကသာ မြကို သဘောမ ပေါက်ကြတာပါ၊ ဒါလည်း မတတ်နိုင်ဘူးလေ”
“ဘာလို့မတတ်နိုင်ရတာလဲ၊ ဥပမာ တွေ့ကရာ ကောင်တွေနဲ့ လျှောက်မသွားဘဲ ဘာလို့မနေနိုင်ရမလဲ၊ လက်ဖက်ရည်ဆိုင် မထိုင်ဘဲ ဘာလို့ မနေနိုင်ရမလဲ”
ပိုင်စိုးသောလေသံဖြင့် ဆူပူမိသလို ရှိသည်ကို မြနှင်းဆီက မကန့်ကွက်ချေ။ ကလေးလို ပွင့်လင်းစွာ ရယ်မော ရင်း-
“မြက လက်ဖက်ရည် ကြိုက်တာကိုး ကိုလွင်ဦးရဲ့၊ အိမ်က ပို့တဲ့ပိုက်ဆံမလောက်ရင် ထမင်းမစားဘဲ လက်ဖက်ရည်ပဲ လနဲ့ချီ သောက်နေတာ ဘယ်သူမှမသိကြလို့”
“အို… ဟုတ်လား”ဟု မြ၏အထက်တန်းကျကျ ၀တ်စားဆင်ယင်ထားသော အသွင်အလျာကို ခြေဆုံး ခေါင်းဖျား အကဲခတ်ရင်း မယုံသလို မေးသည်။
“စာမေးပွဲကို တစ်တန်း နှစ်နှစ်နှုန်းနဲ့ အောင်နေတော့ အိမ်ကလည်း မကြည်ဖြူလှဘူး ကိုလွင်ဦးရဲ့၊ တစ် လ ငါးရာထက် ပိုတောင်းလို့မရဘူး။ အပြင်ဆောင်နေရတော့လည်း စရိတ်စက ပိုများတယ်လေ၊ ၀တ္ထု၊ မဂ္ဂဇင်းလေး တွေကလည်း ၀ယ်ချင်သေးတော့ ပိုက်ဆံလောက်ငအောင် ထမင်းနပ်ကျော် စားပြီး လက် ဖက်ရည် ဖိသောက်ရင်း စွဲသွားတာ၊ ပြီးတော့ လက်ဖက်ရည်ဆိုင်မှာ အပေါင်းအသင်းတွေနဲ့ စကားပြော လို့လည်း ကောင်းတယ် မဟုတ်လား၊ ယုံကြည်ချက်ချင်း၊ ပန်းတိုင်ချင်း ကွဲလွဲတောင် အနုပညာဘာသာ စကား တူနေတာကိုး”
“မဟုတ်သေးပါဘူး မြရာ၊ တကယ်တော့ မြက မိန်းကလေးပဲဟာ၊ ဟိုတွေ့ ဒီတွေ့ သိပ်တွေ့နေရတော့ မဟုတ်သေးပါဘူး”
“ဘာလဲ ကိုလွင်ဦးက မြကို မိန်းကလေးလို့ပဲ မြင်တယ်ပေါ့၊ ဟုတ်လား”
သူ ဒေါပွလေသည်။ မိန်းကလေးအမူအရာ အပြည့်ဖြင့် နှုတ်လှန်ထိုးဟန်ကို ချစ်စနိုး ပြုံးကြည့်ရင်း-
“မမြင်ပါဘူး၊ မြဟာ စာပေသမားပါ၊ လေးစားလောက်တဲ့ စာဖတ်သူ၊ တစ်ခါတစ်ရံ စူးရှထက်မြက်တဲ့ စာပေစံစားမှုဆောင်းပါး တစ်ပုဒ်စ နှစ်ပုဒ်စ ရေးလေ့ရှိသူ၊ ကျွန်တော် နားလည်တာပေါ့ မြရယ်၊ ဘာဖြစ် ဖြစ် မြကကော မိန်းကလေးဆိုတဲ့အဖြစ်ကို ဖျောက်ပစ်လို့ရမယ် ထင်လို့လား၊ ပြီးတော့ ဟိုဟိုဒီဒီ လမ်းမ သလား တဲ့ စာသမား မိန်းကလေးတွေ အများကြီးရှိတာပဲ၊ ကျစ်လျစ်သိုသိပ်တယ် ဆိုတာ မိန်းကလေး တွေအတွက်…”
( ဇာတ်သိမ်းဆက်ရန်) ⬇⬇⬇
{ ရွှေဇင်ဦးဘလော့ဂ်မှ ကူးယူပါသည်။ဘလော့ဂ်အား ကျေးဇူးတင်ပါသည်။ }
No comments:
Post a Comment